اكتشفت ان خدامتي عندها موبايل وزوجي يدري وساكت؟!تكفون لاتخلوني

[ام الحلوه والمزيون]

انا من رايي انك تجاهلينها وبس وتمشين الموضوع

 

[ام دودو المزيونه]

كل خدم الكويت عندهم تلفون والي تقول خدمنا ما عندهم اقول فتشيها وبتشوفين بدال الواحد اثنين الموضوع مو عن اذا بتغازل والا لاحتي ايام اول كانوا يغازلون لقطو الزباله وتحمل من الصاحب بعد اغلب الخدم الحين يعتبرونه كشخه لهم وتحب تتصل علي اهلها براحتها مو المعزبه فوق راسها والي بتخترب راح تخرب حتي لو صكيت عليها الباب ( علي قولت وحده خدامتهم تغازل من الدريشه واهي فاله كشتها والي علم علها الخمام مال الشارع )الظاهر خاف منها
والخدم اللحين من كل الجنسيات تييج معاها تلفونها من ديرتها وانتي تشرطين من المكتب التلفون ما تستخدمه واهي تشتغل بالنهار وكرفيها صدقيني بالليل تبي بس تنام مو ببالها التلفون تدري وراها كراف ثاني يوم خاصة بيت الحموله والى عندها يهال ( اول كله كاسرين خاطري الحين لا احلل معاشاتهم والسعر الي المكتب امدفعنا اياه خل تفيدهم سفارتهم اللحين ) واذا يا اختي علي التلفون مشكلتج هينه
حبوبه مافي خدامه قاعده بالكويت سنه ماعندها تلفون حتي المغمضه والي تييج اول مره ما تعرف شيئ بعد سنه يكون عندها الا في حاله وحده اذا يبتي وحده لا تري ولا تسمع ولا تتكلم او فيها نوع من التخلف العقلي وهذي ما تقدرين تعتمدين عليها

 

[الناااااادره]

لا حبيبتي انا نصيحتي من تولدين ان شاء الله اتيبين خدامه زينه او يديده اتعلمينها علي ايدج احسلج

واللهانا اللي اكلمج دخت السبع دوخات علي ما يبتلي وحده زينه
بس حاذري منها الوقت الحاضر او حطي بالج عليها ترا والله ما ينامنون كلش ما منهم امان يعني


او ماله داعي التلفون ما دام في تلفون بالبيت متي ما تبي اتكلم اتكلم ماله داعي المومبايل الخاص ما وراه الا المشاكل او هذيل من يطلعون معانا مكان ابسرعه يتعرفون علي بعض او يتبادلون الارقام

ماتدرين بعد اشعندهم او سوالفهم معروفه والله لو ما الحاجه اني مااحط ولا خدامه عندي

بس شسوي غصبن علي



وكلي امرج لله او مادامانج اتوسوسين فيها لا اتخلينهاااااا

بس خليها هالفتره هذي لما تولدين او يشد عودج من يديد


الله المستعاان حبيبتي

والله يسهل عليج يارب

 

[دلالي@]

يااخت دانة سالفة التلفون هينة وعادي مثل ما قالوا بعض البنات انا شارية لخدامتي تلفون بس شرطت عليها شرط اني ما اشوفها تتكلم فيه يعني تشتغل واهوا بمخباتها وتحطة صامت ولايمكن تتكلم فيه جدامي ...تبي احد تتكلم معاه. ذكرتيني بأيام الغزو كنا نستانس لي شفنه وحده أو واحد كويتي تلقينا نطالع بعض وقلبنا طاير من الفرحة

 

[غصن لبان]

برايي الخدامة اذا زينة وشغلها قايمة فيه خلي التلفون معاها تستاهل بس بالج من الي اتمرد ويبين عليها الي تغازل
وصدقيني اذا خذيتي التلفون منها بتشتري غيره خليه وياها مدامه بفلوسها خليها ولا تخش التلفون عنج لان بعضهم يصورون صور فاضحة ويبين اذا اهي زينة ماراح تلاقين عندها صور موزينة

 

[shai5at_elbanat]

شنو المعضله اذا الخدامة عندها موبايل الزبال وانتوا بكرامة عنده موبايل واللي عندها سوالف بطالية ما يعوقها الموبايل وبعدين كلهم عندهم موبايل حتى لو ما تطلع يوصلها الموبايل لي عندها وانا ضد انج اتجيكين على مسجاتها انتي ما تستعبدين الخدم لهم حرياتهم الشخصيه وغضوا البصر عنهم شوي بهالسوالف علشان يتمون عندكم ويعطونكم من قلب

 

[حياتي معاناة]

xxxxxxxxxxxxxxxxx



لاتحطييين بذمتج

 

[حياتي معاناة]

[font="comic sans وزوجي يقولي لا اهي زينه وانتي وساوسه وشكاكه!!
والمصيبه انا فعلا مو مرتاحه لها خصوصا اهي اول ماجت عندي تقولي ان انا من زمان كنت ابي اجي عندكم لان بابا زين بس مدام وبابا كبير (قصدها خالتي وعمي ) مو زنينين كله يزفوني
وبصراحه انا بعد كل هذا ماقدر اوديها لاني بجد محتاجتها وزوجي مو راضي اصلا يجب لي وحده من مكتب يقولي ان اخاف عليج وعلى البيبي اخاف نجيب وحده مجنونه وتسوي شي بطفلنا
وانا امري لله[/font][/size][/color][/center][/size][/b][/quote]


[COLOR="Red"]xxxxxxxxxxxxxxx​

 

[++The DuchesS++]

شوفي خالتج مالها شغل الحين اهي عندكم انتوا
خلي الموبايل وجيكي عليها بين فتره وفتره

 

[om_3washa]

حبيبتي المشكله مو بتليفون لان تليفون صار عادي مع كل الخدم بس المشكله والي تخوف وتخليج تشكين ؟ هوليش ريلج متفق مع الخدامه ان ما يعلمون ان عندها تليفون من البدايه؟ ليش شنو مصلحته؟ وهو شلون عرف؟ وليش ساكت؟ لي هالدرجه خايف عليها ؟ ومن متى يتدخلون رياييل بشغل الخدامه وخصوصا ان احتكاك الخدامه دائما يكون مع المرأه بحكم انها تشرف عن البيت ونظافته .ولان ريال لان في اغلب الاحيان برا البيت فيترك المسئوليه البيت على الزوجه. وليش في البدايه هو رافض الخدامه وبعدين غير رايه؟ انا بصراحه موقف زوجج مشككني ومخليني خايفه عليج!! بس ابي منج ماتسوين شي بس تراقبين الخدامه وريلج؟؟........يمكن ما يكون بينهم شي ...لان بعض الرياييل يحبون يلعبون دور المنقذ اذا لقا شخص ضعيف...مثل الخدامه واتفقي مع ريلج ان ما يكلم الخدامه واي شي يبي انت الي تكونين الوسيط بينه وبين الخدامه ونفس الشي طبقيه على الخدامه ....................... ارجو منج انج ترسلين شنو رايج بالكلام الي قلته ؟

 

[بتبوتااا]

اناا قايله حق خدامتي متى ما تبين تتكلمين بالتلفون قوليلي ايب لج كرت واعبيلج وكلميهم مخليه جهاز خاص بالبيت وقت اطلع ابطله واخليه وبالشهر مرتين او ثلاث اعبي لها واخليها تسولف مع اهلهاا ,,

مشكلتج ياقلبي عاديه بس سكتي عنها ان شفتيها تمادت اخذيه منها او وديهاا بيت خالتج ..

 

[barbie girl]

ما قلتي شنو جنسيتها ؟

وسالفة التلفون هينه اذا اهي تكانه يبين عليها واذا اهي كبيرة ومن زمان عند خالتج عادي طوفي

بس انتي ما قلتي من متى عند خالتج جم صارلها؟ اهو يعتمد اذا صارلها فوق ال10 يمكن معتبره ريلج مثل ولدها وعادي طبعا اذا كانت فوق ال40 وجذي عيوووز يعني ... وهم يعتمد على جنسيتها اذا هنديه او سيلانيه وعيوووز هذولا دفاشه ويطيحون الميانه مع اهل البيت فطوفي

بس اذا العكس صغيره سواء هنديه سيلانيه اندونيسيه او فلبينيه لو انا مكانج اقلعها هذا مستقويه بريلج وهو يدافع عنها انا ما اشككج في ريلج بس اهو كله يدافع عنها وخاش سالفة التلفون عن اهله من زمان شكووووو وتدق عليه وشعرفها برقمه ؟؟؟ والله شكلها قويه وتستغفلج وتقول بابا زين وانا من زمان ابي ايي عندج ؟؟ شكو ليش مخططه عالروحه عندج من زمان

ديييييييري بالج قلعيها والخدم مكودين بالمكاتب لا تندمين باجر

 

[انصاريه قمره]

عادي كل شغالاتنا عندهم وبعدين الخدم مو يهال ولا عبيد عندنا حتى نحرمهم

 

[دانة بعين بحاري]

مشكورين يابنات على ردودكم اهيا فلبينيه وتعتبر كبيره مو صغيره يعني نهاية الثلاثينات وهي من زمان عند خالتي، المشكله انا في البدايه شكيت لان تصرفاتها غريبه وبس بعدين تعوذت من ابليس ، وهذي مشكلتي معاها اهي اي شي تبيه تطلب من زوجي واهو معطيها وجه وكذا مره اقوله بس مافي فايده وانحلت المشكله الحمدالله انا رديتها لبيت خالتي وجبت خدامه من عند اهلي سيلانيه عجوز من زمان عندهم يعني راكده وعندها عيال والحمدالله ماعليها حركات غريبه
وانا يابنات ماقلت ان الخدم عبيد لنا بالعكس انا زينه معاهم ومستحيل اطق او ازف وممكن اخليها تكلم اهلها وقت ماتبي لان اهي بشر مثلنا وتحن وتشتاق لعيالها اكيد بس انا خفت من موضوع الموبايل لان الموبايل خراب للخادمه وخصوصا انها في غربه يعني تحس بالوحده وممكن تتعرف على فلان وعلان وتجيب لنا المصايب والله يكافينا الشر

 

[خااااص جداااا]

حبيبتي مابقي الحين خدامه ماعندها تلفون .....وحتي لو تعلمين عليها بتروح وتجي وحده غيرها بتلقين عندها او يفتحون عيونها الخدم اللي حواليها .........انا نصيحتي خلي عندها تلفون بس بالليل تاخذينه منها لما توح تنام وتشرطين عليها ماتستخدمه فترة الشغل ومو كل يوم سوالف مع الأهل وفاجئيها مرة واخذي التلفون منها حزة ماتوقع انج تاخذينه منها عشان تعرف ان ماعندج حزه معينه يكون التلفون بيدج وتخاف ...... والله يستر عليج منهم

 

[الكاس الذهبى]

أستغرب اللي يقولون الموبايل عاااااادي عند الخدامه ...اي عادي من زين علومهم وسوالفهم هالمره اخلي عندها تلفون واخليها خيطي ميطي..يبه الحذر وااااااااجب ..ادميه وانسان ما قلنا شي بس مو لدرجة اني اخلي الحبل عالغارب وناكلها حنا وعيالنا ..لو كل بيت يمنع انه الخادمه تمسك موبايل كان ما شاخوا علينا واعتبروه حق من حقوقهم ..مثل ما قالوا الخوات شفيه تلفون البيت..واذا كلش كلش خلي الموبايل عندج وقوليلها اذا بتكلمين أهلج او تدزين مسج قوليلي واعطيجياه واذا ياج مسج هم بعطيج تقرينه .عالأقل انام متطمنه ما تهبب شي من وراي..وطالما هي فبيتج انتي مسؤؤله منها ..أعاملها بما يرضي الله ..لكن موبايل!!!!شي كمالي وله بديل أأمن ,,واللي خدمهم عندهم موبايل والله ستر بيجي يوم تعرفون انه أصابعكم مو سوا ونااااااااااادر ما تأمنين لخادمه ..يبه هذول جايين من بيئه غير والثقافه تلعب دور..هذول مو نفس تفكيرنا.الله يكفينا شرهم بس..صج شر لا بد منه.

 

[جےـود الحےـزن]

يا قلبي ديربالج علي زوجج
وتقولين كبيره بالثلاثين لا يا عمري الخداامات عندهم اساليب خااصه
يجذبون الرياجيل وما يهم العمر ..
وزوج ليش كان رافض الخدامه وقال نجيب هذي ؟؟
مو معقوله خوف علي البيبي لان انتي توج بـ الثامن يعني لو طالبين وبتكونين انتي معاها بالبدايه بتعرفين خيرها وشرها
طيب زوجج لو ما له علاقه فيها شلون عرفت رقمه ؟؟؟
واول مره اشوف واحد يتستر علي خدامتهم ...؟
علامات استفهام واجد ..ولو اتكلمين خالتج بينج وبينها واتخلينها اطيره برا الديره مو اتبيعها يكون افضل واحسن
والله يقومج بالسلامه ويخليلج زوجج

..

 

[barbie girl]

انتي قولي لخالتج عن الموبايل قولي ترا طلع عندها موبايل من زمان ومستغفلتج وريلي يدري وساكت بس قوليها بطريقة بريئه يعني ماتبين مشاكل يعني بس يا خالتي بعلمج لان الخدامة وريلج يدرون ان خالتج مانعه الموبايل عيل ليش ساكت عنها مو هامته امه ؟ ولا الخدامه اهم


صدقيني علمي خالتج على حركاتها باسلوب واقنعيها عشان تسفرها وترتاحين الله يستر منها هذي .... مادري شلون عرفت رقم ريلج

 

[أغلى حبيبه]

انا بخلي سالفه التلفون البنات ماقصروا
هي شكو تدق على زوجج تقول له مافيه غاز المفروض تقول لج مو تدق عليه بالدوام بعد
قولي لها اي شي تقولين لي مو لبابا نهائيا تعاملها معاج وبس

انا وياااج
الحين حارج التلفون
وموحارج شلون داقه على ريلج واهوا بالدوام

واهيا شكو خلص ولالا

تيي تقولج وانتي تكلمين ريلج
ياكره الخدامه اذا طيحت الميانه مع الريال

وعلى التلفون انا مااحبه عند الخدامه عندها تلفون البيت 24 ساعه
موضروري نقال

والله يعينج ويسهل ولادتج

 

[برونزية رشيقة]

آمبي بنات صللوا عالنبي !!!! شفيكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟