الأجوبة المسكتة...اشلون انرد على هالأوادم!!

[seedo]

اشلونكم بناااااااااات؟






























بدش بالموضوع ... اذا وحدة قطت عليج حجوه غثتج فيها قدام الناس اشلوووون تردين عليها؟؟؟ انا بالنسبةلي التزم الصمت لان ماعرف اعبر بالكلاااام و اقول لنفسي هذي سفيه....بس مرات احتر اقول لو قايلة جذيه و جذيه بس ياربي ما تعودت على الملاسن...:cxxxp:


شنو مواقفكم مع هالنوعية من الناس؟ واشلون اتجعمونهم؟؟؟؟؟؟


اترك لكم المايك:68_asmilies-com:

 

[شربات]

رد : الأجوبة المسكتة...اشلون انرد على هالأوادم!!

نفس حالتج ما أعرف أرد وماعندي لسان ، لأن تربيتنا ما تسمح لنا نرد على هالأشكال

 

[شذى الحب]

اذا خاطبكم الجاهلون قولوا سلاما

طنشي مقاامج اكبر من مقاامهم انا والله وحده نفسج ماعرف التزم الصمت وابتسم جنه شىء ماصار

جني مااسمعت شىء

 

["*آآآنؤؤؤقهـ*"]

انا بعد ماعرف ارد وربي

بس كافي الحقران والابتسامه تغيضهم

والواثق واثق

او ردي بكله مو جمله عرفتي

 

[اتعبني غلاه 1]

على حسب الموقف نفسه
مرات اطووف بمزاجي
ومرات لا والله اخليها تندم انها فكرت تغثني وتحرم
مرة ثانية

 

[seedo]

رد: رد : الأجوبة المسكتة...اشلون انرد على هالأوادم!!

نفس حالتج ما أعرف أرد وماعندي لسان ، لأن تربيتنا ما تسمح لنا نرد على هالأشكال

اي والله صاجه التربية ما تسمح...بس ياربي مرات احتر اقول ليش ما رديت جنها اهي الصح وانا الغلط :eh_s(14):

يعني بقولج موقف :وحدة قالتلي اشدعوة تدرين عن ولدج او ولدج ايعرفج وانتي دوامج اللي من الصبح للعصر و ولدي احطه عند امي عشان يرتاح قلبي بالله هذي شنو ارد عليها؟؟؟؟؟ :eh_s(13):

 

[مناوي الكويت]

انا حصلي وايد وكنت اسكت واضحك لعن من داخلي محتره وما ارد ولا شئ فصار علبالهم اني خوافه اخاف منهم ولا ابي مصلحه

تمادوا والله العظيم على وايد فقلت حق نفسي ليش انا جذي شنوا مصلحتي انا ماني ياهل

الحين والله اي وحده تفشلني او تقول شئ ارد عليها بس ما اغلط لا الزمها حدودها وكيفها بتزعل على راحتها ما هي امعيشتني

والله حطي بالج لا يتمادون عليج حفظي كرامتج اهم شئ باجر حتى جدام اعيالج

انا ما اوزج لا يا قلبي انا اقولج الي شفته بحياتيالمحترمه احترمها والي مو محترمه اعلمها الاحترام

 

[seedo]

الاخت انيقة وجميلة ...صاجة الحقران مرات يغيض بس في نوعيةمن الناس ما تمشي مع الحقران


اتعبني غلاه عطيني مثال عن التجعم ودي اتعلم خخخخخخ

 

[Daleela]

بالنسبة لي ساعات ارد عليهم وساعات لساني ينربط واقعد بعدين افكر اقول ليش ما قلت جذي او سويت جذي

وصج صج قهر فيه ناس صج هيلق

 

[مذهــلــه]

صراحة على حسب الموقف

يعني اذا الكلام ينسكت عليه والا لا ..... اذا ماينسكت اجعمها بس باسلوب ذرب وعلى حسب اسلوبها

وغالبا اطنش ... وكفاية خزة واللبيب بالاشارة يفهم ..

 

[.،:"$الـعـوبــــة$":،.]

أنا عن نفسي ، ماأحب أغلط على أحد ، عشان كذا لااااااااااااااااااااايمكن أرضى أحد يغلط علي،،
وسالفة أسكت وأطوف وتربيتي ماتسمح ! لا هالكلام مايمشي مع كلن ، لأن بعضهم ياخذ هالشغلة كنقطة ضعف ويطيح فيك بكل دقيقة ،،
اللي يحترم نفسه الناس بتحترمه ،، واللي بيسوي فيها قليل أدب وقوي ، لازم يلقاله ناس اتصحيه واتخليه يعرف إن الدنيا مو فوضى !!!
وأعطيك موقف !!!
إممممم ماعندي موقف معين بس خل أقولك هالموقف صار مع مسؤولتي ،
مسكت رئاسة القسم من سنة تقريبا والله العظيم والمصحف الكريم سويت أشياء ماسووها قبلي وهم لهم سنييييييييين وبشهادة الكل وأولهم مسؤولتي نفسها ، تجيني كتب شكر من الإدارة نفسها والحمدلله مو تشيحط ، بس فعلا أنا أستاهل !!
المهم إنها كانت تبي شغلة ، بس ماضبطت معاي ، حاولت فيها وقلتلها إن هالشغلة مايصير إتم عشان كذا وكذا !!
شسوت ؟؟ دقت علي تقوللي تعالي أبيك ونست تسكر التلفون وسمعتها تقول (( العوبة ماعندها الا الطل ))
طبعا أنا هنيه كل سكوني قااااااااااااامت !! وعبالكم حطيتها بقلبي !! أخاااااااااااف صدق !
رحت لها بنفس اللحظة في مكتبها وقدام الوكيلة وقلتلها إني سمعت اللي قالته وماراح أرد عليها بنفس الأسلوب لأنها مرة كبر أمي الله يرحمها ،،
بس أنا سويت بسنة اللي ولا وحدة فيكم طول هالسنين سوته ،، وإذا مو عاجبك شغلي أنا متنازلة عن رئاسة القسم بكبره وشوفي وحدة تسوي ربع اللي سويته ،،
والله العظيم إنها ترجتني أرجع أمسك القسم وربي يشهد على كلامي ،،
وعلى قولة المثل الواثق من نفسه يمشي ملك ،، ولاتبوق لاتخاف ،، وبس​

 

[seedo]

مناوي الكويت ....انا مشكلتي اشوف هالشخص اللي يتكلم باسلوب يغث انسان ناقص وخبل فليش انزل تفكيري لمستواها فأسكت واحترم الموجودين ماودي ادخل معاها بجدال واصير نفسها ... بس لما اقول الموقف لنفسي بعدين احتر


بناااات عطونا مواقف للرد ابي اعرف اشلون اتكلم

 

[seedo]

العوبة زين سويتي فيها ناس ما تختشيش....شكرا على المشاركة الحلوة

 

[فانتا ستروبري]

والله انا للاسف مثلج اسكت وبعدين اتحسف او اقول ياليتي قلت جذي وجذي

كله اناشب امي اذا احد قثني اقول لها كله منج ما علمتينا ندافع عن نفسنا ونرد عليهم ​

 

[فخامه كبريائي]

انا وحدة ما اسكت عن حقي ...و الي تقط علي كلام يهز البدن تتحمل الي بتلقاه مني ...لانه مستحيل اخليها تسرح و تمرح على راحتها

 

[ماكنتوشه بنفسجيه 12]

رد : الأجوبة المسكتة...اشلون انرد على هالأوادم!!

الحقران تقطع المصران طااف طااف

 

[حجيه هيونه]

الززمن الحين ماينفع تسكتين لازم تردين عليهم وتسكتينهم عشان مو كل مايشوفونج يقطون كلام


قبل كنا مساكين ونسكت بس مع الوقت القطوه ماتظل قطوه تقلب نمر لووول

 

[ام ناصر 2009]

رد : الأجوبة المسكتة...اشلون انرد على هالأوادم!!

والله نفسي نفس مشكلتي

 

[seedo]

مشكورين لكل اللي ردوا ...

يا بنات بعد نبي مواقف :lkmnkl:

 

[DooLy88]

رد: رد : الأجوبة المسكتة...اشلون انرد على هالأوادم!!

ارد برد يحر اكثر وانا ابتسم او اضحك وبكل بروووووووووووووووود ليما اجوف ملامحها تغيرت << لي لسان الحمدلله
ماحب اسكت ويروح حقي

ولا وابشرج
ان رحت البيت وتذكرت السالفة اقول اففف ماقلت جذي بعد << يعني ودي اقول اكثر