افكـــــــار لفترة التهيئــــــــــــــة واستــــــقبال اطفــــــال الروضـــــــــــة

[انفاسي]

حللللللوووووه فكره السينما يعطيج العافيه والجهاز الي تقول عنه منوره امي حاطته في الزواره هههههههههه

 

[nero]

يعطيكم العافيه ماقصرتووو


انا توني ابله فرش بمجال الرياض بقراطيسي

ومتابعه موضوعكم

ونشوف تجاربكم وخبراتكم...........

حياج الله معانا

وان شاء الله جم يوم وتتعودين على الوضع وتصيرين انتي الي تعطينا من تجاربج وخبراتج

الله يوفقج

انصحج انج تقعدين ابقراطيسج اذا فتحتيهم بلشه

انفاسي الواحد لازم يشوف ربه ويحلل معاشه

العام حطيت شخصية مهرج على الباب و لزقت فيه البالونات و كتبت فيه تهنئة و خليته طول فترة التهئية كل يوم اكتب فيه شي للأهالي ولين مسكين انكسر لول
و داخل الصف ترسته بالونات و الهدايا شريت لهم ساعات فلة للبنات و ساعات سبايدر مان للاولاد من المعلم الي بحولي و لي اخر السنة كل ما عطيتهم هدية ما تعجبهم يسالوني عن الساعات لووول

سويت لهم شعار خاص بصفي و انا بعد لبسته و كتبت اسمي عليه

و ناوية هل السنة ان شاء الله اعرض لهم فيديو

يعطيكم العافيه بنات و عساكم على القوة

وشكر خاص لنيرو لمواضيعها الحلوة

مشكوره سمايلي على الكلام الحلوو كللللج ذووووق والله

وافكارج تيننن .. ما قصرتي والله جان زين الكل مثلج

والله يوفقج يارب

بنااااات عندي فكرة طرت ع بالي تنفع للصف عموما ولها فوائد لاتعد ولا تحصى <<<حشى خلطة مو فكرة



المهم دايم ببعض المحلات لادشيتي يطلع صوت اما طيور ولا جرس ولا واحد يسمي ويذكر الله <<<جني اوصف جني امحق وصف


مشواا معاي بس

المهم اهو عبارة عن جهاز صغير مرة لقيتة بمحل يبيع شغل ابو مية بس ما اعتقد سعر هالجهاز 100 فلس اكثر

لما قربت على الكاشير طلع صوت من الجهاز يسمي عاااااااااااد عجبتي الفكرة مع اني ماشفت الجهاز بس اسمع الصوت عاد انا ابعد وارجع بتاكد يعني <<شكلي يضحك

والحين طرت لي الفكرة وطريقة استخدامة بالصف




قنبلة يا بنات :dddds:


علقية على الباب منة يتعلمون الاطفال ذكر الله عند الدخول زين

ومنة اذا احد دش عليج تنتبهين الناظرة وربعها

ومنة اذا واحد من الاطفال حزة التهيئة ولا واحد مطنقر ومالة خلق ولة نية ينحاش وانتي غافلة عنة تنتبهين لة وتمسكينة قبل الفرار الاخييييير :dddds:

ومنة ومنة بس فكرواااا فيها مفيد


عاد مو تضحكون علي بس هالفكرة بطبقها عاجبتني :ggdw:


وثانكس

المايك للي بعدي هاتوا ما عندكم

منوره والله خوش فكره

حتى زين حقنا ذكر الله ما ينقطع عن الصف

يبيلي ادورهااا والزقها عند الباب

مشكووووره

في فكرة حلوة بس للنشاط
تسوون سينما ..
بالنشاط الصبح تعلنون ان فيه عرض الساعه 10 مثلاً او وقت اللاصفي الساعه 11
لازم يتجمعون بقاعة المسرح .. كل أطفال الروضة
ويكون العرض من خلال الداتاشو مع سماعات عشان الصوت


تحطون كراسي مثل السينما او على الارض عادي
ونفيش وبطاط
يستانسون اليهال .. احنا حطينا توم وجيري
قعدنا ليما الانصراف اليهال ماملوا منه

والله وناسه السينما

الله ماكثر افلام اليهال .. نحط فلم وخلاص

وحركه يديده تكسر الروتين حلوه بين فتره وفتره نسويها

للاسف ما اقدر افيدكم لاني بالابتدائي


وعسى الله يوفقكم

للرفع

حياج الله نماين

 

[انفاسي]

نيرو محللين معاشنا والحمد لله لكن احنا بالروضه مبتلين ولا فيه تقدير احنا انتحلطم لكن ليصارت الصجيه اكثر من يكرف الله يعينا وياجرنا

 

[أبوي تاج راسي]

السلام عليكم ياابلات ياحلوات شوفوا العام حطيت بطاقة التهنئة بالعام الجديد وكرنية الاطفال و كارنية لي وللمعلمة اللي معاي على صورة نحلة ما سكة بطاقة وخليت الصف طقم معاها والالعاب والهدايا والبالونات للاطفال . وخليت الاطفال يلعبون بركن الفنية وجبت لهم كور ملونة وسلال ملونة ويلعبون على اغاني نانس شخبط شخابيط احس العام الاغاني هذي ساعدتنا حيل لان الاطفال يحبونها . ورفيجتي حابت من ابو مية بس جهاز قيمة دينارين فقاعات صابون مرة كانوا يلعبون بالفقاعات ومرة يلعبون بالكور واللي يبجي أو ماله خلق اخلية شوي لما يهدي واحط عنده العاب وكور وبعدين يندمجون .
وشكرا

 

[nero]

شعااع

ما قالولكم شيلوو اغاني نانسي ؟؟

احنا ما يرضون نحط نانسي بالصف بس نحطها خش ودس لوول

 

[أبوي تاج راسي]

قالوا لنا بعد التهيئة انا اتكلم عن التهيئة وبالذات بالصف وبالذات العام واتوقع السنة هذي ما يخلونا نحط جذي مع ان احب الاغنية هذي

 

[nero]

قالوا لنا بعد التهيئة انا اتكلم عن التهيئة وبالذات بالصف وبالذات العام واتوقع السنة هذي ما يخلونا نحط جذي مع ان احب الاغنية هذي

اليهال يحبونها .. يهدون الي بيدهم اذا سمعوهاا ويغنون معاها


بس شنسوي ممنووووع :0bee2e8d89:

 

[انفاسي]

انا عن نفسي ميامي شغاله على طول

 

[* @ * كرستال * @ *]

أول يوم استقبال الأطفال التعرف على معلماتهم وزملاءهم
وأولياء أمورهم مع توزيع الهدايا
لعب حر بأركان الفصل
-------
بعدها كل يوم إبداع بالنشاط على المعلمات المناوبات
------
استغلال فترة التهيئة باكسابهم سلوكيات محببة
و التعرف على أسماء الأركان مع ضرورة ترتيبها بعد الانتهاء والالتزام بالهدوء
وسلوكيات التعامل مع الكبار والصغار والنظافة بكل مرافق الروضة
واكتشاف مستويات الذكاء بمراجعة الأعداد والحروف الأبجدية
------
فترة التهيئة من خلالها يكتسب الأطفال النظام ويكونون المعين لك بالفترات اللاحقة​

 

[nero]

يعطيج العافيه كريستاال

 

[حبـــاري]

رد: افكـــــــار لفترة التهيئــــــــــــــة واستــــــقبال الاطفــــــال

علميني اشلزن ابي فناتق للصف

 

[nero]

قواج الله يلخنسا
ان شاء الله دووم صفج توب ومرتب

 

[انفاسي]

يا بنات شفت جهاز ليزر مو طبيعي بدبي بس ما تستاهل الروضه اشتريه غالي بحدود200 دينار بس صج صج ادوخ

 

[nero]

ليزر حق شنو؟؟


200 وايد عسى كحلنا يسد عيننا

 

[أبلة لولوة]

ماشاءالله عليكم

صج ابلات روضة بس نستفيد منكم وتستفيدون منا ان شاءالله

منزمان ودي اشوف موضوع جذي


عسى ربي ياجركم ويسعدكم



انا العام تعينت بعد العيد وعلى طةل درست فماكان في مجال تهيئة او شي

وهالسنة ودي اجهز اموري بس المشكلة ان ماتوزع علينا شي من مناهج او صفوف

بس بحاول اشوف الافكار ونسوي الي نقدر عليه


وعلى طاري الليزر

قبل فترة كنت شايفة عند رفيجتي هذا الجهاز الي يطلع الوان عالشقف من فوق وعالطوف وتوجهينه عالمكان الي تبين عجبني حق المدرسة اذا في مناسبات وتكلفته مناسبة اتوقع 5 الى 20 دينار

بس المشكلة ان احنا دوامنا بنهار فماينفع لانه يبي ظلمة ..


وترى اعرف وحده تسوي البالونات بالشكل الي تبين والمتر ب6 دنانير

 

[*أم*خالد*]

مع اني الكورس اللي فات كنت ثالث أبلة بصف بس ماشفت شي زوود بالصف حق التهيئة

مجرد استقبال عادي

مايندرى شلون الوضع هالسنه

 

[انفاسي]

نيرو الليزر الي شفته مو اي ليزر انا مروا على ليزرات من قبل بس هذا غير زيران جنه مسكون يزيد ويتشكل مع صوت الموسيقى والضوء حيل قوي فوق ما تخيلون ويترس قاعه النشاط لدرجه فيه سماعات عشان الصوت

 

[nero]

اشتريه ونأجره منج على دينارين باليوم
صدقيني تربحين

 

[عهود الحب]

ههههههههههههههه نيرو
خوش فكرة بس يبيله تأمين




منو الي تسوي بالونات بستة ؟ ابلة لولوة هاتي الرقم

 

[انفاسي]

اخاف اسوي الفكره وتقطوني على صخر على فكره شللللووووونج عهووووود اشتقنا لج