الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

[ام فاطمة وزهراء]

مرحبا دكتور

قبل 8 شهور تقريبا كتبت لك عن مشكلة ولدى وشكرا لك عطيتنى بعض الحلول ومن ضمنها اسجل ولدى فى الحضانه وفعلا سجلته واللحين يروح وهو سعيد والكل يحبه لانه ماشاءالله يتكلمه بطلاقه ودمه خفيف .


ولكن دكتور مازالت مشاكلى معه موجودة بل زادة :eh_s(10):

ابنى عمره الان سنتين و10 شهور ولكن خفت شوى حركته بس المشكلة انه عنيد جدا بحيث لما اقول له خفف ماما صوتك خواتك ( عندى توأم بنات 9 شهور ) يصرخ باعلى صوته .


مشكلة قلة الاكل ابنى ضعيف وزنه وطوله اقل من سنه تعبت معاه فى الاول كنت اعصب بعدين تركته وقمت اكلمه بالطيب وبالحيلة وهم مافى فايدة يروح وقت الوجبات ولدى ماياكل والحليب بعد يوم يشرب وعشره لا وديته اخصائى اطفال يعطونى مشهى وبعد دون فائدة :eh_s(10):


حاولت اللعب اغنى نطلع كل شئ لين اعلنت استسلامى

واللحين مالى احد الاالله وبعده انته دكتور تساعدنى ولدى مايحب الابعض الاشياء تصدق دكتور مايحب الكيك ولا الفاكهه ولا الخضار ولدى واجد بكى فى الاكل ....


ساعدنى دكتور لانى تعبت ممكن تساعدنى

وهم عندى مشكلة ثانية وهى تعبت اعلمه على الحمام شريت له بوتى على تومس واحاول معاه من اكثر من شهرين واشرح له واللحين رافض مع انه دكى واجد ونطقه سليم وكلماته صحيحه متفوق على اللى فى عمره بس ليش يعاند واقوله لين ... قول لى ابى اروح الحمام يرد على يقول لا ابى ... فى الحفاضه


شسوى معاه عنيد وشيطان



تعبت دكتور عندى توائم ومن مشاكله مو عارفه اركز وكثرة خلافاتى مع ابوه بسببه لانى فى اغلب الاحيان افقد اعصابى

شكرا لك

 

[أم بندر~]

السلام عليكم ورحمه الله وبركاته :

شكرا دكتور لتواجدك في منتدانا الغالي
وان شاء الله في ميزان حسناتك

دكتور أنا ودي اطور هوايات عيالي فبسألك شلون أخليهم يتعرفون على الهوايات اللي تناسبهم ؟ وأشلون أطورها لهم ؟
إذا كانت الهوايه ما تناسب تقاليدنا وعاداتنا شلون أخليه يغير رايه ؟

و استفسار ثاني :

أبي أقوي علاقه عيالي ببعض أبي أخليهم مثل الاصدقاء !! و أكثر...

ياليت تدلني على الطرق الصحيحه

 

[أم بندر~]

دكتور حبيبت أسأل زياده إذا ما في مانع ...,,

دكتور احنا عيالنا مثل ما تعرف يتعرضون للأعتداءات الخارجيه مثل االضرب والكلام الوقح ...... إلخ

دكتور أنا أبي أقوي قوة ولدي البدنيه أبيه يدافع عنه عن نفسه وما يحتاج لأي أحد يعني ما أبيه يدورني عشان أدافع عنه لأ أبيه اهوا يدافع عن نفسه بنفسه ... ياليت تدلني على طريقه !!

استفسار ثاني :::eh_s(17):

دكتور أنا أبي ولدي يصير فطين (ذكي ) مو قصدي الذكاء ألي اهيا العبقريه لأ .. أبيه يعرف يقيس الأمور قبل لا يسبب مشاكل أبيه يعرف يحل أموره بعقله ...
أدري دكتور بتقول توه صغير على هالأشياء ولكن أنا أقول العلم بالصغر كالنقش على الحجر
<< بصراحه أنا أأمل يتعلم هالاشياء من ألحين عشان يستفيد لما يكبر :yaaaaaarb:

بعد شغله ::

ودكتور أنا ودي عيالي يقرون الكتب اشلوون !! ...:eh_s(10):

مشكور دكتور لأنك ترد على استفساراتنا وما تقصر وبميزان حسناتك ...:eh_s(7):

 

[أم بتول*]

السلام عليكم ورحمة الله وبركاته
مشكلتي باختصار بنتي عمرها 5 سنوات وهلأ هي روضة تانية ما دخلتها روضة اولى من اول المدرسة ما حبتها مع اني كنت حاكيتلا قصص وشغلات حلوة بتخليها تحب المدرسة المشكلة انو لا هلأا ما عم تتاقلم بالوضع وكل يوم لازم تبكي بالصف وهالشي مأثر على صحتها ما بتاكول منيح اكلها متل اكل طفل عمره سنتين ضعيفة كتير من قلة الأكل البنت شاطرة وذكية وبتفهم كل شي وبتكتب الواجبات وعندي بنت عمرها سنة ونص بتحبها كتير وبتلعبها بس بقسوة يعني لازم تعص على إيدها ما بعرف إذا هالشي اسمه غيرة بحسها بتحصر بقلبها وبتخبي زعلها بقلبها لهيك ما عم تسمن
بحاول سايرها وماشيها على قد عقلها بس احيانا بتخليني عصب عليها واصرخ فيها
كيف لازم اتصرف معها

 

[yono]

السلام عليكم أستاذنا العزيز...بنتي عمرها 10 سنوات و هي الكبرى و عندي بنت 8 سنوات و بنت 4 سنوات وولد عمرا شهر..
مشكلتي مع بنتي الكبيرة في البداية انها حركية جدا جدا لغاية ما ادخلت المدرسة بعض المدرسات اعتقدو انها هايبر و كانو دايما ينصحوني اراجع استشاري..ولكن ابوها الله يسامحا ماكان يوافق.. بعض المرات المدرسة يستدعوني من مشكلتها الحركية ( تكلم زميلاتها بالصف , ماتعمل الclass work لشدة لهوها باللعب و دايما تكون أراجوز الفصل ) لكنها بنفس الوقت ماعندها ثقة في نفسها و أي شي يهزها و تسعى بكل طاقتها لجذب انتباه البنات حولها و كسب صداقتهم على حساب رضا أمها.
الآن بعد ما وصلت هالعمر مازلت أعاني معاها من مشكلة حل الواجب و عدم الاهتمام بالدراسة لشدة تعلقها باللعب, عندما تلعب مع أختها و بنت خالتها اللي من نفس العمر تحاول التحكم و تضرب و دايما دايما تصرخ و صوتها عالي و هالشي مسبب مشكلة في تكوين صداقات دائمة فقد بدأت بعمل مشاجرات حتى بالمدرسة.
رجاء أريد الحل و الحمدلله ابوها الان مقتنع بعمل زيارة لاستشاري فرجاء أبي رقم عيادتك للمراجعة و شكرا.

 

[احمد البرماوى]

السلام عليكم

دكتووور السالفه ما ينسكت عليها
ولدي عمره7 سنين اتوقع فيه انحراف
يلفت انتباهه اي رجل وحرمه مع بعض
سواء عالطبيعه او التلفزيون
لدرجه شريت عطر عليه صورة رجل بعضلات وحرمه واقفه جنبه خذيت الكرتون بنفسي ورميته
عقب جم يوم لقيت الكرتون في بنطلونه قاص الصوره
وصافطها ومدخلها بالبنطلون​

غيرها دكتور لو يلاحظ ابوه قاعد جنبي يكلمني
يقولي بابا شنو يقولج
يقولج تحبيني؟؟
ومره شاف عمته بالكوشه ومعرسها جنبها
الله وكيلك عجبه الموضوع حيييل
كل شوي وين راحت عمتي
وشنو يقولها الرجال
اييييه
واذا غيرت التي في ومريت على قناة فيها بنات يرقصون
يبجي يقولي خلي البنات الحلوين
والله يادكتور احنا عايله محافظه جدااا
يعني موتقولي شايف شي
بقولك لا والله مو عندنا

محتااااااره:yaaaaaarb:
​

السلام عليكم اختي الكريمة

ا نستطيع ان نسمي هذا الامر انحرافا ولكن هو شكل من اشكل تحديد الهوية الجنسية للطفل ورغبة في اكتشاف هذا الامر فمهم جدا في عمر ابنك ان يتعلم ويعرف دورة الجنسي فهو ولد ويسلك سلوك الاولاد وكذلك هناك بنت قد تكون اختة وتسلك سلوك بنات لذلك مهم جدا ان يكون للطفل هويتة الجنسية في هذا العمر وان تكون سلوكياتة متوافقة مع هويتة الجنسية
ففي هذا العمر تكثر الاسئلة ذات الطابع الجنسي او التي تحمل هذة الايحاءات كما يحدث مع ابنك ولا تنسي ان هناك مكون اخر لمعلومات ابنك غيرك انتي كام او غير والدة وهذا المكون قد يكون من اصدقائة بالمدرسة او من مشاهدتة للتليفزيون او سماع احاديث الكبار لذلك يجب عليكي ان تكون حذرة جدا بالتعامل مع ابنك او التعامل مع اسئلة ابنك في هذا العمر
فمثلا اذا سالك عن عمتة وزوجها يمكنك الاجابة بشكل منطقي بان عمتك وزوجها يحبون بعضا ولذلك تزوجوا قاذا قام بالاكثار من الاسئلة حاولي ان تعرفي انتي مدي معلوماتة وهل لدية معلومات اخري او جديدة ام لا فان لم يكن لدية فقولي لة عندما تكبر اكثر بعد عام او عامين ساجيبك علي اسئلتك
الاهم هنا هو الا تصدية او تصرخي بوجهة او تجعلية يشعر بانة تكلم في منطقة محرمة او ممنوعة حتي لا يلجا الي مصدر اخر يجيب لة الاسئلة التي بذهنة
حاولي دائما ان تفتحي مجال للحوار مع الطفل وان تسمعي منة بشكل جيد وان تكوني عامل مساعد لة في تحديد دورة وهويتة الجنسية كولد
وحاولي ان تشركية في لعبة ذات طابع عضلي او طابع رجولي يلعبها ويستمتع بادائها
وبخصوص تلك الصور التي يقصها ويحتفظ بها فمن الممكن ان تحضري انتي له صور لاشخاص مشهورين كلاعبي كرة يحبهم وساعدية في القص ومن الممكن ان تعملي البوم لة فية صور من الجنسين ومن الاشخاص الناجحين والمشهورين ومن الممكن ان تضعي صورتك وصر والدة في هذا الامر حاولي ان تجعلي الامر طبيعيا وراقبية من بعيد ولاحظي مدى تطور تلك الامور لدية
تمنياتي بالتوفيق

 

[om webas]

مشكور جزاك الله خيرا ....موضوع قيم وردودك وايد مفيدة

 

[مرحبتين]

السلام عليكم .. الله يعطيك العافيه يادكتور انا مو مرتبه افكاري بس بختصر مشكلتي انا كنت برا الكويت للعلاج مده سنتين. في هل الفتره عيالي عند اهلي بنتي لقيتها خوفه للبعد درجه وتصرفاته متغيره ومهزوزه يعني لو احد يقول له انتي هبل تقول صح وتصدق تعور قابي حيييل عمره 8 سنوات ولدي الكبير حيييل متغير صاير مخنوع للكل وما يقدر يقول لا ابدا وصاير ثرثار وواديما يسولف على نفسه وصاير زعوله اقل شي يزعل وبسرعه يغير رايه. لدرجه واحدقاله اسمحلي. ( كل....) وسكت انا خنقت الصبي لما رجعن للبيت قلتله ليش يقولك اكلمه هذا وانت سكت قالي عادي. خالي كله يزفنا و يچعمنا علشان ولده و ولده دايمآ يچذب عليه. والكل يصدقونه. انا حييل محتاره وابي مساعده ارجوك.

 

[سيده نفسي]

السلام عليكم دكتور

انا عندي بنت وحده الله يخليها وعمدها سنتين ونص

دكتور صايره وايد دلووووعه وتبجي كثير كثير

ولازم شيلوني لو احنا فالبيت تبي الشيل

معني يوم كانت صغيره مو متعوده علي الشيل

او الحضن بس الحين تغيرت وتبجي وعنيده وتصرخ

وماتاكل والله صرت اتفشل اذا كنت طالعه وغير ان تصرخ

وتبجي تسب ومعني احنا ما نسب بس هي تسمع اولاد عمها

شنو الحين العمل معاها. وشكراً

 

[جلكسيه اس 3]

السلام عليكم و رحمة الله و بركاته
اشلونك دكتور

انا ليلحين اعااااااااااااني من مشكلة العصبيه مع بنتي
لانها عصبيه لابعد الحدود
عادي اذا كنا طالعين سوق او مجمع تقط روحها و تنسدح لو ما شريت لها الي تبيه
مع اني مو مقصره بشي
لا و فوق هذا لو حاولت اشيلها ماترضا
ساااعات احقر و ساعات اساحلها و دايما ادعي الله ان العصبيه اتروح منها
و هي عمرها سنتين و نص تقريبا مادري شسوي معااااااااااها
حتى بالبيت و بالزواره جذي اتسوي لو ماعطيناها الي تبي
اتمنى تلقالي حل

 

[أم بتول*]

وين الدكتور عم ننتظر الإجابات

 

[ســــراب]

السلام عليكم ..
دكتور انا مشكلتي مع بنتي عمرها 3سنين وعنيدة وماتحترمنى و لاتسمع كــــلامي
وكل شئ تبية لازم نجيبه لهــــا والله يادكتور تعبت معاها وماتسمع كلامي وتحب تعاندني
ياليت تنصحني شلون اتعامل معاهااا ​

مشكور ويعطيك العافية​

 

[عذبة الأوصاف]

السلام عليكم..
دكتور اانا بنتي عمرها سنتين وخليتها ورحت علاج بالخارج وكان عمرها سنة..وكانت مع خدامتها وامي. وامي كرة كبيرة بالسن كانت تراقبها بس ولليوم هذا تحب خدامتها ولاتقدر تفارقها وحاولت أأطلعها ونروح بروحنا لكن بمجرد اننا ندخل البيت تدورها. والخدامة بتسافر ع شهر5 وحيل بنتي بتتعب وانا خايفة ساعدني الله يخليك بنتي ابدا موقادرة تفارقهها مع اني اشتريلها العاب واظلعها كثير

 

[قموشه21]

السلام عليكم

انا محتارة حيل دكتور واول مرة اكتب مشكله طفلي ومادري شفيه الكل يقولي محسود ومعيون ..

انا عندي ولد عمره سنه و7 شهور .. دكتور لما اكون ابيتي يلعب ويغني ويضحك وينام نومه العافيه ولما اروح لاهلي يومين انام عندهم .. واتكون اهناك جمعات عيال خواتي وعيال اخواني وايد ماشاء الله وكلهم بسنه .. اول مايشوفهم يقعد يبجي ويصارخ وماينام وهالشي الكل لاحظة لدرجه يقولون لي فيه جني
دكتور انا لاحظت علي ولدي مايحب الجمعات انا ماعندي غيره احس تعود علي الوحده ويحب الانطوائيه وحتي لما اروح لاي مكان يقعد يبجي ويصارخ لين يقومني وارد البيت .. اهو يشاهد قناه طيور الجنه 24 سااااااااااااااعه .. اغاني بـ اغاني .. شالحل .؟

وفي مشكلة اخري ان اكل ماياكل هل هذا بسبب الحالة اللي فيه ..؟؟

 

[دندرمه بارده]

يعطيك العافيه دكتور ،،

انا عندي طفل عمره 8 سنوات مشاءالله ذكي ومؤدب بس عندي مشكله معه انه فى وقت الدراسه يكون باله مشغول باللعب ومشاهدة التلفزيون وانا بطبعي عصبيه يادكتور لانه فى وقت الدراسه احس ولدي مومركز معاى باله مشغول بأشياء ثانيه واحسه يتملل من الدراسه وفيه مشكله ثانيه ولدي كثير مايتأتا بالكلام هل هذا الشي طبيعي ام لا مع العلم هو طفلي الوحيد لمده سته سنوات بعدها الله رزقني بطفل اخر واريد معرفه كيف ابني الثقه فيه مع العلم هو يادكتور كثير الكذب ومتعبني فى هذي النقطه وشكرا

 

[دمعة غريب]

السلام عليكم ورحمة الله وبركاته .. دكتور اولا شكرا لتواجدك في المنتدى وشكرا لردودك الي استفدت منها وايد .. مشكلتي مع طفلي عمره الان 5 سنوات المشكلة صار لها ثلاث سنوات تقريباً .. او بدأت تتضح خلاص الثلاث سنوات الماضيه . اسم الله عليه ولدي يحب الأكل بشكل مو طبيعي ،، عنده نهم وما يعرف شنو يعني الشبع مشكلته ان يكون شبعان وتوه مآكل واذا شاف احد يآكل يبي يآكل مرة ثانية وثالثه ، المشكلة مو في كمية الاكل المشكلة في طريقه حبه للأكل مع اني يا دكتور مو حارمته من اي شي لكن يشوف الاكل وكأنه عمره ما اكل ، وكأنه ما شاف ها النوع من الاكل ،وكأني حارمته لدرجة اني ابكي مع كل لقمة يآكلها .. وزنه طبعا زائد .. وخذيته لأخصائي تغدية وحاولت انه يمشي على اسلوب غذائي متزن ، لكن مافي فايده ..ولدرجة اني صرت قاسية معه تماما في هذا الموضوع ، واجرحه في مرات كثيرة بكلامي .. مع انه طفل ذكي ومؤدب جداً وعنده مواهب ومدرساته يحبونه ودائما في قائمة الموهوبين في الروضة .. لكن قلبي يتقطع مع كل حالة هستريا يصاب بها بس يشوف الاكل ، وكل يوم ابجي .. (مع العلم ولدي هو حبيب لجدته وهي ما يهون عليها بكاءه فالطعام عندها وسيلة للحب وهذا كان بداية المشكلة والان انا من يتعامل مع المشكلة ويعاني منها خوفا على مستقبل ابني الصحي قبل اي شي ) ارجوك دكتور دلني . مع خالص احترامي

 

[موتو قهر مني]

السلام عليكم استاذ

استااذ أنا عندي ولد عمره 5 سنوات وهو بالروضه ، ولدي عدواني ويلفظ كلمات سب وهو متعلمهم من عيال عمه ، وحاولت معاه بكذا طريقه اني أخليه يترك هالكلمات عاقبته وطقيته مانفع معاه ، وألحين قام يمد ايده علي ويطقني ولله تعبت معاه مادري شنو الحل ؟ حتى بالروضه مايسمع الكلام وبالبيت نفس شي

بلييييز استااذ أبي حل لولدي

 

[باربي 3]

السلام عليكم ورحمة الله وبركاته
دكتور انا عندي ثلاث بنات مشكلتي مع بنتي الكبيره عمرها سبع سنوات ماشالله عليها ذكيه والاولي بالمدرسه بس فيها خوف مو طبيعي من كل شي ما تحب تروح مكان جديد او تجرب اكل جديد وتستحي اذا غيرت مظهرها والمشكله الاكبر وقت النوم مستحيل تنام بروحها مع ان اختها الاصغر منها عادي وتنام بروحها تقعد تبجي وترجف وصارلها فتره بدأت بالتأتأه ومرات افقد اعصابي عليها واحس ان الحاله تزيد بصارحه تعبتني وايد وحاولت معاها كل الحلول حتي خليت اختها تنام معاها بنفس السرير عشان تحس بالأمان بس ماكو فايده..
وللعلم دكتور بسبب ضروف خاصه كانوا بناتي ينامون معاي بنفس الدار لحد ما صار عمر الكبيره خمس سنوات والحين انتقلنا لبيت جديد من سنه ونصف ومن وقتها بدأت المشكله ارجو انك تساعدني....
مع الشكر...

 

[M&Ms]

يعطيك العافية دكتور

مشكلتي عندي ولدي عمره سنة و عشر شهور من عمره 5 شهور واهوا يكره شي اسمه نوم يبي يلعب طول المدة ولمن كمل السنه تعدلت نومته صار ينام الظهر ساعتين وبايل 12 ساعه ومن غير لا اتعب وياه من احطه بفراشه بالغرفه بروحه مع لعبته وينام بس المشكله ان بعدها بشهرين ولدت ويبت اخوه الحين عمره 8 شهور من هنيه انتكست حالته وايد ولا حظت عليه وايد اشياء
1) صار وحشي ويستغرب من الكل حتى الاشخاص اللي متعود عليهم
2) عصبي ويطق راسه بالطوفه
3) يكره النوم واذا نام بعد ساعتين يقوم يبجي
4)يغار من كل اليهال حتى اللي بعمره
5)لاحظت واهوا نايم يصرخ حيل ويعصب ويطق راسه يمين ويسار
6) ماينام الا اذا ماسك ايدي
الحين صاير ماينام الا على الاي بود ويطالع بارني ونفس الوقت لازم يمسك ايدي بس المشكله يقوم بعد ساعتين حلمان ويصرخ و يطلع من الفراش ويانم عندي وفي مشكله ثانية ان دقيق وايد ومنظم لازم كل شي يمشي حسب النظام اللي متعود عليه وراسه يابس وعنيد

اسفة دكتور طولت عليك بس محتاجة حل

 

[نو-من؟]

السلام عليكم دكتور انا بنتي عندها تسع سنين مشكلتي معاها تطورت بعد الاختبارات والضغط الدراسي مشكلتي معاها انها صارت عصبيه واذا ازعلت او تضايقت ممكن اتكسر اي شي جدامها حتي مره كسرت ايبودها ومابقت منه شي وظلت اتكسر واتكسر. صايره ترفع الضغط واحاول ما امد ايدي عليها اذا ازعلت ممكن اتقول اي شي واذا هدت ثاني يوم. تجي وتتأسف انا سامحتها اكثر من مره بس الوضع خطير اليوم عشان ماسمعت كلامها احرجتني بالناس وماركبت السياره والا غصب ولما مشينا تصارخ تبي تفتح الباب واحنا ماسكين ايدها تقول مابيكم تخيل جرت شيلتي وانحرجت قدام الناس ولما ردينا البيت هدت وبينتها اني زعلانه عليها. وهي تحاول تكلمني بس انا حيييل مضايقه منها اهي ماكانت جذي متفوقه وشاطره. بس هالحاله معاي انا او ابوها.بس شنو تنصحني يادكتور لاني حيل قلبي يعورني علي بنتي وجزاك الله خيرا.