الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

[orange blossom]

السلام عليكم
انا عندي ولدي من كان عمره ٦ شهور عنده لعبة يحب يمصها. شلناها عنه، قام يمص لعبة ثانية
و شلنا عنه اللعبة قام يمص لحافه
و الحين اهو عمره ٦ سنين و ليلحين يمص لحافه.
و طول هالسنين كنت اغير له اللحاف. يتوقف عن مصه فتره اذا كان اللحاف جديد، بس بعدين يرجع يمصه مره ثانية.
و شكرا

 

[أم ميميتو]

يعطيك العافيه دكتور انا وايد استفدت من نصايحك و حابه تفيدني اكثر بالطريقه الي اتعامل فيها مع ولدي
عمره سنه و تسع شهور ومن فتره بسيطه طلعلي بشي يديد كل ما زعل انسدح على الارض و قام يبجي وايد اتنرفز
جم مره شلته بس الحين قمت اطنشه ما اهتم بحركته و شي ثاني الي محيرني ان بالبيت اقدر اتعامل معاه و يسمع كلامي
بس بره البيت يتغير يصير عنيد وكل شوي يزعل و يبجي و يحن على اتفه الاسباب اما بالبيت مافي اهدى منه يلعب بروحه
بألعابه او ايي عندي عشان العب معاه او يطالع معاي تلفزيون بس بره البيت ما يعجبه شي ابداً و اخر شي الي مستغربه منه
ان لما نكون بالبيت ما يرضى ابوه يقعد يمي او احط ايده علي واذا شافنا قاعدين على طول يهد الي بيده و يقعد بينا
او يلف وجه ابوه عليه عشان ابوه ما يطالعني او يطيح نفسه على الارض عشان اقوم اشيله او ايي يطقني او يطق ابوه
بس نوخر عن بعض يستانس و يضحك و يروح يكمل لعب و سامحني طولت عليك*

 

[احمد البرماوى]

السلام عليكم
دكتور انا عندي ولدين الفرق بينهم سنه وشوي
ولدي الكبير احسه من النوع اللي يخاف .. وحتى لو اخوه الاصغر منه جا بيضربه احسه ينرعب ويجري علي ..يبيني انا ابعد اخوه عنه .
كمان دكتور هو يتفرج افلام كرتون واحيان يجيني يقول انا خايف ..
افلام كرتون يكون فيها وحوش او اشياء زي كذا
..دكتور انا حابه اعطيك نبذه عن ولدي ..
هو من عمره سنه وشوي كان لمن يطلع من شقتي يروح لاهل زوجي ..يأذوه عيال عمه وبنات عمه
لانه كان اصغر واحد فيهم ..ويضربوه ..حتى فتر ه صار يخاف يروح لجدته عشان عيال عمانه وبناتهم لا يضربوه
...
انا يادكتور ما ابغى نفسيته تكون تعبانه ..وابغى اخليه يصير اقوى وفيه شجاعه ومايخاف ..ويقدر يدافع عن نفسه مع اللي في سنه .
احيان لمن يشوفني اعصب يقولي ماما انا خايف منك .
ابغى اعرف كيف اقوي شخصيته .. وكيف اتعامل معاه لمن ابغى امنعه عن شي
وش افضل اسلوب لو مثلا طلب يروح الملاهي وانا قلتله بكره ..مايرضى ويصيح الين احنا نسوي اللي يبيه ؟
وعمره يادكتور 4 سنين
ومشكور مقدما

السلام عليكم اختي الكريمة


واضح من البداية ان ابنك تم تقويض شخصيتة او تم اعطائة انطباع واحساس بانة اقل من الاطفال حتي لو اصعغر منة واصبح فاقد الثقة بذاتة وبالتالي غير قادر علي مواجهة اي اطفال حتي لو اصغر منة وبالتالي تولدت لدية ايضا عدم الثقة بالكبار ومن ضمنهم انتي
بالتاكيد مشاهدة الطفل للكرتون بشكل مستمر تؤثر في شخصيتة بشكل كبير وتؤثر احيانا في عنفة وعدوانيتة تجاة الاشخاص لذلك يجب ان تولدي لدية الثقة من جديد وتعلمية كيفية مواجهة الاشخاص والاطفال واعدم الرضوخ لعصبيتة ومحاولة الكلام بهدوء
يجب ايضا مدحة امام الاخرين وعدم عتابة او ذكر مساوئة وتشجيعة علي اللعب مع غيرة وايضا مدحة ومكافاتة ان انجز او فاز بلعبة او نشاط اجتماعي مع الاطفال
ايضا يفضل اشتراكة في لعبة او نشاط رياضي وتشجيعة علي الاجادة فيها ومحاولة اعطائة الثقة في النجاح والتفوق فيها
مهم جدا ان تقللي من كمية مشاهدة التليفيزيون والكارتون وايضا مهم جدا ان تحاولي ان تتقربي منة وان تحكي لة قصص اجتماعية بسيطة معينة يكون فيها مفاهيم اجتماعية لابد من غرسها فيه مثل المشاركة الاجتماعية والانجاز والتفوق وعدم الخوف بدلا من النصائح المباشرة
ايضا لو راجعتي اجاباتي السابقة ستجدي حلولا كثيرة من اجل تدعيم الثقة بالنفس

شكرا وبالتوفيق ان شاء الله

 

[احمد البرماوى]

السلام عليكم دكتور
انا عندي ولد عمره ٤ سنين ونص وهو اول حفيد بالعائله يعني مدلع دلع والكل يحبه ويدلعه ولذلك انا كلمتي دايما مكسوره جدامه ولا لي سلطه عليه وانا ماني عارفه شلون اتعامل معاه لان عنيد جدا وعصبي وكله يرفع صوته ويضرب الشغالات ويضربني وانا دايما اعصب عليه واضربه ما اتحمل اي شي منه فماني عارفه شنو الطريقه الانسب للتعامل معاه لاني جربت كل شي وماتغير لما ادلعه واكلمه بدون صراخ مايعجبه ويعاندني واذا ضربته هم يعاند ويكسر ويعصب وهذا الكلام سواء بالبيت او عند ناس دايما يعاند
الله يجزاك خير ساعدني شلون اتعامل مع هالولد والله تعبت نفسيا معاه
شكرا

السلام عليكم اختي الكريمة

من الاخطاء الشائعة في عملية التربية هو اشتراك اكثر من فرد بتربية الطفل وبشكل مختلف وايضا التدليل الزائد للطفل الذي يجعل الطفل صعب التحكم فية وغير قادرين علي تعليمة اي مفاهميم اجتماعية جديدة وبالتالي يصبح بالنسبة لكي كام مشكلة كبيرة لان سلوكياتة تاخذ اتجاة عدواني وعنيف في التعامل معكي ومع غيرة
والاكثر خطا انة في اثناء هذا السلوك العدواني تجدين من يضحك لة ومن يشجعة علي هذا الامر
لذلك يجب اولا اتفاق كل المحيطين بعملية التربية علي اسلوب تعامل واحد مع الطفل بكل مواقفة وثانيا يجب الاتفاق علي اسلوب عقاب واحد اذا قام الطفل بسلوك خاطئ او غير جيد
عدم السماح لة بضربك او ضرب الخادمة بالبداية يجب ان تفهمية ان هذا خطا وعلية الا يكررة وواذا كررة عليكي ان تحذرية من تكرارة والا ستعاقبية وان كرر عليكي ان تعاقبية
الاعهم من العقاب هنا هو تنفيذ العقاب وان يلتزم كل من حول الطفل بالعقاب وابدئي بالعاقب الاسبط والاقل اهمية للطفل ثم تدرجي في اشكال العقاب بعد ذلك
كل ذلك لن يكون فعالا ومهما الا اذا التزم كا المحيطين بالطفل بتطريقة تعامل واحدة وطريقة تربية واحدة للطفل
شكرا وبالتوفيق

 

[احمد البرماوى]

السلام عليكم ورحمة الله وبركاته
انا بنتي عمرها شهر واحد متعودة على الشيل دايما اكون متأكده انها نظيفة وشبعانه ومرتاحة لكنها تصيح اذا تركناها من غير شيل وتسكت اذا شلناها وهزيناها
المشكله اني مشغولة حيل وما عندي احد اعتمد عليه بمسألة الشيل فقريت طريقة اهي اني اترك الطفل يبكي وامر عليها كل خمس دقايق اكلمها فهل الطريقة فعاله ونتيجتها حلوة .. وهل ترك الطفل يبكي له اضرار علا صحته النفسية

ارجو الافادة في اسرع وقت وجزاك الله كل خير

السلام عليكم اختي الكريمة

فعلا هذة طريقة جيدة ويجب عليكي اتباعها والاهم الا تستجيبي لبكائها وان تحمليها كلما بكت لان هناك قاعدة سلوكية مهمة وهي ان السلوك او الفعل مرتبط بنتائجة فاذا عودتيها علي ان تحمليها كلما بكت سيصبح هنا قاعدة لها انها ان ارادت ذلك او ارادات اي شيئ ستبكي
لذلك اتبعي تلك الطريقة فهي جيدة

وبالتوفيق

 

[احمد البرماوى]

ساكمل الاجابة علي بقية الاستفسارات بالمرة القادمة

شكرا

 

[زهور المحبة]

السلام عليكم

استاذ ياليت اتساعدني انا حيل تعبانه من سلوك ولدي وهالشي امسبب لي ازمه وضغط نفسي
بسببه صار ماعندي حل الا الضرب والصراخ بسبب خوفي عليه من اذية الخدم وعصبييييه ابوه
ابوه عصبي ومايتحمل انه يتحرك الا قام يزفه
من عمره اقل من سنه وهو حركته كثييييره ومايقعد بس يتحرك بشغب
والحين اهوعمره سنتين لا يمكن يقعد خمس دقايق بدون تخريب او اذيه كل ما قلت خلاص تعال قال ماااابي
ويتعمد يسوي الغلط ويضحك وما يخاف ابدا عادي يصعد على شي مرتفع وينقز او يحذف نفسه من مكان مرتفع
يحب يلعب بالاشياء الخطره مثل الفرن الكهربه النار

شاف فيديو قبل جم شهر اللي اهو الولد اللي يحط ايده بحلج اخوه ويعضه ومن ذيج الساعه واهو يطبقه وكل شي يحطه بحلجه ويعظه

الشي الثاني اي شي يمسكه بايده يلعب فيه بشكل انه يحذفه فوووق ويركض ياخذه وبهالشي يكسر اشياء او يطيح الشي على اخوه الصغير من غير قصد ويعوره

مشكلتي معاه حبه للتخريب واللعب الزايد والصراخ
انا كنت ضد ضرب الطفل ولا يمكن اطق بس مع ولدي صرت اضرب حيل واحس هالشي انعكس عليه بزياده
صار يزيد ويعاند ويضحك ضحكه غريبه ويطالع بنظره احس وناسه على خوف وهالشي يقتلني لان احس تعقد

 

[أم الليالي]

السلام عليكم ورحمة الله وبركاته ،،،
دكتورنا الفاضل عندي بنت عمرها ثلاث سنوات تقريبا وللحين ما انطلق لسانها يعني تتكلم بحدود 80 كلمة وتكون جملة من كلمتين مع العلم كان عندها فتحة بسقف الحلق وسكرناها وسوائل بالاذن واتعالجت والحمدلله سمعها سليم بس من فترة قامت اطباعها تتغير تتضرب نفسها واتعضني وتقرص جدتها وترمي كل شي بالارض وتحذفنا بالعابها وتعاند وما تتجاوب مع الاوامر وما ادري شنو السبب وللعلم انا وابوها منفصلين من وقت ولادتها وييجي يشوفها اكتر من مرة بالاسبوع ،،، والمشكله اهلي مدلعينها كل ما وبختها يدخلو بالموضوع ،،، شنو نصيحتك واشلون اتعامل مع عنادها وعصبيتها ،،، ارجو الافادة جزاك الله خيرا ....

 

[أم الليالي]

للرفع

 

[همس الليل88]

لو سمحت دكتور انا عندي بنتين وحده عمرها سنه و11 شهر والثانيه 9 شهور
مشكلتي الغيره من بنتي الكبيره وضربها المستمر لاختها
شنو الحل لاني اكلمها لاتضرب ماتسمعني
تعبت معها
انا ما ابيها تكره اختها

 

[do0ora]

مادري اذا اقدر اسال هالسؤال
ابي الحل ولد اخوي مع الاولاد الصغار يتحرش في البنات او في الاولاد الي اصغر منه مرة سمعته يقول نزل ملابسك وان شاءالله تكونون فاهمين قصدي

 

[candle-tears]

السلام عليكم*
دكتور انا عندي ولد واحد عمره 4 سنوات ونص تقريبا*
مشكلتي مع ولدي سلبيته. هو وايد طيب وحنون ماشالله عليه ومؤدب*
مشكلته ان مايدافع عن نفسه بين الاطفال ومايقدر يقول لهم لا. ودوم ايي لي يبجي مايبوني مايحبوني. ومرات وايد اليهال مو قايلين له شي. ما يتقدم ويقول ابي هلشي بينهم حتى ابلته بالروضة تقولي يخلي اليهال يطقونه ومايقول شي عشان لا يهدونه ولا يزعلهم. بين عيال العايلة دوم يبتزونه ولا لمن يصير دوره بشي ياخذون دوره وهو يسكت وقلبه متروس*
ابيه يوقف يدافع عن نفسه. يعبر عن اللي يبيه. يقول رايه و اذا مثلا احد من اليهال زعل منه ما يهمه عادي. احس شخصيته وايد سلبيه *حتى مع ابوه يعني اذا ابوه يساله تبي تروح هلمكان وهو يدري ان ابوه مايحب هلمكان يقوله لا مابي اروح مع ان ادري ان بخاطره بس معاي انا طبيعي*
انا احس بالذنب اني ساهمت بهلشي لاني من صغره وايد دلعته وكنت دوم ادافع عنه بس الحين وقفت لمن ايي لي يبجي اقوله روح انته كلمهم يعني حتى ياخذون العابه ومايقدر يقول شي *
ابوه وايد بعيد عنه قاعده احاول اقرب بينهم
الحمدالله ولدي وايد فيه خصال زينة بس هذا الجانب من شخصيته متعبني ابيه واثق من نفسه ياخذ حقه ومااحاتيه طول الوقت*

 

[الملكه الصغيره]

السلام عليكم دكتور أحمد كيف الحال

انا ولدي عمرة 5ونصف سنه السنه شهر 9 يدخل المدرسة بس دكتور مايستوعب بسرعة دخلته حضانه وسألت المعلمه تقول ولدج أشرح للطلبه في الصف وماينتبه وفجأة يروح يتمشي بالصف اوفي الأركان اللي بالصف ولايفهم ويركز مع المعلمه حتي اني حاولت معاه انه يمسك القلم مايعرف يمسك القلم وعدواني وصراخ فجأة وسلوكه غير سوي وكلامه فيه تأتأه هل يصنف مع بطيئ التعلم علي أن معلمات الروضه لم يكتشفوا هذا الخلل فقط معلمه الحضانه وذهيت به إلي إستشاري أطفال وقال انه طفل سليم وسويت تحليل للغدة لان نشاطه زايد ولايجلس كله ركض وطلع التحليل سليم وكلامه غير واضح وحركتة زائدة ولايجلس في مكان واحد كله يدور ماذا أفعل هل هو مختل عقلي - بطيئ تعلم - توحد أرجو الرد يادكتور وانت وين عيادتك ابيك تشوف ولدي وتشخص حالته صح ولك مني جزيل الشكر :yaaaaaarb:

 

[قلبي اشتياق]

أسلام عليكم يادكتور انا ولدي عمره سنتين وشهرين كان يتكلم بطلاقه ويعرف اسماء جميع الاشياء وحركي ونشيط بس صارله شهر الحين يطلع اكلام بصعوبه ويتاتا حيل والكلمه يالله ينطقها ومرات يكرر بدايه اكلمه كم مره يالله يقدر ينطقها تكفى دكتور ابي له حل ودي يتكلم نفس قبل كان يلفت انتباه الكل بطريقه كلامه على صغر سنه والحين لا مايقدر يتكلم عدل يحزني اذا تكلم وصاير عصبي ومايشتهي ياكل ومزاجه مورايق دايم

 

[عالمي المجنون]

صباح الخير

يعطيك العافية استاذ

عندي ولدي بجري الشهر الياي يكمل السنة

شخصيته واايد حلوة اجتماعي و يحب الناس و يحب يلفت الانتباه

ذكي و فطين و يتعلم بسرعة يعني حاليا من يسمع الأذان ع طول يكبر و يحط ايده ع راسه و يطلع صوت يعني يأذن

و متعلم بعض حركات الصلاة مثل التكبير و وضع اليد فوق بعض و السجود و يعرف يستخدم الموبايل

الحمدالله اغلب صفاته حلوة بس عيبه الوحيد العصبية اذا عصب يرمي جسمه لي ورا و يضرب برأسه اي شي حاد

و بس يطق و يمجع و يعض الي جدامة و يصرخ بصوت عالي لين يسوي الي يبيه

و اذا حط شي برأسه يسويه و اسمله عليه حركي وااايد و ما يحب تغيير البامبرز*

 

[مرحبتين]

يااااااا دكتووووووووووووووو
لو سمحت ما رديت :bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu:

 

[عالمي المجنون]

اب

اب

اب

 

[ام محمود حبيبى]

بارك الله لك وبارك عليك
وجزاك الله كل خير عن كل دقيقة تهتهم فيها بمشاكل الغير
والله يخلف عليك بالخير فى رزقك وصحتك وولادك
ومشكورة ايضامديرة المنتدى لاتاحة هذة الفرصة لنا
وجزاها الله خيرا​

 

[شيخة الحلوة]

السلام عليكم
دكتور يعطيك العافية
بسال سؤال
بنتي عمرها تقريبا3 سنين شهر 9 تكمل ال3 سنوات ان شاالله

الحين صايره اذا طلبت منها وعاندت ما رضت تسوي الشي

اقولها
شيوووخه في البنية الللي ما تسمع كلام امها

تقول شنو اسمها اقولها ياسمين
تقول شنو تسوي ماما
اقولها امها تقولها تعالي لبسي بجامتج ما تلبس
عاد واحنا نقول قصه البنية اللي ما تسمع الكلام ترضا تلبس وملامحها مندهشه
وتقول اي لازم تسمع كلام امها
اقولها اي لازم البنية الحلوة تسمع كلام امها
انتي شطووورة
شيوخة شطورة تسمع كلامي وكلام ابوها عفيه على الشاطرة

وكل ما بقيت منها شي ومارضت

طبقنا القصه على ياسمين المسكينة
والحمدلله تسمع الكلام وتطبق المطلوب منها
بس الحين لاحظت انها تقول ليش ماما شنو سوت فيها امها اقولها زعلت عليها ما تكلمها او ابوها زعل عليها
تقول يطقونها اقولها لا حبيبتي ما يطقونها بس يزعلون علهيا
تقول اي انا شطورة اسمع كلامج


هل طريقتي صح
والا فيها شي غلط

 

[aseman]

صباح الخير دكتور انا عندي بنت عمرها 11 شهر وهي طفلي الاول ولا اعرف كيف اتصرف معاها ابدا احيانا تصرخ واحاول ايجاد حلول لارضاءها كتغيير الحفاظ او اعطاؤها الحليب او حملها لكن دون جدوى تنتابها حالة صراخ بدون بكاء احيانا يكون الموقف محرج اكون معها خارج المنزل وتتصرف باسلوب مزعج ولا اعرف ماذا افعل الى جانب ذلك حين تقوم بلمس اي شيء ويقول لها الاخرون كلمة لا تتوقف عن ما تقوم به لكن حين احاول انا منعها لا تهتم نهائيا وتفعل ما تريد كلمس الاشياء وتمزيق المناديل وحين اكون غير موجودة معاها تكون هادئة وتلعب بمكانها وبمجرد ان تراني تقوم بالتخريب حتى جدتها تقول لي ابنتك هادئة جدا وانت غير موجودة
كيف اتصرف معها
وشكرا