الأسواق الشعبيه \بو100\سرداب الشايع ... كنز لحيوانك الأليف...

[ذهبيه مرصعه بألماس]

:stars:


شلونكم بنات و شخباركم ....

:stars:

شلون قطاوتكم الحلوات و قطاوكم الحلوين....


:stars:


بنات .. صارلي مده كل مارحت لأي سوق شعبي أو بو 100 أو سرداب الشايع ... ألقى شغلات حلللللوه حيييل للقطاوه ..


و قطوة بنتي لندن ... دلوعه و تستاهل ..

حبيت احط هالموضوع و ياريت المشرفات يثبتونه ...

نبي نعرف شنو تشترون حق قطاوتكم طيوركم ارانبكم همستراتكم و اخيرا و ليس آخرا عزكم الله كلابكم المدللين...
من بو 100 و من الاسواق الشعبيه و من سرداب الشايع و من الاماكن المتخصص مثل أيس هاردوير بالشويخ و مركز سلطان ومحلات الحيوانات ..

يعني ملابس ...
منتجات ..
شغلات متعدده ...

آنا بحط تجربتي بالأول و ياريت نلقى تفاعل من العضوات خلونا نفيد و نستفييييد:

بو 100:
قطن لتنظيف القطوه خصوصا انها صغيره و مو متعلمه على تنظيف نفسها عدل

العاب و كراكيش و الكور اللي فيها جرس : العاب لها تستخف عليها

ميداليات الليزر : نفحط ضحك لمن تلحق الليت تصير مكنفشه و تطامر على جنب حدها أكشن

خيزرانه : جربو تشترونها و تحركونها على الارض شوفو القطوه شيصير فيها تقعد تتسحب على الارض حشى حيه مو قطوه...
ريش نلزقه بطرف الخيزرانه : نفس الشي نلعبها فيها

فوط صغيره للقطوه : اكيد للتنظيف

مفارش بلاستك نقشتهم على دانتيل : حاطتهم تحت صحن القطوه لأن القطوه تنثر الأكل خصوصا الدراي فود..

مشط حديد مفيد حيل للقطوه للتنظيف.

صحون ميلامين : نوعا ما حافتها نازله احط فيها الماي .. و غيره أحطك فيه الأكل ..

نوته صغيره : أكتب فيها كل شي يتعلق بالقطوه :
موعد تغير الليتر اللي بالليتر بوكس \ موعد تطعيماتها للتذكر\ موعد دواها لو عندها دوا\ نوع الاكل و من وين أشتريه و متى مواعيده\تلفونات العيادات المتخصصه سبحان الله أسافر و اخليها عند أمي و خواتي تكون هالنوته مرجع لكل شي

هذا بالنسبه لبو 100 ...

بشوف تفاعلكم و اكمل مشترواتي من الاسواق الشعبيه و من سرداب الشايع اللي فيه سوالف دلع للقطاوه...

 

[قطوه_ورديه]

بالنسبه لي عندي قطوتي بيتي مسكينه والله بس مخليتها حق اللعب نادر ما اوكلها كل على الخدامه اممم اكلهااا نقانق ومرتديلا دايما ودياي
بس تموت على شي اسمه مرتديلا :× بصراحه نفس اكلي :××× كح كح وبالنسبه لطبيب ماوديتها ولا مره كان عندها كحه ونشله وراحوو
اماا اذونها بصراحه فيهاا شي اسود حاولت انضفه ماقدرت جان اطنش بس في شغله مزعجتني انه تكون ريحتها مو حلوة ؟ بس لما اسبحها وانضفهاا وحط لها باودرر وكل شي يعني الاغراض الي لي حق قطوتي ماعدا المشط يعني شور جل وهالسوالف تكون ريحتهاا حلوووة احلى مني بس اليوم الثانييي ترد ريحتها نفس اول مادري شسوي ؟
وبالنسبه للالعاب في لعبه ماضن راح اغيرها شنو تموت فيهااا الي صايره نفس الكوره مطاط وداخلها ليت وفيهاا نفس الشعر لي برا ويعني العب معاها انزلها تحت وفوق وهي تنط تبي تاخذها

 

[shurooq]

وناسه خووش موضوووووووووووع

وصج الله يخلي بو اميه

كل اللالعاب فييه

من كور وخيووط حتى المسابيييييح هههههههههه


وطبعا الفوط عندي كبار وصغار عشان التسبيح وهمن تنظيف العين

مشووط حق كل قطوة مشط خاص فيها


الشامبو استخدم بيبي جونسون وزوورال


ملابس ماالبسهم صراحه

وشريت من طيور الجنه اللي بحولي

طاسات ومواعين حق اكل قطاوتي هههههههههه اخضر واصفر

بكشخهم


وهمن شريت جدر عشان افوح الدياي فيييه

وعندي بوكسات صغيره حافظه الطعام احط فيه الاكل اللي اسويه عشان لا يخترب

وهمن الاستشوار شريت لهم واحد مخصوص لهم انشفهم فييه عشتووو


وحاليا قاع اجهز الغرفه مالتهم

وبشتري قطع زل

وبسوي لهم بيووت صغيره


وقاع افنتك بشغلات خاصه لهم

وشريت دفايه بعد

وهمن بشنري وحده حق الغرفه عشان الصيف


وشريت بووكس مثل الجنطه

حاطه فيه ادويه منها قطارة العين والاذن ودوا الفطريات والدود وقطن وعوادة اذن ودوى حق لجروح بس ما اعرف اسمه


وعلبه ثانيه فيها بخاخ معطر وعطر وبخور وفحم عشان ابخر مكانهم

بس باقي كات ترييي

مادري من ويين ابي وحده حلوة وكبيرره ماحصلت لي الحين

وهمن ابي حباسه عوده



ومشكووره على الموضوووع يالغاليه

 

[MzaJeeYa]

موضوع روعة و يعطيج العافية
انا اشتري اغراض قطاوتي من اماكن متعددة
مركز سلطان اخذ منه الالعااااااب و الدراي فووود و الويت فووود وطبعا التريت ما احصلة إلا بمركز سلطان وبعد خذيت منه ليتر بوكس لونه وردي مسكر من فووووق و خذيت منه ليتر مااات و خذيت بت تاكسي صغير بعد لونه وردي وطبعا الشامبوات الخاصة فيهم و البودرة الخاصة بالفطريات مع بخاااخ بعد للفطريات ريحة حلوة وشريت عطر بعدين انتبهت ان حق عزكم الله الجلاب وخذيت مقراضة خاصة لهم ومشط وكولارز والليتر سكوب آوي ما احصلة إلا بمركز سلطان و اهو احسن وااااحد او تادي كات وخذيت الليتر سكوووب
بعد ترو فاليو خذيت منه ليتر باكس لونه احمر و اصحون اكل و ماي و خذيت منه مشط وبت تاكسي عود شوي لونه ازرق
من الجمعيااااات اخذ الويت فووود والدراي فووود بعد و الليتر
امممم بعد دايسو اخذ منهم العااااب وخذيت منهم صحن خاص للماي
وستي سنتر هم اخذ منهم الاكل و الليتر و خذيت منهم ليييش حق تمشيت القطوة

 

[ذهبيه مرصعه بألماس]

خوووووش مشاركات ...

شروق... اذا تبين البيوت فيه ب إيس هاردوير بيوووت اشكال و الوان و في نظام الكيوب اللي اطرافه سحاب تفتحينها و تغسلينها و تردين تسكرينهم بالسحاب و رخاص يمكن دينارين أو 3 ...

بالنسبه للبخوووور نصيحه لا تبخرين غرفهم لأنهم مخلوقات يعتمدون على حاسة الشم ... راح تضيعين ريحتهم المميزه ...

الأسواق الشعبيه :

علبة الكورن فلكس الفر أحد طفيه الدراي فود : نوعين مختلفين ..
مخمه صغيره مع الحامله مالتهم حق التنظيف ...
كفر اللي يكون بدينار صغير و دايما نحصله ب سناء و رد تاق اللي تكون من القطن و بجنطه حلوين احطهم بفراشها...

الكوشيات حق دلع القطاوه

 

[ღ Prettyღ♥ღWoman ღ]

مشكوووره ع الموضووع

شخباري بوو ميه لوول

راح عن بالي مع انه صج ممكن نحصل اشياء حلوه حق القطوه مثل الليزر ع قووولتج

بالنسبه لاغراض قطوتي
الاكل والليتر بوكس من كارفور - مركز سلطان - الجمعيه- البيطري

السلاسل ومقص الاظاقر والشامبو من البيطري وساعات اشتري بيبي جونسن من الجمعيه ريييحته تهبل

شاريه لها سلال وصندوق بلاستيك عوود و شرشف قطن نااعم من ايكيا << مدلعتهااا لوول
معظم العابها واغراضها من ايكيا لاني كله مطيحه هناااك

 

[سكارف.فوشي]

يعطيج العافيه حبيبتي على الموضوع الحلو

 

[Joo.Joo]

وناااسه والله ما يه علا بالي انه اهناك القا شي لها !

يبيله روحه


انا كل اغراضها من ايس

واكلها من مركز سلطان مع العابها :/

 

[ذهبيه مرصعه بألماس]

بالنسبه للأكل : آنا آخذ من كارفور و أيس و مركز سلطان و احيانا احصل شغلات بالجمعيات..

بالنسبه للمباركيه سرداب الشايع :

آخذ من اهناك الاساور اللي تحطون فيها احرف كرستال صغار ... و تصغرينهم على حجم الايد ...

خذيت 3 ألوان لون وردي فسفوري ...

و وردي جلد حيه ...

وفضي ...

و حطيت عليهم أحرف اسم القطوه لندن ...


و ركبت جرس وردي خذيته من مستشفى رويال البيطري ب 850 فلس .. وركبته على السبته ...

وشوفو لندونه و اهي تتمخطر و الجرس يرن .. و السوار خليته طوووق لها ...

شكلها يشوق... للاسف ما اعرف انزل صور و لا جااان تحطمتو ( حدي واثقه من جمالها الدخاني )

و في مبارد و فرشاة ورديه خذيتها من محل لقيت عنده عدة البدي كير ... فرشاة كانها فرشاة البيبي ...حلوه حق تمشط القطوه ...

بس قطوتنا تتناجر وياها ...


:jbdwjbd:


على كثر ما نشتريلها فناتق .. كل يوووم نطلع لها بفنتق جديد


شاركونا بنات

 

[sweet cake]

الحين المنتدى يبط الجبد معاي ومابي اكتب رد شطوله وينمسح.. من امس وانا ادخل واكتب هني وينمسح..

لي باك ان شاء الله

 

[eileen]

مشكوره على الموضوع الحلو
اي صج بو ميه فيه شغلات وايد حق لقطاوة انا احب اشتري الفار لول يموتون عليه
او تره همن اذا تعرفون دايسو لي في سوق السالميه عندهم واااااااايد شغلات حلوه حق لقطاوة كل شي تلقين عندهم او سعره مقبول =)

 

[آبـلـہ نـونـو]

يعطيج آلعآآآآفيہ يآ عمري على هآلموضوع .. ~



..

 

[ذهبيه مرصعه بألماس]

صح صح صح ...

دايسو نسيته ....


فعلا فيه شغلات و ابداعات يابانيه ...



يالله بنات فيدونا ...

خلونا نفيد و نستفيد ....

 

[sweet cake]

الاكل من مركز سلطان والرمل طبعا

دايسو حبيب ألبي سواء لقطوتي او لي بكل الحالات مطيحه عنده..بس اللي عندنا قللوا شغلات الحيوانات.. شريت منه الكور اللي فيها جرس وقطوتي ما حبت تلعب فيها الا بحاله وحده.. حطيت كوره او كورتين داخل كرتون كلينكس فاضي وهي تحاول تطلعها.. << تفصصصل على هالحركه..

ماادري ما اذكر شنو شاريه بعد..

اي المشطين من دايسو والشامبو من مركز سلطان واحيانا احيانا سيتي سنتر..

ومااادري شنو بعد اذا تذكرت اقول لكم