افضل دكتور لابر النضاره

[dla3_princess]

انا جرربت عند نورة الصليلي

حسيتها عادديه و طلعت لي كدمات راحوو عقب جم يوم

بس رفيجتي حييل تمدح دكتور سيد الشافعي بالهادي

تقووول ابررر النضاررره عنده اتينن

و الله بجرربه انشالله خلال الفتره اليايه و اكتب لكم تجرربتي

انشالله

 

[هوى بحري]

انا جربت الدكتور اقبال الخطيب بابر النضاره ، ماكو اي تغيير ولا شفت نضاره ولا حيويه بس امتلاء شويه بالخدود

بجرب ماجد تقي الاسبوع الياي واعلمكم بالنتايج

 

[حرم الحوت]

انا خذيتهم والله وايد حلوين ويفرق معاج بالبشره واللمعه وخاصه اذا خذيتي معاهم ابره فيتامين سي لانها توحد اللون وتعطي نظاره للجسم كله

 

[يحبنى الله *]

منو دكتورك حرم الحوت

وبنات ليش ما تمدحون نورة الصليلى إذا كان زوجها ما جد تقى مجابها معقولة زوجته وغير عنها

 

[meyora]

انا قبل عرسي رحت لنوره الصليلي وسويت تقشير خفيف وتوحيد لون
احس شغلها بوطقه حده
وعمتي سوت عند د ماجد تقي ابر نظاره وابر تفتيح ماشافت اي نتيجه



عفيه وين احصل ابر نظاره تسوي بشرتي وااو
وانا سامعه بعد عن ابر التفتيح

 

[meyora]

اب اب اب

 

[فيروز خانوم]

اشرايكم بالعرادي يمدحونه

 

[سنتر الزين]

جربتها عند اقبال الخطيب 3 مرات موشي عاديه مع اني شايفه وحده مسويتها عندها تهبل عليها بس اهي من زمان كانت مسويتها
ومدحوا لي طيبه كلنك وودي اجربها عندهم

 

[meyora]

بشوف عماد النجاده واذا ماحصلت موعد
بشوف منذر العجمي شرايكم كتكوتات

 

[dlll3]

بنات ياليت تفيدونا عن الدكتور مـنـذر العجمي

 

[الأنسة ناعمة MA]

أنا مدري يابنات أتوقع اللي ماشافت نتيجة النظارة العيب ببشرتها
لاني لما رحت أسوي أبرة نظارة قلت للدكتورة أبي نظارة قالت فية جل وفية أبر كان سعرها ب 20 دينار وأنا كنت قبلها مسوية نفخ للخدود عندها 320 دينار المؤقتة فعطتني نظارة هدية ب 20 فيعد شهر رحت لها بسوي نظارة جان تقول ويهج تعبان لو بحط لج جل نظارة >تعورت من أبر النفخ فقلت مابي أبر >تعذبت ههههههه
مهم جان تقولي ويهج تعبااااااااااااااااااان وماراح يبين النظارة فقلت شاسوي قالت أنصحج تسوين تنظيف للبشرة علشان بشرتج تستقبل الجل وراح تحسين بحيوية فسويت تنظيف ب 15 تالي سويت جل أنا للأمانة حسيت بحيوية وأشراقة مدري من تنظيف ولا الجل بس ماطول يمكن أسبوع تحسين بحيوية بس لمعة ومدري شنو نظارة ماحسيت أبدا
للامانة العيادة هذي زينة ماذمها بس مومعروفة والمرة الجاية بسوي بعيادة معروفة ودكاترة معروفين دام الحمدالله أرتحت وقمت أتجرأ

 

[شمس 20]

انا اسويها عند اسماعيل نداء الحين وناطره النتيجه

 

[فيروز خانوم]

بعد يا صبايا عطونا تجاربكم

 

[ام داااني]

بنات بجم ابر النضارة؟

 

[هيوونه@]

up
up

 

[شمس 20]

انا خديتها عند دار الشفاء ب 50 دينار

والله روعه تجننننن خيال تمت معاي شهر ونص فضييعه حتي السواد اللي تحت العين راح

شكلي برد اخد لي بعد وحده

 

[shahooda123]

زهور عند منو سويتيها بدارا لشفا

 

[q8ia7]

البنات اللي يقولون قبلها لازم بشرتج تكون حلوة عشان تحسين بنتيجتها ..

عيل اهي شفايدتها ؟ مو المفروض اهي تعدل بشرتي :/

انزين فيه ناس قالو الاحسن تاخذين قبلها كورس تقشير ..

شقصدكم اي نوع تقشير ؟ اللي بالكريمات (ريتن اايه ودوكين 4) ؟ ولا قصدكم تقشير كريستال والانواع هذي ؟

انزين هذا التقشير شكثر ياخذ وقت ؟



بشرتي تعباااانه .. وويهي احسه قاب =(

ودي ابلش بالتقشير بس مو عارفه شلون .. ابي احد ينصحني قبل لا اروح

 

[om MaRyooM]

البنات اللي يقولون قبلها لازم بشرتج تكون حلوة عشان تحسين بنتيجتها ..

عيل اهي شفايدتها ؟ مو المفروض اهي تعدل بشرتي :/

انزين فيه ناس قالو الاحسن تاخذين قبلها كورس تقشير ..

شقصدكم اي نوع تقشير ؟ اللي بالكريمات (ريتن اايه ودوكين 4) ؟ ولا قصدكم تقشير كريستال والانواع هذي ؟

انزين هذا التقشير شكثر ياخذ وقت ؟



بشرتي تعباااانه .. وويهي احسه قاب =(

ودي ابلش بالتقشير بس مو عارفه شلون .. ابي احد ينصحني قبل لا اروح

نفس تعليقي بالظبط

 

[اوووفه]

ناطرين تجارب اكثر