اقولها عن خطيبها ولا اسكت؟؟

[غروري بطيبتي]

انا اقول اهي درت ان ما يصلي

بس المحادثه السكسيه اقولها ولا اسكت؟

استغفرالله مدام الصلاه عادي عندها
قوليلها وريحي ضميرج احسن وما اظن بتقول شي بتقول عادي !
والله يهديها ترك الصلاه شي مو هين

 

[حبك بلاني!]

مثل ما قالو لا تقولين اذا اهي على صلاه تدري ما يصليها لا حول ولا قوه الا بالله ...انا اقول ادعيلهااا والله يهدي..

 

[ام كوشه منكووشه]

حبيبتي انا من راي انج تصارحينها باللى تعرفينه عنه

وخلى القرار لها اذا حبت ترتبط فيه على كل اللى انقال عنه او لأ

عالاقل لو وافقت اللى عارفه شنو الانسان اللى بترتبط فيه وشنو اهيا جادمه عليه

والله يهديه ويجدم لاختج اللى فيه الخير والصالح لها

 

[الينبوعة]

لو كنت مكانج احجي على الي شفتو بدون تردد حتى لحد يلموج بعدين قولي لهم وهم بكيفهم خلصي ظميرج ​

 

[DooLy88]

اذا اهي مقتنعة فيه
واهلج مابذنهم ماي
كيفهم وانتي اللي عليج سويتيه
ويزاج الله خير


المشكلة اللي مايصلي يعتبر كافر
لان مابين المسلم والكافر فرق اهو الصلاة
وشرعا حرام المسلم ييتزوج كافر
الله يهديه

 

[سيماا]

Re: رد: اقولها عن خطيبها ولا اسكت؟؟

استخيري

 

[(المباركيه)]

قولي لها كل شي انت تعرفينه عنه هذا زواج مولعبه شنو هي بتاخذه يومين وتهده ماعليك منها ريحي ضميرك وارتاحي وهي كيفها
<فذكرانما انت مذكر لست عليهم بمصيطر>

 

[Miss Chanel]

الله يكتبلها الي فيه خييير

 

[زوجة عزيز]

قولي لها احسن

 

[هنووفوو]

[لاتقولين لها ماتتدرين يمكن عقب الزواج الله يهديه وبصلي
واذا عالمحادثه وايد شباب ذي عقب الزواج يبطلون من هالسوالفFONT="Arial Black"][/FONT]

 

[خلود الزمان]

اظن من حقها تعرف
وانتي ماراح تفضحينه ع العالم بتقولين لانسانه يهمها الموضوع
ولا بعد بيعيش معاها طوول العمر اذا الله كتب لهم نصيب

بس ع فكره اتوقع مدام سكتت ع سالفه ما يصلي اكيد هل سالفه بتسكت فيها
انتي سوي اللي عليج عشان بعدين لاسمح الله صار شي ماتندمين ولا اهي تلومج انج ماقلتي لها ولا حذرتيها

ولاتنسين اهيا انها اختج

 

[نــ..الوجود..ـــاادرة]

امممممممم واضحة ردة فعل اختج دام عرفت انه مايصلي يعني عندها عادي حتى لو درت انه يخربط بالايميل او التلفون

نصحي اختج تستخير دام ان للحين ماكو شي رسمي الله يعين الحب اعمى مايشوف عيوب الحبيب

 

[dectora 7elwa]

اصري عليها تستخير
وركزي على سالفه الصلاة
بمعنى ان اللي يصلي يحفظ حدود رب العالمين بجميع انواعها من خيانه او شرب اوكذا بس لا تحددين اللي شفتيه

 

[! Miss.Q8 !]

مدام درت ان ما يصلي ما اتوقع راح تأخذه

يعني هذا شلون بيخاف ربه فيها وبيتحمل مسؤوليتها !!

انتي كلميها ومو غلط تنصحينها مدام انتي اختها الكبيرة

اكيد ما راح تتضايق لانها تدري انج تبين لها الخير والاحسن

 

[سويت فانيلا]

خليها تعرف احسن وقبل لايطيح الفاس براس

 

[Killer^Girl]

لاتقولين
والله الهادي انشالله

 

[عجمانيه]

انا اقول خبريها احسن يمكن تفكر فيه زياده وتحل مشكلتها

لو تميتي جذيه بتقعدين تاكلين قلبج وتتلومين.. اما لو خبرتيها بتريحين راسج وهي بكيفها

 

[جلكسيه اس 3]

نصيحه لاتقولين ولا شي
باجر راح اتقولج انتي اتغارين مني لاني
تزوجت وانا لا

 

[نجاة80]

موافقين عليه واهو مايصلي ؟؟؟

شنو الفرق بينا وبين الكفار ؟؟؟ ترك الصلاة

انا اقول لااااااازم تدري وانتي نيتج موالفضيحه والله العالم بنيتج

زواج هذا مولعبه ... قوليلها لاتحمل اسم مطلقه بسبت عدم التفكير

(( ان الصلاة تنهى عن الفحشاء والمنكر )) اذا مايصلي بتهون عليه الذنوب والمعاصي ...

قوليلها لاتسكتين حطي نفسج مكان اختج .. ترضين يخشون عنج هالسالفه

بس خلي الكلام بينج وبين اختج ... واهي بكيفها تالي

 

[!الجادل الصعب!]

يعني انتي تقولين لهم عيوبه بالتدريج؟!
حبيبتي المفروض متكلمه من زمآن وخلاص..
المهم .. لو تقولين لها يمكن تكونين غلطانه والمحادثه مو له..
وربج آمر بالستر ويمكن الله هدآه..!
بعدين انتي شلون طحتي عالمحادثه وقريتيها بكل آريحيه..؟!