اقرو قصة ولادتي ولكم الحم على دكتورتي

[washwoshh]

وعلى فكره اختى لمن صار فيها تسمم مو اهيا الي اكتشفت معنه كانت مراجعه عندها بنفس الاسبوع وما لاحظت على اختي ول اسوت لها تحليل امي الله يخليها قالت لها انتي ترى منتفخه وتفاخج مو طبيعي روحي سوي تحليل زلال حنت عليها ورحت المستشفى ولا فيها تسمم حمل وقالو لازم ولاده اختي كانت بمستشفى 5 المغرب ما ياتها الا ثاني يوم 9 الصبح المفروض تيي على طول بس الظاهر خلصت مراجعينها وحطت راسها ونامت بعدين يات

 

[MzOoOn 22]

صدمه خرعتينا الحمدلله ع سلامتج وسلامه البيبييي

عفيه الدكتوره منووو !!!

 

[kingq8q8]

شنو سيزيريان؟؟؟

اول مره اسمع هالكلمه(( قيصري يعني)))؟؟؟

 

[روح مغليها]

حسبي يالله عليها

 

[مشتطـه]

وااااي رويال حياة رعب ومعروف بسوالفه البايخه

انا مستحيل اخذ ابرة الظهر

ومستحيل اولد ب رويال حياة


الحمدلله على سلامتج

 

[المها الابيض]

الحمدلله على سلامتج وسلامة ضناج
ومالج الا الاجر ان شاالله
وقدر الله وماشاء فعل

بس حبيت اعلق على جم شغله
انتي نزل عليج الماي يعني اكيد راح يولدونج
حتى لو ماصار موعدج
وكل اللي اعرفهم ولدوا عند دكاتره من بره المستشفى
يقولون يولنا على طلعه الراس عشان جذي اخاف اولد عند دكتوره
من بره المستشفى

 

[shak!shoka]

حبيبتي الحمدالله ع سلامتج و سلامة ولدج

اهم شي الوحده بوقت الولاده ما تخلي الالم و الطلق يسيطرون عليها

انا كنت اتلوااااا مثل الحيه بالفراش وامووووت بالدقيقه 100 موته
وااااي والله اوصل اطيح من الفراش و تشيلني السستر و اشلع الوايراااات ة ابجي و اصارخ
بس يقولون لي تبين ابره ظهر اخذ برييييك و نفس عميق و اقول لاااااااا

لازم تكونين واعيه حزة الولاده
الابره تأثر ع البيبي و ع الرحم


مره ثانيه الحمدالله ع سلاااامتكم

 

[جمالي خيالي]

الحمدلله على سلامتج ومبروك ماياكم

حبيبتي في معلومه عن نبض البيبي.. اذا صفر الجهاز وصار نبض البيبي صفر يعني البيبي تحررك من مكانه وجهاز التخطيط صار بعيد عن قلبه وماقام يلقط النبض .. هالشي ماله علاقه بابره الظهر بالمره لان الابره مفعولها باعصاب الظهر ولااااايمكن تدخل الدم وتوصل للجنين لاااااااايمكن هالشي يصير

الدكتوره استغلت قله خبرتكم بهالمعلومات وقامت تصارخ وتمثل عليكم عشان تدخلج عمليات وتفتك .. كان المفروض ترفضين العمليه لان وضعج كان زين للولاده الطبيعيه

بس صار اللي صار وقدر الله وماشاء فعل .. حبيت اقولج هالمعلومات عشان محد يستغلج بالمستقبل

*

 

[ملاك ^ الحب]

انا هالدكتوره ماحبها مرت اخوي كانت تراجع عندها وولدت عندها

لمن يي وقت الولاده انا كنت مع مرت اخوي بالمستشفى

يدقون عالدكتوره ما ترد الي اهيا ناهده يات على اخر شي لمن يدورون نبض البيبي ومافي يات بسرعه

واهيا كانت قايله حق مرت اخوي انتي مو زين لج عمليه فتح بطن لازم تولدين طبيعي ولمن يات جان تقولها لازم عمليه قالتلها انتي قلتي مو زين جان تقول لا عادي منو قال مو زين

بطت جبدي واخر شي سوتلها العمليه

 

[mrs.ls4]

دكتورتي ناهده العلي

عدل كلامج يا جمالي خيالي
امي قالت ماتولدينها وعن الافلام ولاتصارخين وقالت يبو دكتورها سامر الريس بس السسترات معاها فلم هندي الدكتور موموجرد وغرفة العمليات جاهزه
الدكتوره ناهده سوت هالفلم وصرخت وهدتنا وطلعت وبسرعه اركضو فيني حق العمليه

وتسلمون كلكم على مروركم والدعاوي الحلوه حقي وحق ولدي والله ماراح يضيع حقي

 

[ام الحوراء زينب]

دكتورة ناهده @@@@@@@@
مولده نص بنات العايله واخر وحده اختي
ماشاءالله عليها تقرا وتسمي وتهدي
عالعموم الحمدلله على سلامتج حبيبتي
كل شي بأجره

 

[مسك وطيب]

الحمدلله على سلامتج والله يخليلج وليدج يارب
انا اراجع عندها وحيل احاتي فكرة انها ما تجيني بالوقت المناسب
ابستخير والله يكتب لي الخيره

 

[خوخة123]

الحمدالله ع السلامه

 

[عجميه ذوق]

الحمد الله على السلامه والله خوفتيني وانا ناويه اولد عندها.

 

[ربيع_الروح]

أول شي الحمدلله على سلامتج وسلامت وليدج
الحمدلله الي الله حفظكم اثنينكم

وبصراحة انا اكتشفت شغله رويال حياة يمشون على نظام دكتورتج إذا إهيا شديده ودقيقه يخافون
ويمشون معاها في كل شي أول بأول
بس إذا مو ملتزمة وتتأخر أهمه كدكاترة توليد مضطرين يتصرفون على أساس الي يشوفونه جدامهم
يعني إنتي نبض ولدج بدا يخف يمكن لأن ماي البطن عندج كان ينزل
أو لأن البيبي تعب من الطلق لمدة طويله
(لا تنسين مثل ما انتي تتعبين البيبي يتعب معاج بعد جهد منج وجهد منه)

صراحه دكتورتج حيييييييييل غلط المفروض ما تعتمد بس على الظرف الي عطتج اياه
المفروض من وانتي بالعيادة من تدخلين شهرج تسإلج وين بتولدين
وتكلم المستشفى عن حالتج عشان يكونون مستعدين لاستقبالج ومتهيئين
مو خذوه فقلوه

المهم (قرقت وايد عليج لووول)
الحين أقولج استانسي كثر ما تقدرين واستمتعي بكل لحظة لج مع وليدج
لأن كل لحظة تمر عليج معاه ذكرى ما راح تنسينها
والله يبلغج فيه متخرج ومعرس يا رب

 

[أبله هنوف]

حمدي ربج أنه فكج منها والله
اني اعرف وحده عمرها 23 سنه بهذلتها
وشالت رحمها
من صجكم دكتوره ماديه بمعنى الكلمه
حسبي الله ونعم الوكيل فيها يارب

 

[$special$]

بصراحة انا ماجربت الدكتورة بس الي سمعته من الي حواليني سمعتها حلوة
بعدين انتي ماولدتي مبجر عادي من اول يوم بالتاسع تولدين شي طبيعي
دام ان الماي نزل معناته ولادة
واذا على تاخيرها حتى الدكاترة الي يكونون بالمستشفى ماييونج الا على طلعة راس البيبي والسسترات اهم الي يتكفلون ويجابلونج لحد مايشوفون راس البيبي ويبلغون دكتورتج الا بحالة ان الدكتورة متواجده بالمستشفى وتكون فاضية تمر عليج
والولادة حظوظ
يمكن اهي يوم يت انصدمت ان نبض البيبي قاعد يروح خافت واضطرت تدخلج عمليات وهذا حق مصلحتج مو مهم طبيعي ولا قيصري المهم صحتج وصحة البيبي
والحمدالله الي اكرمج وقومج بصحة وسلامة واكرمج بشوفة ضناج بصحة وعافيه والله يخليلج ذريتج وتشوفينهم معاريس
انا بجر وولادتي انشاءالله عقب شهر ونص ومايهمني ان ولدت طبيعي ولا قيصري كل همي صحة البيبي والولادة طبيعي يصير فيها مضاعفات والله يسهل على الجميع دعواتج

 

[كيت كات]

عفو دكاترة اقصد بنات
المكره اللي إحنا تشوفها تختلف كليا عن نظرة الاطباء إحنا نتخبط ولا نعرف شالسالفه تحليلاتنا اغلبها غير علمية وغير طبيا بالمرة
اذا كنا حالين نولد مثل يداتنا نقعد بالبيت ونسمع كلام أمهاتنا ونصير شطار
بس اذا نبي مراجع عن اطبه هم نقعد بالمستشفي ونصير شطار ومانداحرهم
أنا بالشهر الرابع اسمع الكلام اخليها تفحصني حسب الظروف اللي الطبيب يقررها مااداحر بشي مادرسته ولا افهمه
وغرفة الولادة لازم تكون فيها هدووووء مو ام واخت وزوج واذيه وتتدوده ألطبيبة بقراراتها وبالاخير نحط اللوم عليها
امج المفروض وظيفتها تقرا وتسمي وتوكل أمرها لله
إبرة الظهر كل الناس تأخذها حالها حال الكمام بل افضل بالآثار الجانبية ومآلها علاقها بالبيبي اساسا
وانا ناهده العلي ماعرفها بس اسمع عنها كل خير
عموما الف سلامة عليج وعلى البيبي

 

[You FOR Me Only]

بنات حتى لو الدكتوره ماغلطت بالعمليه بس غلطت بالمشرط اللي بقى يروح عين ولدها يعني باختصار دكتوره ماتعرف تستخدم مشرط اكيد فاشله

الحمدلله اللي قومج بالسلامه والله يخليلج ولدج وتفرحين فيه

 

[مهندسة2007]

اول شي ألف الحمدلله على سلامتج وسلامة النونو ومبروك ماياكم ويتربى بعزكم ويكبر ويفرحكم فيه وتشوفونه معرس إن شاء الله
وثاني شي قدر الله وماشاء فعل الحمدلله على كل حال والحمدلله انج انتي ويا البيبي مع بعض وانكم طلعتوا سالمين
والدكتورات وحده تصيب ووحده تخيب وااايد ناس امدحوها ناهده العلي ووايد ذموها وكل حاله غير آنه شخصيا ماأرحت لها راجعت عندها اول حمالي وماأرحت لها كلش ورحت حق ليلى اشكناني تالي والله يطرح فيها البركه
وبعدين ياحبيبتي رويال حيااااة بحد ذاته وايد عليه مشاكل واطباءهم موذاك الزود واخطاؤهم وايد بس ارد واقول قدر الله وماشاء فعل وقدر ولطف الحمدلله والف مبروك ماياكم