افكاري في تقديم الهدية بشكل مميز.. تعالي اعلمج :)

[دهن الورد]

مشاء الله عليج شغلج روووووعة

 

[هابة ريح]

تسلم الايادي حبيبتي سارونه

عساج عالقوة غلاتي

شغلج وايد حلو ،، كله ذوق

بس حسافه ما اطلعت معاي صور الهدية الشفافة

يعطيج العافية حبيبتي

وناطرين الدرس الياي

 

[atosha]

تسلمين سارونة عمري ومشكورة عالرد حبوووووووووبة

 

[لجين العنزي]

تبارك الله شئ حلو ومرتب

يارب تسلم ايدينها وتحرمها على النار اللهم امين :eh_s(17): ​

 

[ساره ستايل]

ليدي فلانه : انشااااااااالله من عيوني
بس قاعده ادور شي يديد .. واحطه لك بالدرس الخامس:eh_s(20):

ذكريات : غالي والطلب ارخيص.. اشوف الدرس اللي يستاهل وبنزله
انشالله يكون عن تغليف الككاو اذا حصلت فرصه اليوم

لجين : ياااااااااابعد عمري على هالدعوة الحلوة .. يعطيج الف عافيه حياتي

دهن ورد : الله يعافيج .. مشكورة عالمرور حبوبة:eh_s(17):

هابة ريح : الله يسلم قلبج وروحج حبيبتي
وانشالله الدرس الياي بحطه يا اليوم او باجر بالكثير:eh_s(15):

اتتوشا : الله يسلمج حبوبة

 

[Raveena]

افكار حلوة



في انتظار المزيد

 

[ساره ستايل]

هلا ريفينا.. تشرفت ابمرورج حبوبة

انشالله اليوم بليل او باجر احط الدرس الخامس

 

[atosha]

ياللة ناااااااااااااااااااااطرييييييييييييييييييين....

 

[ساره ستايل]

انشالله اتتوشا باجر
الحين دخت بناااااااااااااااااااااااااام
تصبحين على خير

 

[ساره ستايل]

سلام عليكووووووووووووووووووووم

الدرس الخامس
هدية زواج( بني ابذهبي يبرق )

- هالهدية سويتها حق بنت عمتي بمناسبة زواجها
كلللللللللللللللللللللللللللللللللللللللللللللوش << لازم مع الحدث هههه

- الهدية عبارة عن قلب ذهب ابيض مع سلسلة

* مستلزمات العمل :
1- صندوق خشبي
2- شرايط لون بني اضعيفه ولون ذهبي
3- اوراق ورد صناعي لون ذهبي
4- كرستالات لون بني فاتح لماع
5- خام تور لون بيج
6-كرات من الفلين لون ذهبي
7- جلاد ذهبي
8- ورده لون ذهبي
9-قش لون بيج
10- ككاو تقديم من اي نوع تبين على حسب ميزانيتج

* خطوات العمل:
1- اول شي ناخذ الشرايط البنية ونلزقها على اطراف الصندوق من داخل
عشان يكون شكله امرتب ونظيف .. نفس الصورة اللي مع الخطوة الثالثة

2- انجلد علبة الهدية اللي اهي القلب مع السلسه ابجلاد ذهبي..
وبعدين نربط عليها التور البيجي ابطريقة البقشه(تم شرحها سابقا)
ابشريطه ذهبية .ونحط في منتصف هالربطه كرتين ذهبيتي
وشرايط بنيه على شكل ضرب

3- نفرش القش بقاعدة الصندوق ..ونصف الككاو فوقه بطريقة امرتبة
ولاااااااازم انثبته ابصمغ خفيف عشان ما يتحرك يا حلوين .. جذيه

4- ناخذالجلاد الذهبي ونربط فيه الصندوق داير مداره من على اي ناحية تبين
يا يسار الصندوق يا يمينه ابهالشكل
الصندوق من ورا

ونلزق طرف الجلاد بالصمغ عشان يثبت عدل وما يتشقق
وعلى طول نلف فوقه التور البجي ونربطه فوقه ابشريطة بنية طويله
ونسويها فيونكه عشان عقب نلزق على اطرافها كرات ذهبية
ونخلي نهاية طرف التور اطويل مو حده حده عشان بعدين نشتغل عليها
ونلزق طرفه التور الطويل ابصمغ عالصندوق عشان شكله يصير امرتب

5- اتييبين الهدية اللي غلفتيها اول شي وتوقفينها على الناحية الثانية من الصندوق بشكل مايل.

6- الحين انزين التور البيجي .. انحط تحته ورده ذهبية . والطرف الثاني من التور انحط عدد 2 اوراق ذهبية .. وانزينهم بلكرستالات البنيه ابهالشكل
صورة الكرستالات بين الورقة الذهبية والتور. وبعد نلزق جم كرستاله عالصندوق
من ورا عالتور(نفس الصورة اللي فوق بلخطة الخامسه).

7- بالنهاية .. انغلف الهدية بالسلوفان الشفاف بطريقة البقشة
ونزين ربطة البقشة بشريطة بنية وجم كرستاله بنية وكرة ذهبية

8- كرت الهديه : مو جاهز .. انا دايما اصصم كروت هداياي بالكمبيوتر
ترا وايد حلو انج حتى الكرت تشتغلين فيه بإيدج لأنه راح يكون مميز
وموموجود مثله بالسوق.. وهذا الاهم

* الوقت المستغرق بعمل الهدية : ساعة ونص تقريبا

آآآآآآآرائكم تهمني ​

 

[أم الحلوة جمان]

يعطيج العافية سارة شغل حلو ومرتب
بس جان زين تعرضين لنا افكار غير الصندوق

 

[أم الحلوة جمان]

انا مرة يتني هدية من زميلاتي بالدوام الصراحة فكرتهم عجبتني حييل
المناسبة كانت بولادتي في بنوتي
كانوا حاطين لي فلوس
المهم الطريقة كانت كالآتي :
يايبين علب بلاستيك القوي اللي عليها محفور صورة دبدوب أو A B C عرفتوها ؟؟
اللي باتشي وايد يستخدمها في السلال الجاهزة ملوت كاكاوات البيبي .
المهم حاطين في كل علبة مبلغ المهم يمكن تقريبا 12 علبة
و يايبين كيس بس مو كيس عادي لا صاير جنه حديد بس وااايد حلووو و جهة واجهته شفاف و جهة لا المهم حاطين فيه قش فوشي اللي صاير جنه خيوط ضعيفة
و صافين العلب فيه بطريقة مرتبة الصراحة كان شي رااقي و حلو و غريب.

و آسفة اختي سارة على المداخلة.
و ان شالله احاول اصورلكم العلبة و الكيس علشان الصورة توضح .

 

[أم بدير]

تسلم ايدينج ساره
شغلج وايد حلو ماشالله

والكور الذهبيه شحلااااااااتهم يزوغون

يعطيج العافيه خيتو​

 

[أم بدير]

انا مرة يتني هدية من زميلاتي بالدوام الصراحة فكرتهم عجبتني حييل
المناسبة كانت بولادتي في بنوتي
كانوا حاطين لي فلوس
المهم الطريقة كانت كالآتي :
يايبين علب بلاستيك القوي اللي عليها محفور صورة دبدوب أو A B C عرفتوها ؟؟
اللي باتشي وايد يستخدمها في السلال الجاهزة ملوت كاكاوات البيبي .
المهم حاطين في كل علبة مبلغ المهم يمكن تقريبا 12 علبة
و يايبين كيس بس مو كيس عادي لا صاير جنه حديد بس وااايد حلووو و جهة واجهته شفاف و جهة لا المهم حاطين فيه قش فوشي اللي صاير جنه خيوط ضعيفة
و صافين العلب فيه بطريقة مرتبة الصراحة كان شي رااقي و حلو و غريب.

و آسفة اختي سارة على المداخلة.
و ان شالله احاول اصورلكم العلبة و الكيس علشان الصورة توضح .

اييي عرفت العلب اللي تقصدينهم
في منهم ملون وفي منهم شفاف

مره بمعرض كنت عارضه شجره مسويتها ومعلقه عليها توزيعان مواليد
كان شكلها حلو وااايد
مرت وحده شافتها جان تقولي توني شاريه هذول من وحده هني بالمعرض
جان تبطل الجيس والا العلب الي تقولين عنهم وفيهم كاكاو
خمسين حبه، قالتلي تقدرين تسوينهم لي نفس طريقة التوزيعات هذي؟ قلتلها مو مشكله
عاد خذيت منها العلب كان شكلهم حلو للأمانه مع القش اللي داخلهم والكاكاو
وعلقتهم على اغصان الشجره بس عقب ما سويتلهم علاقه صغيره بشريطه من نفس لون القش والكاكاو وسويتها فيونكه
​

 

[ميســـا]

ماشالله شغلج رووووعه

الله يعطيج العافيه

يالله نبي نشوف اكثر

 

[ساره ستايل]

ام الحلوة جمان : انشالله بعرض افكار يديده غير الصناديق
(عاد انا اموت عالصناديق في التغليف)
بغلف هدية حق رفيجتي والده يابت اصبي
وانشالله اصورها خطوة خطة نفس الدرس الرابع
ومداخلتج وااااااااااااايد حلوة وأثرت الموضوع فعلا:eh_s(9): والفكرة عجيبة
ياريت تتحفيننا فيها انتي وباجي خواتي اللي يشرفوننا ابمرورهم بالموضوع
وننتظر اصورج على احر من الجمر
عاد اتصدقين انا هالعلب البلاستيك الشفافين كنت امسويتهم ابتوزيعات ككاو ولدي البجر
وهذي صورتهم ابتوزيعات ولدي خللودي شهر 1 - 2005م

وهذي بعد نفس العلب بس هذي طلبية اخت عزيزة من الخوات اللي معانا بلمنتدى اسمها دبدوب الحب

ام بدير: هلا والله بفنانتا .. يسعدني مرورج ومشاركتج ببلموضوع
حتى لو بتشاريكينني ابعمل درس بالتغليف .. فأهلا وسهلا فيج انتي
وام جمان .. واي اخت حابة هالشغله.

 

[أم بدير]

تسلمين بعد عمري ساره
انا وين والدروس وين
خخخخخخخخخخخخ
بس ذكرتني الاخ ام جمان بالعلب فقلت اقولها شلون سويتهم

ثاني صورة العلبه اللي حطيتي فيها البيبي مع مميه حق الاخت دبدوب الحب شحلاتها
بس وين حطيني الكاكاوه؟
وشلون سويتي الشكل النهائي للتوزيع؟
وشنو الجيسه اللي يمها؟​

 

[malak_alroo7]

السلام عليكم
يعطيج العافيه سارة صج موضوعج رااااااااااائع
و انا امووووت على هالسوالف بس ماعرف اغلف اي شئ اصلا
ربي يرزقج كل خير ان شاء الله

 

[.]

ماشاءالله..

تسلم ايدج..

احلى شي اللي عليها لعبه..

مشكوره..

 

[ياسميين]

ما شاالله تبارك الرحمن
موضوعك يشوق وايد شدني وشفته صفحه صفحه ومن غير ما ملل
تسلم ايديك يا فنانتنا
وياليت تسوين لنا درس عشان حفلات التخرج والتفوق​