$ اعطيج كلمه وعطيني بيت شعر $

[روح مطير]

أغار والغيرة تحكم المشاعر ... سلطانها اقوى من احساس واثق

البــــــــدر

 

[مــلائكيه]

كل ماأشوفك شفت في الحسن آية
ويطلّ لي وجه البدر من محيّاك
وأمسك أمان الحب وأعزف هوايا
وانته تزيح الليل من كل شبّاك

ياملهمي في الحب لاتعيش تايه
اطلب دفا عمري وأنا أقول لك جاك
كمّل معي باقي فصول الرواية
وأنا بكمّل فرحة العمر ويّاك


العمـــر



​

 

[روح مطير]

العمر غالي والصبـر درب جنـه *** لاباس ياعمر الشقاء وش تواليـــه
تاليه خير وفرحة الشـوق رنـــه *** ولاحضوره في دجى الليل كاويـه
ورسايل الأشـواق عنـوان فنـه *** ردد صداها من عنا البعد مشقيـه
صـدر تعـذب بالخفـى وسدنـه *** سود الضماير حاميـات تصاليـه
مأجور لاتغضـب ولاتزيـد حنـه *** على خطىالأوجاع شعرك تماشيه
تسكب حروفك في معانيـك كنـه *** حنين في تحنـان بحـر يناجيـه
وقصايـدك ياقلـب تشهـد بأنـه *** مازاد ينقص لو على الجمر طاويه


​

الشـــوق

 

[أسرار الطبيعة]

يا طير يلي بالهوي لك تخافيج
بالله ما تنقل سلامي لخلي

يا طير ما تشرف علي الشوف وتويج
وتخبر المجمول عن عبره لي

الصاحب اللي حرّج القلب تحريج
حبه وهو له في ضميري محلي

اللي طعم ريجه علي فجّه الريج
احلي من الشربت علي ماء حولي

 

[روح مطير]

اسرار الطبيعة صح لسانج ولاهنتي ...

بس وين الكلمة ؟

 

[عتيبيه ناعمه]

الكلمه



(( بحة الصوت ))

 

[عادي من قلبي أشيلك]

في صوته شوي بحّه بس مجنونه ..!

من رد فعلي عرف وشلون يفتني

اقول : مخطي والى ناظرت بـ عيونه

رحت اعتذر له واقول : || إن الخطا منّي || ..!



))خســـــــــــــــــــــــاره ((

 

[محامية كويتية]

خسارة انت والدنيا علي
تكابر والزمن مثلك يكابر
حبيبي كل من حولي ظلمني
وتبغاني بعد هذا ما أسافر



عطر

 

[روح مطير]

يا حَبَّذا عِطْر الثَّرى عِقْب الهشيم وْحَبَّذا
نودٍ لِفَتْ عِقْب المطَر تلْعَب بخِضْر أغصانها

نودٍ إذا الليل إنْتِصَفْ.. مَرَّتْ على خِضْر العِذا
واستدرجت رَيَّا زَهَرْها وْروحها وْريحانها​

الليـل​

 

[فـــــــــــــــــز1عـــه]

يآليل مآلي غير حضنك معآزيـب
خلك معي لآشحّت وٍجيه آلأصحآب

مآعآد هي لحية غرآم وٍمكآتيب
لآوٍآلله آلآ قرّبت صوٍب آلأهدآب


الحظ

 

[شموخ الجرح]

كلن لعن حظه إليا غاب مره
وش حيله ألي عاش عمره بلا حظ​

 

[لولا المحبه]

وين الكلمه حزن القصيد



انا بعطيهم كلمه بدالج


العيون

 

[.Miss Ana.]

يا اللي دخلت السوق وقّف بحاكيك ,,

وش ذا العيون اللي تسوي سوايا ,,

كهربتني بالعين و الله يجازيك ,,

نظرات شلّت في ضميري خلايا.

للمبدع و النابغه {..محمد بن فطيس المري :icon30:


الكلمه : البعد

 

[نبض الخواطر]

,,..,,



الفكــــــــره روعـــــــه تسلميـــــــــن عتيبيـــــــه ,,



يــا سيـــد البعــــــد طـال البعــــد وأتعبنـــــي ,,


واستنزف الشــــوق صبـــر العيـــن و أبكـــانــــي ,,




( الصمـــت )




,,..,,​

 

[.Miss Ana.]

لا تحسب ان صمتي لك تجافي ,,

بعض الحكي ما يشرحه غير الشكوت ,,

الكلمه : الشوق

 

[مدندنه]

شوق غزا قلبي ماهوب بشعور عابر
تناطرت الايام تكشف معانيه
ثاري البال غافل عنك والقلب ناظر
تعرف يالغلا القلب لا دور امانيه

الحبيب

 

[رينااااد]

الحبيب اللي طعني من وريدي لي وريدي
هو درا بجروح قلبي هو درى انه سببها


الفراق

 

[نصوره العامر]

وين انت ياللي قدر فــــــــرقاك محتوم // ماشــــح بك غيــــر الاوفاق الرديـه
ياقسمتي والحـــــــــياه احظوظ واقسوم // ياقمة الموهبــــــــــــه والشاعريه

كني خوي السهر ومحـــــــارب النووم // من يوم ما صرت عني وانت ليـه




ابي عن الحــــــــــــــظ

 

[توته الأمورة]

ألا يا حظي المنكوب ليه صرت ** انت والدنيا وحبيبي عليا

ابي عن الغيره

 

[مدندنه]

تغار يالوفى من الهوا لو داعب الزلوف ؟
وشحال مغليك وانا اناظر فيك الخيانة ؟