افلونزا الخنازير .. ساعدونا

[اسمحيـلي يـــ الغرام ـــا]

شلونكم بنات
عفيه عندي سؤال طمنونا الله يطمنكم
عفيه بنعرف تايلند وماليزيا وبوكيت فيها انفلونزا الخنازير
عفيه وفيه علاج حقه ووقايه
ولا ابره قبل لا انروح بليييييييز بنات ساعدونا
عفيه حدي انطر تكفووووووووووووون ترى حدنا متوهقين ماندري نكنسل ولا لأ لانه احنا حجزنا تذاكر :0bee2e8d89:

 

[اسمحيـلي يـــ الغرام ـــا]

والله
ابيه كويتيات من صجكم
18 وحده دشت ولا قالت حتن مااعرف على الاقل عبروني انا قاعده انطر حييل
على العموم تسلمون يالغالين

 

[فجر الغلا]

والله مادري بس توه وحده من رفيجاتي توها راده واهيا وريلها
وعادي الوضع وانشاالله مافي اي شي ولو فيه جان اعلنوا بالاخبار

 

[غرشة عطر]

حبيبتي المناطق الاسيويه تخرررع اهم ماعلي الانسان صحته وعمره


اعتقد الحين حتي بالدول العربيه في اصابات

وبالتوفيق ياقلبي:tek:

 

[Om eL-3a9aGeeL]

شوفي انا سمعت انه ببداية اكتشاف المرض بالشخص يكون له علاج .. وهالشي صار جنه بامريكا المريض لازم ما يطلع من بيته وايون الاسعاف يعطونه ادويته وعلاجه

ومو متأكدة اذا في ابرة وقاية ولا لأ
اللي اعرفه انه الفايروسات مالها شكل محدد يعني صعبة يسوون لقاح ضد المرض

بس تأكدي اكثر يمكن في ابرة لازم تاخذونها !

وحبيبتي مابي اخرعج بس الحيين يعتبر وباء عالمي
وتقريبا كل الدول والمطارات ماخذة احتياطاتها ويطهرون الناس الداشين ويكشفون عليهم

ادعي ربج اذا هالسفرة فيها شر يبعدها عنكم واذا فيها خير يسهلها لكم
وانشااااالله ماكو الا الخير

 

[^AyOoTa^]

انا اختي وولدها واخوي ألحين مسافرين سنغافوره اسألت عن الابر وقاية بس مافي
واختي الثانيه عندها امتحان رايحه ويه اخوي الثاني مصر والله يحفظهم

 

[زيـטּ عَبْس]

انتي مثل حالنا

حجزنا على القاهرة واخذنا التذاكر

والحين اكتشفو فيها 12 حاله


والله ماندري شنو نسويييييييي الحين

وماقالو لنا في تطعيم او نبهونا عن طرق الوقايه

والله يستر

حدي خايفه واحاتي

 

[حورية22]

واو من صجكم بترحون والله ما يسوى عليكم ها السفره الحين الدنيا مختبصه وانتم نا وين على السفر الله يهديكم انا ما ابي اخوفكم لكن هذا وباء عالمي الحين اللي هناك ودهم يهجون للدول اللي ما فيها وانتم بترحون عندهم وراح تنقلون الوباء لاقدر الله في دياركم 0000 بنات لازم يكون عندكم وعي شوي مو اهم شي اسافر وبس 000000

 

[soo_soo]

هممم مادري اذا اهناك فيه او لا
بس انا من فتره شفت برنامج ذا دكتورز وكان حلقه عن المرض وانه وحده تبي تسافر لمكسيك وتخاف في خطوره عليها او لا
وهاذي مكسيك مدينه نفسهااا الي طلع منها المرض والله راحت وانبسطت وردت ومافيها الا العافيه
بعدين هم سمعت دكتور يقولهم غسلو ايدكم كثير لانه يمكن الجرثومه بليد فا بتدخل من عيون لا حكينا ولا اذا عطسنا وحطينا ايدنا ع فمنا نسكره ولا اذا انجرحنا يدخل
فا مفروض نغسل كثيررر

يعني من الاخير من الاخير
استخيرو

 

[soo_soo]

بس ابي اعرف هالمرض وصل الخليج؟؟

 

[b6o6a]

لا تروحين وقطي التذاكر ألزم ما عليكم صحتكم

 

[أنسآم المطيري]

بس ابي اعرف هالمرض وصل الخليج؟؟

بنت عمتي دكتورة بالسعوديه
وفي 6 حالات فيهم انفلونزا الخنازير ..

 

[يمة يادلبي]

وييييييييييييييييييه انا مادري ليش الناس بتسافر
افلونزا الخنازير منتشرة الحين حييييييييييييييل جنه حتى بمصر صار في اصابات
والناس حدها راهية بتسافر وبتتفسح قعدوا بديرتكم ابرك بدال لا اتيييون ت نقلون لنا الأمراض

 

[ميااااار]

3 حالالت بالسعوديه وحده ممرضه فلبينيه و2 سعوديين واحد جاي من بريطانيا اضن

والثاني طفل عمره 3سنوات جاي مع اهله من امريكا الطفل امس اكتشفو المرض فيه

كلهم بالرياض

الله يستر

وانا مع الي قالت استخيرو افضل

 

[اسمحيـلي يـــ الغرام ـــا]

وااااااي ياربي الله يستر
اي انا قايله انشالله بستخير وبقول حق اهلي الاستخاره
بس اليوم بالاخبار عاجل انه سويسرا لقو لقاح حقه الانفلونزا يعني تقزين ابره وبس
بس عدي مادري اذا اهيا زينه ولا بس جذي ولا غرضهم ربحي بس والله العالم

 

[نتاشا الجميله]

خالتي راحت لندن وردت وجنها البخت
وتقول اهناك الناس يطنزون على المرض اصلا يسوون نفسهم يعاطسون يم بعض ويخترعون ^_^ وينحاشون يضحكون

وحمايّ ومرته راحو تايلند ولعبو مع الفيل وداس إبطنهم ^_^ وصورو وردو وجنم البخت

ماكو إلا كل خير انشالله

 

[~..MiMiNi..~]

بالكويت لقوا طالبتين كويتيات يدرسون اهنيه بمصر فيهم واااي انا قلبي يرقع .. و يقولكم الحين اغلب المطارات اجهزه وحالتهم حاله وفحص ..~

و امس سمعت واحد معانا بالكليه يقول انه هالمرض ممكن يدش جسم الانسان ويطلع عادي ... بس يتفاعل مع اللي اكل لحم الخنزير لأنه يكون دش بجسمه والله اعلم مادري لازم اسوي بحث عن هالمعلومه و اردلكم خبر ..

و طرق الوقايه غسلوا ايدكم و ويهكم بصابون وايد .. و لا تسلمون على اي احد .. و لما احد يعطس نبهوه يحط كلنكس او حتى لما يكح .. و ماكو الا العافيه ان شاء الله ..~

انا بروحي اهنيه ومتصرقعه لا تخرعوني زياده

 

[بنت باباتي]

منظة الصحه اعلنت حالة الطوارئ من الدرجه السابعه واعلنت انه وباء عالمي
لووووووووووووووووول لاني نويت اسافر الحمد لله على كل حال
بس جد الزم ماعليج صحتج كنسلي والسفر مو شي ضروري عشان تسوين هالمغامره عشانه

وبعدين لو تلاحظين بنشرات الاخبار ان اللي صار فيهم المرض بالسعوديه 8 وكلهم توهم رادين من برا
الله يحفضنا من كل شر

 

[بنت باباتي]

منظة الصحه اعلنت حالة الطوارئ من الدرجه السابعه واعلنت انه وباء عالمي
لووووووووووووووووول لاني نويت اسافر الحمد لله على كل حال
بس جد الزم ماعليج صحتج كنسلي والسفر مو شي ضروري عشان تسوين هالمغامره عشانه

وبعدين لو تلاحظين بنشرات الاخبار ان اللي صار فيهم المرض بالسعوديه 8 وكلهم توهم رادين من برا
الله يحفضنا من كل شر

 

[بنت باباتي]

منظة الصحه اعلنت حالة الطوارئ من الدرجه السابعه واعلنت انه وباء عالمي
لووووووووووووووووول لاني نويت اسافر الحمد لله على كل حال
بس جد الزم ماعليج صحتج كنسلي والسفر مو شي ضروري عشان تسوين هالمغامره عشانه

وبعدين لو تلاحظين بنشرات الاخبار ان اللي صار فيهم المرض بالسعوديه 8 وكلهم توهم رادين من برا
الله يحفضنا من كل شر