افتح قلبك ..!!

[Moondance]

السلام عليكم بنات

بنات .. التسامح اهو اننا ننسى الماضي بكل ذكرياته المؤلمة .. ونعالج قلبنا وروحنا من الكره .. الغضب .. والحقد .. ونفتح عيوننا عللى الاشياء الزينة بالناس اللي نعزهم بدال مانحاكمهم وننسى عشرتهم

التسامح اهو ان نخلي قلبنا مفتوح لكل الناس .. ونعرف ان مدام قدرنانسامح فاحنا حصلنا على نصف السعادة في حياتنا

اليوم نبي نصفي قلوبنا .. شرايكم ؟؟
يمكن في شخص عزيييز على قلبج خان ثقتج ؟؟ طعن فيج ؟؟ زعلتي منه فيوم من الايام بسبب موقف .. اوانتي زعلتيه وندمتي عاللي سويتيه ..
ذكري لما هالموقف وشنو ودج تقولين حق اعز الناس لج ؟؟

 

[coffee]

وعليكم السلام تسلمين على الموضوع الحلو لان في ناس فعلا الحقد في دمهم وساعات حتى بدون سبب الحمدلله والشكر على نعمة العقل

بنظري الانسان مستحيل ينسى كل الذكريات تتخزن تلقائيا بالذاكرة.. اما التسامح فهو خيار يختاره اصحاب القلوب الطيبه.. واذا الله سبحانه يسامح احنا عبيده ليش ما نسامح!

وللامانه انا الحمدلله ما عندي شخص عزيز صارلي معاه هالموقف.. لكن تصير مع ناس اقل معزه ودايما اكون متسامحه ولكن الحديث اللي دايما تذكرني فيه صديقتي العزيزة الله لا يحرمني منها بانه " لا يلدغ المؤمن من جحر واحد مرتين".. يعني نسامح لكن بحذر.. مثال الغزو العراقي

وهذي بعد الأقوال في التسامح من كتاب عندي:

قال رسول الله صلى الله عليه وسلم: صل من قطعك، واعف عن من ظلمك، واحسن الى من اساء اليك

فكتوريان: ان التسامح زينة الفضائل

حكمة لاتينية: من رماك بحجر، ارمه برغيف

الامام الشافعي: وعاشر بمعروف وسامح من اعتدى ... وفارق ولكن بالتي هي أحسن

اندريه موروا: لو كنا نعرف الآخرين كما نعرف أنفسنا، لأدركنا أن أعمالهم تستحق التسامح

 

[Moondance]

coffee صح لسانج يا عمري واشكرج على الرد العسل والكلام الحلو

وصج التسامح ماكو احلى منه

 

[حبنا الله عليه]

المواقف اللي اتعرض لها تتعبني أنا

وأدري هالشيء موزين لصحتي

بس أشيل على أحد ما أعرف ويمكن هالشيء وراثي فينا من الوالده

يجوز ما اهتني بنوم والتفكير ياكلني بس من أحط راسي على المخده أنسى كل شيء وثاني يوم تصرفي يكون طبيعي 100% الا اللي يتعمد ينقص علي أتحاشاه نهائياً لتجنب المشاكل ......


Moondance ألف شكر على الموضوع

 

[aBoOoRa]

مشكووره عالموضوع


فعلا الواحد لازم يسامح من غلط عليه لانه ممكن بعد القطاع وغيره حس بغلطته

وفعلا هذا شي صار معاي صديقتي من ايام الطفوله طعنت فيني والفت حجي بايخ حده عني وتهاوشت معاها وتركتها شهور مادري عنها اخرتها رديت لها بس مجرد اسبوع عشان تعرفاني سامحتهاعالي سوته بس ماقدرت استمر معاها لان اهلي منعوني عنها لان السالفه الي الفاتها عني وصلت لاهلي بس اني مسامحتها وفعلا تمنيت انها ما هدمت كل شي بالي قالته لانها كانت الوحيده الي من ايام المتوسطه معاي والحين كل من انشغل بحاله

 

[حصة]

اهوا التسامح بالفعل حلو بس انا عندي مشكلة اسامح ما انسى وهذي صفة بكل الحريم عموما يعني كانت عندي رفيجة عمري صدمتني بالفعل والحين صارلي سنة تقريبا تحاول فيني وانا لابستها بالمرة لأني فيني طبع ملوع جبدي ان زعلت ما ارضى بس صج اللي سوتة ما ينتسوي بالمرة

 

[عنايد]

انا ما اقدر انسا اللي جرحني حتى لووو شنووو
اتسامح يمكن لكن انساا لااااااااااااااا احط عليه اكس كبييييير

 

[Moondance]

حبنا الله عليه .. هذا دليل ان قلبج ابيض يا عمري لانج ماتعرفين تشيلين على احد ومتسامحة.. الله يكثر من امثالج ومشكوورة على مرورج يا عسل

 

[Moondance]

عبووورة .. جرح الرفيجة ما ينسي بسهولة .. صعبة لما رفيجتي احبها وابديها حتى على نفسي واخرتها تطعن فيني .. صعبةحيل


عنايد..حصووص.. انتوا نفسي بسالفة الرضا .. انا جذي ما ارضى بسرعة !
ترى اذا الوحده تعزينها يصير الموضوع اصعب لان تكون خيبت ظنج فيها بس لما الوحدة مومهمة حالها حال الناس يصير عادي لانها ما همتني عرفتي ؟؟
عشان جذي الجرح لمايكون من الناس القريبين يكون وااايد صعب .

عنايد .. يا كثر اكساتنا والله خخخخ

 

[Maltesers]

موضوعج مريييييييييح

ويا كثر الناس اللي تخون وو تطعن .. وانه من النوع اللي بنفس الوقت اعصب وازعل واطنقر ولا اتكلم واحطها بقلبي

بس بعد فتره لمن اهدي تلقيني نسيت كل شي وانسى تفاصيل اي موقف يصير لي ولا اهتم .. بس اظل متضايقه وانطر تصحيح الغلط من الطرف المقابل واذا ما حصل هالشي اعطي طاف

وفي وايد مواقف من نوع اللي مثلا تدق عليج وحده وتسولف لج وتحش بوحده وتحش وتحش وانه اسكتها و اقنعها لا مثلا فلانه يمكن مو قصدها لا حرام لا تقولين عنها جذي بحكم مانحب نظلم احد ووبعدين تعالي شوفي من تقعد مع هالوحده اللي تكلمت عنها .. تقلب عليج وتتكلم عليج

ويا ما مرينا بمواقف بس انه كله طاف

 

[Moondance]

موضوعج مريييييييييح

ويا كثر الناس اللي تخون وو تطعن .. وانه من النوع اللي بنفس الوقت اعصب وازعل واطنقر ولا اتكلم واحطها بقلبي

بس بعد فتره لمن اهدي تلقيني نسيت كل شي وانسى تفاصيل اي موقف يصير لي ولا اهتم .. بس اظل متضايقه وانطر تصحيح الغلط من الطرف المقابل واذا ما حصل هالشي اعطي طاف

وفي وايد مواقف من نوع اللي مثلا تدق عليج وحده وتسولف لج وتحش بوحده وتحش وتحش وانه اسكتها و اقنعها لا مثلا فلانه يمكن مو قصدها لا حرام لا تقولين عنها جذي بحكم مانحب نظلم احد ووبعدين تعالي شوفي من تقعد مع هالوحده اللي تكلمت عنها .. تقلب عليج وتتكلم عليج

ويا ما مرينا بمواقف بس انه كله طاف

ابييييييييييييه صح صح صح صح صح صح
لاا وتدق علي تحش تحش تحش برفيجتها .. فلانة موزينة عليها حركات وما افكر امشي معاها ووووووو.... وباجر تلقينها طالعة معاها ومتشققة من الوناسة ولا جنها قايلة شي .. !!!