افضل الدكاترة في علاج حالات العقم و تاخر الانجاب

[أمونة الحلوة]

السلام عليكم ورحمة الله وبركاته

شلونكم بنات اتمنى انكم تكونون بصحه وعافيه ان شاء الله


انا حبيت ان نحط لنا موضوع نكتب فيه احسن و افضل الدكاترة والعياداة والمستشفيات اللي مجربينهم في حالات علاج العقم وتاخر الانجاب سواء للرجال اوالنساء علشان الكل يستفيد منه وعلى حسب حالته واذا الدكتور موجود بالكويت او خارج الكويت

علشان الكل يدش اهني يحصل الدكتور او المستشفى الزين بدال لا نقعد اندور صفحه صفحه عن الدكتور اللي مجربينه ونختصر البحث على البنات اللي يبون يسالون




انا ببدي
في دولة الكويت

دكتور الرجال احمد الانصاري

مستشفى الصباح الرجال والنساء في وحده اطفال الانابيب الدكتور حازم الرميح وطيبه العتيبي
مستشفى لندن باتريك

ومن خارج دولة الكويت

مصر مستشفى بولغار لاطفال الانابيب دكتور بولغار

الاردن مستشفى فرح الدكتور زيد الكيلاني

يالله بنات خل نشوف تجارب او وين تنصحونا :tek:
​

 

[بمبرة]

:klhfl:الله يعطيج العافية يا امونة
والله خوش موضوع
والله آنا عن نفسي اراجع عند الدكتورة نداء بوخضور وايد ناس يمدحونها

 

[أمونة الحلوة]

الله يعافيج حياتي تستاهلون

 

[قبيطه]

انا جربت اكثر من دكتور بس الله ماكتبلى للحين الرزق بس مومعناة هذا انهم مو شاطرين كل شى بيد الرحمن
دكتوره معصومه
دكتوره ماجده اليتامى
دكتوره اميره بهبهانى
مستشفى الهادى اكثر من دكتور فيها
مستشفى لندن كلينك
هذيلى كلهم انا جربتهم
والحين اللى سمعت عنهم
ناهده العلى
فوزية القطان بروحلها الشهر الياى الله يسهل

 

[انا كويتية]

برة الكويت بالرياض دكتور حمد الصفيان فقط لاغيييييييييييير

 

[أمونة الحلوة]

يعطيكم العافيه بنات

ماقصرتوا

 

[$غــ(ز)ــل$]

**الكــــويت** مستشفى لندن**الدكتور باتريك

**لندن**الدكتور محمد الطرانيسي

**بلجيكا**مستشفى بروكسل**الدكتور ديفروي



موضوع يستاهل التثبيت .. مشكوره امونه على الفكره

 

[أمونة الحلوة]

تستاهلون ياقلبي على كل خير الاقل يكون عندنا مرجع سريع مانقعد نحوس وايد

 

[الفنانه79]

الكويت (معصومه مخصيد - فوزيه القطان )

مصر د حمد حسن مستشفى الامل

الاردن د. مغزاوي

يعطيج العافيه على الموضوع الحلو

 

[أمونة الحلوة]

الله يعافيج حياتي

 

[أمونة الحلوة]

رفيجتي بعد امدحتلي من الكويت هاني العقده في مركز الشعب التخصصي

 

[أمونة الحلوة]

بنت عمتي سوت تلقيح صناعي وماشاء الله حملت

في الكويت عند الدكتورة ماجده اليتمامى

 

[أمونة الحلوة]

up

up

 

[زنوبة الحلوة]

امونة حبيبتي يعطيج الف عافية على الموضوع

وصصج والله هالموضوع عجيب ويكون مرجع حق البنات

بالنسبة لي اناريلي يعرف دكاترة وايد للرجال بس انا ماعرف اساميهم

بس اللي اعرفة خليل العوضي والله اهو شاطر بس احنة ما ارتحنالة

ومادري يمكن يكون كل واحد وحسب حالته

وبالنسبة للنساء انا راجعت عند دكتورة وحدة بس اللي اهي الدكتورة معصومة

وسمعت عن فوزية القطان ودي اراجع عندها والله كريم انشالله

كل شي بيد الله

واذا صار عندي فكرة عن اي دكتور ماراح ابخل عليكم


امونة ارد اقولج يعطيج العافية على هالموضوع الحلو

 

[أمونة الحلوة]

الله يعافيج ياقلبي وتستاهلون كل خير

وربي يرزقكم بالذريه الصالحه اللهم امين

 

[زنوبة الحلوة]

يارب يا كريم وياج انشالله

 

[ايمان80]

حتى انا سمعت عن فوزية القطان وبجربها الشهر الياي
ادعولي بالذرية الطيبة

 

[أمونة الحلوة]

ربي يرزقج ويرزقنا الذريه الصالحه المعافى اللهم امين

 

[badrah]

بنات جربوا الدكتوره خالده المجيبل
ترى وااااااااايييييييددد شاطره
وكانت مشهوره بالصباح للحالات الصعبه
الحين اهيا برويال حياة

 

[أمونة الحلوة]

يعطيج العافيه ياقلبي