اكتبي اسمج

[فرحه ولكن؟]

السلام للحلوات
شلونكم بنات
ودي اطرح موضوع جدا مهم لمستقبل ابلة الروضه
بنات موضوع كتابة الاسم على اغراضج واللي تشترينه
اشرايكم فيه صج تكتبينه في كل الاغراض ومدى اهميته عند الادارة

ولكم مني اجمل تحيه​

 

[الحياة]

بالنسبة حق كتابة الاسم على االاغراض يسبب حزازية بين الابلات ممكن تكتبين على اشرطة الكاسيت او ممكن تكتبين فقط على القصص الغاليه اما العادية لا طوفي ..
واغراضج تعرفينها انتي وزميلتج اكيد تعرف اغراضها لانها اكيد ماراح تاخذ اغراضج ومن هالسوالف ..
حلات الفصل تعاون يا ابلات مو حلوة كل ماخلصنا من شغلنا خشيناه علشان الابلة الثانيه ما تستتخدم الاغراض

موفقين با ابلات المستقبل

 

[عبق الورد]

صراحه احب اكتب اسمي على اغراضي ... السالفه مافيها زعل هذا حقي .. من تجربتي من العملي كنت ما اكتب اسمي ..اخر شيء خفت اخذ شيء اخاف مو لي عن الحلال والحرام صرت اكتب اسمي

 

[kajool_80]

انا عن نفسي افضل كتابه الاسم على الاغراض المهمه فقط والسبب ماله شغل بالحزازيات
عشان لمن اكون ماخذه شي من زميلاتي بالفصول الثانيه ورغم اني مااسويها وايد فلما برد الشغله اعرف انها حق فلانه وما انسى فلمن القى الاسم على طول اعرف صاحب هالاغراض واردها بالتمام والكمال اهي من هالناحيه احسن بس اذا على اي شي وكل شوي رازه اسم على الصور والمحسوسات احسها بايخه بس الاشيا الغاليه والمميزه

 

[فرحه ولكن؟]

شكرا على المرور عزيزاتي
انتظر المزيد من الاراء لان محتاره اكتب ولا لأ اخاف انتقد من زميلاتي المعلمات

 

[أم^سعد]

والله كتابة الاسم شي ضرووووووووووووووووري عشان تحفظين حقج لان المصورات تتشابه والمسابقات تتشابه مرات افضل شي تكتبين اسمج واهممممممممممم شي اسمج على ستاندات الاعداد لاني متعقده من هالشغله
اشتريهم بالهبل بس هم البنات الي تاخذ مني واللي تاخذ منيه اخر السنه ما يصفالي منهم شي
بصريييييييييح العباره اسمج على كل شي ما فيها لا حزازات ولا شي
واللي تحسينها متضايقه هذا عشان ما تبي المشرفه تدري ان اغراضج اكثر منها او تجهيزج للخبرات افضل منها
و سلاااااااااااااااامتكم

 

[ms. hana]

والله كتابة الاسم شي ضرووووووووووووووووري عشان تحفظين حقج

 

[miamy]

لازم اكتب اسمي بالبند العريض بعد

حتى اقلامي اكتب عليهم اسمي

<<< مو نحيسه والله بس اللي ياخذ اغراضي مايردهم، ويقولولي ماخذينا او رديناهم لج ، اطبعا اهما ناسين اكيد

مالومهم من اللويه

 

[*أم*خالد*]

لازم الاسم ينكتب هذا حق والحق ماينزعل منه

والي بتزعل ماتشوف شر

 

[شمس]

المفروض تكتبين لانج شارية الاغراض بفلوووووس مو ببلاش

هذا حق ومحد يزعل من الحق

 

[زهور الجمان]

انا احب اكتب اسمي على اغراااااااضي

عادي لان رفيجتي اهي الي تطلب اني اكتب اسمي على الاغراض

لان طريقة روضتنا اي ابلة تدخل الصف وتاخذ الي تبيه

 

[miamy]

زهور الجمان

اشوه طريقتنا مو مثلكم

مره وحده دشت وخذت شغله من صفي ويومها دشت علي الناظره متخيله

وانا صافه الشي بطريقه تخص درسي

حدي عصبت يومها الصراحه