افضل المواقع للحجز حق ماليزيا

[جاردينيا_2000]

منو جرب حجز طيران حق ماليزيا عن طريق النت ..ابيه موثوق منه وسعره مناسب

 

[أسيـل الجـــرح]

والله ما عندي فكره حسافه

 

[مشتطة وبس]

تبين نصيحتي الطيران اخذي من السفريات احسن بس دقي على كذا
سفريات لما تحصلين الارخص.........
اضمن واحسن ولايقصون عليج يقولون لج من النت ....عن تجربة والله كذا مرة احجز من النت واستانس اخر شي احصلهم وايد ارخص من السفريات...والفنادق اختاري من النت شوفي الغرف وكل شي واخذيهم من السفريات......بعد تلقينهم ارخص.....انا اقولج قبل من كم سنة هالكلام صح من النت ارخص بس ألحين لا...لان صار الاكثرية يستخدم النت فالفنادق عارفة الموضوع هذا فتخلي الاسعار ع النت اغلى....

 

[جاردينيا_2000]

يعني اروح افتر اول على السفريات .. يامشتطه ..بس الكل اقولون من النت احسن ..بس بشوف شورتج ..مو خسرانه لما افتر

 

[مشتطة وبس]

لا ...لاتفترين دقي تلفون بس اخذي اسعار مبدئية........ويرخصون لج بعد....شوفي سفريات سلطان والسيد والعبدالجليل وجلوبال واتصلي بس وقارني......مثلا انا برجايا كنت حاجزته ب35 حصلته ب24 ....والحيت كنت بحجز كويت ماليزيا بس واي ب145 بالنت حصلتها ب135...يعني يفرق والله...وساعات تحصلين الفرق اكثر وجربي منتي خسرانة...خططي قبل وقت كافي مو حده حده.........وموفقة

 

[إستبرق]

حبيبتي انا اول شهر 11 رديت من ماليزيا وحجزت الفنادق والطيران الداخلي من النت والفنادق ارخص واااااااااااااايد من النت انا طلعت الفنادق وزوجي كان مو مقتنع انه من النت نحجز خايف ولما راح سال المكاتب وقارن طلع فرق وايد مو شوي وحجزنا من النت

حجزت الفنادق من سايت
asiatravel والحمدالله كل شي اوكي لما رحت
والطيران الداخلي حجزت من اير اسيا وخذيت الخدمه الاكسبرس وحجزت من الفير فلاي
ونصيحه خلصي شغلج من النت الموضوع حده سهاله وتروحين وتردين بالسلامه

 

[أم كادي]

استبرق قلبي ممكن تعطيني السايتات على الخاص ابي سايت الفنادق وسايت الطيران

 

[إستبرق]

من عنوني ام كادي الحين ادزهم لج