الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

[ام اخدود]

مرحبا انا عندي ولدي عمره سنتين ونص متعبني واايد بس يتهواش مع خواته مايسمع الكلامه وحتي لو في تهديد واذا رحت لناس يكسر ويتهاوش واحيانن وهو يمشي يطق الي جدامه لو هو طفل رضيع ويصرخ وااايد ومايجب احد يطق خواته حتي لو انا او ابوه ومتعبني وااايد

 

[بنتي نور عيني]

انا بنتي عمرها سنتين وشهرين
اسم الله عليها ذكيه وحركيه وتفهم ومطيعه الله يحفظها بس فيها طبع متعبني وايد عنيده ولازم تاخذ الي تبيه ولا تبجي بصراخ وتعصب حيييل وهالشي قاعده احاول اتعامل معاها بالتجاهل والعقاب مثل ماانت تقول
بس دكتور انا لاحضت بنتي بالفتره الاخيره صايره وايد تحن علي وتبوسني ومرات واهيا نايمه تقوم تبوسني وتقولي ماما حبيبتي وتبوس ايدي ومرات تناديني حياتي ... وشغله ثانيه انها وايد تحاول تكسر خاطري يعني فجاه تقول ماما يعور من اقولها ياحياتي وابوس مكان العوار او اقولها حبيبتي مايعور بكرا اوديج الطبيب تقول خلاص زين او مرات تقول خلاص راح ......،، للعلم الفتره الاخيره انا الي مهتمه فيها ومااخليها مثل قبل مع الخدامه بسبب الدراسه
وملاحظه انا لمن كنت اداوم كنت اقطها عند امي تبجي وانحاش عشان لاتاخر علا كلاساتي ولمن ارد تنطرني عالباب هالشي سويته بالصيفي توه خاصه خدامتي سافرت ولمن ابي اجبرها علا شغله اقولها غلويه موحلوه ما تطيع امها تزعل وتقول امبلا غلويه حلوه ومرات ازل بلساني فاقولها ان سويتي جذي ماحبج))) هالكلام ممكن يكون سبب تصرفاتها هالفتره

 

[وعد القحطاني]

السلام عليكم

ابنتي ستكمل السنتين من عمرها بعد شهر، المشكلة أنها منذ الشهر الرابع من عمرها لاحظت فيها ظاهرة غريبة، وهي أنها تقوم بمسك يديها بإحكام، وتمدهما نحو الأمام، وتشدهما بقوة شديدة وهما ممتدتان، وترفع رجليها نحو الأمام واضعةً رجلاً على أخرى، وتمدهما نحو الأمام وتشدهما بقوة حتى تتقلص عضلاتها، ويحمر وجهها، ويتعرق جبينها ورأسها وكامل جسمها، ونسمع تنهداتها أو أنينها، وتستمر هكذا لمدة، ولا تتوقف حتى أقوم أنا بتوقيفها، وقد استمرت هكذا مدة شهور تفعل هذه الحركة في مختلف الأوقات حتى أوقات لعبها أو قبل نومها.

 

[دارسين]

السلام عليكم دكتور الله يعطيك العافيه

انا بناتي 9و7و4 بناتي عندهم نفس المشكله تقريبا انا بشقه صغيرة ساكنه

لما اناديهم مستحيل يقولون نعم على طول سواء كانو مشغولين او لا

ليما اعصب عليهم يردون والعناد فيهم قوي نوعا ما انا نوعيتي هادية وما احب العصبية اتعب نفسيا

وبالنسبه للمرسه اهم ذكيات ومتفوقات بس اغراضهم الشخصيه مايحافظون عليها ابدا
يعني مرتين ينسون لبسهم المدرسه بصالة الالعاب ويردون البيت من غيرها

واكثر من جذي اهمال مو طبيعي شلون اخليهم يحافظون على حاجاتهم

بالنسبه للبيت دايما اعلمهم الترتيب بس دايما يسببون فوضى وحوسه

وبالاخير اشكرك واتمنى في لي عندك حل

 

[ميممآإ]

السلام عليكم
استاذ أنا عمر ولدي شهر و لا ينام الا بصعوبة لازم اهزه او أدور فيه واذا تعمق بنوته خطيته في سريره واذا حس أني نزلته من يدي قام يبكي واذا بكى ضاع نفسه ويصير وجهه ازرق وديته للمستشفى و يقولون لي كل شي طبيعي الحمد لله
ابي اعرف وش مشكلته وأبي أغير طريقة نومه

 

[قلبي مشاعرهم]

السلام عليكم ورحمة الله وبركاته

يعطيك العافيه دكتور

انا ولدي عمره 8 سنوات وهو الحين بثانيه ابتدائي وهو الولد الاول لي والحفيد الذكر
الاول بين احفاد عمي هو عنيد وايد ومن يومه صغير اذا سوى اي شي غلط وحاولة اني اهاوشه او احاسبه كانو يدخلون الجد والجده. لدرجة انه صار اذا قلتله لا او منعته من اي شي يبجي ويصارخ عشان يسمعونه . لين مافلت من ايدي يادكتور وانا للحين اعاني منه اذا قلتله لا قعد يبجي بس الحين مابدخلون الجد والجده. بس هو صار عنده ابجي واصارخ حتى لو طقيته .
انا ماني عارفه شلون اتصرف معاه وانا بصراحه صرت اطقه وايد .
ياليت تساعدني دكتور وترشدني للطريقه الصحيحه ولك جزيل الشكر

 

[الزيـــــن]

السلام عليكم ورحمه الله وبركاته

دكتور أنا بنتي عمرها ٣ سنين وسجلتها بحضانه اول يوم كانت مستانسه بس بنهايه الدوام شفتها ناطرتني عند الباب مخنوقه وتبي تبجي وحضنتها ولا تقولي ماما مابي سكول أنا أخاف وهديتها يومها وثاني يوم وديتها للحضانه ولا تقولي لاتروحين خليج معاي وقعدت تصارخ وتبجي بهستيريا بس المدرسات قالولي قوي قلبك وهديها وخليها تبجي هي تتعود وفعلا خليتها بس ماني مرتاحه ورديت لها بعد ساعه ولا لقيتها مرجعه اللي فبطنها كله ومهستره من البجي ومتعقده من الحضانه وماتبي ترجع للحضانه مره ثانيه ومن أتكلم معاها عن الحضانه تهستر وتبجي مابي اروح حتي بالليل مانامت عدل تصيح فالليل ماما لاتخليني قعدي معاي مابي اروح سكول حلمانه بالحضانه مابي اغصبها نفس ما قالولي هي تتعود اغصبيها لان بنتي دلووعه وعناديه وماابي أعقدها من بدايتها وأكرهها بالمدرسة

شالحل معاها شون اسوي ؟؟ احس أني ضايعه
فكرت أراجع دكتور نفسي عل هالشي يعلمني شلون أتعامل بهالمواقف؟ شنو تنصحني

 

[احمد البرماوى]

السلام عليكم ورحمه الله وبركاته

دكتور أنا بنتي عمرها ٣ سنين وسجلتها بحضانه اول يوم كانت مستانسه بس بنهايه الدوام شفتها ناطرتني عند الباب مخنوقه وتبي تبجي وحضنتها ولا تقولي ماما مابي سكول أنا أخاف وهديتها يومها وثاني يوم وديتها للحضانه ولا تقولي لاتروحين خليج معاي وقعدت تصارخ وتبجي بهستيريا بس المدرسات قالولي قوي قلبك وهديها وخليها تبجي هي تتعود وفعلا خليتها بس ماني مرتاحه ورديت لها بعد ساعه ولا لقيتها مرجعه اللي فبطنها كله ومهستره من البجي ومتعقده من الحضانه وماتبي ترجع للحضانه مره ثانيه ومن أتكلم معاها عن الحضانه تهستر وتبجي مابي اروح حتي بالليل مانامت عدل تصيح فالليل ماما لاتخليني قعدي معاي مابي اروح سكول حلمانه بالحضانه مابي اغصبها نفس ما قالولي هي تتعود اغصبيها لان بنتي دلووعه وعناديه وماابي أعقدها من بدايتها وأكرهها بالمدرسة

شالحل معاها شون اسوي ؟؟ احس أني ضايعه
فكرت أراجع دكتور نفسي عل هالشي يعلمني شلون أتعامل بهالمواقف؟ شنو تنصحني

السلام عليكم

تعلق اي طفل بامة وخوفة وحزنة وبكائة علي انفصالها عنة بعد فترة من القرب الشديد وتواجدها بكل لحظات حياتة وعندما تحين اللحظة ان تتركة في مكان جديد وغريب علية فهذا امر جدا صعب علية وايضا طبيعي
وقد يكون هناك اسباب اخري لذلك الصراخ الهستيري والمتواصل من بنتك غير فكرة انفصالها عنك فقد يكون انتي لم تهيئيها بشكل جيد للدخول للحضانة بمعني انة يجب عليكي ان تاخذيها علي فترات الي الحضانة لتراها وتقعد بعض الوقت هناك وتتعود علي هذا المكان الجديد
ايضا قد يكون صعوبة الطفل بالتعبير عن رفضة باللغة وصعوبة استخدام مفردات لغوية ليعبر بها عن حالتة النفسية هذة هو احد اسباب بكائة الهستيري
ايضا يجب الا نلوم الطفل في كل الاحوال فقد يكون اختيارك لنوعية الحضانة غير موفق بمعني انهم لم يستطيعوا كسب الطفل او جعل الحذانة عالم جذاب لة في هذا العمر ويصبح شغوفا بالذهاب لهذا المكان كل يوم
كل هذة قد تكون احتمالات وهناك ايضا حلول وهي اولا يجب ان يكون ابنك مستعد نفسيا للذهاب الي الحضانة وان تقومي بتدريبة بشكل متدرج وان يكون الحضانة بالبداية هدفها هو تعويد الطفل علي فكرة انفصالة الوقتي عن امة وتحاول ان جذبة وايضا ان تعلمة اللعب بشكل مرح لان هدف الطفل في هذة المرحلة هو اللعب
يجب ايضا ان يكون هناك مساحة من الانشطة التي تدعم الطفل عقليا وسلوكيا ومعرفيا لذلك يجب ان تحرصي علي حسن اختيار الحضانة وان تكون لديها مدرسات مؤهلات لهذا الامر

بالتوفيق ان شاء الله

 

[احمد البرماوى]

السلام عليكم ورحمة الله وبركاته

يعطيك العافيه دكتور

انا ولدي عمره 8 سنوات وهو الحين بثانيه ابتدائي وهو الولد الاول لي والحفيد الذكر
الاول بين احفاد عمي هو عنيد وايد ومن يومه صغير اذا سوى اي شي غلط وحاولة اني اهاوشه او احاسبه كانو يدخلون الجد والجده. لدرجة انه صار اذا قلتله لا او منعته من اي شي يبجي ويصارخ عشان يسمعونه . لين مافلت من ايدي يادكتور وانا للحين اعاني منه اذا قلتله لا قعد يبجي بس الحين مابدخلون الجد والجده. بس هو صار عنده ابجي واصارخ حتى لو طقيته .
انا ماني عارفه شلون اتصرف معاه وانا بصراحه صرت اطقه وايد .
ياليت تساعدني دكتور وترشدني للطريقه الصحيحه ولك جزيل الشكر

السلام عليكم

من الاخطاء الشائعة بتربية الاطفال هو اشتراك اكثر من شخص في التربية باساليب وطرق متعددة ومختلفة وبالتالي يتحول الطفل الي سلوكيات متعددة ومتناقضة بنفس الوقت فعندما يجد الام تعاقب يذهب الي الجد الذي يدلل وبالتالي اصبح عقاب الام بلا فائدة واصبحت الام كمصدر تربوي وكمصدر لتعديل سلوك ابنها وتربيتة بشكل سليم فاقدا لقوتة واهميتة
اذن يجب ان تكون طرق المعاملة واحدة وان يكون العقاب واحد من كل المحيطين بالطفل وايضا يكون الثواب واحد من كل المحيطين بالطفل
اهم نقطة هنا هو الا تلجئي لضرب طفلك لان ضرب الطفل يؤدي الي امور كثيرة سلبية انتي في غني عنها
حاولي ان توجدي طرق اكثر فاعلية للطفل من الضرب فيمكنك ان تحرمية من اشياء يحبها ولكن الاهم هنا هو ان تستمري بالعقاب لانة عند عقابك لة سيصرخ ويبكي تجاهلي كل هذة الامور واستمري بعقابك مهما فعل
بالتوفيق

 

[حنان نور]

السلام عليكم ورحمة الله وبركاته ..
دكتور انا عندي بنت عمرها خمس سنوات عنييييده جدا وعصبيه هي كانت مدلعه كثير لانها الاولى ومن بعد ما انجبت ابنتي الثانيه بدأت بالتعصب والعناد الشديد ماني عارفه كيف اتعامل معاها لا بالطيب ترضى ولا بالعصبيه ترضى كل شي اقول لها تسويه ماتسمع كلامي الان انا صرت عصبيه كثييييرا وصرت دايمه اعصب عليها لانها تقهرني احاول ماعصب بس تصرفاتها تخليني اعصب غصب وخجوله يعني مثلا ماتحب اربط شعرها تخاف احد يشوف شعرها مربوط ديما تبي شعرها مفتوح وماتحب تاكل قدام احد تستحي وماتحب تلبس الشنطه تستحي حتى لما كنت امشط شعرها ميالي يعني يطلع وجها كانت تحط شعرها على عينها ماتبي احد يشوفه وكانت تسحب القبعه لقدام وفي الروضه ماتبي تشارك ولا تتكلم مع المعلمه فقط تلعب مع الاطفال لكن ماتاكل معاهم لانها تخجل ولا تشارك مع معلمتها بالصف ولما تبكي تكتم صيحتها ماتطلعها بس تشوف الدموع تنزل وديما تتصرف مع الاخرين بعصبيه ماني عارفه كيف اتعامل معاها وكيف حتروح المدرسه وهي ماتحب تشارك ولاتتكلم مع المدرسة

 

[قلبي مشاعرهم]

يعطيك العافيه دكتور وشكرا على الرد
بس ياليت تساعدني باحسن طريقه
لانه حاولة معاه بالعقاب والحرمان
ولكن دون جدوى

 

[وعد القحطاني]

السلام عليكم

ابنتي ستكمل السنتين من عمرها بعد شهر، المشكلة أنها منذ الشهر الرابع من عمرها لاحظت فيها ظاهرة غريبة، وهي أنها تقوم بمسك يديها بإحكام، وتمدهما نحو الأمام، وتشدهما بقوة شديدة وهما ممتدتان، وترفع رجليها نحو الأمام واضعةً رجلاً على أخرى، وتمدهما نحو الأمام وتشدهما بقوة حتى تتقلص عضلاتها، ويحمر وجهها، ويتعرق جبينها ورأسها وكامل جسمها، ونسمع تنهداتها أو أنينها، وتستمر هكذا لمدة، ولا تتوقف حتى أقوم أنا بتوقيفها، وقد استمرت هكذا مدة شهور تفعل هذه الحركة في مختلف الأوقات حتى أوقات لعبها أو قبل نومها.

 

[ام عبدالرحمن م]

اخي العزيز الدكتور احمد ارجو الرد على سؤالي سريعآ لاني لااعلم ماذا اتصرف مع ابنتي ابنتي عمرها خمس سنوات وكنا نعيش في بلد بعيدين عن والدها لظروف العمل ابنتي صارحتني بالامس انها كانت تقبل اوتبوس بنت خالها في فمها وهي بنفس عمرها بعيدين عن اعيننا مع انه ابنتي خجوله وهادئه ولاتشاهد الابرامج الاطفال او حلقات عاديه تخلو من القبل واني احرص دايمآ ان تكون تحت ناظري لاغفل لوقت طويل عنها فصارحتني فانصدمت وبكيت وسألته لما تعملي دي العاده وهي تتكرر كل ما جاءت ابنت خالها لزيارتنا تقبلها بفمها ويستمرو باللعب العادي الان انا وابنتي وابني مع والدها بنفس البلد ولكننا حايرين اني وابوها ماذا نعمل لها وكيف اعاقبها او ارشدها ارجو الرد لاني تعبت

 

[*الأثــــــــير*]

مرحبا استاذ احمد
اولا بقول مشكلتي انا عصبيه حيل وما اقدر اسيطر على عيالي كلش واذا ازعجو على طول اضربهم لان مع الازعاج يجيني صداع قوي بس الحمدلله حاليا تغيرت وصرت اصبر حيل وما امد ايدي عليهم
نجي لولدي اللي عمره 6 سنين عصبي حيل واذا يبي الشي ومصر عليه وانا رافضه لازم يرفع صوته ويعصب ويضغط على ايدينه وحيل مايهتم ولايبين شعوره ويتبول تكرم بالليل ومايهتم باخواته لو احد ضربهم اللي حوالينه من عيال عمه اللي بعمره يهتمون حابه اغيره للاحسن بس عجزت

وولدي الثاني عمره 4 سنين حنون حيل علي بس ذبحني بالعناد عنيد حيلواذا يبي شي يحن حيييل فوق راسي واذيه محد يستحمله كلش يضرب البنات والعيال ومايستحي ويقول كلمات سب وحاولت اوقف هالكلمات وما قدرت ودخلته روضه وزاد شطانه وميال للبنات اكثر يلعب معاهن وحتى حركاته يمشط شعري وحتى طريقة كلامه يقول انا خوافه وهالولد تعبت معاه مو قادره اصبر عليه وحتى مرات يضرب اخوه اللي عمره سنه ومره خانقه

اتمنى تساعدني والقى حل عندك والله يجزاك خير
مع العلم انا مثل ما قلت قدرت اسيطر على نفسي من العصبيه والضرب*

 

[حنان نور]

ليش مافي رد

 

[ام عبدالرحمن م]

ليش الدكتور مارد على مشكلتي ارجو منه الرد سريعآ

 

[^^نفيشة^^]

السلام عليكم دكتور
بنتي عمرها 3 سنوات و شهر
كانت تعاني بماي بالاذن و لحميه و تضخم اللوزتين و تم اجراء العمليه بعمر السنتين والنصف
و من اسبوع تقريبا تم اجراء عمليه ربط اللسان
لما تطلب مني شي تبجي علشان اسويه لها لما اقولها قولي ماما فجي عصير
تتكرر وراي الجمله
اذا قلت لها تبين حليب تكرر الجمله ما تقول اي او لا
و كلامها مو واضح وايد
فيها عناد و عصبيه ومرات تبجي بدون سبب
بالبيت تكون مطيعه بس اذا زرت اي احد تتغير و تصير عصبيه حييل
ما تدافع عن نفسها و اذا اليهال اللي اصغر منها طقوها ماتسوي لهم شي بس تبجي
اذا احد اخذ لعبتها اتيي لي علشان اييب لعبتها
ما علمتها عالحمام لان ما تكلمت بس مرات اتيي لي متضايقه من الحفاضه اتقول لي (حفاضه)
واذا سوت نمبر تو اتيي اتقول لي ماما ماي يعني غسليني
مشكلتها تكرر الكلام وراي
و بجيها بدون سبب
بعمرها لازم تتكلم بطلاقه و تجاوب على الاسئله وايد متضايقه عليها
و مرات تلعب بروحها اذا كانوا اليهال طاقينها من قبل ما تحاول تروح تلعب معاهم مرة ثانيه​

 

[توست محمص]

السلام عليكم استاذ
الله يعافيك ولدي عمري سنتين و10 شهور يعني تقريبا 3
من عمره 6 شهور تقريبا وهو مجابل التلفزيون يعني وقت اللي برتب البيت ومشغوله اخليه
وتعلق فيه وااااااايد بديت الاحظ على عمر السنه ونص انه ما يتكلم وانه متعلق وايد بالتلفزيون بديت اخفف عنه
ما اطولها عليك الحين اهو الحين حصيلته اللغويه يمكن 50 كلمه والباقي خرابيط مو مفهومه
ما نخطلت كثير بالناس لان ساكنين بعيد عن الاهل وظروف عمل ابوه تخلينا بالايام ما نشوف احد
ما يركب جمل توه هالشهر تقريبا صار يقول افتح الباب بس
حركي وايد واشك انه ما يركز لكن اذا شفته شلون شاطر بالايباد وحفظ اشيا وايد منه اقول لا
ما يستقر نهائي ولا يعرف يجلس الا اذا بيشوف التلفزيون
سبب تأخر الكلام عنده اتوقع انه من التلفزيون لانه تعود يتلقى بس واذا يبي شي يبجي وياخذني له عشان اعرف ما يقول
سؤالي هل بيجي يوم وبيتكلم مثل باقي اليهال
خايفه حييييييييل اني اكون جنيت عليه يوم كنت اتركه عند التلفزيون

 

[بيباي لندن]

ولدي عمره عشر سنين عدواني ويرفض الاكل وعنيد جدا تعبت معه لاعرف كيف اتصرف معاه وشكرا

 

[شكريه81]

السلام عليكم دكتور
عندي بنت بعده توأم بنت وولد المشكلة في ولدي دكتور عمره 5،5 دكتور الولد طبيعي وذكي وايد وتفكيره أكبر من عمره دكتور ولدي صارله ألحين أكثر من سنه صار عنده تأتأة قويه وكل يوم يغير طريقته بالكلام والحركات ألي يسويه مع الكلام دكتور تعبت وايد وانه أشوف ولدي كذي في المدرسة الأطفال يضحكون عليه بالمدرسة ويقلدونه بطريقة الكلام وهو وايد متأثر أنه ألحين أوديه جلسات نطق في مركز سالم العلي في البداية كان يتحسن في كل جلسة أما أليح صارله شهر كل جلسة يزيد الوضع سوء ما أدري شنو أسوي شنو تنصحني دكتور أوديه دكتور نفسي
علما بأني وايد امدللته وهو مميز أكثر من خواته . لما يغني أو يكلم نفسه لما يلعب يتكلم طبيعي التاتاة بس وقت المحادثة والسوالف كل الي يبيه أييبه حقه دكتور أحسه وايد متأثر من اخته التوأم لأنه وايد أكبر منه حجما
ولك جزيل الشكر