افكاار حلوة لبرامج الإذاعة المدرسية ღஐღ متميز ღஐღ

[أحبك خفاا]

رد: افكاار حلوة لبرامج الإذاعة المدرسية ღஐღ متميز ღஐღ

هلا حبايبي ابي عبارة عن اسبوع التخضير اكتبها على بطاقة اللي بحطها على شتلة شنو اكتب

 

[فوشية]

رد: افكاار حلوة لبرامج الإذاعة المدرسية ღஐღ متميز ღஐღ

يعطيكم العافيه

امى من زمان تحن علي تبي برامج اذاعيه واخيراً لقيت لهااااا

 

[*جبرني الوقت*]

رد: افكاار حلوة لبرامج الإذاعة المدرسية ღஐღ متميز ღஐღ

يعطيكم العافيه

 

[فطووومة]

رد: افكاار حلوة لبرامج الإذاعة المدرسية ღஐღ متميز ღஐღ

الله يعافيكم حبايبي


وفوشية سلمي على امج

 

[أبلة عربي]

رد: افكاار حلوة لبرامج الإذاعة المدرسية ღஐღ متميز ღஐღ

بنات والي يعافيكم ابي مساعدتكم
ابي برنامج اذاعي عن اللغة العربية بس مابيه مسرحية ابيه مجرد كلام ومسابقات
وتكفون ابيه باسرع وقت ممكن

 

[يا ليل مطولك]

رد: افكاار حلوة لبرامج الإذاعة المدرسية ღஐღ متميز ღஐღ

السلام

ابلات ولا عليكم امر بغيت افكاار للاذاعه المدرسيه رياضيااااات

الله يوفقكم..

 

[الاخلاص]

رد: افكاار حلوة لبرامج الإذاعة المدرسية ღஐღ متميز ღஐღ

انا راح اوزع شتلات للمديرة والوكيلات من المشاتل واكتب عليها كلام عن تخضير وسلامتج

ربي يسلمج

 

[LUCK GIRL]

رد: افكاار حلوة لبرامج الإذاعة المدرسية ღஐღ متميز ღஐღ

..:: بسم الله الرحمن الرحيم ::..

أهديكم موسوعة كبيرة من الملفات لإذاعتكم المدرسية..



http://www.hitham.net/1_11189947423.zip


لا تنسوني بصالح دعائكم.. ​

http://www.moalem.org/vb/showthread.php?t=11038



http://www.moalem.org/vb/showthread.php?t=11041




http://www.moalem.org/vb/showthread.php?t=11040



http://www.moalem.org/vb/showthread.php?t=11039


كلمة إذاعية عن تكريم المعلم

http://www.moalem.org/vb/showthread.php?t=11042



http://www.moalem.org/vb/showthread.php?t=6757



http://www.moalem.org/vb/showthread....915#post110915



http://www.moalem.org/vb/showthread....918#post110918

 

[مايكبرني لقب]

رد: افكاار حلوة لبرامج الإذاعة المدرسية ღஐღ متميز ღஐღ

يعطيكم العااااااااااااااااااااااااااااافيه افكارحيل حلوه وحيل

 

[أم الكتاكيت]

رد: افكاار حلوة لبرامج الإذاعة المدرسية ღஐღ متميز ღஐღ

عساج على القوة

 

[LUCK GIRL]

رد: افكاار حلوة لبرامج الإذاعة المدرسية ღஐღ متميز ღஐღ

الله يقويكم

 

[fruit salad]

رد: افكاار حلوة لبرامج الإذاعة المدرسية ღஐღ متميز ღஐღ

ربي يفتح عليج دنيا وآخرة:eh_s(6):​

 

[مناير]

رد: افكاار حلوة لبرامج الإذاعة المدرسية ღஐღ متميز ღஐღ

الله يعطيج العافيه على الابداااع
بس حبيبتي ابي افكار اجدد
ردي بسرعه ابي افكااااااار جديده حالا

 

[mero]

رد: افكاار حلوة لبرامج الإذاعة المدرسية ღஐღ متميز ღஐღ

بنااات الله يعافيكم

بغيت برامج أداعية ( لقسم الاجتماعيات ابتدائى )


بعنى اتكون حلوه وفناتك غريبه

ويعطيكم ألف عافيه على المجهووووود الحلو

 

[LUCK GIRL]

رد: افكاار حلوة لبرامج الإذاعة المدرسية ღஐღ متميز ღஐღ

أول شي عنصر المفاجأة .. اختاري من بين هـ الافكار تكون بداية برنامجج ..

::

تطبعين أوراق عليها أرقام من ( 1 - 5 أو أكثر على حسب رغبتج .. وكل ما كانت أكثر كل ما صار أحلى البرنامج ) وتغلفينهم تغليف حراري .. لأنج راح تستخدمينها أكثر من مرة .. يعني ما راح تطيح بجبدج .. شتسوين فيهم ؟؟ عندج عدة اختيارات ..

::

أولا :

في يوم برنامجج الإذاعي .. تعطينها الحارس .. وأول 5 طالبات يدشون المدرسة ياخذون هـ البطاقة .. وفي نهاية البرنامج الإذاعي .. تنادين البنات اللي معاهم البطاقات وتكرمينهم .

أو

ثانيا :

أول ما يطق جرس الطابور .. تكونين مكلفة بنات معينات .. معاهم البطاقات .. اللي توقف بالطابور بسرعة قبل البنات .. تاخذ بطاقة .. وبنهاية البرنامج تنادينهم .. وتكرمينهم .

______________

:: البرنامج الأول ::

تكتبين لوحة كبيرة .. وعادي لو كانت بخط اليد .. وتحطينها عند باب المدرسة .. بس من داخل طبعا .. تحطين إعلان لبرنامجج باجر .. بعبارات .. مشجعة .. وغريبة .. وتخلي البنات يستغربون ..

أنا أذكر استعرت وسيلة من قسم التقنيات .. لوحة فلينية .. على هيئة ساعي البريد .. وحطيت عنده الوسبة .. وكتبت .. ( ترقبوا غدا .. برنامجنا الإذاعي الحافل بالمفاجآت .. مع أبلة فلانة .. )

تلبسين بنات الإذاعة كلهم لبس الصلاة .. لأن البرنامج عن الصلاة ..

المقدمة

الحمد لله رب العالمين .. والصلاة والسلام على أشرف الأنبياء وخاتم المرسلين ..
مديرتي الفاضلة .. مساعداتها الكريمات .. معلماتي الفاضلات .. اخواتي الطالبات

'و الصبح اذا تنفس'
وما أجل أنفاسه...
ما ارقى هذا التعبير الالهي
مع صباحنا الرقيق نتنفس
عبق الزهور و بالاخص الريحان الذي يرافقنا عند تجمعنا هنا

فـ أسعد الله صباحكن ..

يسعدنا في هذا الصباح أن نقدم لكن برنامجنا الإذاعي .. بعنوان ( إلا صلاتي ) من إعداد المعلمة ... ....

ومع هذا المشهد التمثيلي ..

المشهد يا حور يبيله تدريب ..

طالبة لابسة عباية وملفع ( الأم )

طالبة لابسة لبس بيت ( البنت )

جيبي كراسي .. ومجسم حاسوب من قسم الحاسوب ( تحسين كله طرارة من الأقسام بس نقول الناس للناس )

البنت .. قاعدة مندمجة مجابلة الحاسوب ..

وحطي صوت أذان .. سجليه بتلفونج عادي .. وشغليه .. على بو أذن والبنت ما قامت تصلي ..

وبعدين تدش الأم على البنت .. وتقول : فلانة ؟ صليتي ؟

البنت : لا يا أمي .. دقيقة انهي واجبي اللغة العربية ( اهم شي اللغة العربية واجباتها تعذب )

الأم : لا يا ابنتيإن التأخر في الصلاة منكر عظيم ..( وهني خلي البنت تطالع البنات في الطابور وتكمل ) هل تعلمين أن الصلاة هي الركن الثاني من أركان الإسلام وأنها أول ما يحاسب عنه العبد يوم القيامة.. فإن قُبلت قُبل سائر العمل.. وإن رُدَّت رُدَّ..

البنت : شكرا لك يا امي على تنبيهي ..

وبعدين حطي انشودة .. إلا صلاتي .. والأنشودة معروضة .. خلي ابلة الألعاب اللي ماسكة المكرفون ما شاء الله صوتها دايما عالي .. تقول للبنات يالله يا بنات غنوا معع الأنشودة ..

( الفقرة رغم ان الكتابة واجد ترى ما تاخذ أكثر من 4 دقايق )


الفقرة الثانية ..

اليوم اللي قبل برنامجج الإذاعي .. روحي وقت الفرصة الثانية .. وشوفي البنات اللي بالمسجد يصلون .. واخذي اساميهم .. لانهم فعلا يحتاجون تشجيع وتكريم .. إذا كانوا واجد قولي للإذاعة يساعدونج بالهدايا ..

بعد الأنشودة ما تخلص .. قولي اليوم نكرم .. فئة من البنات .. فخر لمدرستنا .. فخر لوالديهم .. فخر لوطنهم ..والأهم فخر لدينهم .. اللي كل فرصة صلاة يحرصون على التواجد في مسجد المدرسة .. ويؤدون الصلاة ..

ونادي الأسماء ..

ولا تخلينهم يروحون .. صوريهم اهم والناظرة ..

::

الفقرة الثالثة ..

تكريم البنات .. اللي حضروا أول الدوام .. أو اللي صفو بالطابور .. اختاري بينهم ..

وفي النهاية

طبعا طالبة تقول ..

وفي نهاية برنامجنا نتمنى لكم يوما دراسيا سعيدا ..

اي نسيت .. إذا تبين تسوي حركة بعد .. روحي لصالة الالعاب .. واخذي من مدرسات الألعاب .. ماادري شسمها .. بس اللي كأنها كشة بنت .. حق التشجيع .. عرفتيها ؟؟ اللي يمسكونها المشجعات .. وحطي قبل الطابور .. جدام كل صف ثنتين .. وقولي حق كل البنات اللي صافين الأوائل .. أول ما نكرم البنات .. نبيكم ترفعون ايدكم وتشجعون .. وطبعا لما تكرمين البنات .. قولي لأبلات الموشيقى نبي موسيقى تشجيعية .. مو حزينه .. .. لأن هـ الامور .. تخلي الكل متشيش
.. .. .. .. ..

حور نصيحة من إخت .. سوي برنامجج الإذاعي .. وصوريه .. واخذي الصور .. وسوي لج كتيب صغير .. عدليه وسنعيه .. وسوي كذا نسخة ..

نسخة لج .. للذكري

نسخة للمشرفة ..

نسخة للإذاعة .. عشان حقوقج الفكرية

نسخة للناظرة والوكيلة ..

ولازم تطرشين نسخة للانشة اللي بالمنطقة ..

وإذا انتي فيج شدة .. سوي برنامجين مميزين .. وضبطيهم بكتيب .. مع الصور .. ترى ربعنا بالانشطة يستانسون على هـ السوالف

::​

 

[LUCK GIRL]

رد: افكاار حلوة لبرامج الإذاعة المدرسية ღஐღ متميز ღஐღ

انا طرت على بالي فكرة اني اطلب من البنت يلبسون لبس حيوانات
وتكون اسماء الحيوانات تبدأ بالام القمرية وحيوانات تبدأ اسماؤها بالام الشمسية
وتنتشر بالساحه
وياتي الذئب وياكل الحيوانات الي تبدأ بالام القمرية مثلا

وبعدين مسابقة للبنات اذكري اسماء الحيوانات التي اصطادها الذئب

واكرم طالباتي الي ماغابوا ولا مرة

واكون قبلها ملصقة اوراق بالمدرسة عن البرنامج ترقبوا الذئب وحيوانات الغابة مع الكثير من المتعة والمفاجآت والهدايا

 

[حبوووووووووووووبة]

رد: افكاار حلوة لبرامج الإذاعة المدرسية ღஐღ متميز ღஐღ

:e3:بصراحة أفكار مبدعة يعطيج ألف عافية ياحبيبتي

 

[LUCK GIRL]

رد: افكاار حلوة لبرامج الإذاعة المدرسية ღஐღ متميز ღஐღ

بنات اهديكم هذا الملف ان شاء الله يفيدكم
http://www.moe.edu.kw/hagybat almalem2/edu/nashatt/nashat.html

 

[LUCK GIRL]

رد: افكاار حلوة لبرامج الإذاعة المدرسية ღஐღ متميز ღஐღ

إذاعة جديدة عن الأم روووووووووعة

--------------------------------------------------------------------------------

كان عندنا اسبوع بر الوالدين وكان وقت إذاعتي فحبيت أجدد وأخرج عن النمط التقليدي فعملت مقدمة صغيرة عن الأم ثم مشهد تمثيلي يحتوي على أمور من العقوق وليست معروفة عند الناس انها كذلك (المشهد ام وإبنة واثنتان من صديقاتها-الام تهتم بالإبنة وتحكي معها والبنت إما على النت او تحدث زميلاتها بالجوال وتذاكر ..........الخ ودائما إذا طلبت الام طلب تقول إنتظري فقط دقيقة واجيك --دقيقة وأجيك -اعطيني الدواء دقيقة دقيقة _............آخر شي الأم تنادي بنته ضروري تعالي و تلح عليه و فجأة تسكت الأم وتنتظر مجيء ابنتها ..تأتي و تقول : نعم نعم نعم أنا جيت وتصرخ [ بأعلى صوتها أممممممي امي ردي أنا جيت كلميني مثل أول انصحيني ابي أجلس معك واشرب القهوةووووووووووووو ا(وتصرخ مرة أخرى بأعلى صوتها امييييييييييييييييييييييييييييي) وهي تحضنها ومرتميه عليها ويأت عرض فلاش لأنشودة (القلب يحزن ) كلمات سد الطلحة و نشيد الهويمل .انتهت الذاعة
والله إن المعلمات بكوا من التأثر و لمديرة قدمت لي شكر خاص على الإذاعة المتميزة
ووزعت على المعلمات مطوية عن برالوالدين و بطاقات صغيرة فيه عبارات جميلة عن ان الوالدين سر الوجود اخذتها من رسالة جوال
الآن مارأيكم ؟ ارجو النصيحة احب الابداع والابتكار​

 

[mero]

رد: افكاار حلوة لبرامج الإذاعة المدرسية ღஐღ متميز ღஐღ

واااااو صج روعه


luck girl

أهنيج على التميز

بس ولى يعافيج ماعندج أفكار حلوه لقسم الأجتماعيات

أشياء وطنيه يعنى وأكون لج ممنونه



بناااااااااااااااااات ساعدونى بليز
عندى برنامج صباحى بعد أسبوع وحابه اتميز فيه
أنا ابلة اجتماعيات أبتدائى

ناطرتكم