اكلج غريب؟

[Ibtisama]

ماماتي تحب تشرب الدقوس مثل الشوربه و انا ورثت هالشي منها.. مو الدقوس الحار اقصد الدقوس اللي يصبونه على العيش

وباباتي ياكل السمج المشوي مع التمر..ترى نفس اكل الكويتيين الاول

واخوي لمن رد من امريكا يقص الرقيه و يرش عليها ملح .. يقول الامريكان ياكلونها جذي .. واااي

 

[ام العبايه]

عارفه احلى شي البيض المفيوح مع الكاتشب ............. احلى شي

لا والهريس مع الروب ما ادرى اشلون يتلاقون بس طعمه عجيب

والرز بالحليب ......... حطى عليه دارسين وزبده..........

 

[تنـــاســـانــي]

وييييييييه ،، انا خل اكل علشان تصيرلي هالسوالف

بس عندي اختي تحط كاتشب مع الحلوم ،، و تحط مايونيز مع الملوخيه ،،

عادي لا تستغربون ،، و عندي اخوي بعد يحط كاتشب مع البيض و كاتشب مع المعكرونه ،،

و بالعافيه بنات ^_^

 

[عهودة]

جبن كيري ورهش حطيه بصمونه او خبزه وحطيه بالمايكرويييف شوي ليما يسيح الجبن مع الرهش يمي يمي لذييييييييييييييذ
وقبل لمى كنا صغار كنا نجيب جياس السندويتشات مال المدارس ونحط فيه بطاط مقلي ونصب فوقه كتشب ونربطه ونفقصه من بره طبعا يصير هريسه بطاط بالكتشب هم لذييييذ هالحركه خذيناها من السعوديه من ايام الغزو كان يسويها المطعم اللي يم بيتنا وليومكم نسويها

وبيض وجبن اتوقعها عاديه الكل يسويها

 

[واثقة بجمالها]

انا احب جبن كيري مع الطماط
او القيمر مع الطماط
يسلموو دلبوو عالموضوع حده ووااااووو

 

[المكسيكيه]

انا احب الكتشب مع المجبوووس

 

[alb7ranya17]

انا قبل الزواج بنات كنت ما اكل وايد غير اندومي ندلز بالكاري او توست وجبن واذا رحت مطعم وفي شباب قبالي ما اكل واطلب اكلي سفري اما بعد الزواج لا والله قمت ادجه مجاببيس وبيدي ها مو بقفشه وشوكه ايام الذرابه راحت يمه

 

[عشقي ضنيني]

الله يديم النعمه

أشوف ناس تخلط الروب والسمطره والمرق مع العيش

اوووووف
انقرف من هالخلطبيطه

 

[زبــــــــدة]

اي تذكرت بعد...

احب اكل الزهرة المقليه مع الكاتشب...

واحب القباقب

اي شي بحري اكله...ومشتهيه الحين خذااق بس ولا مرة ذقته بس احس طعمه لذيييييييذ...

وبعد الذ شي...كبة البرغل مع رووب واااااااي لذيييييييييييذه

 

[shai5at al3arab]

خدامتنا قبل تحط الدياي المشوي مال العشا بالثلاجة ، لما تقوم الصبح الساعة 7 تطلعه وتاكله بااااااااااااارد من الثلاجة سيده لي حلجها وتشرب معاه حليب .. وجذي تكون تريقت <<< استغفر الله جبدي قامت تقلب .

 

[hello.kitty_85]

امبييييه بقولكم شي بس عفيه لا تزعلون كل عاداتكم غريبه لاعت جبدي انا ما احب الخلط بالاكل

انا عندي عاده غريبه وحده ومادري شالسبب

احب اكل كاكاو كندر بوينو واشرب معاه ريد بول دايت بس اذا ما كانوا الاثنين مع بعض ما اكل بوينو او اشرب ريد بول بروح لازم مع بعض

 

[LuLiTa]

اممممم عااد انا ام الخلط بالاكل بس الخربطة الوحدة ما اتكرر معاااي,,, يعني اتيني نوبااات غريبة عجيبة ,,, اخلط اكل ما ينوكل مع بعض و النتيجة عوار بالبطن لووووول ,,,,

انا اخذذ توستة ادهن عليها زبدة و احط شريحة سالمووون مدخن واكلها و اناا متلذذة و للحين اكلها ,,, تعلمت هالطريقة لما سافرنا انا و اهلي حق اسكتلندا بالعطلة ,,, و هذي يعتبرونها سناااك حالها حااال الناتشوز و النفيش,, و مرااات يحطوون معاها الجبنة البيضة الخفيفة بدل الزبدة ,,,

 

[جنـــا]

:

انا احب كل شي بدون شوائب خخخخخ

ماحب البصل او الثوم ولا الخضارو لا البيدجان ولا الزهره ولا المشروم

ولا الفلفل البارد كل شي ماحبه خخخخخ

لما اطلب من مطعم كله شي بدون بدون

ومن العادات الغريبه اللي شفتها

جدتي تاكل الشوربه مع العيش

و اخوي اذكر ياكل البيض مع سكر

و بنت خالتي رقي مع عيش هههههاي

سبحان الله كل واحد وشهيته شلوون تختلف عن الثاني

:

 

[جروحي انزفت]

انا ابي اقولكم شي بس لاتلوع جبدكم بس شنوخسرانه جربيه الحياه تجارب
تعرفين بطاط كتكو (نايس) حطي معاه لبن +دقوس (شطه بوديج) لذيذه او بطاط عيدان اللي بقوطي ملح (نايس) حطي معاه روب+شطه ط
فضيييييييييييييييييييييييع شهيتيني ابي اروح اطرش واليوم اخريوم امتحانات واااااااااي وناسه باااااااااااااااااجر غييييييييييييياب

 

[الصعيريه]

انا اكل بشوكه مستحيييييييل اكل بالقفشه
واذا بشرب شوربه اشربها بقفشه صغيره شالحكمه مآدري ...!

وانا بعد لازم اغير الشوكه اذا قمت عن الاكل ورديت ثاني مره...

 

[لاتينيـه]

موضوعج يونس بس انآ مآ احب اخلط شغلآت وجذي
حتى الاكل العآدي اشيل منه مآ احب سوآلف الفلفل والطمآط والمشروم
حتى لمن آكل بيتزآ ريلي يقول يلآ فصخيهآ خخخخخخخخخ
اشيل منهآ كل شي
بس اغرب شي مر علي
اول يوم كنت صغيره كآنت اتييني رفيجتي واهي وخوآتهآ يسوون هالحركه
مآ كنت اتحمل اشوفهم
يشربون الحليب كرنيشن او قوس بروووووووووحه
من غير جآآي جذي دآيركت للحلج هههههه
لآعت جبدي

 

[Tutti-Frutti]

مـمـمـمـمـمـمـمـمـم
انـا مـا عـنـدي عـادات غـريـبـه
بـس يـعـنـي اذا كـان فـيـه ايـدامـيـن عـالـسـفـره .. مـثـلا لـحـم وديـاي
اخـتـار واحـد مـنـهـم
مـاحـب اكـل ديـاي بـعـديـن لـحـم
حـتـى لـو كـنـت مـشـتـهـيـه الـنـوعـيـن

واعـرف نـاس يـاكـلـون كـورن فـلـيـكـس مـع لـبـن

ورفـيـجـتـي تـحـط مـع كـل شـي مـلـح .. كـل شـي بـدون مـبـالـغـه لـوول
حـتـى سـاعـات اعـصـب واشـيـل مـن جـدامـهـا الـمـلـح

واذا تـذكـرت شـي بـرد

تـسـلـمـيـن عـالـمـوضـوع الـحـلـو :eh_s(17):

 

[el3aNoOoNa]

استغفر الله
بصراحه
لاعت جبدي من الموضوع
لوووووووووووووووووووووووووووووووووووووول
يعطيج العافيه حبيبتي

 

[tmtmt]

انسدت نفسي عالصبح لوول
/
انا احب الربيان مع نوتيلا بس يكون سائل غليظ عرفتي
واغمس الربيانه بالككاو واكلها يمي لذيذ
مادري احسها مو غريبه

لااااااا بدعتي لوووووووووول ... شلوووووووووون مو قادره ادش مخي الصراحه

ههههههههههههههه

انا اشرب شوربة مع بيبسي...اكل مانجا مع بيبسي ..<<عادي يعني

..واحب اكل الخياار مع كاتشب..لذييييذ...

وخبز اغمسه بالبيبسي هم لذيذ

وبس

امبييييييييه مت مت من الضحك خبز مع بيبسي ليييش ؟؟

يم يم


والله انا وحده احب الاكل الغريب


في وحده جربت تاكل بيض الربيان لوووووووووووووووووووووووووول


انا كليته والكل لاعت جبده بس طحنا فيه انا وخالي لازم نجرب كل شي شورانا


>>>>>>>>>>>>> نفسنا ماتعاف بس مايبين علي لووووووووووووووول

والله حتى انا لاعت جبدي ههههههههه عليج بالعافيه

انا اكل بشوكه مستحيييييييل اكل بالقفشه
واذا بشرب شوربه اشربها بقفشه صغيره شالحكمه مآدري ...!

وانا بعد لازم اغير الشوكه اذا قمت عن الاكل ورديت ثاني مره...

وااااااااااااي واخير احد نفسي
كله يطنزوون علي لني اغير قفشتي اذا قمت ورديت باكل ...

وييينج ماما نونا تعالي سمعي مو بس انا

 

[ضحاوي الديره]

امبي حدكم عجيبين
وصفات سحريه !!!
عندي سؤال شخبار بطونكم ؟؟ يعني عادي؟؟

انا استغفر الله نفيسه ما اكل الا اشياء محدده و احلى شي اندومي مولع حااااااااار و اشرب معاه ببسي