افضل شاورما بالديرة

[جنى]

احلا شورما دياي عند "كوردو" عجيييبة

و احلا شورما لحم في الكفتيريا اللي ورا جمعية الضاحية

 

[TooToo]

مطعم فرح شاورمتهم رهيبة

 

[nono78]

ذقت شاورما وعجبتني من شارع المطاعم

ابن الوزير بس طلبوا الصااااااااااااااج

وبعد شاورما كوردووو حلوه عجبتني بس وايد مبهره حق الي يحبون البهارات

 

[جاكليت]

هلا والله

طبعا شاورما اللحم من مطعم الغدير اللي في بنيد القار مقابل الدسمه

وشاورما الدجاج من مطعم فرح لذيذة وفي مطعم الشاذروان يم دوار البدع
والبطريق والركن الذهبي
وتصبحون على شاورما
ههههههههههههههههههههههههههههههههه

 

[عبير العبورة]

احلى شاورما ذقتها بحياااااتي

ولا يعلة عليها

افرااااح الخليج وبس

 

[ام الغزال]

شاورما بدر البدور و برقان ..

من سنة جدي ...

عجيبه و كل وحده متزوجه من واحد يشتغل بالداخليه أكبيد يعرفه ..

 

[لوللي]

ماكو على الشادروان عجيييييب وأحلى مطعم شاورما

 

[سوق الجمعة]

احلى شاورما ( الشاورما المكسيكي في الشعب ).. يهببببببببببببببببببببببببببل عنده خمس اصناف شاورما مو ثنتين ويحط عليها صلصات مو طبيعي.. بس غالي الشاورما عنده وصغيرة حيل ومطعم في الاحمدي يهبل يسويها بخبر الصاج..

 

[أم الحلوة جمان]

وااااااااااااااو بنات يوعتوووني وشهيتوووووني
انا وحدة امووووووت عل شاورما الدجاج لا و بحملي الاخير متنسية فيها كل يوم ابي شاورما
و أحلى شاورما ضقتها ( طبعا الدجاج) :
- فلافل على كيفك - في حولي بس ما ادري وين ريلي يحوس بدواعيس وبعدين القاه جدامي ( وهم الفلافل عندة عجيييبة و كبييرة و تشبع حيل )
- ميس الريم ( على البحر بجانب طربان)
-مطعم الرميح اللي بجمعية مشرف (بس عيبها انها وايد دهن بس لذيذة )
- ومطعم شاورما ( فيه أكثر من نوع مثل ما قالوا البنات و أنا أحب اللي بالخلطة المكسيكية حارة و تينن )

واااااااااااااااااااااااااااي لحقوني بشاورما الحيييييييييييييييين

 

[[ . . Jee Jee . . ]]

شهيتوني حرام عليكم لول

توني ادري افراح الخليج عندهم شاورما ؟ بطلب منهم بس اخبص الريجيم لول

 

[DLOOL]

افراح الخليج
ونجوم الخليج
صاج الخالديه

 

[ام كرز]

شاورما زاد الخير بجمعية المنصوريه اللي تكون ملفوفه بخبز لبناني ضعيف وفيه شويه ثوم ومخلل صغيره وايد اخذ ثنتين وساعات ثلاث لذييييييييذه

وعندج جمعية الدسمه عند الايراني صمونه كل حلووووو الزهره تطير العقل وهم البطاط واللبنه وهم الشاورما والشيش طاوق بصمونه والكباب شي خيالي طبعا الايراني يكون على زاويه ويم الخباز مو الهندي اللي يكون بالوسط

هم عندج برقان اللي يم بدر البدور ببنيد القير حلو صمونه

الله يسامحكم يعت

 

[دانتيل]

قوووووووه بنات
احلا شورما كليتها مطعم اسمه شورما تركيه بحولي يم سوق الباشا صج قديم بس انا لي الحين اهوا المفضل عندي

 

[makeup story]

انا احب شورما مالت افراح الخليج اللي بشارع المطاعم بالسالمية روعه << مادري علشان كنت وقتها حامل مشتهيتها منهم

 

[om el7elwen]

لا ما احب الشاورما بس مرة اكلتها ابجنيف احلى شاورما ذقتها

 

[Queen-q8]

احلى شاورما ذقتها كانت وحدة بالرياض هالحجي من قبل 16 سنة وطبع هني بالكويت ::

شاورما ميس الريم اللي على شارع الخليج يم طربان

الدياي حلوة وهمن اللحم عجيبة وحامضة بصارحة ما اقوامها

وبعدها شاورما اللحم افراح الخليج بس مشكلته يحط عينه لحم مو يترسها

وهمن اب الوزييير شاورما الدياي لذيذة عنده ...

جربوا ميس الريم وما راح تندمون ..


كوردو كله اشوف الشاورما عنده شكبرها بس ما قط مرة وقفت وطلبت الشارع كله زحمة ..

فرح انا احب التشكين فيلة واحلى مسحب بالكويت عنده مع انه وايد يحط ثووووم بس لذيييييذ


فلافل على كيفك جربت عندهم الفلافل وكذا شغله بس كنت اتنسى وبصراحة ما عجبني الا الفلافل عاد اجرب الشاورما لي رحت حولي ...

 

[New Mum]

ايكيا ورا الكاشير حدها يمي

 

[ملكة زماني]

شاورما لحم من مطعم ( شادروان) عند دوار البدع
خاصة لما اتكون بصمون فرنسي وفيها شطة
( امبيه قاعده اكتب واسعبل لوووووول اشتهيت الشاورما)

وشاورما مطعم الغدير بسلوى
بس هذيلا اللي احب اكل منهم

 

[أم روعة]

احلى شاروما دياي مالت 99 وبعدها مالت مطعم كويتانا بجمعية السره وايد حلوة ويسويها بخبز تركي ( بس ترا تشبع لان الخبز التركي ثقيل)
ماحب شاروما اللحم .. بس شوقتوني اجرب افراح الخليج
اي بعد ذوقوا مسحب 99 ومسحب ماكرينا بشارع المطاعم عجييييييييييب

 

[7abebat elq8]

بنات توني جربت شاورما اللحم مالت ميس الريم عجيييييييييبه اعتمدتها خلاص صارت احلي مطاعم الشاورما عندي:
" كوردو" و"ميس الريم" و "شاورمر"

يم يم يميييييي