اكملي القصة0000000

[lolly]

مشاركة: اكملي القصة0000000

بنفس الوقت .. ام احمد الخطابة خالة خدووج ام ريلها تقول لبنتها خالده
ام احمد: شوفي خالده .. حبيبتي . اليوم لقيت لج خوش ريال .. الام مريضة وبتموت .. والابو لاهي عن عياله .. والريال دكتور .. شرايج يا بنيتي؟؟
خالده: منو هذا يمه؟
ام احمد : ولد عم خدجوووه .. الدكتور محمد اللي ذاك اليوم شفناه بالصالحية
خالده: الله .. محمد الحلو ؟!! اي يمه ابيه ابيه.
ام احمد : شوفي يا خالده .. الزواج مو عيب .. والرياييل اللي من طقة محمد يخاف ربه وما يسوي غلط .. فانتي شتسوين؟؟ روحي وقطي نفسج عليه عشان يتزوجج غصب عليه.
خالده: يمه؟ لا ما يصير!!! هذي بعد انتي امي!!!
ام احمد: يا الخبله شفيج؟؟ انتي ماراح تسوين شي غلط معاه .. كل اللي راح تسوينه جدام الناس .. عشان اذا تبليتي عليه راح غصبا عليه يتزوجج.
خالده: انشالله يمه .. عيل ايدج على 500 دينار لزوم كشخة

 

[أسيرة موني]

مشاركة: اكملي القصة0000000

لا خالتي بس طردنا حماي و مرته و البيت ,, الحمدالله ,, و الدور ياي حق عيوووز النار (( نست أن محمد موجود ))

تخانقت مع مرت حماي و بيني و بينج هم شيشت ريلي على أخوه و ,, بس بقى السوسه أمه ,, لأن عمي ميت ,, و هي لها نص البيت تسكن فيه لين تموت,, و النص الثاني باسم حسام ريلي تدرين اصغر واحد باخوانه و البيت راح يتسجل باسمه ,,

انشالله ان فنقشت بخلي حسام ريلي يكتب البيت باسمي,, و احش ريل خواته و اخوانه من البيت,,

جان ذبحتي المخرج والمؤلف بعد :/ وتقول بس

خدووج تكمل: ام احمد ابيج اتدورين ريل لولد عمي محمد


ام احمد : واهوا شيريد؟؟ ...................... (حن العرج .. طبعا ام احمد متزوجة كويتي ومتجنسة )
QUOTE]


هذي موضه يديده يدورون ريل حق الريال ???

 

[lolly]

مشاركة: اكملي القصة0000000

لووووووووووووووووول اسيره موني .. ههههههههههههه
بروح الحين اعدلها خخخخخخخ

 

[lolly]

مشاركة: اكملي القصة0000000

هههههههههههه .. ماينفع اعدل.. خخخخ مافي مربع التحرير .. يالله بدلية قوية خخخخ

 

[أسيرة موني]

مشاركة: اكملي القصة0000000

وتروووووووح خلدو ام الخلاجين السووووووق سوق المباركية يا بنت الحجيه ,,

و اهي تمشي و تخمط بالاولي والتالي ,, احمر على اصفر على اخضر ,,

ولا فجــــــــــــــــاه @@ هذا جنه ياربي منوووو منوووو اييييييييي ريل منو النسراااااا

واتشوفه ولا حددددددددده مغلق و صاكه فيه الدنيا قاعد و يزحر بهالشيييييشه و هات راس ورا راس و ينافخ مثل التنييييييييييييييييين ,, و تبدي البارع تتلزق قطيييييييعه يا مال الوجع

وبصوت اشبه بنهيق الشاذي ,, قوااااااه <- طلعوا الصوت من الحلق مثخن

يطالعها لؤي بكل يأس و لكن باعصاب متناثره ,, خييييير @@

خلدو :: وي وي شفيييييييك ماعرفتنااااااي ؟؟

وييييييييييهد وخري عني احسنلج مو ناقص اشكالج اناااااااا

وييييييي لؤوووي انا خلدوووو حماة اختوووك ,, ما قلتلي شلون مريييييييتك حملت ولالا <- أخ داست عالوتر

ويفزززززززز لوي من مكانه ,, و دخان يطلع من اذونه ,, وفي قلبه يقول ,, طالق طالق طالق طالق .... و يركب سيارته و ينطلق عالميتين و وينافخ مثل الثور و يووووووصل البييييت

ويدش على منى الي متكشخه و متزهبه تقوله الخبر السعيد و لا جان

منى : هلا حبيبي ويــــ .. <- ما كملت كلامها لان

طرااااااااااااااااااااااااااااااااااااخ <- اح ,, على ويها اسقطها ارضا

ويمجع شعرهااا و يقومها من شعرها و اهي انثولت خلااااااااااااص السرفس عندها تحت الصفر ,,

يالخااااااااااااااااااينه ,, هذي اخر سواتج @@ ,, انا شقصرتج عليج فيه عااااااا ؟؟؟ <- كلهم ما يقصرون سبحان الله ,, واهي تقوله شنووو لؤي شفييييييك و دموعها ستين ستين ماتدري تبجي ولا تصراخ ولا ويش الي حاصل يا نااااااااااااااس

و يحذفها على الارض ولا سأل ولا استفسر ,, و يقولها

تدرين شلووووون ,, انتي مو كفو حشييييييييييمه ,, عشان تدينت و تسلفت و حطيت على ظهرييييييي ديوووووووووون و آخرتها تلعبين عليييييييي ؟؟؟ تخونينيييييييييي ؟؟؟ انا ماني ولد شاااااارع انا ريللللللللج يالـي مو متربيه ,, ماتقوليلي من منننه حااااااااامل @@ من مننننننننننننهههه ؟؟؟؟؟ انتي تحملين وتبيني اربي و اصرف عاااااا ؟؟؟؟ <- ها بس لم الواحد يعصب يقول عا ,,

هني منى توقف بكل شموخ و قوة وتقوله ,, خلصت ؟؟

يقولها لللللللللااااااأ ,,

منى :: كمل ,, قووووووول يالي تعلمت الادب بالحديث قوووووول

لؤي :: اييييي اييي بقووووول ,, انتتتتتيييي طاااااااااااااااااااااااااالق ,, بررررررررررررررةةة بيت اهلج يا مسووووووووودده الوييييييه برررررررررررررررررة

منى لازال في شموخها خارجيا ولكن قلبها يعتصر الما ,, بس مهما يكون شرفها وستووووووووب ,,

و الي صار انها طلعت بسيارتها السكرااااااااب <- يقول ماقصرت و حط ديون على وين سكراب ؟؟

وتروح بيت اهلها و قريب من فريج الاهل تطق السياره و توقف ولا ترضى تشتغل ,, ياما وياما صلحت فيها و تسكربت

اضرت تكمل مشي لي بيت اهلها

وفي بيت اهلها لما شافها اخوها بدر الي يحب يقعد عند عتبه الباب ,, فز من مكانه و....

 

[lolly]

مشاركة: اكملي القصة0000000

لج جائزه اوسكار يا اسيره موني

 

[lolly]

مشاركة: اكملي القصة0000000

بدر: منى .. منى؟؟؟؟؟؟ يقولها واهوا يركض يشيلها ..
منى: بطني ... بطني يمه الحقيني ...!!! .. ويغمى عليها
يشيلها بدر ويحطها في السياره .. ويتصل على لؤي ..

 

[جوري الكويت]

مشاركة: اكملي القصة0000000

بدر هو شاب مزيوون صايع ضايع لا هدف له بالحياه ,,, خلص الثانويه بسبع سنين ,,و بس فيه شي حلو ماشالله انه ما يطوف ولا فرض ,,,

بدر معدله اقل من من انه يدخله الجامعه أو التجاري و أكثر من انه يدخله دورات خاصه ,, و ما يبي يدرس بره لأن لغته الانجليزيه ,,, ضعيفه واايد ,,, و ما عنده استعداد يقويها ,,

المهم ,,,, نرجع لمحور حديثنا ,, بدر يقط الزقاره و يصك التلفون بويه الصاحبه خخخخخ


تطلع أم منى : بنتييييي ,, يما منى ,,,,<<<<< يطيح مغمى عليها (( وييييه ما صارت كله يطيحون ... فلم هندي خخخخ))

 

[جوري الكويت]

مشاركة: اكملي القصة0000000

بدر توهق الحين يشيل منو ولا منو ؟؟!!

و هو متوهق و مو عارف منو يشيل ,, تصفط سياره بي أم صغيره ,, أسماء رفيجت خواته اللي بالجامعه ,, و خواته توهم طالعين من باب البيت بيروحون معاها يتغدوون مبره

ويييون الخوات ,, و يشوفون أمهم و أختهم مسدحيين عند الباب ,, و يقعدوون يصارخون و يبجوون ,, و يشيلونهم و يطيروون فيهم على المستشفى

لؤي مسكر جهازه ,, و قاعد على البحر ,, و يفكر بالمصيبه اللي طاحت عليه ,, حسبي الله و نعم الوكيل

د محمد كان مستلم الشفت بالمستشفى و يشوف منى و خواتها و امهم و اخوهم داخلين

ها عسى ما شر ؟؟؟

 

[lolly]

مشاركة: اكملي القصة0000000

يشوف د. محمد منى .. ويعرف الموضوع .. ويدخلها بسرعه غرفة الملاحظه على ما يسوون تحاليل .. طبعا محمد خايف على ولد عمه لا تسجل قضيه عليه .. فوصى الدكاتره والممرضات انهم ما يسجلون هالحاله بالمستشفى ..
عشان ما توصل للتحقيقات ..

 

[LaSt WoMeN]

مشاركة: اكملي القصة0000000

و في عالم آخر ..

عالم وردي سااحر ..

يعيش كائن حاالم ..

سارح في الخياال ..
يدعى ..

أبا لؤي ..

ابو لؤي هذا .. المغرم العاشق المضلل المخدووع بنهى .. العجوووز المتصاابيه ..


قام و اتصل على زوجته الحقيقية - ام لؤي - على اساس ان اهي بمصر ..

بو لؤي : " حبيبتي . حياااتي انتي .. متى بتيين ؟ طولتي علينا و احنا مالنا غنا عنج .. و تدرين البيت بدوونج ظلااام دااامس !! ....................................................................................................................................................................الخ ,, " >> قعد يهذرعلى راسها و يساحل فيها يا حبيبتي و يا حياتي ... و اهي عطته ويه بتشووف آخرتهاا ... و صااار اللي توقعته لما قال :" حبيبتي .. انتي بره الديره و انا هني مجمد لا شغل و لا مشغله .. الموظفين ما يحترموني مثل اول .. صاير طوفة هبيطة و مالي كلمة بالشركة !! مشااريع و مناقصات تطلع ذهب قاعده تطوفنا و انا اشووف و اتحسر و ماني قادر اتصرف !! مهما كان انا ابو عيالج و حبيبج .. غلطت ادري .. و صلحت غلطتي بي انتي عطيني فرصه اثبت لج حسن نواياي .. و اكفر عن غلطتي ..و بتشوفين اشكثر تغيرت "

ام لؤي :" المطلوووب يعني ؟ "
بو لؤي :" ترديني نفس ما كنت بالشركة .. و تمسكيني الوكالة مرة ثانية .. و اعتبري هذي الفرصه الأخيرة !!!!!!!

ام لؤي بقلبها :" اي .. ما راح تحتاج فرصه عقبها ..ناوي تنهب الأولي و التالي .. بس هم ما عليه .. بعطيك الوكااله .. مثل ما يقولون خذ من حيبه و عايده ..هين ..... دواك عندي يا بولؤي "

و ترد عليه :" اي والله عااد انا ضايعه بدونك بالشركة ما اعرف اشك خيط ابإبرة .. خلاص بحول لك الوكالة و لا يهمك يا بولؤي يا بو عيالي .. يا سندي وعزوتي .. " طبعا تتطنز عليه و تبيه يحس على دمه شوي .. و الا اهي ام قلبين تراجع كل شي يصير بالشركة وهي ابمصر وممشية الشركة على عجين ما يلخبطوووش و لا يطوفها شي ... بس اهي ناااوية على نية !!!
قامت ام لؤي و حولت الوكالة الى إسمه ...

عقب ما سكرت تلفونها ... تقمصت الشخصية الثانية اليديدة " نهى " و اتصلت على بو لؤي من موبايلها الثاني ..

نهى : " هالووووه بو لؤ لؤ تييييي ... وااااااااي اشئت الك كتيير كتييير كتييييير " >> يا شين السرج .......
بو لؤي :" وااناااااا اكثر حبيبتي .. وحشتيني .. "
نهى :" ما تشوفش وحش "
بو لؤي :" اي والله .. قصدج المداام ههههههههه "
نهى غصب اكبتت غضبها ... ودهاا تقووم و تكفخة و تنتف ريشة .. بل ... تذبحه ..!
قاالت :" ليش اشفيها المدام .. تعال صج اهي لي الحين بمصر "
بو لؤي : " ايييييه عساها ما ترد هالذيبة.. خلج من هالسيرة البايخة .. و بقولج شي .. انا واحد ما اقدر انطر .. و ابي اتزوجج اليوم قبل باجر .. و اخااف يخطفونج مني و ادري معجبينج واايد و ادري بعد .. ان قلبج لي انا و بس >> اهي مفهمته هالحجي كله
نهى تكبت غضبها بصعووبة جمة .. و تقوول :
نهى :" اييييه ... بس انا ما ارضى اخذ واحد مو قد كلمته .. "
بو لؤي :" أفا ! من قال هالحجي"
نهى :" تصرفاتك .. وعدتني اب 21,000 حق السيارة الهدية و لا شفنا شي .. بس حجي بالهوا "
بولؤي :" أفااااا .. تهقينها مني ؟! انا بولؤلؤ اكشت فيج ؟! اقدر انا ؟ حبيبتي .. بس في امور مالية بالشركة معطلة السالفة و الا انا مو نااااسي .. انسى روحي و لا انسى طلب أو بالأحرى .. أمر.. من سعاادتج " > يعني الشركة شركته
نهى :" ميرسي حبيبي -مقلدة سعاد حسني - ما قصرت يا حياتي .. انا لازم اروح الصالوون الحين .. بسوي لي بديكير ومنيكير >> قامت تعرف تقولهم

بولؤي :" لحظة ... ما شبعت من سوالفج "
نهى :" بتشبع منها بعدين " تحاول تقولها بطريقة لطيفة و اهي من داخل بركاااااااان يغلي

و سكرت الخط منه بالغصب - مو راضي - !!

و الا تشوف ابموبايلها الثاني - مال شخصيتها الحقيقية - ام لؤي - يرن .. كان المتصل ولدها لؤي .. و عندها مكالمات مفقودة منه اهو و من منى ! " اكيد في شي ضروري ..؟ بس مالي خلق مشاكلهم انا وين و اهمه ويـــــــــن !!"

قامت و سوت تحويل الوكاالة حق ابو لؤي ؟!!!!!!!!!!

 

[مسك 3]

مشاركة: اكملي القصة0000000

وبصوت اشبه بنهيق الشاذي ,, قوااااااه <- طلعوا الصوت من الحلق مثخن
في سؤال بسيط يطرح نفسه اسيره موني
ما المقصود بنهيق الشاذي

 

[مسك 3]

مشاركة: اكملي القصة0000000

طبعا أم لؤي عشان تحبك القصة اتصلت في بو لؤي
ام لؤي: يالغالي انا سويت لك الوكاله وان شاء الله السفارة اليوم بتطرش الفاكس على مكتبك والا اقول لك رفيج لؤؤ........ اقصد رفيج لؤي وليدي اليوم ياي الكويت اطرشها وياه اشوفك على خير
وسكرت الخط لأن بو لؤلؤ محول جهازه فويس مسج لزوم المراهقة المتأخره
المهم وأ/ لؤي طلعت شاطره وما سوت توكيل عام نفس المرة اللي فاتت سوت له توكيل يخص توقيع الأوراق الخاصة بتسيير العاجل من الأمور عشان تحسسه انه بحاجتها مهما وصل
بعد ما في انحس من أم لؤي لي حبت تصير ذكيه

 

[Q8_ButterFly]

مشاركة: اكملي القصة0000000

يا حلوكم يا بنات والله خيالكم واسع تيننون ههههههههههههههههههههه

 

[أسيرة موني]

مشاركة: اكملي القصة0000000

نهيق الشاذي الله يسلمج كنايه عن بشاعه الحاله الفسيولوجية الي استخرجت من اعماق قثاثه خلدووو ,, و واجها المقبور لوي ,,

علم ؟:d

 

[lolly]

مشاركة: اكملي القصة0000000

نروح للدكتور محمد ..والمستشفى..
منى صحصحت .. والحمد الله مافيها شي .. والجنين سليم .. وحوالينها امها واخوها بدر وخواتها ..
ام منى: حمدالله على سلامتج يمه ..
منى توخر نظرها عن امها وعن اهلها اللي بالغرفه وتنزل راسها وماسكه دمعتها .. ماتبي تبين لاهلها انها متضايقة.
يسألها بدر: شاللي صار يا منى؟؟ منو اللي سوا فيج جذي؟؟
منى: انا وريلي زعلنا ... وكان بيطلع بره البيت .. فركضت وراه والا اطيح من الدرج..
بدر: منى!!! قولي الصج.. انا مومصدق هالسالفه..
منى تنزل عينها وتبجي وتقول: مادري يا بدر شاللي صار .. مادري !!! مادري ..!!! انا ابي افهم ...؟؟؟
بدر : يمه روحي البيت انتي وخواتي ارتاحي لانج تعبانه وانا بقعد مع منى واطمنج عليها.
ام منى: اي يا بدر لا تخلي منى بروحها .. وانا بنام لي ساعتين وارد..
تطلع ام منى مع بناتها .. ويروحون .. ويبقى بدر ومنى بروحهم.
بدر:

 

[LaSt WoMeN]

مشاركة: اكملي القصة0000000

بو لؤي العاشق الولهان ... التاائه الحيراان ..
كاان سرحاان في عالمه الوردي .. عندما .. رن جرس الباب .. و ذهب ليرى من الطاارق !!
فإذا به ..


رفيج لؤي ولده .. يايب الظرف .. اللي فيه الوكالة المختومة .. بو لؤي من الوناسة قال حق الصبي مشكور و سكر الباب ابويهه و رااح طااير يدق على نهى ... حبيبة القلب و الروح ..

تواعد مع نهى .. في احدى المطاعم الراقية النائية - تخاف اخوانها يشوفونها - و اللي وافقت بعد تغلي شديد ..خصوصا انها شايلة ابخاطرها عليه لأنه ما يابلها الفلوس .. !

و هناك ..!



بو لؤي :" علامه القمر اللي نور لي حياتي ؟ اشفيه زعلاان ؟!! "
نهى :" ما فيني شي "
بو لؤي :" لأ فيج شي .. و انا ادري شنو فيج .. دلووعة و اذا ما يبنالج اللي تبين .. مديتي هالبوز ..بس و لا يهمج .. علشان تعرفين ان بولؤلؤ اذا وعد كان قد الوعد .. انا اليوم بشتري لج السيارة يا نهنهتي "
نهى ابقلبها .. امداك تلعب بالوكاالة ؟! ايا عديم الضمير ... هين يا جسووم -بو لؤي-
نهى تقول :" والله ؟! يااا بعد عمري .. " و تطرق رأسها خجلا .. ثم تنظر اليه بنظرة فيها مغزى كبير .. و لكنها ؟ أثرت به أيما تأثير ..
حتى انه كااد يطير .. فما حل به امرُ خطير ..
بو لؤي : " ياااا حلااتها من كلمة .. عيديها .. يا بعد قلبي انتي .. اتيننيني على ما تطلعين هالكلام الله يهداج .. اذا جذي كل يوم بشتري لج سيارة "
نهى بغنج : " لأ .. وحدة كافي "
بو لؤي : " الكلمة و الا السيارة "
نهى بخجل مصطنع :" الثنتين " و تبتسم
بو لؤي :" يالله الحين بوديج الوكالة ..و اختاري اللي تبين .. اللي تبين .. "
نهى : " ياللا " يعني يالله هههه
بو لؤي في الطريق .. قاعد يحن على نهى ابسالفة الزواج .. و هي تقوله قريب انشالله بس يرجع اخوي من السفر .. أصلا انا اتمنى نتزوج اليوم قبل باجر "

و راحوا الوكاالة يختاارون السياارة .. طبعا اختارت اغلى نوع ... و لما يا بيسجلها بإسمهاااا .............. !!!

 

[أسيرة موني]

مشاركة: اكملي القصة0000000

جان

تررراااااااان تشششششششششش طق <- اغنيه الرعب

وتطلع السلاح الفتااااااااك ,, البطاقه المدنيه و تعطيها حق بو لؤي الي موته واصله بين ايدينه

ويسمك البطاقه و ما شافها ولا طل فيها بس لمح شي

جان يرد ينزل عينه بالبطاقه ,, و يشوف

@@

يشوف ,, شاف

خزنة عباس بندر جهيمان ,, والصورة ويه تقول فنيله مو مضروبه اوتي

و نهى ,, اقققصد خزووون ,, تطالعه بنظرة تحدي و عززززة وشمووووووووخ و كبريااااااااء و ابتسامه ساخره ,,

شفيك حبيبي بو لؤلؤتي ,, في شي زاعجك ؟؟؟؟

وبو لؤي متصرقع ويهه يقط الوان حتى فسفوري قطه ,,

خزون : بو لؤلؤ شفييييك ماترد علي عسى ما شر ؟؟ <-بنعومه خو

بو لؤي ها ؟؟؟ م ممم ماكو شي ححح ياتي <- طلعت من جبده لول

جان...

 

[LaSt WoMeN]

مشاركة: اكملي القصة0000000

البائع اللبناني اللي بالوكالة لما بدا بيسجل السياارة بإسم " نهى " شاف البطاقة المدنية و استغرب .. بينما بو لؤي ما زال تحت تأثير الصدمة و المفاجأة و عدم معرفة شالطبخة و مكوناتها !!!!!

في البداية اعتقد ان "ام لؤي" مطرشة "نهى" عليه و تبي تختبره ..!!
و لكنه اكتشف الحقيقة عندماا ......!!!!!!!




البائع :" مدام .. اتفضلي هايدي البطاائة و عطيني بطائتك المدنية انتي .. هايدي مش تعتك ..!
و انتي إلتي انو بدك السيارة تكون ابإسمك ما هيك ؟!! " و ابو لؤي ينظر اليهما بعيون حائرة .. مترقبة .. و في قلبه يدعوو الله انه يعيش حلما .. بل كاابوساا أقشراا و ينتظر الاستيقاظ منه !! >> قلللعه يا بو لؤي
ام لؤي : " هيك .. و هذي بطاقتي اللي عندك .. ليش عندكون بلبنان ما بيعملوو عمليات تجميل !! "
بو لؤي .. تفتر الأرض فيه .. و الضغط يرتفع .. و الاعصااب تنتلف .. يكااااد يغشي من الصدمة ....
بينما يبتسم البائع .. و يفهم الغمندة ..
في هذه الأثناء ام لؤي تحط ايدها بمخباة بو لؤي و تسحب الشيك بو 21,000 و تعطيه البائع ..
و تخلي بو لؤي .. و تروح .. بسيارتها اليديدة .. و ترجع الى بيتها بعد طوول غياب ...

 

[أسيرة موني]

مشاركة: اكملي القصة0000000

بو لوي لازال واقفا في مكانه والارض تدور كانها دوامه

وكان يتمنى انه يصحى من الي فيه ويلقاه مجرد حلم لا أكثر

اللبناني ويه الفقر <- ما اواطنهم مادري ليش ,, شو استاااااز ؟؟؟

بولوي : عا ؟؟ لا ماكو شي خيو ,, و يهه ويروح يركب السياره و يقعد ويرد يتنح

ويفكر يفكر ,, هذي خزنووو ؟؟؟ ويل حالي من الي صارت عليه ,, اثاري عندي قمر ,, قمر وفلوووس ؟؟ ايباااااااااا و بينما هو يفكر طبعا فاتح حلجه عالآخر تطيح سعبوله منه وتقطع بنات افكاره ,, و يشغل السياره ,, و لازال يسوق واهو يفكر وباله مو وياه

خزنو + دلع = مو لايق

لالا هذي خزنو ام شامه مشعره ,,

والدلع كله من وين يا

وعلى هذا المنوال لين وصل بر جبد لين استوعب جان يقول , اوخ <- اهم شي

وفي هذه الاثناء ,, خزونه كانت ...