السلام عليكم ورحمة الله وبركاته
الصراحة كثرت هالإعلانات عن عضوة
أيا كان سبب توقيف عضويتها .
انزين ليش ؟؟؟ وشحقه ؟؟
- انتي يالغالية سجلتي بهالمنتدى اللي فيه أكبر
وأشمل عضوات من كل صوب ياتبين تستانسين
ولا تسألين بموضوع ما ولا انج تبين رفيجات ومعلومات
والشهادة لله مايقصرون ويعطون من قلب
ومايبخلون عليج بأي شي .
والموضوع مفتوح جدامج ولايحتاج منج رد علشان تشوفينه.
والإدارة ماشاء الله مومقصرة معاكم ان كان فرح فرحت معاكم وان كان حزن زعلت وتضايقت .
وان كان عيد عايدتكم .
ليش ؟؟؟
القوانين واضحة وماهي صعبة ولا تكلفج شي
شبصير فيج لو تنفذت؟؟
يعني احنا ملينا وكل العضوات ملوا من : يا سب لفلانه وفلانه.
ولا تحرش بقبيله وقبيله.
ولا تحرش بقبيله وقبيله.
والباجي مايخفى عليكم تعرفونه.
وين الرقي والتعامل السنع اذا دينا الإسلامي وصى على الأخلاق والتعامل الحسن مع الغير
قبل الفرائض والعبادات.
قبل الفرائض والعبادات.
أدري اذا مو كلكم أغلبكم فيهم الخير والبركة ويمكن ما ودهم انهم يضرون أحد بس هفوة نفس أو غيره.
نبي منتدى كويتيات كامل مكمل ماشاء الله عضوات ذهب وينحطون على الجرح يبرى.
ولي سمعوا بشي يكدر الخاطر افزعوا يواسون.
تكفون وجعل ربي يستر عليكم ويسهل أموركم
ووفقكم ويسمح دروبكم ويشرح صدوركم
خل نرتقي ويرتقي منتدى كويتيات .
نعم للتميز
نعم للنجاح
نعم للرقي
نعم للخير
نعم كل هذا انتوا تصنعونه لأنه مو صعب عليكم
قدها
نعم قدها
نعم قدها
والسموحة طولت عليكم.
عسى عيني ماتبجيكم.
