افكاري في تقديم الهدية بشكل مميز.. تعالي اعلمج :)

[ساره ستايل]

شغلج وايد حلوووو تسلم ايدج ....

حلو الواحد يكون عنده هدف ويحققه بالاختراع مثل تغليف الهدايا وغيرها من الابداعات ....


سلالالالالالالالالالالالالالام

حلت دنياج ياقلبي

وانا بعد اهنيج على شغلج المميز اللي بتوقيعج
امس دشيت سايتج وعجبني شغلج --خصوصا البلوزات اللي فيها اسماء

موفقه :ggdw:

 

[ملوووكة]

افكارج وايد حلوه يعطيج العافيه وناطرين جديدج

 

[نـوره الـهـاجـري]

ماشالله حلوووووووووووووووه
الله يعطيييك العافيه................

 

[كستنائيـة ع ـسل]

شكـــــــــــــــــــرا افكارج واااااااااااايد عجيبه

 

[شواقه المطيري]

::: الله الموضوع جاي بوقته عندي هديه لزوجي و حابه اغلفها بيدي :::

 

[sh3ollah]

تسلم ايدج

 

[جمووول]

افكارج حلوه ماشاءالله رووووووعه

مشكووره عهالافكاااار العجيييييييبه

 

[ساره ستايل]

تسلموووووووونلي كلكم حبايبي

لكم مني :klhfl: بمناسبة حصولي على وسام عضوة مميزة لعام 2009 :

انشالله الليله بحط لكم فكره يديده حق تغليف هديه روووووووووعه :ggdw:

------------------------------
انا والله عندي اشكثر هدايا مغلفتها فوق ال 40 هديه

بس اللي يعطلني ان المسأله تحتاج وقت كبير حق تظبيط الصور :0bee2e8d89:

وعقبها تحميلهم عالنت

وعقبها تنظيم الافكار وترتيبها لكتابة موضوع متناسق ومرتب

انشالله ربي يقدرني وانظم لكم موضوع مميز :68_asmilies-com:

 

[ساره ستايل]

السلام عليكم

رجعت لكم من عقب غيبه طويله من غير شر انشالله

واتمنى هدية اليوم تعجبكم

الدرس (نسيت يمكن التاسع )

عنوان الدرس : هدية الكمبيوتر

مناسبة الهديه :

لما اقيمت دورة محو امية الحاسوب بلمدرسه السنه اللي طافت
معلمات هالدورة حطوا حطه وشروا هديه للمعلمة اللي درستهم
وشروا لها صندوق عطور من الشايع
والتغليف علي ( انا ما كنت معاهم لأن عندي شهادة الــICDL ولله الحمد
بس وحده معاهم اقترحت علي وانا بكل رحابة صدر .. وافقت ..
لأني احب المعلمة اللي راح تتكرم
واللي قالت لي عن التغليف اساسا رفيجتي وغاليه علي وايد )

وقت تغليف الهديه :
ساعتين

مستلزمات التغليف :
جلاد تغليف هدايا ورقي الوانه : سماوي – ابيض – ذهبي
تور ذهبي لماع
شرايط سماويه لماعه شبه شفافه
ورود صغار لون ذهبي
كور فلين صغار لون سماوي
فراشات لون سماوي
ورق قش معفس لون اعم فاتح
العاب صغار على شكل : كمبيوتر + سيديات صغار
كانوا عند ولدي من زماااااااان وخشيتهم عنه لأنه ضيعهم ( وهذا اللي بقا منهم )
مقص
صمغ كهربائي ( لا تشترون أي صمغ .. اخذوا أي واحد يكون معروفه ماركته وسعره غالي
افضل عشان ما ينفجر الكيبل معاكم نفس ماصارلي 4 مرات :0bee2e8d89: )


الطريقه :
1- طبعت للمعلمة المكرمه على ورق مقوى بطاقة الهديه ..
فكرتها كشهادة تقدير .. وكتبت فيها كلمة شكر وتقدير
وعقبها كتبت : من الطالبات : ..... وحطيت اسامي المعلمات اللي كانوا بالدورة



2- حطيت الشهاده على جزء صندوق الهديه المتحرك العلوي من داخل
و غطيتها بالتور الذهبي .. اللي لما ارفعه لي فوق .. اصك الجزء العلوي ..
واربطه لي خارج الصندوق على شكل
ربطه عاديه بشريطه ..
ولازم اخلي اطراف التور طويله .. لهدف انه يعطي شكل افخم للهديه


جزء الصندوق السفلي : غلفته بلجلاد دار مداره .. يعني اطرافه الاربعه ..
والجزء العلوي صار عندنا مغلف بالتور فقط
ف قصيت شكل الورود اللي بلجلاد ولزقت بعضها على سطح الصندوق



3- اخذت القش ولزقته على منتصف ربطة التور بصمغ كهربائي

4- حطيت الكور الفلين السماويه كذلك فوق القش الادعم – وفوقهم لزقت شكل لعبة الكمبيوتر
( شلهدف من الكور ؟ لأن الكمبيوتر لو كان ملزوق بطريقه مستويه مع السطح ..
ماراح يبين شكله لحظة تقديم الهديه..
لذلك حطيت الكور بهدف اني ارفعه لي فوق تقريبا بزاويه منفرجه )


5- الحين ركبت الكمبيوتر .. ف صارت عندي مساحات فاضيه عالصندوق من فوق ومن ورا..
لزقت عليه ورود ذهبيه على شكل فيونكه
وووزعت الشرايط السماويه فوق التور الذهبي
ولزقت الفراشات


وحطيت على قرن من قرون الفراشه : سيدي اصغيرونو .. هذا :



والسيدي الثاني حطيته على الشريطه السماويه من جدام :


طبعت ورقه : يعني اهيا تكون شاشة الكمبيوتر ..
وسويتها بشكل الصفحه المفتوحه على برنامج البور بوينت
وانه راح يعرض موضوع تكريم المعلمة : فلانه الفلاني



*شنو الهدف من شكل تغليفي بهالطريقه ؟!!! ما سألتوا نفسكم ؟؟؟
كان هدفي انه يكون التغليف اولا مناسب للمناسبه .. اللي اهيا تكريم معلمة الحاسوب
ف من جذي حطيت اولا كمبيوتر و سيديات

وتعمدت اخليهم فوق الصندوق :
لأني قصدت انه يكون سطح الصندوق ..
اهوا سطح مكتب المعلمه اللي عليها كمبيوترها الصجي بلمدرسهاو في بيتها

وثانيا : تعمدت ايضا يكون الديكوريشن فوق الصندوق . بشكل ثابت ..
بدون لا تضطر المهدى لها انها تشق الجلاد
او تقص خام التور .. عشان اتشوف الهديه من داخل
من جذي انا كنت ابي التغليف .. يكون ثابت عالصندوق.. كذكرى تبقى للمعلمه بهالمناسبه
والصندوق تقدر تستغله طوووووووول عمرها انشالله وهوا ابهالشكل الحلو
وشهادة التقدير داخله .. ما تنقط او تنشال
لأنها داخل التور اللي بلبدايه حطيناها :ggdw:
قولوا ماشالله علي :eh_s(6): هههه

ووروني ردودكم وآرائكم واستفساراتكم
واسمحولي على أي تأخير بالرد .. لأن مشغوله بلمول ياقلبي

حياااااااااااااااااكم ​

 

[ساره ستايل]

نسيت هالصوره ما حطيتها

ملاحظة : الصور ظالمه لون الهديه وشكلها عالطبيعه

لأن التصوير كان من موبايلي نوكيا

 

[عهود الحب]

رووووووووووووووعه يا سارة
تبارك الرحمن
انتي ذهبة ماشاءالله عليج
الله ينولج امانيج ويحرسج من العين يارب

 

[الفل والياسمين]

مشكورة

 

[ابوس ترابج ياكويت]

الله عليج

تسلم يمينج يا عسل

الزين ما يجي الا من الزين

 

[مدهال]

الله يعطيج الف عافيه افكار حلوه ومميزه

 

[As-chocolate]

حسااااااااااااااااااافه الصور مو طالع لي

 

[ريونه كويتيه]

وووايد فكرتج حلوه فديتج عطيتيني فكره روعه مشكووره ريونه كويتيه

 

[d_kuw1]

اشلون مافيي صورة

 

[كربوشة]

وناااااااااااااااااااااااسة
خووووش افكار
يعطيج العافية

 

[ABEER FLOWER]

ما شاء الله تبارك الله شغلج حلو
الله يوفقج حبيبتي و مشكورة على الإفادة

 

[ساره ستايل]

الصوووووووور موجوده بنات

اشكرررررررررررررررركم كلكم عالمرور الحلو