اعترفلكم .. ان هذي مشكلتي من وانا صغيييرة وودي اتخلص منها :(

[om MaRyooM]

السلاااااام




اخترعتو طبعا
ودكم تعرفون شنو علتي:eh_s(22):

:krkrkr:
لووول



شوفو صج صج انا اعتبرها مشكلة

وكبيرة بعد

لأني عيزت احلها او بالاحرى افتك منها:eh_s(4):

^
^
اي هذي مشكلتي:eh_s(2):

اكل اظافري
هههههههه


الحمدلله ترا ماعندي عقد نفسية

بس مادري ليش من وانا بيبي اسوي جذي

والحين عمري طق ال25 وللحين مااستغني عن هالعادة:eh_s(4):

والله زهقت وايد جربت اشياء مانعفني ولا شيي

ودي ايدي تكون انثوية
مليت كل ماياتني الدورة احط اظافر واصبغ

ابي شي يساعدني
قررت اني اعترفلكم عشان افضح نفسي واستحي على ويهي :eh_s(16):


شرايكم

 

[Tom ♥ Jerry]

.


وعليكم السلام و رحمه الله :eh_s(22):

ههه ترا صج صج هاذي فعلا مشكله عوييصه
اختي تعاني منها و منغثه منها بعد من كانت بالمتوسط تعاني منها
و اهيه الحين بالجامعه اقولها استحي على ويهج
اظافرج صارت تخرع !!! و من شهر قامت تعتني فيهم و ما تاكلهم
و تحط زيت زيتون قبل لا تنام
و تشر بحليب طبعا عشان يطولهم و يقويهم !
و الحين لو تشوفين اظافرها تقولين ايد وحده ثانيه ..

انتي اهم شي سوي من ما سوت اختي زيت زيتون قبل النوم
و الحليب وايد مهم حق الاظافر و الشعر و الجسم كلا !!
و بتلاحظين انه اظافرج تطول بسرعه ،
بس اهم شي يكون عندج اراده يا قلبي !
قرري من اليوم ما تاكلينهم و جاهدي نفسج ههه > حرب مو اظافر :eh_s(22):
و بتقدرين كل السالفه اراده و تحدي ، تحدي نفسج
كل ما تحطين صبعج في حلجج تذكري و شيليها بسرعه

عندج مقوي الاظافر مافالا بعد حلوو وايد :eh_s(17):
الله يعينج و ان شاء الله تفتكين من هالعاده :eh_s(2):

 

[لمى الهاجري]

هاي تجمع بنات دشيه وما بتاكلين اظافرج http://www.q8yat.com/t1017144-11.html#post29475861

 

[Horror Lady]

نفس مشكلتي :d
أحآول اترك أكلْ الأضافر
بس مآكو فآيدة :/
ان شاء الله نلقى حلْ
و نترك هالشيْ !

 

[صدع القلب]

أنا كنت مثلج ، لدرجة حتى مقراضه أظافر" تكرمين" ما كان عندي ، اربعه و عشرين ساعه حاطه اصابعي بحلجي

بس يوم يابولي هديه مبرد اللي يلمع الاظافر كانوا وقتها توهم هابين فيه و صار اربعه و عشرين ساعه معاي مغير أبرد فيهم و أعدل ، و من كثر ما يعجبني شكلهم اتحسف اقرمهم و اشوه منظرهم و قمت احط كلونيا عليهم و طعمهم صار يلوع الجبد عشان يذكرني لما انسى :d

لما شوي شوي تخلصت من هالعاده .....

 

[أم توتو]

حبيبتي ام مريوم شلونج وشلون البيبيات الله يحفظهم حبيبتي هذا يسمونه الطبع التلقائي بالانسان تسوين الشي من تلقاء نفسج بدون ماتحسين وساعات يكون او يزيد لما يكون الانسان متوتر او معصب عادي بس لازم تنتبهين حق نفسج في مناكير بالصيدليه شفاف طعمه مرررررررررر مرة حطيه اذا كان ماعليج صلاه شوي شوي راح تتركينها باإذن الله

 

[Patcholli]

قصي اظافرج حدهم لاتخلين فيهم ولانتفه طويله
و شيلي الجلد الزايد الي حول الاظافر
ماراح يظل شي تقرمينه

 

[سفييره الكويت]

هههههه انا جذي كل ما اتضايق تعالي شوفي اصابعي كلها معضضه لووول اعتقد انها حاله نفسيه ونفرغها بهالحركه

 

[تآعِبنْ قَلْبِيْ]

ابوي وعماتي واخواني وخواتي كلنا نعاني من هالمشكله

والحين حتي عيال اخواني علي طول اصابعهم بحلجهم

بس انا الحمدلله هونت قمت اعتني فيهم وابردهم حتي شكل ايدي تغير حييل

بس ماحطيت شي فيهم كان عندي ارادة اترك هالعاده وتركتها خخخ

 

[طموح لايتوقف]

حبيبتي مشكلتك عاديه ترى وكثير ناس أعرفهم نفس مشكلتك بس لو رجعنا للسبب الأصلي ترااه من القلق والتوتر ولاتخافين حياتو جميع الأمة البشرية تععاني من القلق مين اللي مايعاني هذا ضريبة التقدم والتطور في الوقتت الحالي بس التعبير عن القلق يختلف من ناس للناس وله صور تختتلف من شخص للأخر فيه بعضهم يهز رجله وكثير في حياتناا نشوفهم ،عموما علاجهاا بسيط ومضمون ونااجح تعرفين لصقات الجروح حطيها على كل أظافرك مدة أسبوع وشوفي لاتضحكين من هذه الطريقه قريته في موقع نفسي أستشاره لشخص كان يعض أظافره تراها مجربه مع ناس ونجح معهم

 

[دمعة وفاء]

هههههههااي ,, مثل حالتي ..

 

[معزوفة عشق&]

حطي في بالك هالمعلوومه ترا اللي ياكل اظافره يقل نسبة الذكاء عنده وهذي معلومه طبيه حديثه > عاد كل ماتذكرتيها بتبطلين لووول

وبعدين حل مشكلتك هو الاراده والاقتناع ..

 

[اميره1980]

هاهاه
ضحكتيني
تدرين انا عكسج اشمئز من اللي يحطون اظافرهم بحلجهم
الحمدلله ما عمري حطيت اظافري بحلجي تلوع جبدي

 

[ga6wa90]

حبيبتي خالتي نفسج بالضبط بس الفرق ان تمت معاها هالعاده لين صكت ال40 حتى من كنت صغيره ما أذكر ان أظافرها كانو طوال

بس بعدها نصحوها تحط مقوي الأظافر الشفاف أي نوع عادي و تقصص معاه ثوم بشكل طولي

المقوي مع الثوم واااااايد نفعوها صارو أظافرها قويه و منها ريحته طبعا قويه فا كل ما نست و يت بتحط ايدها

شمت الريحه

وايد تغير شكل ايدها و عندج بعد زيت الزيتون تعصرين معاه ليمونه و نقعي أظافرج فيها ربع ساعه بتحسين بفرق و طبعا إذا طالو
صعب تعضينهم و هم بتحسفين بنفس الوقت

 

[سوزي الشرقية]

يمكن هذه مشكلة من صغرج وبالصراحة الأهل كان عاالجوهالحالة من الأول
احنافي بيتنا ماعندنا مثل هذه المشكلة الا في بنات اختي بنتها الكبيرة كانت تمصهم مص حتى جلدهاطاح وعانت معاها بس الحين الحمدلله والحين البنت الثانية صغيرة نفس المشكلة فهي كانت تحط على اصابيهم شيء مايحبونه زي الليمون او الشطة

 

[سآق نملة]

قصي اظافرج لا تخلينها اطول

 

[عادت ذكرياتي]

قصيهم عدل مدل ليما تتركين هالعادة وبعدها بتنسين تقرضينهم بأسنانج

 

[om MaRyooM]

شكرا بناااات


واللي تقول قصيهم
اصلا انا مادري عن المقراضة سنييين
لان ماكو اظافر معدومين معدومين معدومين!!!!
هذا اللي مأزمني

 

[!! دلوعته !!]

اب اب

 

[لحظآتَ]

أفا أفا أفا
أم مريوم السنعه الذربة اسم الله عليها
طلعت تاكل أظافرها من ورانا
ماكانش العشم واللهي ..

,

بعطيج ياها من واقع تجربة
أختي نفسج بالضبط
مُستميتة بأكل أظافرها .. لدرجة إنها تقطّع الجلد بعد
ويطلع دم !
ويتيبّس الدم ويعورها لما تغسل حييل بس تتحمل الخايسه وطاف !

لما مره حست على دمها وانقهرت من اظافرنا .. ونصبغهم على كيفنا ونكشخهم وهي لا !
مع العلم انها مُراهقه عمرها 15 سنه بس عندها إرادة
وقامت تمسك نفسها وكل ماقررت تاكلهم تتذكر إن منظرهم مُشوّه وتبطّل !!
وعلى هالحال وتحديناها تحدي قوي !
ما مروا 3 شهور إلا ماشاء الله تغلبت على العُقده
وابتلشنا الحين بأظافرها الخايسه كل يوم مطلعينها مُخالفه بالمدرسة !!!!

,


الخُلاصه من عوار الراس هذا كله
إن المُفتاح هُو [ الإرادة ]
والإرادة بإيدج انتِ ..


شوفي

ولا هذول .. :eh_s(1):

؟؟؟؟؟ ها ؟

القرار لج .. :ggdw:​