اكله اكلتيها وصار طفلك جميل ؟؟؟؟؟؟؟

[زوزو زوجة مومو]

بنات انا سمعت انه الفواكه اذا داومت على اكله الحامل يطلع الولد اللي في بطنها صحي وجميل وبشرته رووووووعه
وخصوصا سمعت التفاح والسفرجل والطماطم والتمر والجزر !!
طيب مين فيكم طلع ولدها مثلا جميل لايشبهها ولايشبه ابوه مثلا او زي جذا
وشنو تاكلي يالحامل عشان يطلع ولدج حلوووو ووسيم :eh_s(7):

 

[++MesK++]

الجمال من رب العالمين

 

[kuwaitiya_84]

صح كلامج السفرجل معروووووف يحلي الجنين والتفاح بعد واكلي علج لبان اخذي من العطار المر يخلي الياهل ذكي بس لا تنسين ادا الام والابو حلوين لاتحاتين وتري الطفل ياخذ اشباه لي خامس جد

 

[ياحياة هالروح]

الجمال من الله
بس عوامل يعني تخلي الطفل جميل وصحي
مثل اقولش الفواكه زينه مثلي انا بحملي الاولي مااكل فواكه وطلعت طفلتي حليوه تشبهنا
بس بحملي الثاني صرت كل اكلي صحي واهتم بنفسي ومااعصب وووو وطلع ولدي حيييييييييل جميل بشرته تجنن وشعره يجنن وكل شي يجنن فيه لايشبهني ولا يشبه ابوه صحيح انا وابوه حلوين ومخططين بس صاير هو احلى منا ودايما يقولو ولدش يافلانه احلا منش وكذا
فالاكل له عامل يعطي الطفل الصحه في جسده وملامحه وبشرته
وعليش بالتمر صديقتي بفترة حملها كله تمر وطلع ولدها ابيض على احمر رغم انها هي وزوجها سمرين
والله يوفقش

 

[اميرة انفاسه]

هلا الشيخه
شوفي يالشيخه
التفاح رووووعه
لو تاكله الحامل
والسفرجل بعد
وكل عن تجربه
وبعد القران والدعاء لله
ان يجمل جنينك خلقا وخُلُقا
وبعد انصحك بسورة يوسف
حدها زينه لو تقراها الحامل
تحطي يدك على بطنك وتقراي سورة يوسف
يوميا واجد زينه
والله يوفقك يارب ويتمملك على خير

 

[على اوتاري دقيت]

ايوه السفرجل روعه للحامل لو تاكله طيل شهور حملها مو يجمل الجنين لالالا الجمال وحده يجي من الله عز وجل
بس انه يحسن ملامح الجنين ويغذيه فالجنين يتغذى من الاكل اللي تاكله الام
فالام لو تاكل اكل زين ومفيد وصحي يتغذى عليه الجنين ويستفيد ويصير حلوووو
والتمر بعد زين لاننسى مذكور بالقران للسيدتنا مريم وهزي بجذع النخله يتنازل عليكي رطبا جنيئا التمر زين للحامل بس لاتكثرمنه
لانه اتذكر جدتي تقول اسقو اطفالكم من منقوع التمر يخليه رويان وصحي ويجننننن

 

[ملكة البيت]

صح والله فاكهة السفرجل تحلي الجاهل
ويكفي الرسول عليه الصلاة والسلام قايل عنها
والتفاح بعد زين وااايد تدرين شيسوي للجنين ؟
يساعد في تلوين الجهاز الماادري ايش نسيت
وقراءة سورة يوسف على تفاحه و40 يوم تاكلينها
وكمان علك اللبان يحلي الجنين
وكلها عن تجربه

 

[اوركيدا ورديه]

اهي الفاكهه مفيده للجنين والحامل بصفه عامه تعطي الجنين وزن صحي وتورد خدوده ويطلع لونه مو محقووووووون

يعني ماتغير شكله حسب ما البعض فاهم واللي تقول جينات وراثيه وغيرها فهموا الموضوع غلط
والقرع والسفرجل رووووووعه

 

[جـمـان]

قااالولي السفرجل اذا كـلتيــه يخلي الياهل ذكي و الياهل راح يصير له غمازات
اكــلته لما كنت حامل بــبــنتي بس مـا طلع لها غمـازات , بس حـجي

الجمــال اي من رب العالمين , وساعات الياهل ياخذ من اشباه العايله .

أنا بــنــتي طـلعت تشـابهه يــدتي الله يرحمها مـافيها مني كـلش , و ولدي طلع نســــــــخة ابـووووووه

الفواكـهه ما تــغير مـلامح الشـكل , لان الشكل من الجيـنات

الحلو حلو من الله

 

[أملي بعد الله]

صح الجمال وراثة بالدرجة الأولى والأكل الصحي عامل من العوامل اللي تساعد إنه يكون البيبي صحي وكلشي فيه حلو سواءاً شعره او بشرته او عيونه وكلشي فيه

أنا مع النساة الحين مو قادرة أكل كلشي يعني هه وهه شي اشتهيه وشي كلشي ماااقدر اكله

بس قاعدة احاول أكل على قد ماقدر

الله يتمم لج بخير ويجمل جنينج ويعطيه الصحة والعافية

 

[الجوهرا]

كله من رب العالمين الاكل ماله شغل بخلقة الله

 

[[[ عيون جابر ]]]

احس هذي خرافات والجمال ماله علاقه بالاكل

 

[اوركيدا ورديه]

رفع للافاده

 

[You FOR Me Only]

من وجهه نظري الجمال من رب العالمين اولا ثم الجينات تلعب دور

بس مايمنع ان الاكل الصحي يخلي طفل صحي وبشرته فيها نظاره وشعره صحي

بس الجمال ماله دخل جان كل وحده طاحت اكل بالفواكه هههههههههه

 

[أم الفناتك]

ماله شغل الاكل بالجمال والله لو الام والابو جياكر العيال بيطلعون حلويين من الاكل شهالعبو؟؟؟؟
عيل جان الواحد ما اختار زوج او زوجه جميله بغرض تحسين النسل اخذ واحد سحت واطيحله سفرجل على قولتكم بيطلع ملك جمال وابوه سحت وامه عاديه يبه اشفيكم كبرو عقولكم احنا ب٢٠١٢ قولو بالدعاء شي يمكن الواحد يصدق واللي اتقول الرسول عليه الصلاة والسلام موصي ذكري الحديث ونتأكد من صحته بعدين انصدق

 

[بيت التوت]

اتوقع الاكل يأثر علي لون البشره مو علي الملامح انا حمالي بولدي حبيت شي اسمه لبن

كلا اشرب لبن بكل وقت مع اني ماكنت احبه قبل حمالي ولما ولدت طلع ولدي ابيض

 

[اوركيدا ورديه]

فوووووووق للافاده

 

[سفرجل]

الجمال من رب العالمين
واهم شئ الصحه والعافيه



بس السفرجل والفواكهه الحمرا فراولا ورقي ومووووز

 

[ام حمد 85]

انا اب حمالي في بنتي كله اكل رقي وطلعت بنتي جميله ما شاء الله احلى مني واحلى من ابوها واخوها

 

[جوكاندا]

عن تجربة عيالي كلهم جماااااال في جمال وذكاء ولا يشبهون شي اسمه كويتيين لا اله إلا الله ما شاء الله عليهم
أكلت على الريق فراولة ورمان وسفرجل ( بس السفرجل الصح وقت الجماع او قبله بيوم ) وبلليل تفاحة حمرا مع كوب حليب او لبن
ونصييييحة لا تاكلون التفاح الأخضر لأنه يورث النسيان والجبن الخالي صباحا أيضا يورث النسيان أو الغباء الجبن اكلوه مع الجووز ( عين الجمل) يسمونه المصريين
وادعووولي الله يثبت حملي ويرزقني الذرية الصالحة إللي في بالي