اقظبو عيالكم الله لا يهينكم

[HeR HiGHNeSs 90]

عاد انا ناويه افتح موضوع قريب لهسالفه

الواحد صار مايقدر يطلع مول مع اهله
امس رحت مع امي وابوي مجمع بفحيحيل

والصبيان المراهقين من بالتعش يمشي ويسولف مع ربعه ويسمع العالم كلها وياريت كلام عادي

كلها مسبات وصخه انا ويهي صار نتفه من الفشله

صج ناس مو متربيه حسبي الله عليهم يفشلوون

لو كل وحده تقضب عيالها من اهما صغار وتبيهم عدل وماتخليهم على بونه بعده صغير يكبر ويتعدل جان احنا بخير!!!

 

[مي الحلوة]

الحمد الله على السلامة..وفعلا انا استغرب من هالجهال اللي وقت الظهاري بالشارع..
وين امهاتهم عنهم..واعتقد وقت الظهر العيال يردون من المدارس تعبانين..ولا يقابلون دروسهم..
ما اقول الا الله يهديهم ويصلحهم يارب..

 

[انصاريه قمره]

لو انا بدالج انزل واركض وراح واصيده واطيح فيه طق جليل الحيا يا ربي استغرب من هالناس اللي عيالهم قليلين ادب مو قادره على زبوط النقعه مهيتته بالشوارع انا لله الحمد عندي بنات باجر لي ربي رزقني انشالله بالولد ما اخليه يشم ريحه الشارع ما احب هاليهال المهيتيين امي 24 ساعه اتناجر معاها لانها تخلي اخواني يطلعووون براا شالمصخره لا تقولون ما نقدر عليهم حبسيه بالبيت وقفلي الباب والدرايش حطيلهم حمايه وكان الله غفورا رحيماا

 

[ابيك لي بروحي]

وي الحمد لله على سلامتكم
الحمد لله فككم الله

 

[MyLittleBerry]

صارت فينا وانا مع اهلي شرايج

وبقطعتنا تونا داخلين القطعه بنوصل البيت ولا ولدين صغار يمكن اعمارهم ماتوصل 10 سنين قاعدين علرصيف ولايحذفون طابوقه صغيره على جام السياره تخيلو والله ان انصرعنا من الخرعه واليهال ققامو يبجون الجام كله انكسر

ابوي طبعا نزلهم وقضبهم من دشاديشهم ووداهم عند اهلهم عاد قاعدين قبال باب بيتهم ابوي خلاهم مايسوون بيزه

 

[الحراير]

الحمدلله علي سلامتكم ياقلبي

 

[أحلى عيون]

اهو ياقلبي مو بس علي الباص انا تخيلي لي رحت لاختي امر علي بيت كله عيالهم بره والخدم قاعدين علي السياره والعيال يمدون ادينهم يعني ستوب ولا يقعدون يقطون ارواحهم بنص الشارع وعند سيارتج شتسوين فيهم


واذا حذف الصخره وانحاش وين تلحقين وراه



مره حماي تو شاري سيارته مسكين وحذفوه بالصخر وقف سيارته ونزل ورا الولد دخل بيتهم ولا اهو وراه يقول مااسمع الا صوت الحريم يتصارخون ههههخ

يقول ولا يجي ولدهم الكبير خير شعندك قاله امسك ولدكم لا اذبحه كل ماامر هني حذفني بالصخر يقوله جاهل ومايفهم قاله جاهل امسكوه والله مره ثانيه اعلمه شغله يقول خليت الرجال يتكلم ويصرخ مو عاجبه شغل سيارته وراح خخخخخخخخخحححح

 

[النشبه]

بنيه او صبي اشوف انه كلش ماله داعي يهال يحوسون بالسكيك لا سمح الله يصيرلهم مكروه محد درى عن هوا دارهم

وخصوصا اذا شياطين ويأذون خلق الله

بكلتا الحالتين البيت افضل لهم ولازم على طول احد يراقبهم ..يتحملون مسؤوليتهم باختصار !!

والحمدلله على سلامتكم

 

[غزالة كويتية]

الحمد الله ماصار فيكم شي جتكم سلامة بفضل الله

تدرين انا من زمان اعاني من هالسالفة من عيال الفريج كل ما اطلع بسيارتي ويكونون بالشارع على طول يفكرون بالتحذف بس قمت ما اسكت من اشوفة رفع ايدة وناوي الشر اوقف السيارة ونيتي بركض وراه بس قامو يخافون من اوقف يقطون الصخر بالارض وركضة لبيتهم ودايما هالسالفة تسير الظهاري

 

[••لـوسـي••]

واااااي ليش جذي حرام عليهم وش يستفيد يعني

ديرو بالكم الله يحفظكم​

 

[يا قائم آل محمد]

لا حول و لا قوة الا بالله

حتى احنا بمنطقتنا في يهال بعز القايلة يحوسون

 

[قمورهـ]

نظام فرخ والشارع يربي !

رفيجتي بهدية تقول تتعب نفسيتي لي دخل باصنا جابر العلي انواع التحذف!

الله يعينكم !

 

[كويتية و لكن]

لا حوله ولا قوة الا بالله

 

[مس دلال]

الله باص من زمان عن الباصات ---->> اوت ههههه


الحمد لله ع السلامه
والامهات بتنبط روسهم من عيالهم شدعوا تبونهم يراقبونهم اربعه وعشرين ساعه
اكيد كان رايح بقاله عند ربعه شيء
الله يهديه

 

[ليموني]

الحل تحطون زجاج ضد الرصاص او شبك نفس سيارات الجيش *

 

[صدى القلب]

ايي والله حرااام يهيتوون الجهاال بالشاارع المفرووض امهاتهم يعلموونهم وينبهوونهم الصح مو الغلط


انا اذكر السنه اللي طافت كنا رجعين من المدرسه ومرينا صوب مدرسه صبياان وكل مره نحذر سايق البااص لايجي صووبه بس مايفهم

المهم والله يحذفوون صخر وطاابووق بكل الاحجاام اذكر الدرايش اللي وره كلهم تكسروو بس الحمدالله البنات اول ماشافو الجهال واقفين ينطرونا نمر قاموو وقعدو الصووب الثاني


مرتيين يصيير فينا جذذي مره عند المدرسه ومره بين البيوت


الله يحمي الكل ويهدي الجهاال ياارب

 

[dob106]

الله يهديهم ويصلحهم وحمد الله على سلامتكم

 

[توتاتوتا]

ياختي احنا بحوش البيت ما نقدر نقعد الا تحت المظله و لا يطلع لنا صوت علشان عيال جيرانا لا يحسون فينا و يبدا الرجم باي شي تتخيليه من الخفيف الى الثقيل الى الزباله

 

[فالنتينو]

شكلك مقهوره حيل الله يهدي عيال الجميع وخيرها بغيرها تحياتي

 

[حياتي إيثار]

الله يهديهمـ
والحمدلله ع السلامهـ