اقوى كلمه قلتيهاااا في حق زوجك

[شموخ احساسي]

انا مره قلتله اكرهك وما احبك وتضايق حيييييل وانصدم بس عادي بعدين راضيتة

ويكره ويتضايق لمن اقوله استريح ومن قالي ما احبها مدؤي ليش صارت بلساني مو عناد والله بس وزت شيطان هههههههههههه

 

[(دنيتي)]

مواقفكم تحف عجيييييبه
انا ريلي عصبي بس حنون يعصب بسرعه ويرضى بسرعه فديته


مره قال جدام اخوه انه عمي عازمه ع الغدا ومايقدر يحضر لانه دوام وماييطلع الا اربع العصر


عاد انا مادري شفيني تليقفت وقلت له اي ماكو شغل ينطرونك ماشوف الا الشرار يتطاير من عيونه نععععم شقلتي


وبدايه زواجنا كنت ماسكه ملابسي وبروح اتسبح واهو يبي يطفرني اخذ الملابس


قلت له ياحيووااااان 

والله مادري شلون طلعت مني هذا مو اسلوبي اصلا ماقول هالحجي انا

وعصب قالي اول مره واخر مره تقولين هالكلمه

 

[نزغه كويتيه]

أنا ليه طلعت مع خواتي ولا رفيجاتي لازم اعطيه تقرير مفصل وادق وأهون يدق يعني لوعه ومره طفا تلفوني وريت البيت ولا الريال عيونه بالطول صايره موووووولع قعد يصارخ يصارخ وقال مافكرتي بالح .....ار تعطينه خبر وينج فيه بط جبدي قلت له مو الحم .. ار المفروض يقدر ان الي صار مو بيدي
جان اطق برييييك

 

[Ezabel]

قولو الي تبونه طلعو الي بقلوبكم ولايهمكم من هل رياييل ترا ماراح ترتاحين لو ماقلتي
ولاتهتمين ولا يانبج ضميرج

 

[فيلسوفة قلبي]

موآقفكم حلوة

أنا ما قلت له شئ للحين .. بعدنا في أيام الملجة

قالي يا الخبلة

وزعلت زعلة قوووية << مآاحب حدن يقول لي يالغبية أو الخبلة

الله يحفظه لي من يومها ما صار ينطق بذي الكلمات

 

[baby lolo]

اب اب اب

 

[عروسة فوشيآ]

انا زوجي مايزعل من كلامي لانه دايم عباله اني اتغشمر ههههههه


ومرة قلت له شت اب


توقعت بيهاوشني

تدرون شنو رده






قال شخباري هالكلمة قديمة لووووول

 

[ام^يوسفاني]

قتله ابعصبيه يلا يلا يلا
اقامه اسبوع الله وكيلكم اببيت اهلي . عباله عقاب مايدري اني مستانسه واطلع مع اهلي لووووووول

انا اذا قتله انت شفيك يعصب ويزعل

 

[BubbLe87]

فيني خير اتحجى
كله اهو اللي يغلط بالحجي و لا يعتذر و لا حتى يقول ما اقصد و لا يبرر حق نفسه و لا يرقع
و يقط كلام جايد يعني مرة يقولي فارين راسج قصده عن امي طبعا
بس استاهل نا لاني فتحت عيونه على مشاكل اهلي و اهو طبعه صريح يقول كل اللي بخاطره و انا اجامل ما اقول
على العموم و لا مرة غلطت بحقه بكلمه جارحة ابدا ما اذكر بس مستعده اسمع عشرين كلمة جارحة اهو قالها
مثل انتي مو كفو احترام
الله يسامحج ذكرتيني باشياء احاول انساهم

 

[ياشايل الظبى]

الواحده لي زعلت قامت تخورها
عاد انا حريصه بس مرات اقط قنابل هههههههههههه ويزعل جم يوم ويحاسبني عليها
بس عن خاطري لو ماتكلمت بنفجر

 

[برنسس أوراق]

طموشة أنا خخخ

 

[Daisy flower]

احنا لما نزعل ع بعض ماانحط راسنا ع المخده الا ومتراضين .

مره قلتله انت شكلك بديت تمل مني خلاص اعتقني (يعني رجعني لأهلي)

زعل ولعن خيري ? وقال كلمتج حيل قويه لاتعيدينها ..

 

[~ بنت الهدى ~]

انا مخطوووبه

كنت اسولف معاه عن سالفه .. قال لي يامجنونه ..
قلت له نعم ! قال قصدي مجنونه فيني ههههههههه قلت له اهااا شكرا يامجنون.
ماحب اقول له هالكلام بس قلعته ليش يقول لي

و مره قلت له تخيل تقعد من النوم و تسمع خبر وفاتي ..قال لي جب
بعدين استوعب و صار يتعذر و مايقصد و غصبن عنه هههههههه طبعا مستحيل اردها له قويه الكلمه

 

[أم يزيد &سديم&]

كلامكم يهون وايد عند كلمتي
مرة تهاوشت وإياه على شيء قووي مررة وقلت له إعذرني أقولك شيء عنك !!! شوفو الاحترام إنت إنسان ( وقح ) بمعنى الكلمة وأهلك وقحين وكل عايلتك وقحة
ع طوول قفل السماعة ولا تفاهم ولا شيء مع انو طبيعته الجدال بس هالمرة عرف حقيقة نفسو ولا عاد فتح الموضوع معي أبدا واحترم نفسو بالمرة
أحسن الرجال ما ينفع معهم إلا العين الحارة !!!

 

[Al Maha]

كلامكم يهون وايد عند كلمتي
مرة تهاوشت وإياه على شيء قووي مررة وقلت له إعذرني أقولك شيء عنك !!! شوفو الاحترام إنت إنسان ( وقح ) بمعنى الكلمة وأهلك وقحين وكل عايلتك وقحة
ع طوول قفل السماعة ولا تفاهم ولا شيء مع انو طبيعته الجدال بس هالمرة عرف حقيقة نفسو ولا عاد فتح الموضوع معي أبدا واحترم نفسو بالمرة
أحسن الرجال ما ينفع معهم إلا العين الحارة !!!

قويه لكن اهله شو يخصهم :krkrkr:

 

[أم يزيد &سديم&]

قويه لكن اهله شو يخصهم :krkrkr:

أهله وقحين أوقح منه موب أشد وقاحة لا أوقح منه ووسخين بدرجة لو أحكي لك من اليوم لبعد عشرين سنة لو أكتب مجلدات عنهم ما خلصت من مذكرات وقاحتهم معاي
حسبي الله عليهم ونعم الوكيل
الله ينتقم منهم ويأخذ حقي منهم
ومو قوية أبد أبد عليهم شوي مرة هو استغرب انو طلعت مني هالكلمة ولا عاد ناقشني بالمرة أبد

 

[الأوركيد~]

الله يسعدكم و لا يفرقكم

موتتوني ضحك :d

 

[راقيه وجذابه]

عاد انا انسانه طبعي حاره واحب اتناقش واتكلم واحل الموضوع وهو ﻻ برررود مايحب يحل مشاكلنا وكان ينرفزني بروده

مره قاعده اناقشه بسالفه قويه هو سواها واتكلم اتكلم اتكلم وهو طاااف يحك راسه ويتثاوب وﻻجني موجوده جان ابقق عيوني منصدمه من البرود

التفت علي وبكل بروووود شفيج خلصتي اهني التفت عليه قلت له اقلب وجهك ماني متكلمه

ههههههه بس انا اذا غلطت بنفس اللحظه ابتسم واعتذر

 

[Habibat Abooha]

ريلي عصبي واتوقع اكتسبت منه هههههههه
والله اللي صار شي جايد امبيييه انوو بالكلام انا بالفعل
مره كنا بالجمعيه وولدي الله يحفظه حركي وايد
بين اعابل مع ولدي وبين ريلي يالي علبوو يمزح
يقولي شوفي هالمنتج ..... ايوزلج ههههههه
صدمني رحت ضربت جتفه على خفيف وقتله وخر بس < استووعبت ي ربي شغبرت انا
طق البوز وخزني خزز قال والله لو مااحنا هنيا وريتج شغلج والشر ينطق من عيونه
اشرلي يعني بنطلع يمه مت مت خفت ولدي يطيح من ايدي بيومها
طلعها من عيووني
قالي المراه اللي يطلع منها اليوم جذي باجر تكبر عليها
سوالي سالفه بجيت انهرت ليما كسرت خاطره وطخ بيومها حسيت اني زودتها
للحين يعايرني فيها لووول

 

[سور المدينه]

ليلحين بالملجه

الحمدلله احاسب حيل
مع اني ماعرف نفسي اذا عصبت بس الحمدلله
حاليا اقدر اتماسك نفسي