افكر بالطلاق تفكير جدي رغم اني و زوجي نحب بعض

[popa]

انتي ذكرتي المساوء وخليتي الاشياء الزينه
مصروفج مناسب حيل
تقدرين تاخذيلج بدله وبجامه وقميص نوم وجوتي
والباقي مصرف
والعصبيه شي عادي ريال وطبيعي يعصب ويكون غير عنج
والترتيب والتنظيف والطباخ ليش مو دايره بالج على هالنقطه؟
شمهنتج مره
ولا بس تبين وتبين وماتسوين واجباتج
اول مازوجج يطلع من البيت نظفي وغسلي وسوي اوتي
ودقي عليه شنو تبي تاكل
وطبخي حته لو بجوله صغيره عقب الطبخ شبي البخور ورشي العطور
دشي الحمام اتسبحي وكشخي
وخلاص

 

[Tom ♥ Jerry]

,


هلا وغلا يا قلبي

الصراحة مشكلتج مو مشكله :eh_s(22):
انتي بس متشتته و تفكيرج بعيد بعيد و ما تعرفين شلون تفكرين صح
و ما تعرفين شلون تنظمين وقتج ويا زوجج و بيتج ..
و سالفه الطبيب و الانجاب مشتته اكثر و مو متفاهمه مع زوجج
> كل هذول ترا مشاكل عاديه طبيعيه يعني عادي تصادف اي متزوجه
و تقدر اهيه بـ شطارتها تحلهم و تحط لهم حد
و ما تقول ابي اتطلق وصلت حدي !! لانه باختصار هاذي السوالف
اغلبنا كـ متزوجات عانينا منها وايد مو بس انتي و خصوصا اول الزواج
الحمد لله بعضنا يقدر يتغلب عليها بذكاءه و بعضنا ليلحين ما قدر يتغلب عليها !


انتي سويلج جدول معين حقج يعني يوم بالاسبوع او يومين تمسحين الاثاث كلا
و يوميا طبعا تسوين الاعمال اليوميه ( خمام / حمام / مطبخ / الغرفه )
ترا هذول ما ياخذون منج ساعه ، شوفي اي ساعه تفضين فيها اشتغلي فيها :eh_s(17):

بالنسبه حق موضوع الانجاب الي معكر مزاجج
هاذا كلا بايد الله و انتي عليج انه تسوين الي عليج
روحي عالجي و واضبي على العلاج و بس الباجي على الله
وكلي امرج لله و شغلي نفسج بشغلات ثانيه عشان ما ينشغل بالج وايد بهالسالفه !
عليج العلاج + الدعاء و الباجي على الله ، الله كاتب شنو راح يصيرلج
فـ لا تشغلين نفسج في شي اساسا اهوة بايد ربج :eh_s(22):

امممم بعد شنو زوجج ، بالعكس انا اشوف انه 160 وايد زينة و حلوة
حمدي ربج عليها حياتي ترا غيرج ياخذ 80 و 100 و ساكت !
و قادر انه يخطط و يعرف شلون يصرف فلوووسه
انتي بس خططي و عرفي حق فلوسج عرفي شلون تصرفينهم
يعني مثلا تبين العطر الفلاني 40 ميكب 40 بدله 40 هذول 120
يبقالج 40 حق الطلعه و الوناسه و مو كل شهر يعني لازم ميكب و عطور و و و !
صبري على حال ريلج اهوة دام يعطيج مصروفج الشعري 160
يعني رايته بيضه و ما يقصر و الباجي عاد عليج !
حاولي تعرفين شلون تكونين مديره ماليه !
باجر بيون لج عيال اذا من الحين مو قادره تصرفين فلوسج عدل
شلون عيل لو يتلج بنت مثل بنتي تاخذ فلوسج كلها !!

بعد شنو مشاكلج ؟ :eh_s(22): بالنسبه حق العصبيه و غدا ريلج
حياتي ترا كل ريال لما ايوع يعصب ههه يعني حتى لو لا سمح الله تطلقتي و خذيتي واحد ثاني
هم اذا ياع راح يعصب و يقلب الدنيا لووول :eh_s(2): !!
شي طبيعي الريال يحب كل شي جاهز و هاذا شغل المره
شوفي انا ريلي ما يشيل كلينكس طايح بالارض كل شي كل شي علي انا !
و طبعا ياويلي يا سواد ليلي اذا ما حطيت تكرمين دلاغه بمكانه الصح !!
هاذي مهنه المره ., اذا تغديتو عنه على قولتج ويا حمولتج قوليلهم خل يخلون له غدا
شيلي حق ريلج يعني انتي تعرفين طريقه ريلج
لما يقدر من النوم يبي غدا شيليه و حطيه بالسخان على ما يقعد
و بسسس يعني ترا مشاكل صغيره و بايدج تحلينها و حلها سهل وايد
بس انتي مكبره الموضوع ،


سيره الطلاق هاذي شيليها من بالج :eh_s(17):
مو كل سالفه و الثانيه قلتي ابي اتطلق و لا تخلين هالفكره تنرص بـ بعقل ريلج
ترا الريال يسمع كلمه يمكن انتي تقولينها بدون قصد
بس بينه و بين نفسه ترا يفكر .. ريلج هاذا و قبل لا يكون ريلج حبيبج
فهميه تفاهمي وياه على طريقه معينه انتي وياه تمشون عليها تفادي للمشاكل
خصوصا انه على قولتج ريال عصبي يعني مو اي حزه تقدرين تتناقشين وياه !


فكري صح تعيشين صح ..

 

[انثى عاشقة]

انا ما احب الفراش والجنس اهو يحب
احس ما انجذب الا وين وين

حياتي هني مربط الفرس
اغلب المشاكل الزوجية تبدأ وتنتهي بالفراش
مو كلامي هذا كلام قضاة في المحاكم واقفين ع قضايا طلاق
الزوج اذا ارتاح بالفراش راح يدلع ويصرف ويتغير وووو
جربي تغيرين اول شي بموضوع الفراش والباقي يهون
رتبي شغل البيت والمسؤوليات بجدول يومي بدون لا تضغطين ع روحج​

 

[يارب يطيب عبود]

انا مع برنسيسه عسل كلامها درر
طبقيه وبتشوفين شلون تتغير حياتكم
اهم شي عند الرجال يكون مرتاح في بيته اذا ارتاح ولقى اللي يبي فالمقابل اهو بيعطي اللي تبين صدقيني
وخلي العصبيه عنك والله ما تنفع كلميه باللين والاسلوب الحلو
اذا طبقتي كل هالاشياء100٪ حياتكم بتصير احلى

واحب اضيف شي بعد ليه ماتتوضفين منها تساعدين زوجك ومنها تغيرين جو وتتحسن نفسيتك اذا اختلطتي مع الناس
واحمدي ربك حبيبتي مشاكلك تقدرين حلها عندك انتي مو عند احد ثاني ولا تكبرين الموضوع لان مشاكلك بسيطه الحمد الله

واعتذر منك اذا كثرت كلام بس حبيت انصحك مثل اختي
والله يوفق الجميع

 

[شقرديه كويتيه]

يااا حرييم الخل عندي بمشكله الميزانيه

دشو الشركات الوهميه انا سمعت شيخ يقول عادي مو حرام
بس ما احط بذمتي سؤلو انتو بعد بس انا افضل هالشي بدال ما يكد عليج زوجج بالذات اللي مو موظفه ولا تدرس << بتفلعونها فنقر بعد شوي خخ بس حبيت اساعدكم << مدري وش جابني لهالقسم خخخ
برب

 

[ميساء التركي]

رفع رفع رفع

 

[Patcholli]

الصراحه ماشوف في كلامج شي يسوي الطلاق (( الا سالفة زوجج وانه يعايرج عالحمال ))
باجي الامور كلها تافهه اختي ..
معاج حق 160 ماتكفي وخنكون واقعيين ماتكفي حق اول الشهر بس .. بالنسبه لي كموظفه بس لو كنت قاعده بالبيت جان كفاني
لكن قبل لاتعاتبين زوجج وتطلبين منه لازم تراعين وتحطين بعين الاعتبار هل راتبه يسمح يزيدج ولا مايسمح ..؟؟
وثاني شغله ليش ماتتوظفين وتشيلين عمرج ..؟؟ بدال ماتطلبين منه ومايعطيج ..؟؟
وبعدين ليش مشترياتكم 70 دينار وانتي ماتطبخين ..؟؟
حبيبتي واضح انج مو اقتصاديه
وماتعرفين اتديرين امور بيتج
تقولين 24 ساعه بالبيت وين المانع الي يخليج ماتنظفين وماترتبين ..؟؟
وبالنسبه للكماليات لي طلعتي معاه اشتري قولي محتاجه كفر ولا محتاجه شموع ولا محتاجه الشغله الفلانيه مو لازم يعطيج كاش بيدج وتشترين ومو لازم تشترين مره وحده .. كل شهر اشتري شغله شغلتين والحين السوق كله تنزيلات

 

[أم حورية]

كلام ام كوثر عدل 100٪

حمدي ربج مصروفج وايد زين ويكفي ويزييد بس يبيله تنسيق بورقة وقلم وصدقيني بتيمعين بعد

يعني كتبي احتياجاتج بورقة وقسميها خلي الاساس اهو الجمعية والكروت والصالون وهذا قولي يصير 60 ويبقالج 100 وكل شهر اشتري شي

انا مصروفي اقل منج ومقسمة اللي ابيه وكل شهر اشتري اللي ابيه واشطب من اللستة اللي حاطتها شهر اشتري بجايم شهر ملابس داخلية شهر ملابس طلعة شهر عطور

وحاولي لا تشترين اشياء غالية في كفرات بسيطة ب25 و 30 وحلوين

وقسمي شغل البيت يومين غسيل ويومين كوي ويومين تنظيف شامل

والترتيب وغسيل الحمامات والمواعين يوميا ما يبيله شي

واذا عالطباخ انتي مبين ان تعرفين تطبخين شوي يعني راح تتعلمين الباجي بس يبيلج ارادة

ومثل ماقال الدكتور انسي سالفة العيال اذا حطيتي ابالج لا تتأزمين وماراح يصير حمل شغلي نفسج وراح تنسين




*

 

[أشبـاهـ المطـر]

مشاكلكم بسيطه وكل وحده بدايه حياتها الزوجيه
مرت فيها ...


كـل شيء بالحـياة مقدر بثمـن
عطيه ويعطيج ...
الـرجـل يفسر الجنس بالحـب
كل ما شافج راغبه فيه كل
مـا حبج زياده وبالتالي يزيد مصروفج
وطلباتج مجاوبه ولا ينتقدج ووو ... إلخ


نصيحـه الزنجبيل يزيد الرغبـة
حطيه بالحليب او مع الجاي الاحمر او الاخضر ..


والله ولـي التوفيق ​

 

[~ كرز ~]

ماشوف مشكلتج كبيرة كل اللي تحتاجينه تنظيم وقت و فلوس
و حمدي ربج ريلج ماعنده خرابيط و لا سكر و يحبج
و اهتمي بنفسج و معليش ضغطي علا نفسج و تدلعي و مع الوكت راح تحبين الدلع
و سؤال ليش ماتتوظفين عشان تنحل اغلب مشاكلج
و بالنسبة للحمل يقولون الحجامة مفيدة حيل و تقوي التبويض