السلام عليكم ورحمة الله وبركاتة
بنات الله يجزاكم خير احتاج مساعد مشكلتي ما عندي قه بنفسي خل احكي لكم عن نفسي شوي انا جميله بس ما اشوف نفسي كذا احمد الله واشكره بنات لا تحسبون انه ابطر على النعمه بس اذا شفت بنات لو اقل مني اقول ياحظها ماشاء الله حلوه والناس تقولي من صدقك انتي احلى بس ما اشوف نفسي حلوه
من كنت صغيره كان عندي اختي هي سمراء وكنت اتناقر انا وهي مثل اي اختين كنت دايم اقولها يالعبده لما نتطاق وهي تعيريني يالفلبينيه لان خشمي كبير شوي كبرت وهالعقده معي دخلت المتوسط وتعرفون الواحد بمرحلة المراهقه يتغير ملامحه تكبر وحب شباب وصرت اهمل جسمي واحط حرتي بالاكل
وكانت معي وحده تقولي ليه انتي مو مثل اختك انتي شينه :eh_s(2): على اني والله حلوه
المهم هالبنت ابد ماتتقارن فيني لاني احلى بشهادة الكل واستغربت منها ما اقول تغار بس يمكن حكمت لاني اهملت نفسي
دخلت الثانوي وجتني حاله ابي اكون حلوه وصرت اسوي رجيم وضعفت واختفيت عن الناس طلعت بلوك ثاني صبغه وجسم حلو وركبت تقويم اسنان الناس انبهرت فيني بس للحين انا اشوف نفسي عاديه
كبرت ودخلت الجامعه وصارو المعجبات يجوني والبنات يحكون فيني بالجامعه عن ستايلي وجمالي وصارو صديقاتي اللي بتخصصات ثانيه يقولون قريباتنا اللي وياك كثير معجبين فيك وبشكلك انتي واخواتك
اذا رحت الزواجات الكل يطالع فيني بالمولات بس مدري احس ناقصه احس فيني شيء
مره كلمتني وحده قالت يافلانه انه ولد خالي قالي اتصلت فيني وحده وقالت انا اسمي فلانه الفلاني وانا جميله وانا معروفه واسال عني صارت بنت اللذينا منتحله شخصيتي والولد حس بهالشيء وسال بنت خاله اللي بنفس الجامعه اللي انا فيها قالت هذي رفيجتي قال قولي لها ترى وحده منتحله شخصيتها
الحين تخرجت من الجامعه وجلست بلا وظيفه ولا شيء احس بفراغ انا يابنات طول حياتي رجيمات وجسمي سكسي لا تحسبوني متينه بس ما انبسط الا لمن عظام حوضي تبين كلن يحكي فيني بس والله مو بيدي ما اقدر اشوف نفسي حلوه
صار لي موقف قبل جم سنه تقدم لي واحد وطلعت اشوفه واعجب فيني قال لاهلي متى الملجه بعدين رجع قال لا هي مو طويله مره يبي فوق 170 وانا 165 اللي جابته صديقه امي طلعت خطابه
تقول هذا 8 بيت مدري 7 بيت يدخله ويطلع مايخطب يشوف ويطلع تقول جبت له ملكات جمال صج ولا يتمم انا ما همني بس بعدها اهتزت ثقتي بنفسي خصوصا امي واختي يقولون خل نشوف لج شيخ يقرا عليك محد تقدم لك واللي اقل جمال تزوجو انا ترى موضوعي مو عن الزواج عن فقدي ثقتي بنفسي
مدري شسوي الحين احس منهاره لا تقولون الجمال مو كل شيء الحمدلله والشكر على كل حال احمد ربي على الصحه والعافيه وكل شيء وادري السنع والدلع وغيرها اشياء مهمه والدين والشخصيه المتواضعه كلن يحبها بالبنت
بنات انا منهاره ماصرت ابي اشوف احد تصدقون لا شفت شكلي بالمرايه اتفل على نفسي من احتقاري لها
بنات الله يجزاكم خير احتاج مساعد مشكلتي ما عندي قه بنفسي خل احكي لكم عن نفسي شوي انا جميله بس ما اشوف نفسي كذا احمد الله واشكره بنات لا تحسبون انه ابطر على النعمه بس اذا شفت بنات لو اقل مني اقول ياحظها ماشاء الله حلوه والناس تقولي من صدقك انتي احلى بس ما اشوف نفسي حلوه
من كنت صغيره كان عندي اختي هي سمراء وكنت اتناقر انا وهي مثل اي اختين كنت دايم اقولها يالعبده لما نتطاق وهي تعيريني يالفلبينيه لان خشمي كبير شوي كبرت وهالعقده معي دخلت المتوسط وتعرفون الواحد بمرحلة المراهقه يتغير ملامحه تكبر وحب شباب وصرت اهمل جسمي واحط حرتي بالاكل
وكانت معي وحده تقولي ليه انتي مو مثل اختك انتي شينه :eh_s(2): على اني والله حلوه
المهم هالبنت ابد ماتتقارن فيني لاني احلى بشهادة الكل واستغربت منها ما اقول تغار بس يمكن حكمت لاني اهملت نفسي
دخلت الثانوي وجتني حاله ابي اكون حلوه وصرت اسوي رجيم وضعفت واختفيت عن الناس طلعت بلوك ثاني صبغه وجسم حلو وركبت تقويم اسنان الناس انبهرت فيني بس للحين انا اشوف نفسي عاديه
كبرت ودخلت الجامعه وصارو المعجبات يجوني والبنات يحكون فيني بالجامعه عن ستايلي وجمالي وصارو صديقاتي اللي بتخصصات ثانيه يقولون قريباتنا اللي وياك كثير معجبين فيك وبشكلك انتي واخواتك
اذا رحت الزواجات الكل يطالع فيني بالمولات بس مدري احس ناقصه احس فيني شيء
مره كلمتني وحده قالت يافلانه انه ولد خالي قالي اتصلت فيني وحده وقالت انا اسمي فلانه الفلاني وانا جميله وانا معروفه واسال عني صارت بنت اللذينا منتحله شخصيتي والولد حس بهالشيء وسال بنت خاله اللي بنفس الجامعه اللي انا فيها قالت هذي رفيجتي قال قولي لها ترى وحده منتحله شخصيتها
الحين تخرجت من الجامعه وجلست بلا وظيفه ولا شيء احس بفراغ انا يابنات طول حياتي رجيمات وجسمي سكسي لا تحسبوني متينه بس ما انبسط الا لمن عظام حوضي تبين كلن يحكي فيني بس والله مو بيدي ما اقدر اشوف نفسي حلوه
صار لي موقف قبل جم سنه تقدم لي واحد وطلعت اشوفه واعجب فيني قال لاهلي متى الملجه بعدين رجع قال لا هي مو طويله مره يبي فوق 170 وانا 165 اللي جابته صديقه امي طلعت خطابه
تقول هذا 8 بيت مدري 7 بيت يدخله ويطلع مايخطب يشوف ويطلع تقول جبت له ملكات جمال صج ولا يتمم انا ما همني بس بعدها اهتزت ثقتي بنفسي خصوصا امي واختي يقولون خل نشوف لج شيخ يقرا عليك محد تقدم لك واللي اقل جمال تزوجو انا ترى موضوعي مو عن الزواج عن فقدي ثقتي بنفسي
مدري شسوي الحين احس منهاره لا تقولون الجمال مو كل شيء الحمدلله والشكر على كل حال احمد ربي على الصحه والعافيه وكل شيء وادري السنع والدلع وغيرها اشياء مهمه والدين والشخصيه المتواضعه كلن يحبها بالبنت
بنات انا منهاره ماصرت ابي اشوف احد تصدقون لا شفت شكلي بالمرايه اتفل على نفسي من احتقاري لها
