اعراض غريبه عند التزامي بسورة البقره

[قاهره عذالي]

السلام عليكم

انا ملتزمه من امس بالقران ما اسمع غير سورة البقره ليل نهار كله باذني والتلفزيون ما اشوف ومع الاشفيه الشرعيه من زيت وماي مقري وعسل وخلطة سدر ا
تسبح فيها العصر وصلاتي
بس حاسه بتعب وحاسه بضيقه ورقعه بقلبي وخوف وعدم رغبة بالاكل وخمول ولوعة هاللي مخليتني مابي اكل

وما ادري ذابحني التفكير ابي انام مو قادره

 

[نـعـومـه]

انتي نفسيا تعبانه بجذي تحسين بهالشي

قوليلي الحين شلونج ؟

 

[جلكسي بالمكسرات]

بسم الله يمكن هاي اعراض عين صايدتج
روحي حق شيخ

 

[العنووووود]

كم يوم صارلج ملتزمه؟

 

[قاهره عذالي]

بنات هالموضوع قديم
توهم يسمحون لي وينزلونه
كنت ملتزمه بسورة البقره 3 ايام ما اسمع ولا احط ببيتي غير سورة البقره حتى تلفزيون ما اشوف
وفعلا نعومه
نفسيا تعبانه
بس حاليا احسن
قلت لامي
وقالت لي امي
انه فيج عين قديمه من صغرج مو جديده
وانه سبحان الله دايم الناس تنحر منج
الله يجيب لج العيون القشره

 

[نحوله عسوله]

الله يشافيج حبيبتي بس لا تقطعين الزامي فيهااا

 

[شذى2007]

الله يشفيج ياقلبي

 

[الشيخة 85]

اختي هذا يعني انه فيك شي مو شرط عين يمكن يكون سحر او مس والله أعلم بس لاتخافين عادي والي انتي فيه الحين طبيعي لانك قاعدة تأذين الي فيك من جن وعشان كذا ياثر عليك وهذي اعراضه وانصحك انك تستمرين على الي قاعدة تسوينه لين يطلع كل شي منك وتشافين باذن الله والسدر مفعوله حيل قوي للمسحور وطريقته اسمحيلي اذكرها عشان افيد الكل وهي انك تجيبين 7 ورقات سدر وتطحنينهم بين حجرين مثل ماكان يسوي الرسول عليه الصلاة والسلام وتحطينهم بماي وتقرين عليهم الفاتحة وايات فك السحر واذا تقدرين البقرة بعد والمعوذات وتنفخين بالماي وبس تخلصين تشربين من الماي 3مرات والباقي تتسبحين فيه وتبلشين من راسك وكل جسمك وتستمرين على السدر لمدة اسبوع اذا كنتي حاسة انك مسحورة وان شاء الله بتشوفين الفرق من اول مرة ولا تنسين اختي دايما التحصين بالذات بعد صلاة الفجر والمغرب وكرري اسم الله (الشافي )(القادر المقتدر ) وبعد الاستغفار وباذن الله ترتاحين قريب

 

[رسائل البحر]

ماتشوفين شر ياقلبي روحي حق شيخ يقرا عليج وقولي له باللي تحسين فيه واذا تحلمين احلام غريبه او لا وغطي كل المناظر اللي في


البيت ولاتنامين بروحج وواصلي باللي تسوينه والله يشفيج وطمنينا عليج

 

[رسائل البحر]

ماتشوفين شر ياقلبي روحي حق شيخ يقرا عليج وقولي له باللي تحسين فيه واذا تحلمين احلام غريبه او لا وغطي كل المناظر اللي في


البيت ولاتنامين بروحج وواصلي باللي تسوينه والله يشفيج وطمنينا عليج

 

[لبـى قلبـي]

الله يهديك ..

يآ أختي ولآ تمآرضوا فتمرضوا ..

وانتي مُصره ان فيك عين ولآ سحر ..

وغصب طيب تبين تثبتين هالشي ..

 

[قاهره عذالي]

لبى قلبي
الواحد ابخص بنفسه وهو اعرف الناس بنفسه

 

[الغلا كله لبوي]

:eh_s(15):

الله يشفيج ياقلبي

 

[Uniqueness]

أختي الأفضل من السماع هو القراءة ..
حاولي تقرينها حتى لو تجزأينها باليوم .. صدقيني ماتاخذ منج وقت ولا جهد ..
سورة البقرة 286 آية عدل ..
خلي عقب كل صلاة 50 آية وإنت على سجادتج ..
وصلاة العشا إقري 86 آية وبجذي بتكونين قريتي السورة كلها باليوم ..
ولو تكون بجلسة وحدة تكون أفضل


سورة البقرة كما قال عليه الصلاة والسلام أخذبها وتركها حسرة ولا يستطيعها البطلة وهم السحرة

والله يشافيج ويشافي كل مسلم مريض آمين

​