اغراض ولدي للقرقيعان بالصور

[q8 knosha]

السلام عليكم..​

اول شي حبيت انزلكم الصور عشان افيد البنات اللي متوهقين
انا طبعا كنت وحده منهم :eh_s(4): عاد سألت وجذي وقالولي بياع الورد والسرداب اللي يم دار الشفا
رحت بياع الورد :eh_s(1): بس اول مره اروحله الصراحه شي عنده شغلات واااااااايد حلووه حق القرقيعان وهمم رحت السرداب رايحتله من اول بس ماكان عنده مجموعه كبيره​

وبياع الورد يايب شغلات للقرقيعان واايد واشكال
وانا لبس ولدي اسود بذهبي فحبيت القرقيعان يكون نفس الالوان
ودخلت معاه الاوفوايت لقيت جياس للقرقيعان تهبل عليهم نقش ومخمل واشكال
بس كله اخر جيس والجيس فيه 12 حبه ومايصير اخليه مرقع كنت ابي نوعين على الاقل
وكلش شي خالص مافي منه كميه كبيره​

المهم خذيت هل نوعين

الوف وايت حق لكبار والاسود خليته حق اليهال وفيه مداليه لهم خخخخ​

وخذيت هل فيونكات موجوده فوق علجيس الاسود بخيطها فيه بس مو بنفس الموكان طبعا لا فوق بنص

​

وبحط هل شرايط عليهم الاسود بحطه الاوف وايت والعكس

​

وهذا حق خالتي بحط داخله الجيس الاوفوايت ومفكره احط كريشه شويه سوده :eh_s(10):

​

وهذول لزق قلت يمكن احتاجهم حق شي بالاخير الزق عليه :ggdw:

​

وهذي بدلته ترا الفانوس اللي عليمين لونه موجذي:eh_s(4): لونه مثل العلامة اللي علقحفيه

​

وبسسس وحبيت افيدكم "بياع الورد" بس ترا زحمه وقاعده تخلص الشغلات بسرعه بسرعه
وسوري علتصوير موهذاك الزود لاني مستعيله ​

بس بنات عندي سؤال او استفسار :eh_s(10):
الحين لجياس ابيلهم شي احطه فيه لقيت جياس خام بس ثقيل واقف يعني وحلو لونه اوفوات وعليه قصات هلال ونجوم بس ماحصلت غير 3حبات
علشان ابي احط لجياس داخلهم
وريلي يقولي اليهال ماله داعي عطيهم الجيس جذي! بس فشله صح؟ اول بيبي ليي ولازم فناتق يعني هذا اللي اعرفه انتو شرايكم؟
وحصلت الجيس اللي عندهم الواحد ب600 وانا ابيلي 50حبه ماعندهم هل كميه وهمم بيطلع على واايد
فبلييز بنات اللي تعرف مكان يبيع بالجمله وشغله حلو تدليني :eh_s(7):​

 

[كويتيه فرنسيه]

مشاء الله الشغل يهبل من وين شاريه لبس القرقيعان

وبالنسبه للاجياس تحصلين عند ابو ميه طيور الجنه وهالسوالف اجياس حلوه وبمية فلس

والله يخليه لكم وتفرحين فيه معرس

 

[q8 knosha]

والله رحت طيور الجنه كنت ابي شغلات احط فيها لجياس ماحصلت ولا شي يخص القرقيعان ورحت بعد كذا محل يمه ومن نفس طقته ماحصلت شي عندهم كلششش
اللبس من وحده كانت نازله بمعرض بجنوب السره قبل شهر جذي
وكانت تبيع جياس من نفس الشكل بس خامته يلد بس غالي الدرزن ب18 وماتنزل الا اذا باخذ 100 حبه وانا ابي 50 بيطلع على غالي حيل
وتسلمين حبيبتي

 

[ام ورود مول]

حلوه اغراضج
عليكم بالعافية والله يخليلج وليدج

 

[الدلوعه2008]

حلوين حلوين


عليه بالف عافيه

انا مفروض اول وحده ترد بس رحت وجيت طلعت اخر وحده


شوفي حبوبه انتي حييل مستعجله تو الناس علي قرقيعان

والعلب وكل شيء هذا قديم مو جديد وانتي تشوفينه جديد الجديد ينزل برمضان يعني الحين الناس تشتغل عليه وبينزلونه برمضان بتشوفين اشكال وايد حلوه

فما بالج بو ميه مو مستعجلين علي تنزيل قرقيعان

 

[MiSS B.K]

الله يخليلج ولدج وعليه بالعافيه وااايد حلوين

 

[om.salem1]

حلووووين
عليكم بالعااافيه

 

[baby.blue]

ماشاءالله حلوين ..

عليج بالعافيه ..

امممم / إلي أعرفهم عندهم هالسوالف بياع الورد و طيور الجنه و اسواق بو 100

اتوقع بياع الورد اذا خلص الشي ينزلون مره ثانيه بس صراحه مو متأكده

ان شاءالله تحصلين إلي بالج و يطلع القرقيعآن كشخه حددددده

 

[q8 knosha]

منورين حبايبي وتسلمووون

 

[سنيوريتآ]

ححلـوو آغرآضضج و الله يخلييه لج :**​

 

[روح ناصر]

حلوين حبيبتي
عليكم بالعافية ويخليلج ولدج انشالله

 

[ام سليمان 2008]

عليكم بالعافية تفرحين فيه معرس ان شاء الله

 

[حنين المسافر]

حبوبه عندج لاكشيت يهبل ويصك على بياااع الورد

 

[Miss Golden]

الله يخليلج ولدج و تشوفينه خريج و معرس ان شاءالله

 

[mĬŝ∫Řξξm]

نآآآيسس مرره
وربي يخليه لك

 

[قآنون كيفكـ!!]

حلوين ..
الله يخليه لج يارب ..

 

[jaaanooo]

واايد حلوو حبوبتي .. تقريبا مثلي انا حق اليهال خذيه اكياس بيج وحق لكبار اخذت فانوس وان شاء الله بس اجهزهم بحط الصور ...

 

[مدام فاشن]

تسلمين على الافاده ربي يخليلج وليدج واشوفينه معرس​

 

[مريانا ام ماريا]

يارب يخليلج ولدج وتشوفينه معرس
بس انا بنتغد شوي بس اتمنى ما تزعلين لان انت كتبتي بالموضوع ان تبين فناتك والي انتي شاريته ترى وايد قديم من عمر ولدي الكبير يعني مديلات قبل 10 سنوات اللبس حلو وايد وحده كول بس التوزيعات قديمه ما فيها اي فكره يديده
وحق خالتج مو حلو بس تحطين حلاو حطيلها دهن عود مع ملفع كشخه وهم حق امج نفس الشي وابوكج وعمج لا تنسينهم

 

[kitty eyes]

عليكم بالعافية