اعطاء الجنسيه لابناء الكويتيه ... متزوجه اجنبى اشرايكم..

[طير الحب]

توافقون انهم ينعطون الجنسيه ,,,,

او

يكفى معاملتهم مثل الكوتيين ....

وهل الكويتيه لها حق بالبيت وخلافه ... ولا هى تبع زوجها....

اشرايكم

 

[مستقبلي احلى]

مسكينة الكويتية ما انحدت واخذت غير كويتي الا انها حاولت وصبرت ما لقت نصيبها معاهم ومو معناته انها توقف الدنيا لا الحمدلله مشتها وصار نصيب مع غير كويتي والنصيب محد يعرف وينة ولا من اي ديره انا مع ان الجنسية تنعطى لعيال الكويتيه كاهي الفلبينية والاندونيسية والحبربش يا خذونها اشلون على عيال الكويتية حرام راح تتعب معاهم وكل هذا لانها اخذت غير كويتي وإلي اشوفة انا الحين بالكويت الغريبه عايشة كأنها في ديرتها ومعززه اكثر من الكويتية
الرجال يتزوج من كل مكان ويجنسونها ويجنسون عيالها ولخا الحق في البيت بعد بس شنقول خيرنا لغيرنا

 

[زيـنـه]

انا من رايي دامها خذت الغير كويتي .. تمشي على قوانين بلده و عياله يتجنسون عليه و تتحمل تبعيات قرارها .
و نفس الشي بالنسبه للكويتي المتزوج اجنبيه يخليها على جنسيتها و العيال بيكونون عليه .
لابد اللي يفكر بشي يفكر بالمستقبل و تبعيات قراره .

 

[مستقبلي احلى]

زينة لو يصير اللي تقولينة
ما اطمعت الغريبه بالكويتي هالكثر
الريال حقة محفوظ والحرمة حقها مهظوم

 

[طوق البنفسج]

انا ما اوايد

معروف العيال يتبعون الابو شماكانت جنسيته

و بعدين الي خذت غير كويتي كانت اتعرف انه بيها اعيال و انهم بيتبعون ابوهم و رضت خلاص اتحمل الكونسيكونسز الي ترتبت على قرارها

 

[* LOVE STORY *]

مـــاأأيد بصراحه ...
ذاك اليوم بالجريده قريت خبر كويتيه عمرها 54 مسويه حادث مع زوجها الهندي ,,, كيفها بس بالله عندها عيال منه يتجنسون بعد الهنود ؟؟؟ باجر تختلط الكويت من هنود وباكستانيين وفلبن تحت مسمى الجنسيه الكويتيه ,,,

ومشكورة عالموضوع

 

[ana_tolip]

ماادري بس انا برايي اذا الكويتية لازم تفكر قبل لا تتخذ القرار واه يلما تزوجت عارفة النتيجة ولازم تتقبلها ولازم تحط في بالها انه عيالها ما ياخذون الجنسية حتى الكويتي لازم مرته ما تاخذ الجنسية بس اليهال

 

[زيـنـه]

زينة لو يصير اللي تقولينة
ما اطمعت الغريبه بالكويتي هالكثر
الريال حقة محفوظ والحرمة حقها مهظوم

مو لو تفكرين فيها الدول الثانيه ما يعطون حريم عيال ديرتهم جنسية الديره نفسها الا الكويت !

 

[عمري الكويت]

يعني بس الاجنبيه إلى تتزوج كويتي لها حق جنسيه والكويتيه إلى متزوجه غير كويتي ماله حق اوكي لا يعطونه بس عيالها شنو ذنبهم هم بعد ما ياخذون جنسيه

 

[انا كويتية]

وليش ياخذون الجنسية الكويتية؟؟؟ معروفة كلن يتبع ابوه ... عيال الكويتي كويتييين وعيال اللبناني لبنانيين وعيال المصري مصريين....

 

[Filakawyia]

دامهم قاعدين يجنسون الغير كويتية اللي ياخذها كويتي . . .

يا اما . . .

يجنسون اعيال الكويتية اللي مو ماخذة كويتي . . .

او ما يجنسون الاثنين . . .

لان مايصير . . . شبابنا قاعدين ياخذون عراقيات و تايلنديات و يقعدون يجنسونهم و اهمه يضحكون

و البنت لي خذت غير كويتي مايحقلها حتى اعيالها يصيرون كويتيين . . .

يا صرايين يا ظلمة . . مايصير القانون على ناس و ناس ​

 

[بنت الحزن]

و الله الحاله محيره بس لازم نتساوا معاهم لا يعطونهم جنسيه بس ياخذون شي يعاملون شوي نفس معاملت الكويتي مثلا ( الطبيب - المدرسه - الجامعه -.....) بس البيت لأ و لا قرض الحكومه 70 الف و الا قرض الزواج يعني ينسقونها و لا العنوسه الزايد الي صايره بالديره

 

[شهدQ]

والله انا ضدكم كلكم

أؤيــــــد وبشده

بنت الكويت اولى من الهليقيات

شنو يعني تنهان والغريبه تنعز

شوفو باقي الدول يجنسون الي ياخذ بناتهم

اصحوووا بنت البلد اولى واهم​

 

[لازوردي]

و الله انا اييد انه عيالها ياخذون الجنسيه حرام بعد نصيبها صار مع واحد مو كويتي شتسوي خل يجنسون العيال و ريلها مو لازم يتجنس اهم شي العيال

 

[NeloFaR]

يا جماعه الكويتية حالها حال الريال الكويتي

لها حقوق على هالوطن و من حقها ان عيالها ياخذون الجنسية على اسمها

انا اعتقد ان البنات اللي ما يأيدوون هالموضوع ..هالشي بسبب النظرة الدونية اللي عندنا احنا الكويتيين بالنسبة لباقي الجنسيات العربية

من جذي نستكثر على عيال الازواج الغير كويتيين ان ياخذون الجنسية و ننسى الام الكويتية و ننسى حقها على هالوطن و على هالارض .

اكيد عيالها لازم ياخذون الجنسية على اسمها .. و الا احد يرضى ان الهندية و الفلبينية تاخذ الجنسية الكويتية و عيال الكويتيات ما ياخذونها !!

مو عدل بصراحه !!

 

[Q8tya_GirL]

انا برايي المفروض اعيال الكويتيه اللي ماخذه غير كويتي يعطوونهم الجنسيه حالهم حال الكوويتي اللي ماخذ غريبه
والله الغريبه على طول تاخذ الجنسيه والكويتيه بنت الديره مسكينه مالها حقوق ولاشي

 

[دلوعتك]

هو هو هو .. معقوله ماتأيدون ؟؟؟؟؟
يا بنات ياحلوات انتو بالاول وضحوا الصوره عدل
في البدايه ابناء الكويتيه قصدكم الأرمله أو المطلقه عدل .. عدل
انا مأيده تجنيس عيالها لأن بتكون بديرتها بين اهلها مو بديرة زوجها اللي توفها والا مطلقها عدل كلامي .. عيالها عندها ليش لأ ليش ما يتجنسون لا نصير انانيين ... الحمدلله ترى الكويت ديرة خير ونعمه البدون اللي اهم بدون عايشيين ومرتاحين ... صحيح في اشياء وايد يحتاجونها:eh_s(4): بس والله اذا سألتو اي بدون تقدر تعيش برا الكويت بيقولج لأ ..
واكبر دليل شوفوا الشوارع والسوقه والوزارات والمؤسسات والمدرسات والشركات الخاصه متروووسه وافدين ..
الحين تستكثرون على عيال المسكينه جنسيه ؟؟؟
الحين اللي جنسوهم اعمال جليله شنو الشي الجليل اللي سووه للكويت
غنوا و رقصوا ... رفعوا اسم الكويت .. والنعم فيهم زين
بس هم هذيلا عيالنا .. عيال كويتيه والا شاطرين بس شبابنا يروحون يتزوجون هالفلبينيات والا السريلانكيات والا احد هالدول وبس بالكثير خمس سنين وتاخذ الجنسيه .... ميري والا ليندا يصيرون كويتيات .. بذمتكم عاد هذا حجي :eh_s(14): .....!!!
(( انا بفهم اللي خذا الفلبينيه نقول يدور البياض والشعر الناعم بس السيريلانكيه شيبي فيها هااا قولولي :eh_s(14): .. حكمتك يااارب )))

 

[دلوعتك]

هو هو هو .. معقوله ماتأيدون ؟؟؟؟؟
يا بنات ياحلوات انتو بالاول وضحوا الصوره عدل
في البدايه ابناء الكويتيه قصدكم الأرمله أو المطلقه عدل .. عدل
انا مأيده تجنيس عيالها لأن بتكون بديرتها بين اهلها مو بديرة زوجها اللي توفها والا مطلقها عدل كلامي .. عيالها عندها ليش لأ ليش ما يتجنسون لا نصير انانيين ... الحمدلله ترى الكويت ديرة خير ونعمه البدون اللي اهم بدون عايشيين ومرتاحين ... صحيح في اشياء وايد يحتاجونها:eh_s(4): بس والله اذا سألتو اي بدون تقدر تعيش برا الكويت بيقولج لأ ..
واكبر دليل شوفوا الشوارع والسوقه والوزارات والمؤسسات والمدرسات والشركات الخاصه متروووسه وافدين ..
الحين تستكثرون على عيال المسكينه جنسيه ؟؟؟
الحين اللي جنسوهم اعمال جليله شنو الشي الجليل اللي سووه للكويت
غنوا و رقصوا ... رفعوا اسم الكويت .. والنعم فيهم زين
بس هم هذيلا عيالنا .. عيال كويتيه والا شاطرين بس شبابنا يروحون يتزوجون هالفلبينيات والا السريلانكيات والا احد هالدول وبس بالكثير خمس سنين وتاخذ الجنسيه .... ميري والا ليندا يصيرون كويتيات .. بذمتكم عاد هذا حجي :eh_s(14): .....!!!
(( انا بفهم اللي خذا الفلبينيه نقول يدور البياض والشعر الناعم بس السيريلانكيه شيبي فيها هااا قولولي :eh_s(14): .. حكمتك يااارب )))

 

[Harmony]

ينعطون فى حاله وحده بس اذا كانوا ابناء كويتية اصل مو تجنيس و تزوجوا من كويتيه اصل بس خلال باجى عمرهم من الولادة يعاملون ككويتيين بس و لازم لازم يوقفون شغلة التجنيس للحريم اللى يتزوجون من كويتيين لو هم يبطلون هالشيء جان يجنسون عيال الكويتية من البداية
هم الحين يعاقبون عيال الكويتية لخوفهم من انه وحده تتجنس من ريلها و بعدين تاذ اجنبى و عيالها يتجنسون و الله غبا بطلوا اتجنسونهم من الاساس و خلوا اللى امه او ابوه كويتى اصل ياذ الجنسية بس

 

[جورية كويتية]

والله مع احترامي لكل آراء البنات
بس الكويتيه ماكو شي يحدها تاخذ غير كويتي
انا اعرف وحده ماخذه مصري عقب ما اتطلقت من كويتي عازها ومعيشها عيشة الملوك واللي يمووووووووووت عليها
وشنو المصري عاد بنجرجي !!!!!!!!!!
متخيلين
الحين حدها متحسفه
اتقول يا ريت ارجع لو يوم واحد اعيشه مع فلان
اي تحسفي محد حادج
والا اهي حلوه وبنت ناس والف واحد يتمناها حتى لو كانت مطلقه ​

ممكن العيال ياخذون الجنسيه اذا الابو كان متوفي
والام عايشه بالكويت

الله يكون بالعون​