الأستاذ / حمزة الخياط-تم دمج المواضيع المتشابهه

[الشهد كله]

رد: الخياط منو تعرف رقمه

حبيبتي هذا مؤسس كتاب اللغة العربية ، لو تشوفين كتب اللغة العربية لطلبة الإبتدائي
يكون الأستاذ حمزة الخياط واحد من مؤسسينهم ، ومع هذا يعطي دروس تأسيس للغة العربية فقط
لطلبة الروضة والأول الإبتدائي بس !!!!!!!
آنا وديت له ولدي لما كان في الصف الثاني ورفضه قالي كبييييييييييييييييييييييييير .......

 

[mooomooo]

رد: الخياط منو تعرف رقمه

انا ولدي بعد ثانيه ابتدائي وياخذهم استاذ جواد

 

[اشراقة الحياة]

رد: الخياط منو تعرف رقمه

انا ولدي بعد ثانيه ابتدائي وياخذهم استاذ جواد

حبيتي تقدرين تعطيني رقمه......

 

[أم سعـود]

رد: الخياط منو تعرف رقمه

حدكم مشكورين حبيباتي ماتقصرووون

ويد ساعدتوني بنجرب اندق وان كلمناه بنبلغكم انه رد

 

[السنعة2]

رد: الخياط منو تعرف رقمه

ماادري شفيه هالايام كلش مايرد

 

[قطورة ومطورة]

الأستاذ / حمزة الخياط

السلام عليكم
أخواتي أمهات الطلبة الحلوين
أنا سمعت عن الأستاذ حمزة الخياط وشهادة كلمن يمدح فيه
بس الصراحة ما أعرف متي يبدا التسجيل عنده وفترة من متى وبجم
ودي أحد يقدر يفيدني
وهم الي عندها تجربة و مدخله اعيالها تقدر تفيدنا تتفضل

أنا ناطرتكم لا طولون علينا :yaaaaaarb::bbbiu:

 

[& شهد &]

رد: الأستاذ / حمزة الخياط

حابة اعزمه عندنا في المنطقة العاشرة وفي ام الهيمان تحديدا

انا سمعت عنه وياريت اقدر افيدج

 

[م فطومه]

رد: الأستاذ / حمزة الخياط

باجر اييبلج رقمة انشالله مدرسات العربي يمدحونة اهوا بالجابرية بس ضغط عليه واااااايد

 

[هيونه1]

رد: الأستاذ / حمزة الخياط

الناس تسجل عنده من شهر 5 ما ادري ماودي اضيق خلقج بس الظاهر ماراح يستقبل الحين

انتي اسألي وانشالله تحصلين عنده مكان لانهم راح يدامون هالسنه شهر اربعه انشالله

 

[بنت الكويت1]

رد: الأستاذ / حمزة الخياط

انا عندي رقمه بس اعتقد ما يصير احطه على العام وسمعت انه بالشهر اما 100 دينار ا 50 للامانة مو ذاكرة بس يسوي امتحان للطفل اذا نجح يقبله يعني لازم الطفل يقرا ويكتب وايد يرفض لانه يكون حاط في باله عدد معين

 

[قطورة ومطورة]

رد: الأستاذ / حمزة الخياط

انا عندي رقمه بس اعتقد ما يصير احطه على العام وسمعت انه بالشهر اما 100 دينار ا 50 للامانة مو ذاكرة بس يسوي امتحان للطفل اذا نجح يقبله يعني لازم الطفل يقرا ويكتب وايد يرفض لانه يكون حاط في باله عدد معين

يعطيج العافية
ممكن ادزيلي رقمه على الخاص ضروري _03ba:

 

[كويتية مملوحة]

رد: الأستاذ / حمزة الخياط

حبيبتي قطورة انا مجربة الاستاذ .. وايد زين بس اهو يقبل الطلاب الصغار يعني من بعد ثانية روضة .. ياخذهم قبل لا يدخلون الابتدائي .. الرسوم 100 على خبري .. ويداومون اليهال في الخالدية المدرسة اللي يم الجامعة (اتوقع تابع جمعية اجتماعية معينة) .. طريقته 3 مرات بالسبوع لمدة شهر ونصف (خبري اللي بالصيف ) في بعد ناس يدخلون اعيالهم في ايام الدوامات (لازم تسالين امته) .. طريقته يعطي الطالب 10 دقائق وباجي الحصة استاذ ثاني يكمل على شغل الاستاذ حمزة .. وبجذي ممكن يستقبل اكبر عدد من التلاميذ.. والغريب بالموضوع على الرغم من ان حصة عربي (عربي مليغ) الا ان اليهال يموتون عليه.
وان شاء الله افدتج .. بالتوفيق

 

[katkota2]

رد: الأستاذ / حمزة الخياط

يعطيكم ألف عافيه,, بس ممكن اللي عندها رقمه تطرشه حقي

 

[sa7ab]

رد: الأستاذ / حمزة الخياط

انا شكثر اتصل عندي له رقمين ومايرد

 

[dl3_wl3]

بنات صراحه الكل مدحلي استاذ حمزه مولف كتب اللغه العربيه ويعطي بطريقه تشوق بس جواد اول مره اسمع عنه

 

[sereen]

اختى عيالها عندا اتقول ممتاز ووايد ارتاحت مع عيالها منه , وماشاء الله ممتازين بالعربى تاسيس من امه بس للاسف ماعرف رقمه ولاعنوانه

 

[moonlight]

انا في كل صيفية لازم ادخل بناتي عنده تأسيس للمرحله اليديده ومن كانو باولي ابتدائي ولي اللحين بنتي العوده برابعه وانا اسجلهم ماشاء الله تبارك الرحمن ما ادري شسوي فيهم يعني يخليهم يفهمون الماده بطريق عجيبه يعني ماده العربي ما ادري عنها ولا اشيل همها طول السنه عسى الله يبارك له بصحته وعافيته اهو والشباب اللي معاه . بس اللي بيسجل معاه لازم يسجل امبجر واذا مارد على اتصالاتكم روحوا له في مقره بالخالديه في الجمعيه الثقافية النسائية داخل حضانه البستان اهو كل يوم موجود من 4 ونص لي الست ما عد الويك اند . وعسى الله يوفق اعيالنا اجمعين

 

[malekatsabaa]

بنااااااات

انا ما جربته بس حضرت له محاضره مسوينها مدرسة بنتي لطلبة اولى ابتدائي

انطباعي عنه:
استاذ محترف في تعليم الاطفال بطريقة اللعب والوناسه..
بصراحه ما راح اطوفه

اهم الحين يسجلون الي بيروحون اولى ابتدائي السنه اليايه
اذا عيالكم روضه خاصه تسجلينه الحين ودورته شهر 4
واذا عيالكم روضه حكومه تسجلينه الحين ودورته شهر 6

اما الي عيالهم بيروحون 2و3و4و5 ابتدائي فيتسجلون بداية شهر 2 ودورتهم شهر 6

انا قبل يومين دقيت عالرقم ومارد علي ..وبعد شوي دق على بس الي كلمني شخص ثاني مو الاستاذ حمزه
وقالي الكلام الي كتبته لكم
وكنت ابي اسجل ولد ارفيجتي..وهو بالروضه حاليا..قالي طرشيلي مسج باسمه ووقت الدوره.

بس ما تكلمت معاه بالرسوم ..بصراحه استحيت

والرقم الي دقيت عليه67706050

انشالله اكون افدتكم

 

[هبسا]

صراحه استاذ حمزه مو طبيعي
اسس بنتي هبه من الروضة إلى رابع ابتدائي مخلص فى عطاءه
عجييييييييييييييييييييييييييييييييييييييييييييييييييييييب

 

[أحلى الجياكر]

مشكورين بنات على أرائكم ..

صج مادة العربى ماكو أغث منها ...الحمدلله اكو احد يدرسها بهالحرفنة