اكو حل ولا انتحر ؟؟؟

[ف حبه لاتلوموني]

رد : اكو حل ولا انتحر ؟؟؟

ايه والله الحب الزايد مو حلو بس شسوي حبيته وخلااص ..

يعطييج العافيهـ حبيبـتي ,,

 

[منطوق الغلا]

البنات ماقصرن ف نصايحهن


الله يسعدج يوفقج الغلا


الله يتمم عليج ع خير يارب


يسخر قلب ريلج لج ويخليه لج

 

[بحرينية حساسة]

رد : اكو حل ولا انتحر ؟؟؟

الله يساعدج

والله حاسة فيج من كل قلبي


الله يفرج عنج وعني ان شاء الله

 

[مدرسة84]

حبيبتي .. الرياييل مثل الطابع .. تفلي عليه .. يلزق فيج ..

طبعا مو كلهم .. في بعضهم مثل الكره

وفي بعضهم .. لا لا اتغشمر

************************

واااااااااااااااي بنفجر من الضحك.

شوفي حبيبتي الرياييل مو سوى

يعني هو تلقينه مثلا ارتاحت نفسيته يوم انه خطبج .... وهذا حال المتزوج لين تمكن منج انج له
خلاص يفج........... ويهدى من التلزق اللي قبل ما تكونين له.

وفي شي ثاني الرياييل مايحبون التلزق ولا التسأل ....... خليج معتدلة الى قريبه من الطناش.

 

[ساندريلا]

حبيبتي ثقلي عليه شوي الريال مايجب المره اللحوحه الي تضغط عليه

 

[Stylista_Q8]

مثل مآ قآلوآ البنآت ثقلي عليه وخففي إتصآلآتج له

وحآولي تنشغلين بحيآتج أكثر ،،

ولو مآ يحبج جآن مآ خطبج

والله يوفقكم ويخليكم لبعض إن شآلله ..

 

[زهرة الخليج 81]

وييييييييييييه حبيبتي خفي شو موزين تاكلين بعمرج عشانه والله موزين
وشوفي هي كلمة وحدة حقريه حقرييييييه
وشوفي شلون بتغير

 

[ف حبه لاتلوموني]

رد : اكو حل ولا انتحر ؟؟؟

فديييتكم والله انا صاارلي حاقرته كم يوم ..بدـى يسأل ويدزلي مسجااات بس مو ذااك الزوود بس هم ارد واقول شي احسن من لاشي .. وكله بفضل نصايحكـم الحلوهـ.. مشكوورات ومااقصرتن والله

 

[أم قـمبر]

حبيبتي دامنه خطبج يعني يحبج وما يحب وحده غيرج
فيه رياييل جذي اطباعهم
اهو مستاااااااااانس لمن يشوفج تدقين علييه جذي واايد ومشتاقتله وحالته حااله
ويدري انج ما تقدرين تعيشين بدوونه وانج ما تقدرين ما تدقين
انتي يوم كامل لا تدقييين كلللش كلللش
اهو اساسن بالليل راح يفكر هذي ليش ما دقت
اذا ما اتصل خليييه خلييه خلييه على راحته وانا متأكده انه رايح يتصل
اذا اتصل رحبي فيه عاادي ولا حنه صاير شي راح تشوفينه اهو يبادر بالكلام ويقوول ويينج وبيعصب لانج ما دقيتي
انا اقوول اتزوجي الحين واايد بنات متزوجين ويدرسون موفيها ششي
عشان تعرفين تمسكينه عدل دامن تحبينه
وانا متأكده انه اهو يحبج
بس يتغله صدقيني
وفهمي انج تحااتينه واااااايد اذا ما دق عليج
ولو بغه يطلع خل يقوولج عشان ما تضلين تدقين وتحاتين بس جذي
والله يوفقكم

 

[اللوحة الناقصة]

حبيبتي لو قريتي كتاب وااايد حلو ومفيد اسمه الرجال من المريخ والنساء من الزهرة

راح تلقين فيه طرق كيفية فهم عقلية وتفكير الرجل

ومنها الحب وشلون يختلف عن المراه بهالشي

يقولج ان الرجال مثل الاحزمة المطاطية كل فترة يحب يبتعد عن حبيبته شوي حتى لو ما في بينهم خلاف بس لانه اخذ كفايته

من الحب .. فيحس انه بحاجة الى حرية واستقلالية شوي

وبعد ما يبتعد راح يرد لها بقوة مشتاق ومحتاج عواطفها وحبها وحنانها يعني مثل الحزام المطاطي

فلازم المراه هني تصبر اذا فهمت طبيعة الرياييل لانهم حتى في الحب مختلفين


والله يوفقكم ويهنيكم ويجمعكم على الخير ​

 

[بنات حواء2]

حبيبتي الريال غير عن المرا الريال مايحب المرا الي تلزق فيه
انتي جربي تفجين اشوي عنه و راح تلاحظين انه راح يحس بمكانج و لهفتج عليه و راح يتقرب منج اكثر و اكثر
بس انتي عطيه فجه