اعترفتلـــه بكل شـــي >>

[classicyah]

رد : اعترفتلـــه بكل شـــي >>

مب كل شي يقولونه البنآت صح ،

بالنهآيه هو يعتمد على شخصية الريـآل . .

و وآضح انه شخصية ريلج مب من النوع الي يعآير مستقبلآً أو يآخذ فكره انه مآ ورآج أهل ،

يكفي انه طليقج كآن ولد عمج ، و اتطلقتي ، و مآ انجبرتي تصبرين عليه ، !

هذي روحهآ رسآله . .

بالعكس ، الي سويتيه صح في حآلة زوجج . .

و لآ يشغلج هالموضوع ،

الله يهنيج و يسعدج في حيآتج . .

 

[[[ عيون جابر ]]]

لا حبيبتي ما غلطتي بشي بس دام طلعتي الي بقلبج واهو طلع الي بقلبه هالموضوع انسيه وفتحي صفحه يديده مع زوجج وعسى الله يهنيج ويسعدج يارب

 

[حشمه]

انتي تعرفينه اكثر منه

في رياييل ياخذون هالكلام وينسونه

وان شالله اهو منهم ويعيشج ملكه ويداريج

وفي العكس ممكن ياخذ هالنقطه ضدج والله اعلم

 

[للزين هيبه]

مادري انا اشوف صح اللي سوييتيه

يالتوفيق

 

[FeShinGoOo]

حبيبتي الي سويتيه غلط بس ميخالف لاتعيدينها مره ثانيه اهو ماخذج وعارف وضعج انج امطلقه وعندج ولد وماسألج عن طليقج اكيد مايبي يعرف واكيد يبي يتحاشى انه يعرف لو يبي جان فتحلج محضر من الاسئله بس واضح الريال فاهم وعقله كبير ويبي يستقر

اولشي هالشغله بتحسسه انج ذاكره طليقج حتى لو بالسوء بيحس انج مو ناسيته ومافي ريال يحب مرته تذكر ماضيها مع غيره حتى لو كانت كارهته اهو يبي يعيش معاج حياة يديده ..

يبي يعيشج ويونسج وينسيج هذاك ..
اذا انتي عدتي هالسوالف صدقيني بيحس بصعوبه وبيحوشه وسواس انه مو قادر يونسج وانج مو مرتاحه ولا مستانسه بسبة الماضي الي حاس انج متعلقه فيه ..


خلي كل هالامور ورى ظهرج حتى لو اختنقتي وودج تتكلمين لاتيبين طاري هذاك

قوليله ابيك اتعوضني ابيك اتونسني ابيك اتحبني بس لا تقولينله هذاك كان يسوي فيني جذي وجذاك

الله يوفقج ياروحي

 

[وطن عمري]

رد: رد : اعترفتلـــه بكل شـــي >>

بالعكس اللي سويتيه عين الصح
وانا لو مكانج بسوي نفسج
والله يهنيج ويسخره لج يارب

 

[G!RLooNa]

لا زين تسوين واهم شي اثنينكم مرتاحين و بادين حياتكم انتوا الاثنين صفحه يديده محد خاش شي عالثاني و الله يعوضج بريلج عن اللي سواه فيه طليقج و الله يهنيكم و يسعدكم انشالله

 

[مذهــلــه]

عادي حبيبتي مااشوف فيها غلط عادي

ومااحس ان بين المرة وزوجها اي اسرار ... واتوقع شي طبيعي حتى لو ماانتي قلتيله اكيد اهو راح يسألج ليش تطلقتي ..أحسن انتي قلتيله اللي بقلبج ومافيها اي شي .. لاتسمعين كلام اي احد .. بس مثل ماقالج لاتييبين طاريه ابد

موفقة ان شاء الله

 

[Miss Chanel]

رد : اعترفتلـــه بكل شـــي >>

لا ماغلطتي

 

[nora al]

رد : اعترفتلـــه بكل شـــي >>

لاا حبيبتي مو غلطانه زين سوويتي

 

[Tutti-Frutti]

لا بالعكس ماشوفج غلطتي بشي
زين ما سويتي

عشان يعرف انتي ليش تطلقتي منه وشنو كان يسوي فيج
فـ كلامه لج يصير حجه عليه بعدين اذا لا سمح الله فكر يسوي فيج شي

بـ جذي حطيتي النقاط على الحروف على قوولتهم وراح يعرف من هالكلام حدوده وشلون يعاملج

الله يوفقج انشالله ويعووضج ويكون خير ابو حق ولدج

 

[حبيبه جاسم]

كل اللي سوويتيه عين العقل ’’

بس عندي شي صغير بقووله لج ’’

ان اذا تتززوجتي وتمم الله عليكم بخير ان شااء الله ’’’
ماتنطقين اااسم طليقج الساابق قداامه ابد ابد واعتبريه مااضي وطلع من حيااتج واانتهى خلاص وعمر المااضي ماايررجع’’

وخلي زوجج كل حياااتج ’’ وررربي يهنيكم,,

 

[ScarletteO'Hara]

حبيبتي مالج شغل بالبنات
اذا انتي مقتنعة بالي سويتيه و حسيتي براحة طنشي بالي يقول لج الي سويتيه غلط

 

[دلوعة حمني]

الحمدلله انه عوضج بهالريال الطيب...
انت شكيتيله و هو سمع و قاعد يعوضج و يحس فيج....
المهم الحين انج تسمعين كلامه و ما تجيبين طاري طليقج كلش....
الله يهنيكم في حياتكم... و يخليلج زوجج و ولدج

 

[^^المهره^^]

الله يوفقج ان شالله

 

[غدووور الكويت]

تصرفج سليم والله يعوضج يااارب

 

[جيرمني كيك]

رد : اعترفتلـــه بكل شـــي >>

الي سويتيه عين العقل بس خلاص نفس ما قالج ريلج لاتيبين بعد طاري طليقج وشيله من تفكيرج وانسي الماضي وعيشي حياتج لان الريال بطبعه غيور حتى لو كان هالشي بالماضي

 

[ام شووووق]

رد : اعترفتلـــه بكل شـــي >>

انتي مو غلطانه عادي

 

[ملح الدنيآ.]

طبعا صح الي سويتيه وانتي كنتي صرييييحه من البدايه معاه وبصراحه زين سويتي

بس الاهم الحين انج ماتييبين طاري طليقج كلش واهتمي بريلج وعسى الله يوفقج حياتي ويتمم عليج فرحتج ^_^​

 

[" ام حمود "]

اللي سويتيه اكيد صح
لاتييبين طاري زوجج الاول عنده خلاص انسيه لانه كل ريال يغار وابتدي حياتج من يديد وانسي ماضي
وعسى ربي يوفقج حبووبه