اعتصام موظفين الداخلية غدا الاحد امام مجلس الامة بسبب

[أم شيــ@وخة]

هام لموظفين الداخلية المدنيين
السلام عليكم ورحمه الله وبركاته
تأكيد لما تم تداوله بالأونه الأخيره عن اعتصام موظفين الداخليه المدنيين,
سوف يتم الأعتصام يوم الأحد 3/4/2011 في تمام الساعه 9 صباحا امام مجلس الأمه, وسوف يتم المطالبه بالحقوق التاليه :-
الكوادر
الأمتيازات المالية ( البونص )
حق الموظف رؤية التقرير السنوي
تعديل لائحة الجزاء طبقا لقانون الخدمه المدنيه
زيادة الأساسي على الراتب
ونرجوا وزير الداخليه تفهم مطالبنا,
سلميه سلميه
انشرها خل الكل يعرف هالرسالة

 

[Marlene Favela]

اي و الله نبي حقوقنا احنا مظلومين بوايد أشياء مو الكل طبعا آنا اتكلم عن إدارتي تخيلو من أبسط الأشياء
اذا صارلي عندي ظرف و ابي أستئذن يرفض المسؤول لازم اكون موقعه استئذان قبلها بيوم شدرانا شبيصير ولا على مزاجه
و مره صار عندي عزا ولد خالتي مسؤولي خاصم من معاشي أيام العزا تخيلو الظلم اللي إحنا فيه يعني الوضع حده ويييييع
طبعا إنا ما راح اعتصم خلوني بدوامي ولا بالبيت أحسن

 

[dnyay_mll]

صارت موضه الاعتصامات
!!!

 

[الدلـــع كله]

لاحول ولا قوة الا بالله
ليش جذي؟؟ حمدوا ربكم على العافيه والامن .

 

[ألأميرهـ]

حرااام عليكم صــباح الله يطوول بعمره ماقصر علينا بشي شوفو شقاعد يصير بالدول هذي فتنه اعوذ بالله

تو مستلمين منحه وزيادات

 

[نور مغليها]

شالسالفه صار كل شي بـ اعتصام ومظاهره ....!

 

[أم شيــ@وخة]

اذا انتو مرتاحين بوظايفكم فغيركم لا حتى الزيادة الي توهم موافقين عليها مراح تحوش موظفين الداخلية الي يشتغلون بالمراكز
وغير هذا اهم مو بس اطالبون بالمادية اهم يبون حقوقهم الوظيفية
يعني شنو موظف ينخصم عليه اسبوع اذا غاب او سوى شي وين قاعدين
وغير هذا كراف وماياخذون بدل شاشة واي غلطة تعالي شوفي شنو يسون فيهم

 

[ســتارز]

من يوم ما اطلعوا البدون بمظاهرات كسروا واحرقوا والنتيجة خذوا اكثر من حقكم

عيال البلد اولى ومايضيع حق وراه مطالب

 

[هامتي]

الله يعافي تونس قومت العالم كله حتى لو في ظلم بس مو لهدرجه توصل للاعتصام

 

[حرم الاسد]

ماكو تقارير عن الاعتصام
نبي نعرف شنو صارر

 

[شــــــــــــــوقــــه]

الداخلية و التربية اهم وزارتين و افشل وزارتين !!

و الصحه وراهم

 

[ماك تشيكين]

يعطيج العافيه الله يحفظناا

 

[غلاتي ود]

اب اب اب

معااااااااااااااااكم

 

[أم شيــ@وخة]

بنات هذي تقارير من الجرايد خذيت السيرج

الدقباسي يطالب بزيادة المدنين في وزارة الداخلية
جـــريدة الوطـــن الإلكترونية

٥٠ موظفا اعتصمو امام مجلس الامه مطالبين بحقوقهم السلمية
جـــريدة الوطـــن الإلكترونية

الدقباسي يؤيد اعتصام مدنين الداخلية
جريدة الانباء
الأنباء - الدقباسي يؤيد اعتصام موظفي وزارة الداخلية المدنيين


والله يوفقهم ان شاء الله لانهم صج يتعبون وانا عن نفسي انصدمت ان موظفين الداخليه ما ياخذون اعمال ممتازة حالهم حال الوزارات ولا بدل شاشة مع انه شغلهم كله بالكمبيوتر

ولو سمحتو بنات الي معارضين هالشي فكرو ان كل شخص عنده التزامات وعيال كل مايكبرون تكبر طلباتهم واحتياجاتهم والديرة ما شاء الله اسعارها نار بنار

 

[غلا بنت الكويت]

لا حول ولاقوة إلا بالله

شسالفة هالناس والمفروض مايسوون جذيه

احنا في دولة فيها دستور وقانون يعني المفروض يلجؤون حق أعضاء مجلس الأمة لمناقشته بإقتراح وبعدها يرفع لمجلس الوزراء أو يكتبون كتاب ويرفعونه حق وزير الداخلية وماله داعي هالإعتصامات

وبعدين احنا قاعدين نخدم أغلى شئ عندنا قاعدين نخدم ديرتنا الكويت فماله داعي يسوون هالشئ

وصدقوني ماكو أحد راح يضيع حقه والدولة والحكومة ماراح تقصر معاهم

تحياتي

 

[dnyay_mll]

^^
الحمدلله والشكر
شفيها الاخت مفقوعه مرارتها
الله يشفيج ان شاءالله
وجان زيـن كويتيـه

مع احترامي لصاحبة الموضوع

 

[أم شيــ@وخة]

وبعدين الي تقول ليش الاعتصامات
انتي شفتي الحكومة اول شي وشفتي التفرقه بالكوادر وزارات تاخذ على ٤٠٠ و٣٠٠ دينار كوادر وناس تكرف وتتعب واخر شي لا حوافز ولا تشجيع