الأطباع السلبية في شخصية المرأة الكويتية؟! ما هي برأيك

[Eng.shosha]

يعطيج العاااافيه حبيبتي خوووش موضوع

وآنا أقول يمكن سلبيات المأه الكويتيه هي الحش والنميمه

وتم التصويت

 

[أنــثــى]

انا بنظري كل بلد فيه الشين والزين

وخلونا نتكلم عن بنات الكويت بشكل خاص

وخلونا واقعيين كلنا كويتيات وما نرضى الكلام الشين فينا

يعني لا تمدحون سنه احنا ندري شنو احنا

وندري الأغلبية فيهم الصفات السلبيه والشر يعم والخير يخص

يعني بصراحه كل الصفات اللي قلتيها موجوده بس بنسب متفاوته من بنت لي بنت حسب شخصيتها وتربيتها


بس بذكرج أختي بشغله :

1- التحلطم وتشيينه النفس وشح الأبتسام شي مو اساسي صفات عاادية مالها شغل اتوقع والعناد والحساسية وكثرة الأسئلة!!

ماادري اعتبرها أشياء عاادية مو منتشرة إلا قليل بس صفات سلبية وااقعية لازم نتكلم فيها


يعني مثلا ليش ما تقولين عن الوازع الديني لبنات الكويت!! الأخلاق! دورها في المجتمع! تصرفاتها كزوجة كأم! مدى إلتزامها بالعادات والتقاليد؟

أتوقع بنات الكويت الأغلبية يفشلون اذا سوو اختبار فيه


ولا نسيتو استفتاء مجلة زهرة الخليج عن أكثر بنات يهتمون بالموضه اهم الكويتيات وهالشي مو فخر لإن الموضه مو للملأ وهالشي نتحاسب عليه لنا إن احنا نظهر مفاتنا لكل الرجال مافي شي اسمه حرية شخصية أو أكشخ لنفسي هذا كلام اتقص فيه على نفسها؟
ولمن سووو استفتاء عن الثقافه الدينية وجذي طلعوا بنات الكويت أخر بنات يفهمون بالشي وهالشي يفشل ترى هالشي يفشل جدام ربنا

بالنهاية كل بنت مسؤولة عن نفسها ومو كل كويتية ينطبق عليها اللي قلت وقلتيه وترى بنات الكويت فيهم الخير -البعض-

بس لولا العادات الدخيلة اللي خربت المجتمع والأهل راضين؟!

والإختبار اللي ايبيون فيه بنات الكويت 100% اهو القز و الشوبنق والهياته مطاعم مجمعات سينما والحش شي اكيد والحسد ووجودهم على طول بأماكن تجمع الشباب!

الله يجزيه خير الشيخ نبيل العوضى تكلم عن هالظاهره بس ماكو فايده!

ووووين حريم أول تمشي يم الطوفه من الحيا ما ترفع عينها عن الأرض أما اللحين اهي اتحرش بالشباب عيني عينك واتحرش بريال مع مرته

والكل يدري ولا ليش الناس برا اتحجي عنا لإن في بنات فشلونا برا صج فشلونا وعرفوا االناس سمعة بنات الكويت للأسف مع ان الكل مو جذي

بس الي برا يعمون ان الكل جذي من اللي شافوه لأنهم شافو الأغلبية وهالبنات ما يمثلون بنات الكويت كلهم بس شوهوا صورتنا!

الله يهدي الجميع

 

[كويتيه مذهله 87]

تم التصويت

انا عندي كلهم

 

[M!SS CHARISMA]

السلبيات اللي ذكرتيها موجوده في كل البنات في كل بنات الوطن العربي و الشرق الاوسط

والدول الاوربيه والاسياويه والافريقيه وشمال امريكا وجنوب امريكا واستراليا حتى في القطب الشمالي والجنوبي

بناااااااااات الكويت مافي مثلهم موعلشان انا كويتيه

السنع والتكانه والذوق كل عند بنات الكويت

مره سوو مقابله مع لاعب اسباني وقع عقد مع نادي القادسيه

سألوه شنو مواصفات فارسة أحلامك؟

قال : اتمنى اتزوج كويتيه لاني تعرفت على وايد بنات من كل الجنسيات كلهم مصلحجيات

يحبوني علشان فلوسي ولاني لاعب مشهور

الكويتيه متواضعه وذكيه ومثقفه وتتكلم لغات ومخلصه وجميله وانيقه وحساسه

وعاطفيه وحنونه وصبوره ومحتشمه وتحب عايلتها

وتحافظ على سمعتها وشرفها ومحترمه

وقال انا مستعد اتعلم كويتي علشانها واسلم علشانها :eh_s(6):

واااي اي لاعب هذا خل اروووح له لوووووووووووول يحليله صج عنده ذوووق :dddds:

اي نسيت تم التصويت :tek:

 

[z.alsayegh]

الحساسية المفرطة والتشره والزعل

يعطيج العافيه​

:tek::eh_s(3):

 

[coffee]

أميرة الورد حياج الله وهذا رايها الخاص وياليت ما يكون في شد في الموضوع .. وانا ما عممت في الموضوع لذا اقتضى التنويه

أم عبدالمحسن- z. alsayegh
الله يعافيكم حبايبي وتسلمون على المشاركه وحياكم الله

أنثى حياج الله اختي ومثل ما ذكرت وذكرتي الشي نسبي علشان جذي في تفاوت بالتصويت والآراء .. واستفتاء مجلة زهرة الخليج مو بالضرورة يمثل الواقع لان اول وتالي استفتاء يختلف باختلاف المشاركات فيه.. وما نقدر نقول 100% على اي شي مع احترامي لرايك وراي الكاتب اللي ذكرتيه .. والله يهدي الجميع

كويتية مذهله - chocolate90
حياكم الله حبايبي

 

[FOZQ8]

مرحبااا كوفي شلونج
تم التصويت

اذا كنتي بره الديره ش تعرفين ان اللي يمج كويتي او كويتيه ؟؟؟ لا لا مو من الشكل من الخززززز لووووول

انا هالصفه أكرهها !! ماتدرين تبتسمين والا تكاسرينها بالعيون والا شنو ! المشكله تبتسمين لها تعفس الويه والا تبقق عيونها !!
الحمدالله والشكر

 

[FOZQ8]

اي في صفه ما حطيتيها
على كثر مالغرور منتشر على كثر ما ترخص روحها جدام الريال
يعني الرياييل قاموا يموقون ويشوفون روحهم بسبت البنات
لان البعض تحسسه ان مثل الفقع مره بالسنه يطلع واهما اكثر من الهم على القلب .. يخزووون الرياييل ووين سوالف الشباب يقلقسون عندهم
لا والمتزوجه لو تمر قطوه يمها اهي وريلها ودها تخشه عنها اشدعواااا وتصير اطالع البنت واطالع ريلها مو ملحقه تبي تشوف منو يخز أول اخخخخخخ

وهم شغله ثانيه يعني الريل يخون اسكت يخز اسكت ما يصرف اسكت اطيح عليه مره ثانيه هم اسكت ما يسوي اي شي من واجباته ويهزيء أهلي اسكت
قضبي بيتج
خليج قاعده
هذا ريلج
!!
يعني لو تحط له حد من اول شي يتمادى !!

والا البنت تكون متعلمه وتعبانه على روحها ايي واحد شهادته متوسطه يقولون لها اي عادي اخذيه تبين الستر خوو اهيا مفصخه اذا ما خذته ؟؟ تنطر ولد الحلال اللي مثلها تعليميا مافيها شي
ليش البنت ببتنازل عن شروطها واحلامها
واذا الريال يبي يتشرط حتى لوووون بشرتها يذكره ويتشرط فيه
اي ندري اهم شي الاخلاق
بس اذا اهوا الأخ توه يخطبها وماتعرف بأخلاقه شي الا من حجي الناس ليش ما يكون على حسب ما انا أبي وما طلبنا شي فظيع يبا شهاده مثل شهادة البنت وشكله مقبووول
يعني اذكر وحده تقول تقدملي واحد جيييكر حده
ترد عليها الثانيه اي وشنو يعني اهم شي اخلاقه
انزين اهيا ما بلعت شكله واخلاقه شعرفها فيها !! بالله هذا حجي
مثل ما اهما يتشرطون بالشكل وحتى الحين بالوظيفه ليش البنت ما يحق لها تتشرط !! مو كل يوم تتزوج

 

[coffee]

FozQ8 أهلين يا قمر انا بخير عساج بخير لووووووووووووووول انا اللي تخزني ابتسم فاتوهق فقيره يا تبتسم واهي مي مشتهيه او تصد جنه مو اهي اللي خازه هههه .. والله يبتيها على الجرح وما اقدر ازيد على كلامج الا ان مجتمعنا مجتمع رجال للاسف المراه دائما تابعه او مهمشه وهذا السبب يمكن ان بعض البنات يتنازلون عن اشياء وايد ويتبعون سياسة "مع الخيل يا شقرا" علشان يتاقلمون مع تيار المجتمع.. وحياج الله حبيبتي نورتي الموضوع بمرورج الحلو

 

[*سوسو ستار*]

طبعا السلبيات اللي انقالت مو بالكويتيات كلهم البعض منهم



اكبر سلبيه منتشره عندنا بالكويت بكثررررره اهيا



( الخزززززز )



مو بس بالكويتين بالخليجيين عموما اذا كنتي مسافره ديره اجنبيه تعرفين الخليجيين من خزهم



بعد في سلبيه تكثر بمجتمعنا الخليجي الي اهي البذخ وحب المظاهر زياده عن اللزوم والتشيحط (انا سافرت وانا سويت وانا شريت وريلي شرالي )



هذي السلبيات اللي اكثر شي اكرههاا واكرر واقول ان مو كل الكويتيات يتصفون بهالصفات البعض وليس الكل

 

[coffee]

سوسو ستار حياج الله

 

[.>حــــــــ(و)ـــراء<.]

الحـــــــــــــــــــــــــــــــــش & النميـــــــــــــــــــــــمهـ

الشغلتيـــــــــــــــن هذيــــــــــــــــــــل أســــــــــــــــــاسيهـ

عند أغلــــــــــــــــــــــــــب البنـــــــــــــــــــــــــــــــــــات

و يعطيــــــــــــــــج العافيــــــــــهـ على الموضوع المميــــــــــــــز​

 

[coffee]

كويتية دلوعة الله يعافيج حبيبتي وحياج الله

 

[البطريقة البردانة]

أهوا صحيح الكلام المذكور موجود في كل المجتمعات و لكن في الكويت مجتمعنا صغير و الشر يعم مثل ما يقولون فالشي يكون واضح حيل غير لما يكون مجتمع كبير....للأسف طبعا مو الكل ....(البعض) يعطي صورة مو هلقد عن الديرة و البنات هلأيام ( جني وحده مو منهم لوووووووووووووووول إي صح تذكرت أنا بطريقة ) ما قصروا الصراحة و حدهم مه في السطحية و صاروا كلهم طقه وحده ما أدري شلون ...جد شي يحبط خصوصا لما يكون الواحد قلبه على الديرة حيل مثلي يبي الديرة ترتقي و تصير أحسن

 

[coffee]

البطريقة البردانة هههه خوش صوره ان شاءالله هالامور السطحية تختفي وحياج الله حبيبتي

 

[جاي الضحى]

هلا عسوله كوفي...

قعدت أتمقل بالاختيارات على بو أنقي واحد...بس شفت إن كل هالاطباع منتشره... غميضه......بس صوت حق أكثر شي كان يزعجني...تشيينة النفس وشح الابتسام ...هالشي كان يضايقني جدا...يعني أنا ما ابيي الوحده تصير إرقوز ولا رقله تظحك وتبوسم...لأ أدري هالشي غلط وحالة الوحده راكده محترمه...بس أنا أقصد إلي الله يا كفي تمشي جنها اهي الوحيده على الأرض يمر يمها ياهل خاطر إدوسه......وتطالعج نظره ما فيها خير وطيبه ...نظرة غرور ومرض يالله العافيه.....الله يهدي هالفئة...كانو يزعجني الحين صارو يكسرون خاطري...الله يصلحهم ويرحمنا واياهم برحمته...الغرور والتكبر شي سهل بس التواضع مو الكل يقدر يتحلى فيه إلا إلي الله راضي عليه... أنا اشتكي مو لأني ما أحب بنات ديرتي...أحبهم وأحب إلي يحبهم وما نرضى أحد غريب يقول عنهم شي... بس من كلامي ودي تنتبه إلي مو منتبها...​

 

[coffee]

أهلين جاي

ههه تقدرين تختارين اكثر من شي.. لووول والله صاجه الوي المريح يريح غيره ومو شرط تكون كريكره.. اللهم آمين تسلمين على هالدعوه الحلوه ورايج الجميل ومرورج الأجمل

 

[شكارة الكويتية]

انا رايي بصراحة ومن خلال تجربتي الشخصية مع البنات بقول عن الاشياء السلبية في كثير من البنات وهي اولا حب الذات والتكبر وثانيا الحسد وثالثا الحقد ورابعا الحش هذه ابرز صفات الكثير من البنات السلبية واتمنى لكل من تقرا ردي ان لا تتضايق منه لاني صريحة واقول كل ما عايشته مع رفيجات او اخوات من التصرفات السلبية