اكتشتف خيانة زوجي بالمسنجر من بعد شهر من زواجنا..شوفو شسويت

[Sympathique]

السلام عليكم​

من بعد شهر من زواجي.. اكتشفت خيانه زوجي بالمسنجر.. لن قريت المحادثات من ايميله الثاني
وطبعا كعروس..كان طراق على ويهي.. وبصراحه تغير زوجي في عيني 180 درجه!
وطبعا كنت احتقره .. اكرهه.. اعانده .. بس في قلبي ..
يعني ماقدرت كلش اصارحه.. تعرفون ليش؟
لن اعرف وحده شخصيا صارحت زوجها.. نكر..وعقبها تغير عليها وصارت ماتسوى شي عنده..وصار مايهتم بمشاعرها..
لذلك..كتمت في قلبي..وانا محترقه..خصوصا ان هالبنات يكلمهم من سنتين((قبل مايخطبني))..ومتعود عليهم .. بس بصراحه من المحادثات..تاكدت ان مافي علاقه حب..بس لاشباع الرغبات - حسبي الله ونعم الوكيل-
ولم قريت المحادثات..اكتشفت هو شنو يحب عند النوم..فعلا كانت طرق غريبه واول مره اسمع عنها في حياتي..
وعقب تناسيت الموضوع وبديت شوي امشي حياتي..وانشغلت بالدراسه..
لكن بعد فتره..ابردت حياتنا.. وصار دايما يخبي اللاب توب عني.. وحتى مره استخدمته..هاوشني..ومنعني اني المسه..مع اني كنت احتاج اللاب توب للدراسه ..
فعشان جي احتريت منه:eh_s(14):
وسويت لي ايميل يديد .. وجان اضيفه :ggdw:
واهني تبدا مغامرتي :krkrkr:من بعد 9 شهور من زواجنا..
وطبعا كلمته على اني متزوجه وقلت له اني متزوجه وهو قالي انه متزوج​

وانا عشان اناقشه بموضوع الخيانه..قلت له ان زوجي يخوني والفت قصص ماتتصورونها
وطبعا هو كان يسبه..ويقول شلون الريايل مايحافظون على حريمهم.. ليش ريلج يقهرج ويخليج جذي تكلمين الرياييل والخ
وانا اقول في قلبي - بااااااااااااااااااااااااااااااااااااااال- :krkrkr:
طبعا بصراحه..انا كنت حاطه في بالي..مثل ماهو ماخذ راحته معاهم..ويتجاهلني ويتجاهل انه يهتم فيني في الحقيقه
باخذ منه كل الدلع والاهتمام في المسنجر..
وتخيلو ..في رمضان يوميا انا في الغرفه وهو في الصاله..وسوالف ..لين يننته
حتى مسود الويه .. قال اذا سافر يبي يشوفني ... انا في غرفه النوم يافهيم :krkrkr:
والله لعبت في حسبته عدل.. ماقولكم ان حبني..لا..لن كنت اغريه واعذبه بالكلام بس..يننته والله
وفي نفس الوقت عرفت هو شنو يحب بالضبط..لن انا كنت اساله انت شنو تحب في الحرمه وجي ..كان يقولي كل شي بالتفاصيل.. حتى كان يعطيني افكار عشان استرجع زوجي وعشان مايخوني:yaaaaaarb:..​

واهني انجي للمهم​

سالته مره ..انت تحب زوجتك..قال: اي
قلت له عيل ليش تخونها ..ليش تكلمني في المسنجر وتكلم غيري
قال..ماقدر..زوجتي مب مقصره في حقي..بس جي غصبا عني اكلم بنات في المسنجر..المسنجر له جو خاص
قلت له ترى لو درت زوجتك..راح تخونك..قال لي:مستحيل ... زوجتي مستحيل تسوي جي..
قلت له انا ماكنت اسوي جي..وانا الحين اكلمك بس انتقم من زوجي..
قال حرام لاتسوين جي..حاولي تصلحين وجي.. قلت له:انت تقول زوجتك زينه وقاعد تخونها..يعني حتى لو صرت ملاك..ماراح ينفع الموضوع!! وانا اصلا من كثر مازوجي يخوني..تعرفت على ريااييل واطلع معاهم ونتفق في اماكن والخ - استغفرك ياربي:yaaaaaarb:- ((بس اضطريت اقول جي..عشان اخوفه))​

فهو سكت..و قال معاج حق..​

وتمينا فتره..ورجعنا على خرابيطنا والخ..
وجان مره اقوله .. ترى انا عندي ايميل زوجتك.. لو ماسويت اللي ابيه بفضحك وبقولها..
وخلاص انتهى زوجي..راح فيها
بغى يموت ويترجاني يترجاني .. اني اخليه في حاله
بس والله صرت له مثل الشبح اللي مايقدر ينام بسبته​

قلت له ماراح اخليك لني محتره من زوجي ليش يخوني وبفضحك وبخرب علاقتك مثل ما انا علاقتي خربانه :ggdw:عاشو:eh_s(9):​

ويقولي اطلبي اي شي تبين..​

وجان اقوله..ابيك انت تصلح علاقتي​

واالله العظيم تم يعطيني محاضرات ماتتصورونها..والله عرفت زوجي بالضبط بالضبط شيبي .. وعرفت كل اسراره ..لن في المسنجر..قعد يقولي هو شنو يحب وباي طريقه..يعني اسرار ماكنت اعرفها ولو اموت ماكنت بعرفها:eh_s(1):​

ومن بعدها..تركته.. لن حسيت ان ممكن يكشفني اذا تعود علي..​

وصرت في الواقع اطبق كل اللي كان يتمناه.. وفعلا ماشالله احس وايد كان يستانس..
يعني صج ماكنت مقصره في حقه..​

بس​

المسنجر مايقدر يتركه..
فعشان جي..انا بلعت الموضوع
مدام زوجي مايهيني ولا يلعوزني.. خلني جذي احسن ولا اخرب حياتي بيدي..
بصراحه..اذا احتريت عليه..صرت انتقم منه بالسوق:eh_s(15):​

وامس الله يسلمكم..نسى مسنجره مفتوح..
ولاول مره ادخل عالمه القذر.. الله وكيلكم..فوق ال400 وحده.. :eh_s(14): كلهم بنات الخليج و وحده مغربيه
وجان اسوي ايميل واضيفهم كلهم عندي..و لم افضى اكلم وحده وحده اشرشحها واسبها وادعي عليها ذيكي الدعاوي اخليها ماتسوى بيزه..والله استانس وارتاح واحس اني قويه وايد وايد :eh_s(22):ههههههه حتى امس قلت حق وحده احذفيه..من الخوف على طول احذفته..​

وبس.. حبييت اشاركم بتجربتي ..​

ولكم نصيحتي:​

اذا زوجج مايحب, بس يكلم بنات عالمسنجر للهو..لاتقولين له .. لن انا شخصيا وباعتراف من زوجي في المسنجر..لو يموت مايقدر يترك هالشي.. يعني عنده مثل الحمام و الاكل..
فلو انتي قلتيله..بتفتحين باب المشاكل..وبتتركين اثر فجوه عميقه بينكم..
لكن حاليا ابلعيها واسكتي.. ياما احنا نسكت ونبلع اشيا ثانيه..مب لازم تقولين له ..​

اذا كان يحب عالمسنجر بس.. من العقل انج تسكتين..الا اذا حاول يقابل حبيبته..اهني تصرفي بعقلج و بقلبج ..​

واللي عندها اي سوال تتفضل​

رفعت الجلسه:eh_s(4):​

 

[to0taa]

بصرااااااااااحه اهنييج على القوة الي عندج لو انا منج من اول يوم باطتها و باجية و عافسة السالفة افشل انا خخخخ الله يسخرلج زوجج و يهنيج

 

[ورده الكرستال]

الله يهديه حبوبه

السراحه احيج على رجاحه عقلج

 

[المرتاحة]

صراحه انتي يمكن ترضين تعيشين جذي بس انا لا ما ارضى اتطلق بكرامتي احسن لي
شبي في واحد يخوني و يعيشني على اعصابي و طايحتله مراقبه
والله اعلم يمكن يروح و يقابلهم من وراي

 

[Sympathique]

بصرااااااااااحه اهنييج على القوة الي عندج لو انا منج من اول يوم باطتها و باجية و عافسة السالفة افشل انا خخخخ الله يسخرلج زوجج و يهنيج

انا كنت اعصب عليه على اشيا ثانيه ..
اذا زعلني في شي.. رده فعلي كلها تكون بسبه هالموضوع.. يعني استغل حزه مايزعلني.. وافجرها فيه :eh_s(11):

 

[ام جروح 83]

وااااي الصراحه قهر اشلون جذي تحملتي تكلمينه وتعرفين سوالفه
الصراحه حره
انا ريلي يمي مو قادر يهد تلفونه 24 ساعه ماسكه وحاسه ان عنده شي ولا تلفون مايقدر يهده
الله يعينه وانا حدي مقهوووره منه وكل يوم اناجره

 

[نــ..الوجود..ـــاادرة]

كفوووووووووووووووووووو

قويه اي خليكم جذي

صيدي عليه ولاتخلينه يصيد

عليج الله يهديه لج يارب

 

[Sympathique]

صراحه انتي يمكن ترضين تعيشين جذي بس انا لا ما ارضى اتطلق بكرامتي احسن لي
شبي في واحد يخوني و يعيشني على اعصابي و طايحتله مراقبه

انا لاني مقتنعه ان الريال مايقدر مايغلط..
لو تفصلين لج ريال مستحيل مايكلم او يطالع حريم غيرج..
فاذا بتطلق من كل ريال كلم او شاف وحده غيري.. لا اتزوج احسن ..لن كل الرياييل جي وبدون استثناء!
وفي ابحاق علميه تثبت ان الريال لازم يطالع الحريم ويحلون في عينه..لو ان شالله كان يموت في زوجته

وانا كنت اراقبه فتره وعدت.. من 6 شهور..الحين حذفته ومريحه بالي..ومستانسه في حياتي..بس قاعده انتقم من بنات الحرام هاليومين

 

[ابدا يالغالي مانساك]

قصتج ولا بالخيااااال
يقوي قلبج يابعدي 400 وحده ومتحملتهم
وقضيتي علي وحده ولاتياسين يالسنافيه والباقي ربي مراح يخليج معج ان شالله وبتقضين علي الباقي

عجبتيني حيللللللللل

 

[گنت أحبگ]

ماشالله عليج

زين سوويتي

ربي يوفقكم ويسخره لج ياارب وينساا هالمسنجر لووول

بس عاد ديرباالج تعترفيين له حت لوو بعد سنيين ع اللي سويتيه

 

[Sympathique]

وااااي الصراحه قهر اشلون جذي تحملتي تكلمينه وتعرفين سوالفه
الصراحه حره
انا ريلي يمي مو قادر يهد تلفونه 24 ساعه ماسكه وحاسه ان عنده شي ولا تلفون مايقدر يهده
الله يعينه وانا حدي مقهوووره منه وكل يوم اناجره

لن لم كان يكلمني كنت حاطه في بالي انه زوجي واللي بينا حلال.. بصراحه ماعندي فكره هل هالتفاصيل ادور بين باقي البنات ..
عشان جي انا كنت مستانسه بصراحه وياه .. بس خليته لن خفت اذا عرف يكفخني

والله يهديلج ريلج يارب

كفوووووووووووووووووووو

قويه اي خليكم جذي

صيدي عليه ولاتخلينه يصيد

عليج الله يهديه لج يارب

امين

 

[مزاجي بمخباتي]

كفوووووو عليييييييج
جااان زين كل الحريم نفسج

بس أااااااااخ ويييييينج ياطولت البال وأنا وحددددده منهم:eh_s(1):

تقبلي مروري

 

[ضايعة بدنيتي]

اول شي عسى الله يهدي لك زوجك ويصلح حاله

والي انتي سويتيه من وجهة نظرك صح بس ممكن في ناس تشوفك غلطتي لما سويتي هالشي . مو هذا المهم

المهم الي اغلب المتزوجات غافلين عنه .... هو الخوف من رب العالمين وتسخير حياتنا كلهاااااااااااااااا في عبادته

شلون ؟

ابي افهم شغلة . زوجك وين خوفه من رب العالمين ؟.؟ لما كلمتيه في المسنجر وجننتيه ليش ما ذكرتيه اولا واخيرا بربه الي شايفه والملكين الي عنده يسجلون كلللللللل بلاويه ؟؟ ليش ما ذكرتيه انه قاعد يزني بكل حرف يكتبه ؟؟

سبحان الله .. رب العالمين ترى خلقنا بهالدنيا عشان نعبده وننشر ( الخير ) في الأرض . مو عشان نعيش ونستانس ونمشي حياتنا بس جذي .

رب العالمين ليش خلى الزواج نص الدين ؟؟ لان الزواج عبارة عن تأسيس عايلة جديدة مسلمة تعبد الله سبحانه وتعالى ومدام هالعايلة المسلمة بتتكون معناته انتشر الخير اكثر واكثر وكل ما تظهر الذرية مع التربية الصحيحة ينتشر الخير اكثرواكثر واكثر .

الي اوصله لك ياحبيبتي ... ان الحياة مو زوج وخيانة وجرح وألم وصبر وغيره . ترى الحياة اكبر من كل هذا . الحياة هي طريقتنا في طاعة ربنا بكل تفصيل من تفاصيل حياتنا .

هالكلام ليتك توصلينه لزوجج. و تحطينه في بالج . ذكريه بربه تراه قاعد يزني . هل الزنا عنده مثل ما قلتي مثل الأكل والحمام عز الله القارئ ؟؟؟ حبيبتي اتمنى لك كل الخير .. وادعي لزوجج بالهداية ترى الطريق الي قاعد يمشي فيه طريق الشياطين . عسى الله يهديه ويصلح حاله .

 

[Sympathique]

قصتج ولا بالخيااااال
يقوي قلبج يابعدي 400 وحده ومتحملتهم
وقضيتي علي وحده ولاتياسين يالسنافيه والباقي ربي مراح يخليج معج ان شالله وبتقضين علي الباقي

عجبتيني حيللللللللل

والله هال400 بالنسبه لي حشرات في هالدنيا..عشان جي مايخرعوني
واللي مب متزوجه منهم الله بيوريها في زوجها.. - الدنيا دواره-
وانا الحمدلله .. احس واثقه في نفسي.. وكل يوم اصير اقوى!

ماشالله عليج

زين سوويتي

ربي يوفقكم ويسخره لج ياارب وينساا هالمسنجر لووول

بس عاد ديرباالج تعترفيين له حت لوو بعد سنيين ع اللي سويتيه

اي مستحيل اعترف له..ههههه بروح فيها

 

[مطيرية والعزليه]

الله يهديه ويحرم هالماسنجر

ويسخره لج




اهنيج علي عقليتج وتصرفج بحكمة



 

[ضايعة بدنيتي]

وابي اضيف شغلة ..عشان جذي الوحدة تدعي ان ربي يرزقها بالزوج الصالح الي يحط الله جدام عينه بكل شي . واذا وحدة مو مكفيته يروح يتزوج دام رب العالمين محلل له . بس ما يمشي ورى الشيطان وفي الظلام وينسى ان رب العالمين يشوووووف كل شي ... وغلطانة مو كلللل الرجال بدون استثناء يخونون . لان الخيانةالزوجية هي الزنا في النهاية .

حبيبتي نصيحة .. خلج انتي الي تفتحين عينه على هالامور يمكن انه غافل عنها . ذكريه في ربه .. دليه على كتب يقراها او محاضرات يسمعها او حتى انتي بالمناقشة العادية توصلين له الكلام بشكل مستمر لحد ما يثبت في مخه

وعسى الله يهديه لج

 

[Sympathique]

اول شي عسى الله يهدي لك زوجك ويصلح حاله

والي انتي سويتيه من وجهة نظرك صح بس ممكن في ناس تشوفك غلطتي لما سويتي هالشي . مو هذا المهم

المهم الي اغلب المتزوجات غافلين عنه .... هو الخوف من رب العالمين وتسخير حياتنا كلهاااااااااااااااا في عبادته

شلون ؟

ابي افهم شغلة . زوجك وين خوفه من رب العالمين ؟.؟ لما كلمتيه في المسنجر وجننتيه ليش ما ذكرتيه اولا واخيرا بربه الي شايفه والملكين الي عنده يسجلون كلللللللل بلاويه ؟؟ ليش ما ذكرتيه انه قاعد يزني بكل حرف يكتبه ؟؟

سبحان الله .. رب العالمين ترى خلقنا بهالدنيا عشان نعبده وننشر ( الخير ) في الأرض . مو عشان نعيش ونستانس ونمشي حياتنا بس جذي .

رب العالمين ليش خلى الزواج نص الدين ؟؟ لان الزواج عبارة عن تأسيس عايلة جديدة مسلمة تعبد الله سبحانه وتعالى ومدام هالعايلة المسلمة بتتكون معناته انتشر الخير اكثر واكثر وكل ما تظهر الذرية مع التربية الصحيحة ينتشر الخير اكثرواكثر واكثر .

الي اوصله لك ياحبيبتي ... ان الحياة مو زوج وخيانة وجرح وألم وصبر وغيره . ترى الحياة اكبر من كل هذا . الحياة هي طريقتنا في طاعة ربنا بكل تفصيل من تفاصيل حياتنا .

هالكلام ليتك توصلينه لزوجج. و تحطينه في بالج . ذكريه بربه تراه قاعد يزني . هل الزنا عنده مثل ما قلتي مثل الأكل والحمام عز الله القارئ ؟؟؟ حبيبتي اتمنى لك كل الخير .. وادعي لزوجج بالهداية ترى الطريق الي قاعد يمشي فيه طريق الشياطين . عسى الله يهديه ويصلح حاله .

هلا اختي
امبله ..قلت له ان اللي تسويه زنى.. بالكلام
وقال عادي مجرد كلام.. ولكني حاولت افهمه والخ..ومافي فايده

وانا مب ذنبي اذا هو مايفكر في نفسه ومايفكر في الجنه و النار

انا شخصيا في الواقع ..دايما احاول اذكره واعينه و اعاونه على الدين والذكر و الصلاه.. ودايما اقوله ان انا ابي اكمل حياتي معاك لين الجنه .. ف اترجاك لاتسوي اشيا تبعدك عن الجنه .. وحافظ على صلاتك و ذكر ربك وانا بساعدك.. !! لكن اني اقوله اترك المسنجر.. ماقدر عليه .. جذي بهدم كل شي في دنيتي.. وهو لازم يفكر في نفسه ويفكر في اخرته. وانا اللله يآجرني اني اضغط على نفسي وابلع اللي اشوفه

 

[المرتاحة]

انا لاني مقتنعه ان الريال مايقدر مايغلط..
لو تفصلين لج ريال مستحيل مايكلم او يطالع حريم غيرج..
فاذا بتطلق من كل ريال كلم او شاف وحده غيري.. لا اتزوج احسن ..لن كل الرياييل جي وبدون استثناء!
وفي ابحاق علميه تثبت ان الريال لازم يطالع الحريم ويحلون في عينه..لو ان شالله كان يموت في زوجته

وانا كنت اراقبه فتره وعدت.. من 6 شهور..الحين حذفته ومريحه بالي..ومستانسه في حياتي..بس قاعده انتقم من بنات الحرام هاليومين

اوكي يطالع لان حتى احنا يا الحريم نطالع اذا مرت جدامنا بنت حلوه بهذي نعذره لانه غصب عنه
بس ما اوافقج بوجهة نظرج ان كل الرياييل يكلمون بنات
انا اعتبر اللي يكلم مسك خطوه توديه للخطوه اللي وراها اللي هي المقابله وبعدها يلمسها لين يطيح بالخطا الكبير
في ريال ممكن انه يغلط مره و يتوب انه كلم
اما اللي طول عمره عايش على مكالمات البنات هذا ليش اكمل معاه ؟!!
اصلا صعب علي اني اكمل مع واحد جذي
وانتي الله يعينج صراحه

 

[ضايعة بدنيتي]

حبيبتي عدل شغلج بس لا تيأسين وتتبعين اساليبه . استمر واستمري بدون تعب . وادعي رب العالمين انه يهديه ويغفر له . والكلام الي يقول عنه ما فرق اسمه زنا. ترى زنا المحصن شي عظييييييييييييييييييييييم . المحصن يعني المتزوج .. الي عنده الحلال ويروح يدور الحرام .

بصراحة الله يعينج عليه ويصبرج .. وانتي لا تقبلين على نفسج وترضين بالامر الواقع .. خلي ايمانج بالله قوي وتوكلي عليه وقرري انج تغيرينه بالدعاء والنصيحة .

والله يهديه لج يارب ترى الدنيا تخوف وعلامات الساعة قاعدة تظهر بشكل مخيف .

 

[Sympathique]

وابي اضيف شغلة ..عشان جذي الوحدة تدعي ان ربي يرزقها بالزوج الصالح الي يحط الله جدام عينه بكل شي . واذا وحدة مو مكفيته يروح يتزوج دام رب العالمين محلل له . بس ما يمشي ورى الشيطان وفي الظلام وينسى ان رب العالمين يشوووووف كل شي ... وغلطانة مو كلللل الرجال بدون استثناء يخونون . لان الخيانةالزوجية هي الزنا في النهاية .

حبيبتي نصيحة .. خلج انتي الي تفتحين عينه على هالامور يمكن انه غافل عنها . ذكريه في ربه .. دليه على كتب يقراها او محاضرات يسمعها او حتى انتي بالمناقشة العادية توصلين له الكلام بشكل مستمر لحد ما يثبت في مخه

وعسى الله يهديه لج

لا انا مب غلطانه.. هالقسم فيه ملايين الاثباتات..وهو عباره 1% عن باقي المنتديات
و انا قصدي..ان الريال يخون بالعين او بالكلام او او او ..

والريال بطبيعته يسوي هالاشيا..واللي مايخاف من ربه بيسوي الحرام..

و حتى الملتزم تزني عينه .. ويشوف الحريم..حتى في مكه ناس ملتحيين ويطالعون الحريم..

عندي اثباتات كثيره .. لكن انتي عطيني مثال ان ريال حابس نفسه في البيت ومايشوف التلفزيون ولا يشوف احد بالمره ..