اعطاء الجنسيه لابناء الكويتيه ... متزوجه اجنبى اشرايكم..

[أم منصـ 85 ـور]

انا من رايي دامها خذت الغير كويتي .. تمشي على قوانين بلده و عياله يتجنسون عليه و تتحمل تبعيات قرارها .
و نفس الشي بالنسبه للكويتي المتزوج اجنبيه يخليها على جنسيتها و العيال بيكونون عليه .
لابد اللي يفكر بشي يفكر بالمستقبل و تبعيات قراره .

وأنا رأيي من رأي زينة

 

[طير الحب]

حتى انا اقول اللى تناخذ غريب يعنى تدرى انه عيالها بصيرون على ابوهم يعنى لازم تفكر قبلها جد ... الف الف مره

 

[مستقبلي احلى]

قالو اشحادك يالمسمار

البنات عنسو في بيوت اهاليهم وتقولون لي ليش تاخذ قريب
تبي تشوف ذريتها قبل لا يخلصون بويضاتها
اللهم لك الحمد اللي يده في الماي البارد مو مثل اليده في الماي الحار

 

[ساندى]

الكويتى يتزوج الهندية والفلبنية والسورية والسيلانية والمصرية وعلى طول تاخذ الجنسية الكويتية وتصير شيخة تسوى اللى ماسوتة بديرتها ايام الفقر والوسخ والمسكينة الكويتية تنطر الستر والفرج لغاية ماتنحد لى الاجنبى اللى يسترها ويعيش معاها بديرتهاوتجيب من عيال ليش ماياخذون عيالها الجنسية الكويتية ليش ولا حلال علية حرام عليها خل الحكومة تفتح بابتجنيس عيال الكويتية وبعدين تحس عدل ان حتى الكويتى المفروض الا الكويتية

 

[unreachable]

قالو اشحادك يالمسمار

اللهم لك الحمد اللي يده في الماي البارد مو مثل اليده في الماي الحار

صــح لسانــج

الكويتى يتزوج الهندية والفلبنية والسورية والسيلانية والمصرية وعلى طول تاخذ الجنسية الكويتية وتصير شيخة تسوى اللى ماسوتة بديرتها ايام الفقر والوسخ والمسكينة الكويتية تنطر الستر والفرج لغاية ماتنحد لى الاجنبى اللى يسترها ويعيش معاها بديرتهاوتجيب من عيال ليش ماياخذون عيالها الجنسية الكويتية ليش ولا حلال علية حرام عليها خل الحكومة تفتح بابتجنيس عيال الكويتية وبعدين تحس عدل ان حتى الكويتى المفروض الا الكويتية

ايه والله صاجة
لا وزوجها يحط البيت باسم الغريبة ويفتح لها صالون باسمها

هذا وانتو بنات نفسها وجذي تقولون ؟
اول شي الزواج قسمة ونصيب ومااظن السيلانية والفلبينية اللي خذت الجنسية ابرك من عيال الكويتية

حتى الام الكويتية مسكينة ظالمينها مو كأنها مواطنة وعندها حقوق على ديرتها

من تتزوج غير كويتي ما يحقلها بيت سكني ولا يحق لعيالها 50 دينار؟؟؟

ليش لما تزوجت الغير كويتي صارت مو كويتية!!

بالدستور كل كويتي له حق السكن ومافي فرق بالجنس

ليش الكويتي اذا تزوج السيلانية والفلبينية يعطونه بيت

وبنت الديرة تتبهذل؟؟؟ بالذمة مو حراااااااااام؟​

 

[طير الحب]

الكويتى اذا خذا غريبه عياله كويتين بس اللى تاخذ غريب عيالها مو كويتيين فليش يعطونهم الجنسيه .... يعنى اللى بياخذ كويتيه بياخذها فايده له ...

 

[دانــــه]

مهما قلنا وكانت لنا آراء .. فإن الرأي الصواب برأيي هو رأي المرأه التي تتزوج بأجنبي

هي الأم .. وهي اللي تعاني .. وهي اللي تعايش مأساتها .. وطايحين عيالها برقبتها

أما نحن .. فنتفرج عليها فقط





التجنيس بابه مفتوح لجنسيات عديده .. لماذا لا يكون مفتوحا أمام أبناء الكويتيه بشروط منها أن يكون عمره فوق 18 ويكون مقيما مع والدته طوال هالفتره .. وأن تكون مطلقه من زوجها .. أو متوفي

طبعا يجب برأيي أن يتمتع أبناء المواطنه بكافة حقوق المواطن طوال فترة تواجدهم مع أمهم .. لحين حصولهم عالجنسيه

المسأله عاطفيه بالنسبه للأم .. وقد يستغلها الأب إن لم تحكم ضوابطها بشكل جيد

 

[girl_in_abottle]

مـــاأأيد بصراحه ...
ذاك اليوم بالجريده قريت خبر كويتيه عمرها 54 مسويه حادث مع زوجها الهندي ,,, كيفها بس بالله عندها عيال منه يتجنسون بعد الهنود ؟؟؟ باجر تختلط الكويت من هنود وباكستانيين وفلبن تحت مسمى الجنسيه الكويتيه ,,,

ومشكورة عالموضوع

يعني الحين الكويتي لا تزوج البنغالية و الهندية و السيلانية اعيالة بطلعون حمر ملوينين؟

انا اقول اعيال الكويتية اهم ايال الكويت
وانا مو ملزومة اخذ كويتي
والمسأله مسأله نصيب
ياما اجانب احسن و اخلاقهم اعلى من الف كويتي,ليش افضل الكويتي؟علشان جنسيته؟؟؟
انا اقول اعيالها لاينضلمون وياخذون حقهم لانهم اعيال اكويتية حالهم حال اعيال الكويتي
وعلشان الكويتي لايشوف نفسة بعد

 

[نملة حوله]

بنااااات الصراحة وايد استغربت من بعض الردود !!!!!

ترى الكويتيه اهي بنتنا واختنا وامنا ..

مااعتقد انها تفرق عن الكويتي اذا خذا ام الفول والبصل .. والا ام تنكات الزيتون !!

والله قهر يعني عيال هالزلمات ياخذون واهمه ياخذون الجنسية ..

والكويتيه خنت حيلي مالها حق!!!

اول شي كل شي قسمة ونصيب والوحده موبيدها تختار نصيبها ..ثاني شي يمكن ظروفها خلتها تتزوج غير كويتي ..

وانا اشوف مافيها شي اذا عيالها خذوا الجنسية !

بنات حطو نفسكم مكان الكويتيه اللي حالها جذي وراح تحسون شكثر مظلومه وتكسر الخاطر​

 

[norema-sarto]

كل اللي قلتوه بنات شي حلو ومقنع...
بس خلوااااا نفسكم بمكانها...تبون عيالكم بجناسي أبوهم ولا بجناسيكم....​

 

[LaSt WoMeN]

لا طبعا ..

الولد يتبع ابوه ..

يعني الأبو مصري و الولد كويتي ؟؟؟

وين المنطق ؟ ​

 

[جورية كويتية]

اهي قبل لا تتزوج ليش ما فكرت بهالشي ؟؟
وبعدين شنو الظلم بأنه الولد ياخذ جنسية ابووه
خوو اصله هذاا محد ظلمه
واذا الام حست انه عيالها مظلومين ان جنسيتهم من جنسية ابوهم
ليش خذته من الاساس
انا ما اشوف فيها ظلم
والي ياخذ هنديه وفلبينيه وما ادري شنو
على الاقل العيال يشيلون اسم ابوهم
وله تبون واحد اسمه هريدي اصله كويتي بعد ؟؟؟
والله خووش​

 

[ii DareeN ii]

انا مع مبدا المساواه مثل ما الكويتي الي يتزوج غير كويتيه يتجنسون عياله نفس الحال حق لكويتيه وضد تجنيس ازواجهم الاثنين يعني ضد تجنيس مرت الكويتي الاجنبيه وضد تجنيس زوج الكويتيه الاجنبي

وعلى فكره اغلب الدول تجنس ابناء مواطناتها من اجانب

 

[عسولة الكويت]

الحين سيلانيات وسوريات وفلسطن صاروا كويتيات عشتوا
وبصراحه المفروض لاالزوجه الاجنبية ولاعيال الكويتية ياخذون جناسي كويتية كل واحد على ديرته صار خلط مخالط ​

 

[bambena]

من قالكم انهم مايجنسون !!
من زمان الكويتيه اللي ماخذه غير كويتي اذا توفى ريلها يعطون عيالها الجنسيه وانا اعرف وحده جذي لما توفى ريلها جنسوا عيالها

 

[جورية كويتية]

انا مع مبدا المساواه مثل ما الكويتي الي يتزوج غير كويتيه يتجنسون عياله نفس الحال حق لكويتيه وضد تجنيس ازواجهم الاثنين يعني ضد تجنيس مرت الكويتي الاجنبيه وضد تجنيس زوج الكويتيه الاجنبي

وعلى فكره اغلب الدول تجنس ابناء مواطناتها من اجانب

حبيبتي العيال يتبعون ابوهم
الاولاد جنسيتهم من جنسية ابوهم
لو كانت امهم ان شالله افغانيه مالهم شغل
الولد ياخذ جنسية ابوه
واحنا ما نتكلم عن الكويتي اللي يتزوج غير كويتيه
مع اني بعد مو موافقه على تجنيسها
بس نتكلم عن ابناء الكويتيه اللي ابوهم مو كويتي
شكوو ياخذون جنسيه كويتيه ؟؟
مالهم حق فيها
وعلى فكره اهم يتعاملون معاملة الكويتي الى ان يوصلون للسن القانوني
يعني بالمدارس والمستوصفات والتطعيم بكل شي حقهم محفوظ
​

 

[سعاد الخرافي]

انا مع تجنيس ابناء الكويتيه المطلقه او الارمله


الكويتيه بالتأسيس اذا كانت مطلقه او ارمله يحق لها ان تطالب بتجنيس ابنائها وفق الدستور الكويتي

ولا منه لاحد عليها فهي مواطنه -بالدرجه الاولى


اما مايتعلق بمعاقبتها بزواجها من غير كويتي فلماذا لايعاقب الرجل كذالك بمعاقبته بزواجه من غير كويتيه


الله وكبر ابناء الرجل الكويتي من الفلبينيه او البنغلاديشيه هم ابنائه يحق له تجنيسهم لانهم ابنائه

بينما ابناء الكويتيه من خليجي او عربي لايحق لها تجنيسهم لانهم ابنائها

هذي هي التفرقه والعنصريه والتمييز بين المواطنين وهذا هو الظلم بعينه


ابسئل خواتي المعارضات تجنيس ابناء الكويتيه لو وحده فيكن عندها اخت متزوجه من غير كويتي ومطلقه او ارمله

هل سيكون هذا موقفها من ابناء اختها !!!!!!


لو ان القسمه والنصيب ما جاها الا مع واحد غير كويتي مثلا ولد عمها مو كويتي مثلا بحريني او سعودي او قطري


واراد ان يتزوجها لانها مثلا تعداها القطار وهي تنتظر فارس الاحلام الكويتي هل توافق او تعنس وتخلل عند اهلها

؟؟؟

مثلاً المطلقه او الارمله الكويتيه المتزوجه مثلاً من غير كويتي وعندها ابنائها الذين ولدوا وتربوا وعاشوا في

الكويت

وفي يوم من الايام قرروا ابنائها ان يتركوا الكويت ويعيشوا في بلد ابوهم الذي لايعرفونه اصلا ًفقط سمعوا عنه

بسبب انهم اكتشفوا ان لامستقبل لهم في الكويت وان هذا البلد لايعترف فيهم


ماذا سيكون مصير الكويتيه هل تترك وطنها الكويت وتعيش في بلد ابنائها وتعاني الغربه ؟؟؟

او ترى ابنائها لامستقبل لهم في الكويت لان امهم ارتكبت جريمه بزواجها من غير كويتي ؟؟؟

او الافضل ان يتم تجنيس ابنائها ليعيشوا عندها في وطنها خاصه ان ابناء الكويتيه ولائهم لبلد الام اكثر من بلد الاب

؟؟؟

اليس من باب اولى ان تخفف الكويت المعاناه هذه عن الكويتيه المطلقه او الارمله خاصه انها كويتيه بالتأسيس ونا مع تجنيس ابناء الكويتيه بالتأسيس او التجنيس ولكن على الاقل التأسيس

اليست هذه الشريحه هي المظلومه في بلد لايعترف بالتفرقه بين مواطنيه



اخواتي الكويتيات المعارضات لاتنظروا الى الرجل المتزوج من كويتيه بل انظروا للمراة الكويتيه ومعاناتها


كونوا عوناً لها ولاتكونوا هماً عليها يكفيهن ملفات تجنيس ابنائهن

في ادارة الجنسيه منذ سنوات عششت العناكب عليها

والحكومه والجرايد لاعبين بأعصابهن

والسلام عليكم

 

[& شرطان الذهب &]

رد : رد: اعطاء الجنسيه لابناء الكويتيه ... متزوجه اجنبى اشرايكم..

انا من رايي دامها خذت الغير كويتي .. تمشي على قوانين بلده و عياله يتجنسون عليه و تتحمل تبعيات قرارها .
و نفس الشي بالنسبه للكويتي المتزوج اجنبيه يخليها على جنسيتها و العيال بيكونون عليه .
لابد اللي يفكر بشي يفكر بالمستقبل و تبعيات قراره .

:eh_s(15):

 

[aṕriliå]

رد : اعطاء الجنسيه لابناء الكويتيه ... متزوجه اجنبى اشرايكم..

العيال على ابوهم
بس يعاملونهم معاملة كويتين

 

[آلسحرآلحلال]

طبــــــــــــعا ..

يحق لهااا تجنس عيااالهااا اذا اهي ( مطلقة او ارملة )

لانه مالهااا غير ديرتهااا ... وين تروح اهي وعيالهاا لا صفعتها دنيتها !!!!

وبعدين هذا قااانون بالجنسية انة الكويتية تجنس اعيالهاا يعني مو شي جديد

او تاخذون راي الناس فيه ... !!!!!!!!


الا اذا اهي متزوجة مصري ولا سوري وتبي تجنس اعيالهاا هذا شي ثاني ؟؟
كل حالة ولهاا راي طبعا ...