اكون مستانسه لما ادش تاخر الانجاب تصك فيني الدنيا....

[.>حــــــــ(و)ـــراء<.]

اكيد يصير

الفارسيه يا عمري مشكوره على الكلام الحلو و انتي اللي ذهب و تهبلين

 

[Coffee-Girl]

قبل لا اعرف هالقسم كنت اعاني بروحي وماقدر اتكلم مع اى احد بموضوع الانجاب ...لان تدرون ان هذي المواضيع حساسه شوي...بس لما قمت ادش اهني واسولف مع البنات بمشوار الامل شفت اني مو بروحي اعاني وانه فيه بنات مثلي ويمكن اكثر مني وصرنا نسولف ونستانس وضحك وسهراااات لي الصبح...ولا في كابة ولا شي وبالعكس لما كنت ادش وانا متضايقه واتكلم عن داخلى القى اللى يسمعلي ويهون على لان كلنا بالهوا سوا ومشكلتنا وحده..وعمري ما استغننى عن هالقسم لو يصير عندي 10 عيال

ردي نفس اختي سنو وايت الكبيره

وهذا المنتدى انا وغيري استفدن منه كثير وفي بنات اكثير من بعد الله واستفادتهم من المنتدى احملو

وان ماخبي عليج كنت نفسج اول ما دشيت المنتدى كنت اشك بنفسي ونفسيتي اتعبت وكنت ابجي وكرهت كل شي

بس من هذا المنتدى عرفت اسامي التحاليل واسامي الدكاتره الزينين الي عمري ماعرفتهم

وعرفت من البنات ان تحاليل الزوج مهمه لان يمكن ان يكون السبب وفعلا خليت زوجي ايحلل والحمدلله على كل حال طلع عنده مشكله الله يحلها

 

[Coffee-Girl]

الفارسيه مشكوره على الكلام العسل

 

[bnt_kwt]

احلى فراوله اكيد يصير تشاركين بمشوار الامل ليش ما يصير

 

[m e m e]

بالعكس حرام علييج انا لماكنت مسافره بالغربه ناس يعايرووني و يقطوون علي حجي محدكان معااي لا أهل و لا رفيجات غير اهني بالمنتدى كنت اشكيلهم و مع الوقت شوي شوي نفسيتي تعدلت و صرت متأمله بالخير

المنتدى يخليج تتصايقين وبالنفس الوقت يخليج مرتااااااااااااااااااااااااحه

انتيلما تدشين ٢٤ ساعه و تقدرين مشاكل و توسوسين و تفكررين اهني راح تتضايقين اما اذا دشيتي مشوار الأمل و سولفتي و فرفشتي و حطيتي سؤال اذا كنتي محتاره و ضايعه محد بيقصر بالرد و الكل بيوقف وياج و يرفع معنويااتج

حبيبتي منتي برووحج ترى ودها تحمل بس الدنيا مو واقفه عالعيال و الحمال احنا نقوول الف مليووون الحمد الله عالصحه و العافيه و العيال زينه الحياة اب اي وقت الله يقدر ياخذهم منج

انتي متضايقه ترى مو من المنتدى منج انتي لأنج تفكرين و تعورين راسج

ما ألوومج و الله حاسه فيج بس عيل هاذول الحريم اللي عندهم عيال و اب يوم و ليله توفوا بحادث هذول شيقولون؟و لا اللي فيهم اعاقه مايشوفون و لا يسمعوون و لا يتحركون شيقولون؟ تلقينهم فوق كل هذا يقولون اللهم لك الحمد و الشكر

ادري ليش المنتدى ساعات يضيق الخلق بنات لا تزعلوون بس في بنات يبطون الجبد ماصارلهم سنه متزوجات تدش و تشتكي امبيي ويي انا ليش ماحملت عيل اللي صارلهم ١٠ سنين و فوق شيقولون ههههههههههه

يبا على قولتهم take it easy

 

[الجوري2008]

صراحه اول مادخلت المنتدى حسيت براحه كبيرة حسيت اني مو لحالي في احد يعاني مثلي افهمهم ويفهموني غير ازواجنا ماتفهم الحرمه الا الحرمه استفدت اشياء وعرفت اشياء مااعرفها من قبل

 

[سينامون]

حياتي كفيتوا ووفيتوا فديتكم
بس بقول شغله
منو منا ما شكت همها اول مادشت هالمنتدى؟؟
بالنسبه لي و لاكثر البنات هالمنتدى اهوا المتنفس الوحيد
الوحده تقدر تتكلم براحتها عن معاناتها بدو لا احد يعرفها
وبنفس لوقت تقول الكلام اللي تبيه و اهي مرتاحه لانها عارفه ان اللي بيقرون نفسها و حاسين فيها
يعني لاتلومين لبنات لي شكوا
انتي لا تقرين هالمواضيع
و نفس مافي مواضيع محبطه في مواضيع تريح و ترفع المعنويات
حياج الله بموضوعي :همسه في أذن....................
و في مواضيع للدعاء : كل وحده تدعي للثانيه بظهر الغيب
و هم قاعدين نستفيد من خبرات البنات يزاهم الله خير كل وحده جربت شغله نقلتلنا خبرتها

و ماشالله كل يوم و الثاني وحده مبشرتنا بخبر حملها
وبعدين مشاكل الحمل مختلفه مو كل وحده تتكلم عن مشكلتها تقارنين نفسج فيها و توسوسين
و حياج الله بتجمع الامل صج ان احنا قصرنا و لهينا مع رمضان و بالفتره اللي طافت كان التجمع فاظي
بس ان شالله رادين بقوه عقب العيد نسولف ونتطمن و نرفع عنويات بعض
و بعطيج واااجب بما اني ابله:
ابيج تفكريلنا بموضوع يفرفشنا و ينعنشنا و يسويلنا حركه بالقسم
بدال لا تنحاشين و تروحين منتدى السوالف تعالي سولفي معانا
و بطلب منكم طلب
حبايبي مو كل وصفه تقرونها تطبقونها
ولا كل دكتور تسمعون عنه تركظونله
كل دكتور شاطر بشغله فاذا نجح علاجه مع رفيجتج مو شرط ينجح معاج لان اسباب تاخر الانجاب تختلف
و كل ما تسكر بويهج باب قولي الف الحمد و اشكر لك يا رب العالمين
و دوري الباب الثاني لا تجزعين ولا تقنطين

 

[BLacK_CaT]

السلام عليكم يابنات احلى منتدى بالعالم العربي والاجنبي ههه

بنات بقولكم شي انا تصك فيني الدنيا لما ادش هالقسم بالمنتدى واتضااايق واحس ان خلالالالالالالالاص مااراح احمل بس والله من ادش اقسام ثانيه واسولف وافرفش واضحك واروح عند الاطبااااق واللبس والموضه استانس بنناااات يمكن احنا اللي متعبنا هالقسم لاز نخلي فيييه روح المرح والضحك مع النصاااايح اللي تونس واشياء تضحك انا احس بااااجر بندش نضحك على اعمارنا وحوالينا اليهال واذيتهم ":>

شرايكم يابنااااات نكلم مديرة المنتدى تحجز لنا صاله نتجمع فيها المنتدى كله يعني تحط اعلان ونتجمع ونسولف عشان نصير قراب اكثر من بعض والله يابنات انا متوقعه اشوف كل بنات الجماااعه بهالنتدى كل من قعدت معاااه قالي اي مسجل بالمنتدى

اي خلونا نسولف نغير موضوع تاخير يومين بس يمكن نلقط على قولة زوجي مايقول احس انج حامل لا يقولي

احس انه لقم
لوووووووووووووووووووووووووووول

وجبه مو بويضه مايندرى متى تطلع هالبويضه الله القاااادر باذنه يرزقنااااا

اي والله انتي الصاجه صج كلامج ا