السلام عليكم اليوم طبقت هالكيكه اعتقد اسمها بساط الريح وانا بسميها السدو لانه الاقرب لها احس
لعضوه والله ما اذكر اسمها وحتى الطريقه والمقادير كنت مرسلتهم بلوتوث لتلفوني عشان احفظها فيه
اتاسف للعضوه صاحبة الطبق زوياليت من تعرفها تذكر اسمها او تجيب الرابط
والحين شوفوا تطبيقي
بنزل المقادير والطريقه
بس حبيت اذكر شغله انا اضفت لها الكيك
المقادير :::
كيك فانيلا
بسكويت شاي
كريمه كي دي دي
دريم ويب واحد
قيمر واحد
4 ملاعق كاكاو بودره
فنجان سكر
8 اصابع كت كات
لتزيين ::
فستق ناعم
اوريو
جوز الهند ابيض
جوز الهند محمص
الطريقه ::
يقطع الكيك ويصف بالبايركس
نحط بالخلاط جميع المقادير عدا البسكويت ونخلطها عدل
ونصبها على الكيك مجرد انه مايغطيه بس
ونغمس البسكويت بحليب ونصفه فوق الكيك ونحط باقي الخلطه
ونزينها بسكويت اوريو منزوع الكريمه ومطحون ناعم
وجوز الهند ابيض
وجوز الهند محمص
وفستق ناعم
وبالعافيه عليكم
