اقهرتني وانا حساسه

[طفلة تحت المطر]

السللام عليكم

اخباركم

انا عندي بنت عمرها اربع اشهر

وحاليا. استخدم حبوب مانعه ،

افكر اقطها بعد سنتين ، مشكلتي وحده من قرايبنا

مسكينه غيوره كانت ولاده قبلي وجابت ولد

تقولي موووتي قهر ماعندكم ولد مثلنا انا قلت لها يعني اقط بنتي بالشارع عشان عندج ولد وانا لا

عاد انا ابي طريقه اجيب ولد صحيح الشيء بيد ربي بس انا حسااسه مااحب حد يطنز علي

يعني سمعت اقدر اتبع نظام مع الدكتور لانجاب ولد بس ابي اللي جربت تفيدني

ماابي نظام شرب القهوه وهالاشياء. صعب علي

 

[احلى سماء]

ادعي ربج

احنا لا محصلين لا بنت ولا ولد

وانتي وصاحبتج تشرطون الا ولد

كان قلتي لها بنتي عندي تسوى ععشر صبيان

ما تدرين يمكن بنتج اللي طايحه من عينج هي اللي تفيدج اذا كبرتي

 

[طفلة تحت المطر]

شدخل بنتي طايحه من عيني انا قلت الموضوع بيد ربي

بس في طريقه طبيه لان الطب يتطور ابي الخبيرات يفيدوني

ماسويت شي غلط عشان تحسسيني بالذنب

وبنتي تسوى الدنيا ماارضى اي مخلوق يتكلم عليها

بلييز اللي عندها خبره تنصحني لاني ملازمه الاستغفار

 

[طفلة تحت المطر]

شدخل بنتي طايحه من عيني انا قلت الموضوع بيد ربي

بس في طريقه طبيه لان الطب يتطور ابي الخبيرات يفيدوني

ماسويت شي غلط عشان تحسسيني بالذنب

وبنتي تسوى الدنيا ماارضى اي مخلوق يتكلم عليها

بلييز اللي عندها خبره تنصحني لاني ملازمه الاستغفار

 

[جمالي ايطالي]

الحمدلله والشكر تحرج علشان عندها ولد



ادعي ربج هو الي بيرزقج الولد


لا طريقه ولابوكس ازرق ولا شي



ربج اهو قادر يرزقج


بعدين انتي مفكره تحملين بعد سنتين..؟؟؟


ليش تبين الطرق الحين

 

[ام اميره]

رد : اقهرتني وانا حساسه

اسمحيلي هذا اتغااااااار
وبعدين انتي المفروووض اترديين عليها واتقووووولين لها هذي ارزااااق من الله مو من احد واهو المقسم الارزاااق
وهذي كتبت الله سبحاانه وبصرراحه بهالزمن البنت اللي تنفع الام وتجابلها واتراعيها مو اوووولد وهذا رائي الشخصي
وبعدين كلهم نعمه واهم شي الصحه والعاااافيه

 

[طفلة تحت المطر]

صحيح ان افكر احمل بعد سنتين

بس لازم ازود نفسي باللي اقدر عليه من اللحين

لان يمكن الموضوع يتطلب نظام الغذائي طويل المدى واشياء من هالقبيل

مع ان عندي قنااااعه تاامه بان الشي بيد رب العالمين

وزوجي وانا نمووت على للبنات

بس سبحان الله ربي يقول ياعبدي اسعى واسعى معاك

وماازلت استغفر ربي في كل دقيقه

 

[الود85]

الله برزقج بالولد الصالح وياحلات البنات بس كاني سامعه في غسول حق هالشي بس مو متاكده

 

["*آآآنؤؤؤقهـ*"]

رد : اقهرتني وانا حساسه

حبيبتي لاتسوين نظام غذائي ولاشئ

انتي بجر والطريج جدامج ماتدرين لو ان الثنو ولد الله يرزقج الولد الصالح


وماعليييج منهااا .... قولي الحمدلله على عطيت ربي الله عطاج الولد والله عطاني البنت


زوجييه بنتي هههههههههههههههههه عن ضحك... وسسعي صدرج

....................

 

[حلاوة الحلوة]

الحمدلله على ماكتبه ربج وان شاء الله الدعاء والاستغفار الصدقه هي اللي بترزقج الرزق الحسن ومالج شغل فيها وانا سمعت في نظام وجدول بس مااقدر افيدج فيه لاني بصراحه ماجربته والخوات مومقصرين معاج

 

[صانعة قراراتي]

امبيه شفيها هذي الرزق من ربي
واعرفلك نااااس يتمنون يجيهم بنت الام جاها تسع اولاد ووقفت عن الضنا ومافرحو بالبنت الايوم زوجت ولدها جاه بنت
يعني كلهم رزق من ربي لاتسوين شي ولا شي حلات البكر بنت واذا جاها اخت احلى واحلى واذا قالت لك شي اضحكي وقولي ياحلو البنات بس وماعليك منها خل تولي

 

[صانعة قراراتي]

اذا ملزمه روحي دكتوره وهي تفيدك وانا سمعت انه فيه غسول

 

[طفلة تحت المطر]

مشكوورين بنات

بس انا صغيره حابه اجيب ولد اخو لبنتي بعد سنتين

واوقف كم سنه لان تعبت تعبت بحملي الاول

 

[نورهـ]

حبيبتي
هي قالت كذا لأنها عارفه نوعيتج انج بسرعه تنقهرين لاتخلين نفسج ملطاشه.

هذي أرزاق من الله وتوج بنت وحده شتقولين عن اللي عندهم ثلاث وأربع والحمدلله راضين بقسمة الله لأن مافيه فرق بنت وولد

أهم شي الصحه والعافيه

وخلج قنوعه ولحد ياثر. عليج خصوصا اللي عقليتهم مثل السخيفه هذي

والله يرزقج

 

[angel_soul_1989]

رد : اقهرتني وانا حساسه

هلا حبيبتي الله يرزقج بالولد الصالح البار ويخلي بنتج ،،،،
انا حاسه فيج لاني عندي بنتين والحمدلله الحين حامل وانشاءالله الله يرزقني الولد ....
حبيبتي اذا تبين النظام وااايد سهل ابتعدي عن اي شي فيه حليب وكالسيوم ومنتجات الاجبان عموما ابتعدي عنها وكثري حوامض وصوديوم وبوتاسيوم وسفن اب وماي زمزم بدال الماي العادي لانه فيه قلويه والقلويه زينه حق الرحم الي يبي ولد كل ماتبين تغسلين رحمج غسليه ابيكربونات الصوديوم تلقينه بالصيدليه اسمه فيمي اهو نفس الانبوب بس غالي مومشكله لجل عين تكرم الف عين وبعدها اذا فكرتي بالحمل بنفس الشهر تشربين شراب ينباع بالصيدليه اسمه يورال ايسوي الجسم كله قلوي والجماع لازم يكون بيوم 14 15 16 وانشاءالله تحملين بالولد السليم المعافى والي عليج انج قبل كل هذا تتوكلين على الله وتصدقين ضروري ضروري وتقرين صورة مريم والله انها مجربه والله الرزاق العليم ......ادعيلي اولد بالسلامه

 

[BiiShOoO]

الله يرزقج يا رب

 

[كويتيه مذهله 87]

ماتعرفين شلون تردين عليها جان قلتيلها مو عندي زر بويهي اقدر اتحكم بالولد والبنت


لا تقولين ابي ولد لبنتي وين ما الله رزقاج بتييبين ان شالله الولد الثاني والثالث ويترس بيتج يهال

والله يرزقج الولد الصالح بعد سنتين

 

[ريكاتو]

حبيبتي الله يرزقج وبعدين اهي ما قالت هالكلام الا واهي عارفة انج ميته على الولد
نصيحتي لج لا تبينين حق احد انج تبين ولد عشان محد يجرحج مدام انتي حساسة
انا عندي بنت ولد الحمدلله وكنت ناوية ابي بنت ثانية لأني انا وريلي نموت على البنات بس اللهم لا اعتراض الحين انا حامل بولد
ربي لك الحمد

 

[ام بوحنة +]

رد : اقهرتني وانا حساسه

انا عندي ولد
وميته على البنت يازين البنات

حاسة فيج بس مو بالضبط
لاني ابي البنت علشان انا ابيها مو علشان الناس

بس كل شي قسمه
والحمدلله على عطاياه لانه فيها الخيرة لنا
وعسى ان تكرهوا شيئا وهو خير لكم

 

[خبيرة اعشاب]

رد : اقهرتني وانا حساسه

الله يرزقج الذرية الصالحة