اعترفتلـــه بكل شـــي >>

[مملكة الانوثه]

الســـلام عليــك ...
:eh_s(17):
اولا : اشكر كل عضوات هالقسم المميز
بصراحه اول ماتجيني مشكله او احتار في امر على طوول افتح منتدى كويتيات وانا مغمضه
يعطيكم العافيه :eh_s(7):


ثانيا : انا مثل ماقلتلكم مالجه قبل فتره وعرسي قريب ان شاءالله
الله يتمم علينا يارب:yaaaaaarb:

مطلقه من فتره وعندي ولد
وزوجي ماخذته عقب علاقة حـب.؟المهم

شخصينة زوجي طيب حيل ويحس فيني حييييل ويعرف كل شي عني اللي يضاايقني واللي مايرضيني واللي مااحبه كله يعرفه
وانا بعد كل شي اعرفه عنه
؟؟


موضوعي ماابي اسميها مشكلتي لاني مااشوفها مشـكله

قبل الخطبه
كلمته ؟؟؟

وفتحتله قلبي كــله واهو بعد

قلت فلان؟؟؟؟
انا بقولك كل شي؟؟؟
انا تطلقت لان زوجي يخوني مع خداماتي؟؟
تطلقت لان زوجي مايحس فيني؟؟ولا بولده؟؟
تطلقت لانه يطقني لدرجة انه يطفي زقارته بفخذي؟؟

وتكلمت حيييييل وانا ابجي؟؟

مادري شلون قلت كل هالحجي حسيت حيل كنت مخنووووقه وانفجررررت حيل


وقلت شنوو اللي يضايقني وقلت اذا انت ماراح تسعدني انا مو مجبوره اتعذب مره 2




قلت ترا اهلي كارهينه حيل <<طليقي ولد عمي

واخواني وابوي كل ماجالهم قبل يسبونه ويقولون غثيث لاني انا طلعت كل اللي يسويه فيني وكرهووه

انا احبك انت انت عوضتني وعطيتني كل شي اتمناه ماقصرت معاي بشي؟

ابي اعيش معاك عمر ثاني
ابي انسى قبل كله بشيله من بالي
ابي احس اني اول مره بحياتي اتزوج
حياتي قبل كانت كلها ذل وسب وطق




عقب قالي انا مابيج تتكلمين عنه كلش مهما كانت الاسباب ؟
انا اول رجل يدش حياتج وادري انج تكرهينه ؟
انا بحفظ ولدج عندي
ابيج تنسين انج كنتي متزوجه ابيج تفتحين صفحه جديده من عمرج
وقالي كلااااااااااام حلووو حيل
5 سنوات اعرفه وملجنا واهله زاروني والحمدالله عجبتهم وكانوا حيل حبوبين
وامه كانت تدري بعلاقتي مع ولدها ومستانسه مني الحمدالله



بنات انا سمعت بكلام هني انه المطلقه ماتتكلم عن طليقها عند زوجها كلش؟؟؟
انا الحين مالجه صارلي سنه ماجاب طاري شي
والحمدالله امورنا زينه ويعاملني كأني اول زواج لي
ومهتم بولدي حيل
ومعووضني حيل


واعترفتله لان مابيه يذكرني عنه او يسألني لما اكون عنده لاني اتضااايق
وعلى فكره اهوا بعد كان خاطب وفل عن خطيبته وقااالي كل شي عنها

ولما بدريت بأعترافي كانت جلسةة صراحه ببينا وانا تقبلت كل شرووطه وكلامه واللي يضايقه واهوا تقبل بعد هالشي مني




هل اللي سويته صح او غلط؟؟؟؟؟

 

[الأميرة الحزينة]

لأ ما اشوف انج غلطتي بشي:eh_s(10): بالعكس خليه يعرف انج عانيتي بحياتج عشان يعوضج عن اللي شفتيه ... انا ضد ان الوحدة تذم بأهلها امها او ابوها او اخوانها وخواتها جدام ريلها مهما كانت عيوبهم
بس ريلج الأولي مافيها شي ان تكلمتي عنه واللي سواه موشويه:eh_s(11): حمدلله الله عوضج وان شالله يتمم عليج حبيبتي .. موفقه :yaaaaaarb:

 

[مضاوي 75]

طبعا صح

علشان تبدون حياه جديده ومافيها اي شي مخشا

الحين هو عارف كل شي ومو محتاج انه يسالج او حتى تراوده اي فكره عن زوجج السابق

وانت بعد عارفه كل شي عنه

وفعلا مثل ماقال تبدون حياه جديده واعتبريه فعلا هو اول زوج بحياتج وانتبهي تيبين طاري طليقج ولو بكلمه خلاص اعتبريه ماضي وانتهى

ربي يسهل عليج ويسعدج ويسخره لج ويعوضج فيه خير يارب

 

[zaina alotibi]

رد : اعترفتلـــه بكل شـــي >>

بالعكس ما آشوفج تصرفج فيه شي غلط بالعكس دليل انج بتبتدين حياتج بوضوح ........
بس هم راعي شعوره انه الحين زوجج فلا تتكلمين وايد عن زوجج حتى لو من باب الفضفضة الماضي المر خلاص انتهى وهذا زوجج الحين يعني بداية حياة جديدة .

الله يعوضج ويسعدج

 

[انوثة من حرير]

رد : اعترفتلـــه بكل شـــي >>

اختي انتي صارحتية بكل شي بس ما انصحج انج تجيبين طاري طليقج عندة مرة ثانية خلاص انسية وانسي الحياة الي عشتيها معاه الحياة مثل الكتاب تجدد اوراقة انتي الحين عيشي حياتج معاة بكل حالتها واسعدي عمرج بنفسج تمتعي بدنيتج بالي يرضي ربج

 

[latefah]

رد : اعترفتلـــه بكل شـــي >>

وااايد صح و واايد زيين و واايد عفيه علييج
و ماشاء الله عليكم الله يهديكم حق يعض مبين عليكم ناس متفهمه
و مافيها شي انج تقوليين الي في قلبج واايد شي حلو و عادي
و الزوااج بدايته تفاهم
الحيين اذل طلبتي خدامه و دقو عليج المكتب تعالي خذيها ؟؟ تخليين احد مثل لغتها يتفاهم معاها
و خري وساوس الشيطان عنج و ذكري رب العالمين و ماكو غير العافيه ان شاء الله

 

[pure.pearl]

عورتي قلبي حييييييييييييييييييييييييييل
انت مو غلطاااانه انت كنت مخصوووووووووووووووووصة وفيج عبرة يعني فضفضتي لانسسسسسسسسسسسسان حس فيج الله يحرسج من كل عين واحفظي نفسج وبييييتج وريلج
الله يسعدج ويسر حالج وفرح اييييييمج امين ومبرووووووووك اعزمينة على العرس

 

[$حبيبة عبودي$]

اشوفج انج غلطتي ليتج ماقلتي انه يطق انتي صغرتي من نفسج جدامه ليتج ماعترفتي بس خلاص
قلتي كل شي رقعيها انه اهلج من درو باللي يسويه وياج انهبلو كلهم فزعولي قولي اخواني ابوي مايرضون علي نتفه
ابدي رفعي نفسج جدامه ..عشان يحطلج قيمه ..

 

[Petite]

تصرفج عين العقل

الله يوفقج ويهنيج يارب

 

[عاشقة_الجمال]

انا بعد ما اوافقج الراي انج قلتي له ان يطقج وباللي كان يسووي فيج

ولازم تبينن له ان اهلج ما رضووا عليج عشان جذي طلقوووج منه

عشان لا يحط في باله ان عادي ومثل ما تحملتي الاول راح تتحملين الثاني

وخلاص طاري ريلج الاولي اقطعيييييييييييييييييييييييييييه لا تييبنه كلش

 

[• JoJo •]

رد : اعترفتلـــه بكل شـــي >>

الله يوفقك ويعوضك خير وعسى حياتك الجديدة كلها فرح وسعاده يارب

والي سويتيه بالعكس ماكان غلط لو اي وحده ثانية بتسوي نفس الي سويتيه وهذا من حقك والحلو بالموضوع الصراحه كل واحد فيكم كان صريح والاحلى التفاهم عسى ربي يوفقكم ويخليكم لبعض

 

[خفايا الروح]

,



خلاص هو عرف بمعاناتج قبل لا تجيبين سيرة طليقج مره 2 قدامه احس ماله داعي ويمكن هالشي يضايقه ..

بس فيه شي لفت نظري انت تعرفينه من 5 سنوات و ذكرتي بموضوع ان عمرج 20 يعني من كان عمرج 15 تعرفينه ..!!!

 

[مناير ...!]

رد : اعترفتلـــه بكل شـــي >>

صح والله يوفقج

 

[سيماا]

رد : اعترفتلـــه بكل شـــي >>

الله يوفقك

 

[al-musk]

بالعكس انتي حطيتي النقط على الحروف وان شاء الله يطلع كفو واعتقد سنة كامله ملجه قدرتي تميزين انه شخص زين وينشد فيه الظهر والله يوفقج ويتمم عليج

 

[مملكة الانوثه]

رد : اعترفتلـــه بكل شـــي >>

مشكورين الله يجزاكم خير
وانا تطلقت وعمري 20

 

[جوك احلى جو]

الله يوفقج يارب معاه وان شاءالله بدايه يديده وسعيده باذن الله وانسي اللي فات لان اللي فات مات وماراح يرجع وذاك له يوم ويتحاسب علي فعلته عند ربه

 

[sweet dashttya]

رد : اعترفتلـــه بكل شـــي >>

ما غلطتي ولا شي

 

[مملكة الانوثه]

رد : اعترفتلـــه بكل شـــي >>

اجل ليش يوم قلت بعض البنات انه قلتله كل شي قالوا غلطااانه وليييييييييييييش؟؟
تخرعت انا مقتنعه حيل باللي سويته


منووورين بنات

 

[بنوتة باباها]

لأ ما اشوف انج غلطتي بشي:eh_s(10): بالعكس خليه يعرف انج عانيتي بحياتج عشان يعوضج عن اللي شفتيه ... انا ضد ان الوحدة تذم بأهلها امها او ابوها او اخوانها وخواتها جدام ريلها مهما كانت عيوبهم
بس ريلج الأولي مافيها شي ان تكلمتي عنه واللي سواه موشويه:eh_s(11): حمدلله الله عوضج وان شالله يتمم عليج حبيبتي .. موفقه :yaaaaaarb:

معاها :eh_s(15):