الأجوبة المسكتة...اشلون انرد على هالأوادم!!

[seedo]

انا بصراحه اغلب الاوقات اسكت
لانه لو بطلت حلجي راح افتلت واقط كلام قوي وانا وحده مالي خلق مشاكل هاديه بحالي لحد يتحرش فيني
بس المشكله في ناس عقولهم على قدهم لوشافوج هاديه وبحالج حسبالهم انج طرمه وماعندج لسان فيقطون عليج حجي
مره كنا بعزيمه وماكان في مكان ييت قعدت يم وحده
جان تقول بصوت عالي واااااي ماحب احد يقعد يمي وعوت بوزها
جان اقولها ليش شنو ريحتج خايسه؟
والله بغت تموت اقعدت تفكر وتسرح
انا اقول قلعتها اللي مايستحي ويقط حجي عالاوادم خل يتحمل لو احد رد عليه بنفس اسلوبه الغير محترررررم

===========
ههههههههههههههههااااااااااااااااي ردج حده ذكي والله مت ضحك الله يسعدج يارب ...صراحة هذي قليلة أدب زين سويتي فيها :j013:

 

[seedo]

والله يابنات اخذوها نصيحه مني اللي تغثكم بالكلام اسكتو وعطوها ابتسااامه شوفو وادعي عليها قولي عسى ربي يحرج مثل ماحريتيني والله يابنات في وحده كله تغثني بكلامهااا واتقط علي حجي وانا اسكت واقول عسى الله يحرج مثل ماحريتيني قسم بالله يابنات ان ربي خذا حقي منها وزود والله لو اني راده عليها ومتهاوشه معاها جان ماحترت كثر ماحرها ربي وقهرها الحمدالله ياربي ولازلت ماشيه مع هاالاسلوب وشوفي شلووووووون ربي ينتقم لج منهاااا
ليش ارد عليها واغث عمري حتى لو برد عليها بتصير هوشه وبغث نفسي وبغث اللي حوالي لكن اذا دعيتي عليها وانتي مظلوووومه شووفي نتايج دعوتج فووووووووووريه
(ويل لكل همزة لمزه)كافي ان هالاشكال هذي هددها رب العالمين بالويل وادي من وديان جهنم لاتصيرين مثلها وتنحشرين معاها بالوادي هذااا وصدقوني ربج بياخذ حقج منهااا وهذي عن تجربه صج صج صارتلها مواقف حرررتها وربي سلط عليها ناس يقطون عليها كلام ويحرشون زوجها عليها اللهم لاشماته بس هذا جزا كل وحده تغث الاوادم وتهمز وتلمز....

==============
جزاك الله خير ...نصيحة طالعة من قلبج وحاسة فيها ...والله صح ربج سبحانه ينتقم من الظالم ( يمكرون و يمكر الله والله خير الماكرين ))) ...... شكرا على المشاركة الحلوة مثلج

 

[seedo]

آنا عندي مبدأ اللي يحترمني أحترمه و أحطه على راسي من فوق

و اللي مايحترمني ليش أحترمه ؟؟

شحصلنا من السكوت غير الهم والغم و القولون العصبي..

آنا ماسكت عن حقي كلشش لو شي تافه ماحب أحد يدوس لي على طرف

خاصة إذا علاقتج وياها مو قوية تلقينها تقط كل كلمة أكبر من الثانية أوقفها عند حدها

من البداية عشان بعدين ما تتمادى ..


أعطيج موقف أمممم من كثرهم ماذكر أبسط شي ممكن تقولين شقصدج و لا تنطرين منها إجابة لفي عنها
أو مثلا وحدة علقت على لبسج أو بيتج قوليلها بضحكة : ما شكيت لج أو ماطلبت رايج


شوفي هذا موقف صار مع أختي (ولادة قيصرية) مع وحدة (والدة طبيعي) عاد أم طبيعي تتطنز على اختي

قالت : واااي القيصرية يخرب شكل بطنج قالت أختي : والله يخرب شكلي ولا أخرب من تحت هههههههههههه

انصحج تشوفين مسرحيات طارق العلي عليه ردود تسكت وبنفس الوقت ماتجرح

=============

يوووووه عاد انا ماحب هاللقافه والله ناس ما اتراعي الشعور بالمرة يعني اهي جايبة اللولادة القيصرية لنفسها استغفر الله ياربي كأنه اعتراض على مشيئة الله بس زين سوت فيها خوش رد خخخخخخخخخخ

من ناحية طارق العلي مادري جووود اثقف نفسي مستقبلا مع اني اكره المسرحيات احسها ملااقه:gr4uu:

شكرا يا عمري على المشاركة الجميلة :rerrerek:

 

[seedo]

هذا يسمّونــه الإستغراق باللحظة العابرة , شي مر همّن تجلسين تفكريـن و بعضكـ يآكل ببعضكـ , مهب حلو ذا الشّعور

حسّيب بوهـ أيّام المرحلة الثّانويـة , أذكر كانت فيه بنت حاطّة عنيه علي مع إنّه أشطر منّي والله , بس تناظرن على الطّالعة و النّازلة

لين رمت علي بكلمة , سكت ما ردّيت , لمّا رجعت البيت جلست أفكّر ليـتن قلت له كذا , غبيّة وشّوله أسكت , تسنّي جبانة و و إلخ

الشّيطان جلس يلعب براسي , حتّى كان معي اختبار أحياء مير ما ذكرت زيـن بسبب الموقف ,

فـ نصيحتي لكـ يا جميـلة , مثل هالمواقف , أي وحدة ترمي عليتس بكلامن يضايق , ابتسمي و قولي ( جزاكـ الله خيـر ^_^ )

منها تكسبين أجر ( لأنّكـ أصبحتِ من فئة الكاظميـن للغيظ ) و من فئة ( العافيـن عن المخطئيـن و آللي قابلوا السّيئة بإحسان )

و حتّى الموقف يبي يأثّر فيــها إذا جلست بلحاله و راجعت نفسـه ,

باركـ الله فيكـ و سدّد خُطاكـ

احترامي و تقديري

ترانيم القصيم

==============

يا هلا والله ببنت القصيم .... يا عيني على الجملة (((هذا يسمّونــه الإستغراق باللحظة العابرة ))) والله جبتيها على الوتر سبحان الله صح لما احد يقط الكلمة وما ارد احسه مثل الحلم أثاري عندي استغراقات عميقة خخخخخخخخ :eh_s(16):

جزاك الله خير على المشاركة الحلوة :eh_s(15):

 

[seedo]

انا حااااالي من حالج

بس اذا بروح زياره لناس اعرفهم انهم غثيثين اقولج شنو نفع معاي..

هممم فكري بالي احتمال ايقولون لج وفكري بردج << عشان مو بعدين اتقولين يا ليتني قلت جذي

واكثر شي نفع معاي لاني انا ماعرف ارد, ان الوحده اذا قاعده اتحرش فيج واهيه اتسولف صدي عنها جنج مو منتبها لها يعني جنج كنت منتبهه مع احد ثاني <<< هالحركه حييل انفعتني الحين والله الحين يسولفون معاي من بعديد غير شلونج واخبارك ماااكو صج ارتحت

ولا اتجاملين الناس الي ما تسوى لا اتجاملينهم ولا تضحكين بوجهم ^__^

لا اتخلين شي بنفسج الي ابالج قوليه اذا احد غثج حاجيه بنفس اللحظه مو بعدين ان عادها احاجيه

ردي عليها جنج اتنكتين وانتي تضحكين قوليلها الي ابالج بتضحك معااااج واهيه منصدمه

انا تراني توني ماشيه على هالموال صارلي تقريبا سنه ومرتاااحه ^__^

===========

ما شاء الله تصرفاتج ذكية ...حلوة فكرتج ...اتصدقين المفروض اتوقع شنو بيقولون لي وازهب الرد المهذب واللاذع بنفس الوقت========حشى امتحان :tongue22:

والله صاجة مرات التطنيش و اسوي نفسي ما سمعتها احسن حل للناس الكبار خخخخخ :gr4uu:

 

[EnGiNeeRa_92]

( ولا تســتوي الحســنة ولا الســيئة ، ادفــع بالتــي هــي أحســن ،
فإذا الذي بينـــك وبيــنه عداوة كــأنــه ولــي حميم )​

 

[nandeny]

طااااااااااااااااااااااااااااااف عطيهم شي اسمه سمام بارد

 

[( المـلاك )]

اذا جدام الناس
والله ما اسكت وارد اعتباري و اوقفها عند حدها ج
دام اللي يسوى و اللي ما يسوى
لا عاد كلش ولا انا
لووول

 

[بنت عطا]

ارد برد اكبر من اللي قطته

مااعرف اسكت

 

[loloالحلوة]

احنا تمام الحمدلله
والله يا اختي مو شطارة يوم نرد عليهم ويكون واااايد احسن اذا سكتي لهم((السكوت من ذهب))
ويسلمووو

 

[صعب غلاها]

والله انا كنت كلله اسكت وماعرف اتحجى
بس الحين والله ولا ارضى اسكت عن حقي لاني عارفه اني على حق وهم بعد لازم الواحد يحط له هيبه مايخلي كل من هب ودب يقعد يقط عليه حجي يسم البدن

 

[الحسن كله]

هذا يسمّونــه الإستغراق باللحظة العابرة , شي مر همّن تجلسين تفكريـن و بعضكـ يآكل ببعضكـ , مهب حلو ذا الشّعور

حسّيب بوهـ أيّام المرحلة الثّانويـة , أذكر كانت فيه بنت حاطّة عنيه علي مع إنّه أشطر منّي والله , بس تناظرن على الطّالعة و النّازلة

لين رمت علي بكلمة , سكت ما ردّيت , لمّا رجعت البيت جلست أفكّر ليـتن قلت له كذا , غبيّة وشّوله أسكت , تسنّي جبانة و و إلخ

الشّيطان جلس يلعب براسي , حتّى كان معي اختبار أحياء مير ما ذكرت زيـن بسبب الموقف ,

فـ نصيحتي لكـ يا جميـلة , مثل هالمواقف , أي وحدة ترمي عليتس بكلامن يضايق , ابتسمي و قولي ( جزاكـ الله خيـر ^_^ )

منها تكسبين أجر ( لأنّكـ أصبحتِ من فئة الكاظميـن للغيظ ) و من فئة ( العافيـن عن المخطئيـن و آللي قابلوا السّيئة بإحسان )

و حتّى الموقف يبي يأثّر فيــها إذا جلست بلحاله و راجعت نفسـه ,

باركـ الله فيكـ و سدّد خُطاكـ

احترامي و تقديري

ترانيم القصيم

صاجه والله صح لسانج
أصلا رد جزاج الله خير يحرج اللي جدامج بعد غير الأجر اللي بتاخذينه
بس بصراحه مرات الإنسان يطلع عن طوره
برايي الرد القوي اللي يجي بالعظم أحسن من كثرة الكلام لاقطت عليج وحده نغزات فكري بسرعه وردي رد قوي بس مافيه شماته بالناس لاتسبين خلقتها قصر طول خشم ضعيفه متينه ..الخ
مره كانت وحده تقط نغزات علي بالدوام وسكت وقطت مره ثانيه وكل البنات فهمو إنها تقصدني وحده ردت عليها عني وقالت والله فلانه عني ماشالله عليها اللي ساكتتلج لو أنا كان ماخليتج عاد هني أنا رديت وقلت مالج شغل فيها الكلاب تنبح والقافله تسير لووووول
ومرات أحسن لو تعطين طاف ماضايق نفسي عشانها ماكو وحده تقط نغزات على الناس اللا اللي فيها نقص ماأخرب يومي عشانها​

 

[غلآة امي]

حقريهم

ترا الحقران يقطع المصراان

و خليج مستواج اعلى من المستوى

و اذا اهم غلطوا عليجج يكفي انج عرفتي انتي شنو و اهما شنو

 

[الا يامطول صبري]

نفس مشكلتى

 

[Purple Occasion]

رد : الأجوبة المسكتة...اشلون انرد على هالأوادم!!

اردها برد حكيم واحرجها واطنش..

لان التعامل مع جذي ناس مضيعه للوقت وتنزيل للمستوى الشخصي والكرامه الانسانيه

اذا هى مو محترمه ذاتها تبين تحترم غيرها

تحياتي يا الغاليه

 

[mf6nt el3lat]

الحقراان يقطع المصرران واشكت عنهاا لانهاا سفيها واحتسب الاجر من وراهاا واااخر شي اناا اطلع كبيرره بعيوون الحضوور وماا انزرل مستوااي لنفس الااشكاال وبعدين اذاا كلش كلش اررد عليهاا واخليهاا تنقد ع رووحهاا والله يغثوون النووعيه هااذي واناا ماا احاارش احد نفسهم؟؟؟

 

[الفدنه]

على حسب الموقف نفسه
مرات اطووف بمزاجي
ومرات لا والله اخليها تندم انها فكرت تغثني وتحرم
مرة ثانية

نفسي:hjy5jewf:

 

[ماما نونا]

انا لما وحده تتليقف , أقولها لو سمحتي الحجي بيني وبين فلانه ,,,, ولما وحده تتفلسف وتتحرش اقولها واللي يعافيج يا تكونين محضر خير يا سكتي ,,,
اطفارتي اللي تنقل سوالف فلانه قالت عنج وفلانه , اقولها ما يتحجي إلا المحتر واللي يعافيج لا تييبين طاري هالسوالف


لا تصيرين جريئه وبنفس الوقت في ناس لا سكتي بيطيحون فيج , فالتجعيمه بذوق احلى شي

 

[مرتاحه]

اصدقين قبل كم يوم بنتي الا بسابع تكلم اخوها
الصغير الا بثانيه ابتدائى وتقوله
انت اذا اي واحد غلط عليك لا تسكت
لانهم بحسبونك انك تخاف منهم لا راذا ما كنت غلطان
اتقوله انا رديت على وحده بالثنوي لانها كانت تستهزء فيني
قدام صديقتها اتقول قلت لها اذا فيك خير استهزءي على الاكبرك
او الا اكبر منك مو تستهزئين على الا اصغر منك
قلت لها كفو لان الحين الا يسكت عن حقه يعتبرونه ضعيف

 

[Kocheko]

انا مره فى قعده نسوان كنا قاعدين الا وحده تقولى بحقاره انتى متى ناويه تتزوجين ؟ انا قدج صار عندى 3 ؟
قلت لها ليش كاسره خاطرج ؟
الا تقولى الظاهر محد يبيج
قلت لها أتصدقين اى
طيب زوجينى ريلج دامنى كاسره خاطرج
تدروووون شنو أسكتت وانطمت ولين أتشوفنى تشرد ههههههههههه