pineapple
حبيبتي انتي بنفسج تدرين ان ببعض الصور اخطاء وانها صور قديمه مثل ما قلتي
ليش تقولين عدّو الاخطاء؟ ميخالف حطي ببالج ملاحظات البنات علشان تتعلمين وتطورين من مستواج
وتحطين لنا صور يديده فرررش بالقسم كامله من الناحية الفنيه باذن الله
لان ملاحظات البنات وايد تهم المصور خصوصاً اذا كان ملاحظات صحيحه بالشكل الصحيح
واحنا اهني نستفيد من بعض ..
بالنسبه للصوره الاولى والثانيه ببداية الموضوع اللي مع النبذه اللي حاطتها
اعتقد مو من تصويرج .. فـ افضل لو كنتي كاتبه جمله صغيره تحت الصورتين
ان الصور مو من تصويرج من النت او من الموقع الفلاني..
لان حقوق المصور مهمه ويجب علينا احترامها نفس مااحنا نحب يحترمون حقوق صورنا وتصويرنا
بالنسبه للصور..
في بعضها الاضاءه مميزه فيها.. وبعضها تكوينها حلو.. ووالالوان كذلك
لكن في بعض الصور محتاجه لشتر اسرع لتجميد حركة السمج السريعه..
والصوره الاولى اظن مكرره نفسها الاخيره
اما بالنسبه لعدم ردي على الموضوع.. اتمنى مراعاة ظروف المشرفات
يعني مومعقوله المشرفه لازم ترد على كل مواضيع القسم
وهم مومعقوله ان كل بنت اذا ماشافت ردي على موضوعها بترسل لي رساله تحاسبني وتقولي ماشفت ردج!!
يابنات صحيح انا مشرفة القسم بس لي ظروفي مثل ما انتو لكم ظروفكم...
كل وحده بالقسم تعذر الثانيه ووحده تعاون الثانيه..
انا وانتو وكل البنات اهني نتعلم من بعض ومن ملاحظات بعض محد احسن من احد
والكل مرحب فيه ويشارك بمواضيعه وصوره ....
ولضيق الوقت ولاني انا المشرفه فـ انا انظر لاولويات بالمواضيع وردودي مو بشكل عشوائي
اللي محتاجه لنصايحنا، اللي محتاجه للملاحظات، اللي ماسمحت لها الفرصه بالمشاركه باكثر من موضوع
اهني احرص اني ارد عليها.. في اولويات وانا المشرفه وانا الاخبر بهالامور
والخوات مايقصرون بالردود وهالشي اعتقد كافي.. والرسائل للامور الضروريه رجاءً بنات
وشكراً
...
