اكلات يحبونها اليهال لكنها غير صحيه .... تعالي اعلملج تخلينها صحيه :)

[حرم راشد الماجد]

بسم الله الرحمن الرحيم



الامهات الحلوييييييييييييييييين ادري عيالكم ميينينكم ما ياكلون الا اكل مطاعم :eh_s(2):

تعالي اعلمج تسوين اكل مطاعم ويحبونه اليهال بطريقة مفيده

اول شي الجانق فود

الهمبرغر :

كيلو لحم مفروم ( غنم أحلى من البقر ) من اللحام ( fresh )
بيضه وحده
قلاص بقسماط
بصلة مبشوره
ملح + رشة بهارات لحم خفيفه لا تكثرين لان حق يهال

تعجنينهم مع بعض عدل لين يصير اللحم كتله بايدج وتكورين قطع ( انا اكورها كور صغار عشان اسوي ميني همبرغر ) وبعدين تفقصينها وتثلجينها طبعا الكيلو يسوي 24 حبه ميني او 12 حبه عادي طبعا انتي تتحكمين بسمكها وكل ما كانت خفيفه احسن

تطلعينها وقت ما تبين تشتغلين وتقلينها ( نصيحتي تقلينها بزيت الكانولا لان غني بالاوميغا 3 و 6 و9 ودهون فيه غير مشبعه يعني دهونه يحتاجها الجسم )




الناجتس :

صدور دجاج منزوع العظم والجلد وممكن تيبين ديايه مذبوحه فرش وتقولين حق راعي المحل يشيل العظم ( اسهل )

بقسماط نص قلاص

بيضه مخلوطه بهيل ( نتفه )

ليمون وملح للتبيل

تقصصين السدر شرايح عريضه وتدبغينها جذي:eh_s(4):

راح تصير اعرض تقصصينه شرايح طوليه وتتبلينه بليمون وملح فقطططططططططط من غير خل نهائي

وبعد ساعتين تفوحين قطع الدياي كلها وتطلعينها تغمسينها ببيضه وتحطينها بالطحين تالي بسرعه تغمسينها مره ثانيه بالبيض وعقب البقسماط

وهم تثلجينه عالاقل 4 ساعات

بدلي البطاط الجاهز بالبطاط الطازج قصصيه بايدج وقليه حق عيالج اضمن :eh_s(7):



النودلز :

كيس شعيريه مطاحن
جرزه مقطعه جوليان ( شرائح طوليه )
ملفوف ابيض مقطع جوليان
بصل مقطع جوليان
فلفل بارد الوان مقطع جوليان
نص كوب صلصة صويا
شرائح دجاج مقطعه طوليه

نفوح الدياي بروحه مع ( بهارات عدله مسمار + ورق غار + هيل + دارسين )
نفوح الجزر مع الملفوف مغ رشة كمون لان الملفوف يسوي غازات
نفوح الشعيريه مع الفلفل البارد لمدة عشر دقائق او اقل بس تحسينه صار لين تشيلينه
عقب ما تصفين الدياي والخضره والشعيريه
تحطين جدر عالنار 3 ملاعق زيت كانولا تحمسين البصل شويه

يتبع ................ز
جدر ثاني تفوحين فيه الجزر مع الملفوف

 

[Queen of Sadnes]

مشكوووره ويعطيج العافيه

 

[-_-Designer-_-]

مشكوووووووووووووووره و يعطيج العاااافيه خوش موضوع

 

[الأميرة جوري]

يزاج الله خير فعلا مايحبون الا اكل المطاعم او المقليات والجاهز ودي بشغلات انا اسويها بديله ....

متاااااااااااااااابعه..............كملي

 

["*آآآنؤؤؤقهـ*"]

ماقصرتيييي .،،،،

 

[جذابه بنت ذيابه]

مشكوووره يالغلا

 

[حرم راشد الماجد]

الله يسلمكم ويعافيكم

عقب ما تحمسين البصل تحطين فوقه الدجاج وصلصة الصويا كلها وعقب الشعيريه والخضره

وتصير احلا نودلز



الصمون الملون تطلع الوانه تهبببببببببل


3 قلاصات طحين
3 ملاعق حليب بودره
3 ملاعق روب
3 ملاعق سكر
رشه ملح
نص كوب زيت
ملعقة خميره + نص ملعقه بيكنج بودر
الوان طبيعيه مالت الكيك

تخلطين المواد الجافه وعقب الروب والماي والزيت وتعجنين كثر ما تقدرين وتقسمين العجينه اقسام حسب الالوان اللي عندج وتضيفين حق كل قسم لون
وتحطينها تخمر
وعقب تشكلين العجينه مثل ما تبين وتحطينها بالفرن يدوب تاخذ لون من تحت وبعدين تشبينه من فوق

ويطلع جذي

 

[! بــدويه وآآيــد !]

،


ماعندي عيال بس ادش هالقسم قرأه حق المستقبل القريب
وشفت نكج استانست
دشيت اقولج لج وحششششه

 

[زَهر تِشرينْ]

.◈|❀|◈.
روووعة تسلم الايادي حبووبة
​

 

[حرم راشد الماجد]

حبيبتي بدويه على قولت المصريين ماتشوفيش وحش والله يثبت بيبيج وتشوفينه وتفرحين فيه ويدوخح باكل المطاعم وتدشين القسم تدورين موضوعي ههههههههههههههههه

الله يتمم لج على خير حبيبتي





الموضوع في له تكمله بس عالراحه اكمله بسبب انشغالي الله يشغلنا بذكره

 

[صديقت قوقل]

حاشتني غصصه يوووووووه من جد لج وحشه فاقدينج

 

[PuPa^^SWeeT]

روعة


ماشالله



مشكوووورة

 

[<<لمار>>]

يعطيج العافيه

 

[ام اغلى الناس]

روووووعه
يعطيج العااافيه

 

[قطوووة]

سنعه فديتج

 

[ام رهومي]

مشكوره ماقصرتي


طريقتك وايييد حلوه يعطيك العافيه

 

[امي دنيتي]

ماشاءالله يعطييك العافيه

 

[ربيع_الروح]

مشكورة طريقتج وايد حلوة
وعجبتني الهمبورجر والناقتس

 

[المها الابيض]

الله يعطيج العافيه على الموضوع الحلو
وناطره التكمله

 

[ام شيخوه]

مشكوررررررررة