افيدونا بافكار للطاعات و الذكر وقت الدوره الشهريه و لكم الاجر

[ليدي هيفا]

شلونكم خواتي الغاليات عساكم بخير

كلنا تمر علينا ايام الدوره بكل شهر و نحس فيها بضيقه احيانا لسماع صوت الاذان و عدم قدرتنا على الاجابه و لرؤية القرآن و عدم قدرتنا على مسه و مرور يوم الاثنين و الخميس و عدم قدرتنا على صيامه

فيا ليت تشاركون بهالموضوع و تفيدونا بطرق للعباده و الذكر و غيره بهالوقت اللي نمر فيه من كل شهر و لكم الاجر بأذن الله

احبكم في الله

 

[Habooon]

واي صح كلامج حبيبتي , بس انا اشغل وقتي بالاستغفار , تسبيح , اقرا قران من تلفوني
الدعاااء , ازيد من الصدقة بهالايام

بس هذا اللي اقدر اسويه , ياليت لو باجي البنات يفيدوناا

 

[آلمآآآسه]

حبيبتي استغفري طول وقتج واذكري الله

قولي دايما سبحان الله والحمدلله ولا اله الا الله والله اكبر

توضى واسمعى الرقيه الشرعيه

اقرى القرأن من الايفون او من الانترنت

تصدقى بـ مبلغ من المال ، اذا عندج ملابس ماتحتاجينها تبرعى فيها + احذيه ( الله يكرمكم ) + حتى مواعين البيت الزايده عن الحاجه غيرنا يحتاجونها .


وان شاء الله يفيدونااا البنات

​

 

[^^ ǺГฬα]

مثل ماقالوا حياتي

1-استغفار 100 مره او زياده
2- الصلاة على رسولنا الكريم محمد صلى الله عليه وسلم - 100 مره او زياده
3-القران لو صفحه وحده من الاب توب او من الايفون او من المصحف بس تلبسين قلافز بالمصحف( حاجز للايدين) 100 مره او زياده
4- حسبي الله لا إله إلا هو عليه توكلت وهو رب العرش العظيم. او " حسبي الله ونعم الوكيل " 100 مره او زياده
5- سبحان الله وبحمده 100 مره او زياده
6- سبحان الله - الحمدلله - الله اكبر - لااله الا الله 100 مره او زياده (احب الكلام الى الله)
7- لاحول ولاقوة الا بالله 100 مره او زياده
8- الصدقة لو باقل شي عندج (وافضل الصدقات اطعام الطعام وسقي الماي "عطيني خدامتكم او سايقكم او البقاله فلوس او اي شي عندج او اخوانج الصغار حلاو او فلوس" او تعطينهم الماء او اكل )
9- الدعاء بين الاذان والاقامة
10- لا اله الا انت سبحانك اني كنت من الظالمين 100 مره او زياده
هذا اللي في بالي الحين

 

[ليدي هيفا]

حبيباتي انتو ربي يجزيك الخير افكار رووووعه والله
ربي ياجركم على كل عمل نسويه من افكاركم
بس بسألكم
الوضوء عادي حتى وقت الدوره ؟

 

[ليدي هيفا]

و بالنسبه لقرائة سورة البقره

عادي نقراها يوميا بوقت الدوره

انا وقت الدوره اشغل قرآن بغرفتي بس ما اقرا والله الا المعوذات بس حتى سورة الكهف ما اقراها وقت الدوره و يضيق خلقي

يا ليت تفيدونا

 

[^^ ǺГฬα]

اللهم امين واجمعين حياتي

والله يا ليدي مادري اتوقع مايصير لانه احنا مو على طهاره خليني اشوف وارد لج خبر

 

[ليدي هيفا]

اي عفيه حبيبتي سألي و عطينا خبر

ربي يجزيج الخير