اففففففففف زوجي ذبحني بحنته يبيني اقلل من بدلاتي بذمتكم جم بدله تاخذون للسفر؟؟؟

[حاااايره]

هااااااااي بنات انا بسافر وبقعد تقريبا 18 يوم

بسألكم سؤال لو انتو مكاني جم بدله تاخذون

انا ماخذه 8 بدلات(النفانيف القصار) 3 بديات للنفانيف و3 جنزات و5 ملافع وتونزين وجاكيت وجنطتين الصغار اللي على جنب ووحده عاديه
و2 جواتي سبور عزكم الله وكعب لغير الرحلات وجذي غير الاندرويرز


امانه واجد؟؟

زوجي ذبحني هذي حالتنا دايم هوااااش بكل سفره مو مقتنع ان لبسي مو واجد ويقول ياتقللين يا ما اسفرج ---->>> سلانيه صرت



بليز ردو ترا بوري زوجي ردودكم عشان يعرف اني مو مكثره باللبس

 

[supermarket]

والله ياحايرة هدومج مناسبة ل18 يوم

لاني اخذ اقل منج بشوي ل10 ايام

خاصة ان قليل ماتغسلين هناك

 

[supermarket]

والله ياحايرة هدومج مناسبة ل18 يوم

لاني اخذ اقل منج بشوي ل10 ايام

خاصة ان قليل ماتغسلين هناك

 

[supermarket]

سوري تكرر الرد

الايرور ذبحني

 

[اميرة الغيد]

انا اذا سافرت كثر هالمده آخذ 3 بدلات بس واحطهم بجنطه كبيره واشتري بدلات من السفر والبسهم هناك
الا اذا بتروحين ديره طبيعه مو سوق مثل زلمسي مافيها سوق يسوى لازم تاخذين اكثر ، بس اذا مثل المانيا وين ماتروحين سوق وبدلاتهم اشحلاتها آخذ 3 بدلات واشتري من هناك .

 

[bnt_7waa]

ان خذيت حوالي 8 بدلات كاملين وكل بدله شيلتها وياها تقريبا

وغير بدله المطار 9

بس الجنطه ثقيله وخايفه من الوزن

اي وانا بقعد اسبوعين

 

[شرطيه حلوه]

اخ\يلج جنزين و 5 أشياء تلبسينهم

والله يعافي المصبغة اللي بالفندق ليش تخلين عليج وزن لأن بالرده راح تكونين شاريه عرفتي

انا ما أودي هدوم وايد يعني مثلا قميصين وألبس فوقهم تونزات أودي مثلا 5 وليمه أرد أحطهم للمصبغة ثاني يوم ييوني نظاف وجذي والصراحه ماله داعي كعب حق السفر لبسي فلات مريح وطبي حق المطارؤ وخليه حق السفره واذا اخترب والا صار فيه شي اشتري من هناك

 

[[Q8TYA]]

لووووووووول مادري ليش ضحكت تخيلت شكلك انتي وريلج اشلون مناشبج على اغراضج

شوفي اخذيلج جينزين او 3 بالكثير
والبدل 8 اوكي معقول
بس لتونزات احس مالهم داعي دامج ماخذه بديات حق النفانيف
والجناط وايد ماخذه 3 ؟؟ بس وحده اللي تنحط على الجنب وماله داعي الثنتين الثانين
والجواتي لبسي واحد واخذيلج ثاني احتياط .. لانه ماله داعي تاخذين كعب هذا سفر مو حفله

وانشالله اكون فدتج وماضايقتج

 

[¤§ زيتونة §¤]

حبيبتي


مو وايد اذا انتي من النوع اللي بحب يغير لبسه


يعني مو معقولة تطلعين وتردين تطلعين بالليل مثلا بنفس البدلة


بالنسبة حق الجناط اخذي 2 بس وحدة حق طلعة الليل ذربة وناعمة والثانية حق النهار والرحلات والتمشي وتتحمل اغراضج

وكاميرتج ومن هالاشياء لزوم الطلعة النهارية




والجواتي عزكم الله اثنين كافي بعد واحد بكعب خفيف وواحد رياضي ومريح للحركة

لانه بكل دولة نسافر لها في طلعات تحتاج لهذا وطلعات ثانية تحبين تكونين فيها بانوثتج لان طلعة الليل احسها هادية




وعليج بالعافية والله يهنيكم

 

[انادي]

والله انا نفسج او على فكره نفس تاريخ سفرتج بس انا على الاماراتيه 14 8 يله ياليت اجوفج بالمطار انا عن نفسي بقعد اسبوعين باخذلي 8 بدلات او جوتي رياضه او غير الفلات الي اكون لابسته من المطار او الجنطه الي على جنب غير الجنطه العايه الي بشيله بالمطار او تونز واحد او جاكيت

 

[انادي]

وي ريلي توه يقول ماتحطين غير ست بلايز الي يكونون طوال ويه بنطرونين جنز اوجاكيت ما شفيهم الرياييل والله اقوله هذي جنطتي الي بحط فيها كيفي يقول ما تحطين غير 6 الله كريم ما ادري شلي قلب مخه

 

[سلمى الخير]

انا اقول اربع بدل كامله مع ملافعهم وجاكيت كافي اذا حابه تتسوقين وتتدبسين بوزن خصوصا ان الكيلو الزايد ب9 دنانير

والله يسلم المصابغ هناك

 

[أمواج البحر]

وااي صج نشبه الريايل

ريلي كله جذي بس ما ارد عليه

واحط حق كل يوم بدله وشيله وعليج الحسبه وغير تكرمون الجواتي

انا بروحي الجنطه الكبيره وزوجي فقير جنطه وحده handbag لووووووووووووول

 

[شهدQ]

والله ياحايره مالومه والسبه الشحن

 

[المزيونة^]

الصراحة السفر حلاته انج تكونين خفيفة خصوصا اذا كنت راح تتنقلين بين اكثر من مدينة و فندق و عشان تريحين ريلج من الشيل و الحط و ماتقص ظهره الجناط و( تقطعي الخلف ) ههههههههه
كثر ماتقدرين خففي لانج اصلا راح تردين ثقيله من المشترى و الاسواق حتى لو شنو لابد انج تمرينها و تشترين منها فنصيحة لوجه الله حاولي تخففين الملابس او بطريقة انج تستخدمين البدي و البنطلون على كذا نفنوف فتقلصين من الكمية يعني بدال 3 بنطلونات ممكن تخلينها 2 واحد جينز وواحد اسود مثلا على حسب الوان ملابسج
و اتمنى لج سفرة موفقة

 

[bnt_7waa]

خلتوني افكر اقلل من الي عندي


بحاوول اخفف

احس نفسي جني مستر بن يوم يحط طبجه ويشيل الطبجه الثانيه:×

 

[أم خالد]

حبيبتي
انا جربت قبل كنت مثلج آخذ بدل وملافع وجواتي واتكشخ ، والبس نصهم ونصهم ما ألبسة بس اثقل على روحي بالجنطة
الحين لأ انا مسافرة اسبوعين وامس رتبت الجنطة شوفو اشحطيت لي عقب ما اكتسبت خبرة من السفر:
الجنطة صغيرة حجم 14
حطيت 4 بلايز طويلة (شاريتهم للسفر )عملية جدا ومريحة منهم 2على شكل توينز شريتهم من ديربي جينز بشرق من شهر وشلتهم للسفر( أحب بالسفر يكون كل شي معاي يديد )
وبنطلونين اسود وكحلي قماشهم ونوعهم مثل الترينقسوت مريحين باللبس
4 فنايل داخلية + الملابس الداخلية (أشتري 3 أطقم جديدة أكشخ فيهم +6..)
للجو البارد 2 بلوزة شتوية خفيفة + جاكيت مطري خفيف أسود ألبسهم مع البنطلونات
2 ملفع أسود +3 أمطات
2بيجامة( أشتري بيجامات جديدة علشان أدلل نفسي بالسفر هههه) + 6 جوارب قطن
شنطة واحدة فقط تنلبس على جنب
شبشب للحمام شنطة صغيرة للكريمات(آخذ العلب الصغيرة لمن اشتري كريماتي دايما اطلب من نفس الماركة سامبلز صغار اشيلهم للسفر) وكحل سائل مع كريم الحماية وقلوس خفبف
مشط+شسوار صغير +السجادة والبوصلة وثوب الصلاة
وللمطار جينز مع قميص مع الملفع رقم 3 والجوتي راح آخذ واحد بس جوتي رياضة وبلبسة من المطار

وفي بالاوتيل مصبغة تغسل وتكوي اللبس

وناخذ هاندباق نحط فيها كلنس معطر للرحلات وجدر الرز الكهربائي لليهال و2 طشت صغير والعلاق المدور لتعليق الملابس بعد الغسيل لأن معاي يهال راح اضطر اغسل الملابس الداخلية والجوارب( عادي متعودة واستمتع لي غسلت الهدوم ) ولازم معانا ابريق ماي تكرمون للحمام لكل غرفة واحد) وأي شي زايد راح ينحط بالهاندباق
ونفس الشي اليهال أغراضهم خفيفة كلش بالجنطة

وماراح اشيل جنطة بالمطار لأن كفاية علي عربانة ولدي وجنطته للحليب والحفاظات واغراضه راح أحط فيها أغراضي
خلي شنطتج خفيفة ولا تكثرين من الأغراض السفر تغيير وراحة واهو يحاتي الشيل والحط ومعاه حق
لا تتضايقين كل الرياييل جذي حتى زوجي لو تشوفين جنطتي اشلون صغيرة وخفيفة حطيت فيها اغراضي وبعد فيها مكان زايد خليج خفيفة وروحي تمشي وشمي الهوا الحلو وانسي الكشخهة واللبس خليج عملية علشان تحسين بالتغيير اخذي معاج شمع للغرفة والرومانسية وتروحين وترجعين لنا بالسلامة يارب
وسلامتج يالغالية

 

[الاسطورية]

اهو شعليه من جنطتج اهو جنطه وانتي جنطه ولا يتدخل قوليله هذي جنطتي وانا احب اخذ راحتي

 

[الاسطورية]

\عن نفسي انا بس اخذ جنزين

والبجي كله بلايز طويله تقريبا10 بلايز وبس

جواتي 2 اسود وابيض او سلفر

 

[ألماس q8]

اي والله اهو شعليه من جنطتج ههههههه
الله يهديهم يتدخلون بكل شي انزين هاذي ملابسي وانا احتاجها
اقنعيه بطريقتج وصدقيني كثر الدق يفج اللحام << مادري اذا هذا وقت المثل او لا (لووووووووووول)
عموما تروحين وتردين بالسلامه حبوبه