اعراض حمل الولد فقط

[just--me]

مرحبا بنات بليز ابي اعرف اللي حملو باولاد شنو اعراض حملهم ابي اشوف صج الكلام اللي بالنت والا لا من جد يحيرون نص اعراض الحمل بولد فيني ونص البنت فيني انا احس اني خفيفه ومن خلصت الشهر الاول وانا احس غثيان فقط يعني بس بالشهر الثاني استفر غت مره بس لانو اكلت من كنتاكي عالريق والقي ماحس فيه الا مرتين بس شي لايذكر اللي هو الشعور بالاستفراغ وعادي احب المالح والحالي بس انا نفس طبيعتي قبل احمل احب الموالح اكثر ماتغير علي شي بس كرهت اللحم واللي مطبوخ بالبيت شهيتي قلت وادمنت على السبايسي من كنتاكي وصدر الى الان لين موقاسي والحلمه ماتغيرت وهم يقولون اذابنت ماتتغير واذا ولد تتغير وتقلب سودا وانا اختي وحمواتي جابو بنات ويقولون سودت الحلمه بنات بليز تفاعلو معي وادعولي اني اجيب ولد صالح تام الحلقه ان شاءالله والله يرزق كل وحده فيكم اللي تتمنى ان شاءالله

 

[حنوشتي]

حبيبتي الله يرزقج بالولد الصالح وحامك نفس وحامي بس انا مو بكرية لديه ولد وهذا ثاني حمل لي بولدي ولا كاني حامل احيانا اشك اني مو حامل لكن الحمل الثاني تغير عندي كل شي انااا بيضة وعيوني خضر فاتح حتى شعر بجسمي مايبين من صفاره انقلب كل شي صرت اخررررررررررررع بس لون عيوني لو يتغير كان تغير هههههههه سواد بوجه وبطني كبرررررررت وسمنت حيل وطلع شعر في وجهي لونه اسود مع العلم شعر وجه اشقرررر وحالتي حاله واي الي اقوله يقلي وحام واحتمال بنت طيب الحمدلله على نعمه بس مقهورة ع جسمي الي خررررب وصرت فيل واسفة ع اطالتي

 

[ريتاج_90]

الله يرزقج ج بالذريةة الصصصالحةة ياارب
وبنت او ولد اهم شي يكون سليم البيبي
واثنينهم نعمه مٍـٍْ♡̨̐ـِْْنْ الله

ٱ‏​نـِْ♡̨̐ـِْا وحامي بولدي كنت اكره الدجاج اول الايام
وكنت احب لبن اب المالح حيل وهم كنت احب الحلويات
والحلمه تغمج لان هذا من كلف حمل
وجسمي صار اسمر

 

[عسل حدي]

انزييين قبل لا تحللون حسيتو بالم الدوره كنها بتنزل بس لما تروح ن الحمام يكون افراز

انا جذي الحين عوااار الدوره ورجلي تعورني وصداع ماقبل الدوره ومانزلت عادي اكون حامل وكل هذا معاي؟

 

[عزاااه]

انا نفسج عوار دوره بطني ظهري رجلي تعورني باقي 4 تيام

 

[just--me]

يسلمو عالردود بس وين الباقين معقوله ماكو احد عنده ولد

 

[@سيدة نفسي@]

بالنسبة لتجربتي بحمل الأولاد :

1- أجكرررررررر بصورة مو طبيعية بأول شهر لدرجة أكره روحي

2- وحامي أخف من وحام البنت

3- بطني لما تكبر تنزل تحت ماتكون لازقة بضلوعي نفس البنات

4- ألهث وينقطع نفسي من طلعة الدرج

5- الحارج عندي يبدا من الخامس ويستمررر لنهاية الحمل

6- حركة الجنين بالشهر الثالث مثل الموج أما مكان الحركة بعدين يمين ويسار

وتحت عااادي كنت أحس بكل مكان يعني مو صحيح ان الولد عاليمين بس

هذا اللي أتذكره الحين .. وكل حرمة بعدين تعرف نفسها وتقدر تحدد النوع

حسب تجربتها

 

[كتالونيه]

انا من تجربتي بالولد والبنت
الولد وحام حاد وكله ترجيع لشهر الرابع واذا دشيت الخامس يروح
وضعفت حيل وبين الضعف للعلم اني ماني متينه وزني تقريبا ٦٥ يعني وسط
اما البنت
كان وحامي خفيف وماحسيت بالوحام الا لما دشيت الرابع بدا الثقل حتى لما دشيت الخامس
والله مااقدر امشي كلش من الثقل طبعا لين ماولدت وبعدين راح
وشكلي صرت حلوه ومتنت شوي
المهم انا افرق بين الولد والبنت البنت من الخامس يبدا الثقل بس
هذا الي اميزه والله يرزقج بالي تمنينه
كلهم حلوين

 

[روح مغليها]

ماله شغل
ع حسب الجسم والهرمونات

 

[@سيدة نفسي@]

انا من تجربتي بالولد والبنت
الولد وحام حاد وكله ترجيع لشهر الرابع واذا دشيت الخامس يروح
وضعفت حيل وبين الضعف للعلم اني ماني متينه وزني تقريبا 65 يعني وسط
اما البنت
كان وحامي خفيف وماحسيت بالوحام الا لما دشيت الرابع بدا الثقل حتى لما دشيت الخامس
والله مااقدر امشي كلش من الثقل طبعا لين ماولدت وبعدين راح
وشكلي صرت حلوه ومتنت شوي
المهم انا افرق بين الولد والبنت البنت من الخامس يبدا الثقل بس
هذا الي اميزه والله يرزقج بالي تمنينه
كلهم حلوين

سبحان الله آنا عكسج تماماً .. البنت خفيييييفة للثامن أما

الولد من الخامس يذبحني ثقله

أتوقع لأن بجري بنت طلع حملها خفيف وانتي بجرج ولد صار

أخف من البنت .. اشرايكم بنظريتي ؟!!

 

[امـ خــزامـى]

^^^^^^^^^^^6 ابداااع وااصلي هههههههههه

اكيد البكر دااائما خفيفه

انا ببنتي خفيفه جدا ووصلت لاول اسبوع من الثامن وولدت
يمكن لو ماولدت كان بدا الثقل

وعسل حدي انا نفس حاالتك وترتني هالمره الدوره وششكتني بالحمل مع اني مركبه لولب

شكلي بقطع الشك وبطلب منه يجيب تحليل واليوم الظهر اشوووف
وان شاءالله مااكون حامل

 

[عزاااه]

بعكس عاد انا بنتي البجر عكس من نساتي لي ولادتي تعبانه الحين باقي على دورتي 3 تيام ان شالله ماتنزل

 

[عزاااه]

وصداع فضيع صاير

 

[نونا**]

راح اقولج العلامات الشائعه واللي صارت فيني

اول علامه واضحه وتأكد اذا الحمل بولد أو لا

اهوا كثرة شعر الجسم للمره الحامل

لان هرمون الذكوره ينتج بالجنين وتاخذ منه الام ومن تجربتي صارت معاي مرتين

يقولون انه يكون ثقل الجنين عاليسار وصارت معاي

اما الترجيع بولدي الاول كان قوي اما الثاني لا

بحملي حاليا كل الاعراض مختلفه

ياني لاول مره صداع قوي وحيل اتعب وينهد حيلي وشهيتي مفتوحه عالاخر وجكرت حيل وبشرتي اتعبت وايد وسمرت وشعري تعبان

شكلها بنت والله اعلم لانها تختلف عن حمالي بعيالي

 

[Model Look]

بحملي بولدي كنت اول الاشهر دلوعه وبس ابجي وضعفت ولوعه علطول من غير ترجيع واهملت نفسي لما بدا الشهر الرابع نفسيتي تغيرت وكنت اكل كل يوم جبن مالح مع زيتون اخضر حامض

ضروري غراش الزيتون والجبن محطوطين وعوار ورجي بدا من الرابع

 

[شروق &]

عادي مافي اي فرق بين البنت والولد بالنسبه لي وأحسها خرافات
لا تصدقينها ابد

 

[Sara-5anoom]

أنا حامل بولد النساه بالولد أخف البنت تعبتني

 

[خاشعة للرحمن]

الفرق بين حملي ببنتي ولدي بنتي ترجيع بس مو واجد وراح وحملها فديتهاا خفيف وولدي لوعه تذبح وحمله الاشهر الاولى خفيف وبعدها ثقل مو طبيعي وبنتي احب الحار والحامض
والمالح بولدي مكس واكثر شي الحلووو يعني ترااا حمل عن حمل يفرق ومن بنت وبنت يفرق

 

[زهراء*]

أنا بعد صايرة أكره الدياي وكله أحس بطني متفوخ وماحب أكل ولايعه جبدي

 

[تبطي عظم!]

انا جربت حمل الولد خفيف حييل

والترجيع مره او مرتين بس اللوعه مستمره للرابع

اشتهي الموالح والحامض

اكره الدجاج والحلو والشاي والقهوه