اكملي القصة0000000

[مسك 3]

مشاركة: اكملي القصة0000000

بس شمعنى رنا ,, راحت مصر تشوف جووزيف مو لبنان ,, أكيد لأن ابو لؤي لو بيدور على رنا ,, بيدورها في لبنان و ماراح ايي على باله يدورها هني بالقاااااهره

جوزيف :رنا اختارت الاستقرار وانا رجل أعمال وما أقدر استقر بدوله وحده
وكان الشرط بيننا ان الأولاد يضلوا معي ،وكل شي انتهى على خير بس هي جات وطلبت اني اتنازل عن الأولاد
مو أكثر من هيك اختي ام لؤي
طبعا ام لؤي استانست وايد لأنها الحين راح تلعبها صح للمرة الأولى من شافت رنا
المشهد الأخير في مصر
ام لؤي : وينه هذا اللي يقول يا سمو الأميره خنطيب خاطره والله ما قصر
لؤي : يما بس خلي شوي حق المطار ورانا لويه

 

[جوري الكويت]

مشاركة: اكملي القصة0000000

اففففففف قويه مصييييبه صابتها هالرنووو مادري شلاقين فيها سليحط ,, الويه أصفر ما فيه دم و لا الجسم طويله و هبيله تقولك مرت باباي

أمبيييييه لا يكون رجل الاعمال اللي تبي تاخذه ريل هيفا وهبي ,, خو رجال الأعمال انعموا يا مال العمى ,, ما دري شفيهم مراكض ورى هالأشكال

وييييه اشفيني قمت أخوووره ذاك مو مصري ,,, حسبي الله عليج يا رنووو ثولتيني


مسك حبيبيتي جوزيف قاعد يكلم أم لؤي مو رنا ,, اذا تقدرين عدلي مشاركتج ما عليج أمر

 

[جوري الكويت]

مشاركة: اكملي القصة0000000

طبعا النسره اللي هي أم لؤي لازم تدق على النسره خديجووووه بنتها ,, أم الخطط و الدواهي

و قالت لها : خدووج دقي على ابوج المغفل ,,و قولي له عن سوالف رنا أم السعف و الليف ,, و عن رجل العمال اللي راسمه عليه ,, علشان يستعيل و ما يخليها على ذمته دقيقه

بس هااااا ما أبي يعرف صوتج ,, خلي أملوه رفيجتج تكلمه و تغير صوتها ,,

خدوووج: انشالله يمه عاد املووووه حبيبتي صوتها طقاقه ,, يتغير على حسب الطلب

 

[مسك 3]

مشاركة: اكملي القصة0000000

(واي جوووري بدعتي من وين طلعت خدوج هههههههههههههههه
صج ابتكار روعة)- تعليق بين المؤلفات

 

[مسك 3]

مشاركة: اكملي القصة0000000

خدوج اقترحت اقتراح احلى لصديقتها أمل انها تبدي بالمسجات واهداءات الأغاني قبل لاتدق لأن الأبو الحين يعاني من فراغ
(الزوجتين في مصر يا محاسن الصدف)

 

[LaSt WoMeN]

مشاركة: اكملي القصة0000000

و قالت حق امها بس امها ما رضت ..
لاا يبااا ابووج برووحه ما يصدق يسمع صووت ابنيه
خبز ايدي
خلتقوله اللي وصيتج عليه و بس ..

خدووج : " انشالله "

و تتصل امل على ابو لؤي اللي كان منسدح بالشاليه و مزااجه رااايئ حده و تغير صوتها :
" الوو السلاام عليكم "
بو لؤي استاانس لما سمع صوت بنيه : " و عليكم السلام .. يااا هلاا والله "
امل :" بو لؤي اشلونك ؟؟ انشالله بخير "
بو لؤي : " ايييي الحمدلله .. بس ما عرفتيني بحضرتج ؟ "
امل : " بو لؤي .. بصرااحه ما اقدر اشوووف انساان مخدووع حيل و اسكت ... تدري .. الساكت عن الحق شيطان أخرس .."
بو لؤي يعدل قعدته :" اشصاير .. تحجي منو انتي و شصاير ؟؟ "
امل : " هد اشوي يا بو لؤي .. شقوولك .. ؟؟ يا بو لؤي .. زوجتك رنا ..
بو لؤي يعصب لما سمع طاريها : " اشفيهاا تحجي "
امل : " بصراحه .. اهي بمصر الحين و راسمه على رجل اعمال تبي تتزوجه !!"
بو لؤي : " ينيتي انتي .. و اهي على ذمتي اشلون بتتزوج ؟! "
امل : مثل ما تزوجتك و هدت ريلها وعيالها علشانك و الحين خلتك عقب ما نشفتك و راحت تركض حق واحد عنده ملايين "
بو لؤي يسكت ..
أمل :" بو لؤي انا ما احب اخرب بيوت .. قلت لازم اقولك شصار .. لأن الظلم شين و مثل ما قلتلك الساكت عن الحق شيطاان اعوذ بالله "
بو لؤي : " و الدليل ؟"
أمل : " الدليل الأيام اللي ياية .. راح تطلب منك الطلاق .. و بصراحه لو انا منك اطلقها قبل لا تطلب مني حفظا لماء الوجه و بعدين علشان ام عيالك ما تتشمت فيك و الحين مع السلامه انا بريت ذمتي "

بو لؤي شك ان امل تعرفه و تعرف اهله بس ما عرف منو اهي .. و اقتنع بكلامها لأن رناا انحااشت و هذا دليل ان عندها شي .. مثل ما قالت البنت اللي متصله - امل - وفكر انه يطلق رنا و يبين حق زوجته انه تحسف و حس ابغلطته علشان يرجع حق الفلوووس اللي ما شم ريحتها من زمان ..
و قعد يفكر صج انا شبي برناا هاللي فاقرتني .. خلاص انا نويت اطلقها

 

[جوري الكويت]

مشاركة: اكملي القصة0000000

ابو لؤي يفكر بكلام صاحبه الاتصال المجهوول ,,,

املوووه تدق تبشر خدووج ,, و منو ردت عليها ليلوووه الأخت الثانيه حق لؤي ,,

ليلوووه بشري خدوووي و قولي لها نجحت الخطه

أي خطه هذي اللي نجحت ,, ليلووه النسره نمبر ثري في عايله أبو لؤي ,, الحين الا تبي تعرف السالفه

أملووه عطيني خدووج لا اييي الحين و تعرفين...... خدووج تخمط السماعه من ليلوه اللي بس ودها تعرف شالسالفه ,, طبعا لأنها للحين ما درت ان المحرووس ابوها تزوج على امها و هي ضد الزواج الثاني,,,, لأنها طايحه على ريلها مع فلبينيه و كان في مشروع زواج (( جان زين مسويها)) هذا و هي ماخذته على حب عشتواا

أملووووه ها بشري شنو سويتي مع اللي شسمه (( ما تبي تقول ابوي ,, لأن ليلى بخور السوق قاطه أذنها ))

 

[LaSt WoMeN]

مشاركة: اكملي القصة0000000

لؤي ما عطى منى فرصه للكلام .. و صلت السفينه و ردوا الفندق و طوول الطريج كانوا ساكتين ..
منى خانقتها العبره .. تفكر .. اشفيه لؤي ذاك اليوم وعدني انه نفحص .. شاللي غير موقفه ...؟ معقوله اهو فيه شي ؟؟ لا لا .. اهو قايلي بيروح معاي .. "

وصلو الفندق و دشت منى غرفتها .. و لؤي قعد باللوبي ما صعد معاها

منى دقت على امها : " هلا يمه شلووونج ولهت عليج واايد "
ام منى ( ام سالم ) : " هلا بنيتي .. وينج اشدعوه يا حافظ .. نسيتي ان عندج ام ؟ قلبي متشااغب عليج .. قاعده احاتيج .. "
منى : " اي والله سامحيني يمه .. واايد انشغلت تدرين ابخالتي و لويتها .. و لؤي مثلها بعد .."
ام سالم : " شلونكم شخبااركم ؟؟ شصار على ريلج و خالتج ؟
منى : ويييييي خالتي صارت اشحلووها .. صغرت عشرين سنه ..صج دكتورها شاطر .. يمه تعالي شفطي و سوي مثلها .. ههههههه لا تشوفينها و اهي تمشي ابكل ثقه .. الله يا يمه عندي لج سواااااالف ..
ام سالم : " ويييييي تحجي شوقتيني "
منى : " لا يمه ما راح اقدر اسولف على راحتي لؤي راح ايي ابأي لحظة .. و بعدين مكالماات مالي خلق يشوف الفاتورة و يسوي لي سالفه "
ام سالم : " والله معطيته ويه .. انزين شلونه عقب العلاج !
منى : " ماكو والله .. على العلاج الطبيعي يبيله اسبوع و يخلص و نرد الديره انشالله .. و يحطون له موعد مراجعه بعدين "
ام سالم : " و شصار عليكم .. ما فحصتي انتي ويااه .. يالله يا بنيتي بنشوف عيالكم "
منى :" ذاك اليوم قالي بنروح حق عيادة يمدحونها .. و اليوم كلمته تضايق و يقولي سكري الموضوع و اهلي حالتهم حاله وانتي فاضيه تبين ياهل .. تصوري يمه !! و الحين انا زعلانه كلمني ابنزرة .. "
ام سالم : " شاللي غير موقفه .. ؟ عموما انتي سوي تحاليلج و روحي الطبيب بروحج و راح تعرفين على الأقل اذا العيب منج أو لأ "
منى : " هذا اللي مفكره اسويه "

 

[شذورالذهب]

مشاركة: اكملي القصة0000000

ما شـاءالله عليكم 0000000 ابدعتوا بالقصه
ودي اشارك اخاف اخربها عليكم 0000

في انتظار تكمله القصه

 

[lolly]

مشاركة: اكملي القصة0000000

وتراجع منى الطبيبة عشان تسوي الفحوصات والتحاليل .. ومبدئيا مافي شي بس ناطرين التحاليل.


وترد غرفتها بالفندق .. لكن وين لؤي؟؟؟ خذت لها شاور سريع ونزلت لغرفة خالتها نهي اكيد قاعد عند امه.

طق طق طق

فتحت ام لؤي الباب

ام لؤي: هلا منى حياج
منى: خالتي ؟ لؤي هني؟ ... ( وتدور براسها تدور لؤي داخل الغرفه)
ام لؤي: ولليييييه هذي اللي تبيني اذبحها .. مو قلت لج لا تكبريني .. قولي لي نهى خلاص .. بغير اسمي بس ارد الكويت .. ومابي بولؤي حتى يعرف منو نهى .. واياني انتي والا لؤي تقولو له اني مرته "خزنه" (اسمها الصجي)
منى: انشالله.. بس بيني وبينج لازم احترمج واقول لج خالتي .. (ياعيني عالسنع)
ام لؤي: موهذي المشكله الحين .. المشكله يا منى ان ..... وقالت سالفت رنا وطليقها جوزيف ورجل الاعمال المصري لمنى.

منى انصدمت ... معقوله؟؟ معقوله صار في بنات ما يدورون الستر وكل همهم الفلوس؟؟ ( كلها براءة)

ردت منى على خالتها: خالتي وشنو راح تسوين؟

ام لؤي:

 

[جوري الكويت]

مشاركة: اكملي القصة0000000

ام لؤي ,, شوفي منى ,, انا بقولج شي بس هاااا ديري بالج ,, ولا انتي عارفه طبعا اني على طريف ,, بزوج ولدي علشان أشوف عياله ,, بس اذا حفظتي السر ,, بعطيج فرصه ثانيه و ما راح أحن عليه على اليهال

طاع هذي ,, و من قالج ان انا اللي ما ودي ,, لو تشوفين ولدج و انا احن عليه ,, نروح العياده علشان اليهال (( منى تقول بقلبها ))

انا بروح الكويت ,, و بقدم وظيفه في شركه بو لؤي ,, قصدي شركتي ,, و برد الفلووس اللي لطشها مني بو لؤي طول هالسنين

 

[مسك 3]

مشاركة: اكملي القصة0000000

هني منى فكرت يعني لا ولد ولا بيت ولاشي وهذا أمره بشور امه خل أسلم علىبيت على الأقل وهالمره بكلم خالتي بالموضوع
منى:خالتي شرايج نبيع البيت ونشتري بيتين يم بعض
او لؤي :انا ابيع بيتي عقب كل هالسنين
منى:خالتي انا حاسة هاللي فينا كله من هاليران اللي فاجين عيونهم على كل شي
ام لؤي:صاجة بنيتي بس البيوت نار وبو لؤي سحب الأولي والتالي ما خلا الا شويه بيزات ماتييب بيت نفس بيتنا
منى :خالتي انتي الحين باسلوبج خليه يبيع البيت اللي شراه حق رنا ونبيع هالبيت ونأثث بالباجي والحين لا رديتي وشافج مثل القمر ما راح يرد لج طلب

 

[جوري الكويت]

مشاركة: اكملي القصة0000000

منى استلمت التحاليل و خشتهم عن لؤي ,,, ما تبي تجرح مشاعره و تحسسه ان النقص منه

لؤي باله مشغووول ما يبي منى تدري عن العيب اللي فيه ,, و يتصل على ولد عمه الدكتور "محمد" و يشاوره بالموضوع و يوصيه انه يبي تحاليل سليمه مزووووره من مختبر أو عياده من مصر ,,علشان يوريها حق مرته و يقنعها ان العيب مو منه ,,
و طبعا هالشي سهل في(( في مصر)) و لأن الدكتور "محمد" كان يدرس الطب في مصر و له علاقات واااايد مع الدكاتره هناك ,,

منى علشان تبين حق خالتها انها تحبها و انها صارت تأمنها على أسرارها ,, و مو علشان جذي و بس لأ

علشان تبين حق الخاله ان العيب مو منها ,, من لؤي ,, و تفتك من حنتها على العيال و من خوفها لا تزوج لؤي عليها ,,

و طبعا علشان البيت اللي راسمه عليه منى ,,

 

[lolly]

مشاركة: اكملي القصة0000000

في هالاثناء بالكويت
تررررررررن ترررررررررن
يشيل ابو لؤي التليفون
بو لؤي: نعم؟
- صوت نسائي في قمة الدلع : هاللووووو؟
بو لؤي: هلا ؟!!
- ممكن اكلم سلوى؟
بو لؤي: ما في وحده اسمها سلوي.
- امبيييي اكيد متصلة غلط... !!!
بو لؤي: انا اشكر الغلطة اللي خلتني اسمع هالصوت الحلو ..
(الصوت النسائي يقهقه يكل نعومه) : احرجتني ..
بولؤي: يا حلات اللي يستحون والله .. يا ليتني سلوى رفيجتج
- لا لا سلوى ما اعرفها ..رفيجتي عطتني هالرقم عشان اكلم وحده اسمها سلوى .. تقول انها تقدر تعطيني وظيفة .. ( تقول هالكلام بقمة النعومه والصوت المنخفض)
بو لؤي: خوش عيل .. مري على يوم السبت استلمي الوظيفة .
- ......!!! اي وظيفة؟؟
بو لؤي : سكرتيرة خاصة بشركتي
- مشكور اخوي .. بس ما تعرفنا.
- معاج المدير العام لشركة فيشال للتجارة العامة
- تشرفنا .. ( وتضيف بكل نعومه) .. معاك الانسة نهى

 

[جوري الكويت]

مشاركة: اكملي القصة0000000

شكلك يابو لؤي بتسويها مره ثالثه (( يكلم نفسه ))

بس انت أول أفتك من ريا و سكينه اللي عندك

و يقطع حبل افكاره اتصال ثاني من خدووج النسره ,, سبحان الله نسخه من أمها ,, بس اول مره بالتاريخ البنت تتحكم و تمشي امها ,, دام مشيه الريل اللي اكبر منها بعشر سنين شلون ما تمشي امها

 

[عاليا]

مشاركة: اكملي القصة0000000

اختي ( سراب ) اهلا وسهلا بمشاركتج
وانشالله تفيدينا بافكارج وملاحظاتج
وياليت تكتبين معانا القصة ناطرينج

 

[lolly]

مشاركة: اكملي القصة0000000

جوري الكويت .. اسم ام لؤي الصجي خزنه واهيا مغيرته نهي .. من بعد ما سوت العملية

 

[lolly]

مشاركة: اكملي القصة0000000

الوووو يبااااااااه ....... ((صوت خدوج عالي حيل بط اذونه)) هههههه
بو لؤي: شتبين بطيتي اذوني .. لا بارك الله فيج من بنيه.
خدوج: افاااا ... الحين انا بطيت اذونك؟؟ تدري لو ما انك ابوي كنت عرفت ارد عليك عدل .. بس يالله بعد شنو نسوي .. ابتلشنا ... اهل اخر زمن...!!!
ابو لؤي : بل بل بل كليتيني .. كل هذا ومو راده علي ؟؟!! صج بنت خزنووه .. هالمره هذي سوت لها نسختين عشان تذبحني .. حشى مو بنات كلش
خدوج: حدك حدك عاد عن امي ... قلنا ابوي بس امي ما تزوجت عليك لبناني
يقاطعها ابو لؤي والعداد وصل 180 من العصبية ..
بو لؤي: هذا اللي ناقص .. بعد تبون المساواة تصير حتى عالزواج!!
خدوج: شاللي ياب طاري المساواه؟؟ استغفر الله .. مادري من وين يفهمون هالرياييل .. عالعموم انا بقول لك ان امي اتصلت علي وتقول انها بتقعد 3 شهور زياده بمصر.. عجبتها القعده هناك وما تبي ترد الحين .
بو لؤي: ابركها من ساعة .. عسى دوم تقعد هناك .. وتاخذكم وياها !!

 

[جوري الكويت]

مشاركة: اكملي القصة0000000

فكه و راحه عساها ما ردت انشالله ,, علشان اتفرغ حق ........ااااااااااه يا نهاوي

متى يصير يوم السبت ,,, بو لؤي ,, دق على ولد أخوه الدكتور " محمد " طبعا هو مشهوور بكشخته علشان جذي الناس حبته

محمد شلونج ,, من الآخر ابيك تضبطني ,,,

محمد : والله عمي لاضبطك ,, انا رايح انشالله بالويك اند ,, يايبييين بو حنان و.....

الله يهداك يا محمد ,, انا وين و هالسوالف وين ,,, انا قايل حق امك و ابوك لا تزوجون هالولد ,, مو قد المسئووليه و ما عنده بس يركض ورا هالسوالف ,, لو يخلونك تاخذ المغربيه هناء اللي ذبحتنا فيها ,,وايد أحسن ,, بدل ما يبلشون بنات الحمايل معاك

محمد : أفا عمي ,,, هذا و انا الحين بضبطك ,,, بس هاا شرطي انا اضبطك و انت تظبطني بموضوعي مع اهلي

بو لؤي : لا محمد اتغشمر و ياك ,, و انا صاج انا كلمت ابوك على هناء,, يعني اقتنع نص و نص ,, بس شنسوي ,, أمك تخاف أحد ييي يصك عليها بالسحووو...

عمي الله يهداك لا تخووره ,, خلاص متى تبيني اضبطك ,, اليوم انا فاضي و بروح الحلاق اللي بشارع المطاعم ,,

 

[lolly]

مشاركة: اكملي القصة0000000

في المطار ...
لؤي : يمه ؟!! ترى ما يصير جذي قطيتي العباية ولابسه هاللبس !!!
منى تقرص لؤي وتقول له شوي شوي : لؤي .. امك تعبانه لا تزعله .. مو زين الزعل عليها .. !!!
لؤي: شنو وين عاداتنا؟؟؟ وين تقاليدنا ؟؟!! بعدين ما يصير جذي !!
تسمع ام لؤي الكلمة الأخيره وترد
ام لؤي تجعم ولدها وتقوله: .. والله عطيتك ويه .. يالله قوم امشي جدامي .. انت ومرتك .. ولا جنك تعرفني اذا تستحي من امك.
لؤي: يمه الله يهداج!!
ام لؤي: خلاص .. اتحجى من صجي .. واياني وياك تقول لابوك اني هني .. قول له اني بمصر وبقعد 3 شهور ..



يبتعد لؤي ومنى عن امه .. ويمشي مع منى واهوا يتحلطم عاللي يصير ... وين قاعدين؟؟!! بامريكا؟؟ شنو مو مسلمين احنا؟؟!! استغفر الله!! الله شبيسوي فينا؟!!

منى طبعا مستانسه خخخخخ ... ياحليلها خالتي .. صارت كوووول ههههه

وفجأة يلمحون بنتين وحده منهخم تشابه هيا الشعيبي

ويسمعون صوت جهوري يناديهم ...

لؤييييييييييييييييي ((تصرخ وتلوح بايدينها)) والا هذي خدوج واملوووه
لؤي : طاع خدوج عبالها صمخان .. والله تفشل ...
ينزل لؤي ومنى راسهم كأنهم ما يعرفونها .. فشلتنا !!!